Psalms 17 (SUSU2)
1 دَوُدَ شَ عَلَ مَشَندِعَلَتَلَ، ﭑ مَ مَشَندِ رَ مّ تِنشِنيِ شَ قٍ رَ.عِ تُلِ مَتِ ﭑ وَ شُي رَ.عِ تُلِ مَتِ ﭑ مَ مَشَندِ شُي رَ وُلٍ مُ نَ نَشَن كُي. 2 عِ شَ ﭑ مَ كِيتِ بٌلٌن،بَرِ مَ نَشَن تِنشِن، عِ نَ كٌلٌن. 3 عِ نَ ﭑ بْحّ مَتٌ كْي رَ،عِ نَ ﭑ مَ دُنِحّءِفِرِ مَتٌ يَنيِ رَ،عِ مُ تَنتَنيِ يٌ تٌمَ ﭑ نَ.ﭑ مُ تِنمَ وْيّن حَاشِ شَ مِنِ ﭑ دّ عِ. 4 مِشِ فبّتّيٍ قٍ حَاشِ رَبَمَ،كْنْ ﭑ تَن بَرَ عِ شَ يَامَرِ سُشُ.ﭑ مُ بِرَ مَ سُوتٍيٍ شَ كِرَيٍ قْشْ رَ. 5 ﭑ بِرَ مَ عِ تَن نَن قْشْ رَ،ﭑ مُ نَ كِرَ بّحِنمَ. 6 عَلَ، ﭑ عِ شِلِمَ نّ، بَرِ مَ عِ يَابِ قِمَ مِشِ مَ.يَندِ، عِ شَ عِ تُلِ مَتِ ﭑ مَ مَشَندِ رَ. 7 عِ شَ هِننّ مُشُ رَ،عِ تَن نَشَن مِشِيٍ رَكِسِمَ عٍ يَشُييٍ مَ،نَشٍيٍ يِفِيَ قٍنمَ عِ رَ. 8 مّينِ ﭑ مَ عَلْ عِ يَ قِرِنيِيٍ.ﭑ نْشُن عَلْ تْشّيْرّنَشَن عَ نْشُنمَ عَ نفَ فَبُتٍنيِيٍ بُن مَ. 9 نَ نَ عَ تٌمَ، مِشِ حَاشِ نَشٍيٍ ﭑ نَبِلِنشِ،عٍ مُ نْمَ ﭑ نَ. 10 يّتّ عِفبٌي نَن عٍ رَ، عٍ دّ عِفبٌ. 11 عٍ بَرَ قَ ﭑ قْشْ رَ يَكْسِ،عٍ ﭑ نَبِلِن، عٍ عَلَكٌ عٍ شَ ﭑ قَشَ. 12 عٍ لُشِ عَلْ يّتّ نَشَن سُبٍ قٍنمَ،عَلْ يّتّ كَامّشِيٍ نَشٍيٍ فبَتَشِ سُبٍ قَشَدٍ. 13 عَلَتَلَ، كٍلِ! ﭑ يَشُييٍ فٍرٍ، عِ شَ نْ عٍ رَ.ﭑ نَتَنفَ مِشِ حَاشِيٍ مَ عِ شَ سَنتِدّفّمَ رَ. 14 ﭑ نَتَنفَ نَ دُنِحَ مِشِ مْولِيٍ مَ،نَشٍيٍ عٍ مَسُندِ سْتْمَ يِ دُنِحّءِفِرِ فبَنسَن كُي.عٍ رَلُفَ نَ مَسُندِ رَ، عِ نَشَن نَفَتَشِ عٍ بّ.عٍ شَ دِيٍ قَن شَ وَ سَ نَ رَ،عَ دْنشْي شَ لُ عٍ شَ مَمَدِيٍ بّ! 15 كْنْ ﭑ تَن قَمَ نّ عِ يَتَفِ تٌدٍ تِنشِنيِ سَابُي رَ.ﭑ نَ شُنُ، ﭑ وَ سَمَ نّ عِ يَتَفِ رَ.