1 Chronicles 9 (YAPE)

1 Urngin e girdi’ nu Israel e nni yoloy fithingrad nga babiyoren e pi tabnaw nrabad riy, ma pi chep ney e kan yoloy ngalan Fare Babyor Ni Chepin E Pi Pilung Nu Israel.Ma girdi’ nu Judah e npi’rad nga Babylon ni ngar kalbusgad ni bochan e denen rorad. 2 Pi’in nsom’on nra sulod ngalan e pi binaw ni taferad e bmu’un e girdi’ nu Israel ngay, nge prist, nge pi Levite, nge girdi’en e maruwel u Tempel. 3 Girdi’ ko ganong nu Judah, Benjamin, Efraim, nge Manasseh e ranod ni ngar pired u lan yu Jerusalem. 4 4-6 Immoy 690 e tabnaw nu lan fare ganong rok Judah ni ur pired u lan yu Jerusalem.Pi’in owchen Perez nib mo’on ni fak Judah e Uthai e ir e ma yog e thin rorad, ni be’ nib mo’on ni fak Ammihud ma Omri e tutuw rok. Ma ku boch e pi ga’ rok kakrom e bmu’un Imri nge Bani ngay.Pi’in owchen Shelah ni be’ nib mo’on ni fak Judah e Asayah e ir e ma yog e thin rorad, ni ir lolgen e tabnaw rok.Pi’in owchen Zerah nib mo’on ni fak Judah e Jeuel e ir e ma yog e thin rorad. 7 7-8 Tin ba’aray i girdi’en fare ganong rok Benjamin e ur pired u Jerusalem:Sullu nib mo’on ni fak Meshullam, ni ir fare mo’on ni fak Hodaviah, nib mo’on ni fak HassenuahIbneyah nib mo’on ni fak JerohamElah, nib mo’on ni fak Uzzi ni Mikri e tutuw rokMeshullam nib mo’on ni fak Shefatiah, nib mo’on ni fak Reuel, nib mo’on ni fak Ibnijah 9 Re ganong ney e 956 e tabnaw riy ni ur pired u rom. Urngin e pi pumo’on ni kanog fithingrad e lolgen bogi tabnaw. 10 10-12 Tin ba’aray e prist e u ra pired u Jerusalem:Jedayah, Jehoyarib, nge JakinAzariah nib mo’on ni fak Hilkiah (ir e ba tolang u lan fare Tempel), pi chitamngin kakrom e ba mu’un Meshullam, Zadok, Merayoth, nge Ahitub ngayAdayah nib mo’on ni fak Jeroham, ni pi ga’ rok kakrom e ba mu’un i Pashhur nge Malkijah ngayMaasai nib mo’on ni fak Adiel, pi ga’ rok kakrom e ba mu’un i Jahzerah, Meshullam, Meshillemith, nge Immer ngay 13 Pi prist ni yad lolgen e pi tabnaw e yad 1,760 u gubin. Go’ yad ba salap u gubin e maruwel ni yima rin’ u lan e Tempel. 14 14-16 Tin ba’aray ko pi Levi e ur pired u Jerusalem:Shemayah nib mo’on ni fak Hasshub, ni pi ga’ rok kakrom e ba mu’un i Azrikam nge Hashabiah ngay ko fare ke girdi’ rok MerariBakbakkar, Heresh, nge GalalMattaniah nib mo’on ni fak Mika, ni pi ga’ rok kakrom e ba mu’un i Zikri nge Asaf ngayObadiah nib mo’on ni fak Shemayah, ni pi ga’ rok kakrom e ba mu’un Galal nge Jeduthun ngayBerekiah nib mo’on ni fak Asa ma Elkanah e tutuw rok, ni i par u lan e gin nib mil suwon ko fachi binaw nu Netofah 17 Tin ba’aray e tamatnag u Tempel ni ur pired u Jerusalem: Shallum, Akkub, Talmon, nge Ahiman. Me Shallum e ir e ma gafaliyrad. 18 I mada’ ko ngiyal’nem ma chonggin e yuke girdi’ rorad e yad ma par ko bin ngek e garog rok e en pilung. Ma kafram e ur matnaggad ko fapi garog ni yan ko gin i par e piyu Levi riy. 19 Shallum nib mo’on ni fak Kore ma Ebiasaf e tutuw rok, nib mu’un girdi’en fare ke girdi’ rok Korah ngay, yad e maruwel rorad ni ngar matanagiyed langan fare Tent u p’eowchen SOMOL, nri bod ni i rin’ e pi chitamngirad kakrom nnap’an ni yad e yad ma guy ni ngi i par ni bfel’ rogon fare Tent rok SOMOL. 20 Finehas nib mo’on ni fak Eleazar e i gagiyeg nagrad ko re maruwel nem bangiyal’, ma immoy SOMOL rok. 21 Zekariah nib mo’on ni fak Meshelemiah e ku ir reb e matnag u langan fare Tent u p’eowchen SOMOL. 22 Pi pumo’on nni mel’egrad ni ngar matnagiyed fapi garog e yad 212 u gubin. Ra bagyad ma bay fithingan ni kan yoloy nga babyoren e girdi’ nu lan e binaw rok. I David ni Pilung nge Samuel ni profet e yow e ra tew e pi chitamngin e pi cha’ney kakrom ko pi maruwel ney. 23 Yad nge pi’in owcherad e dar talgad i matnagiy fapi garog ko fare Tempel. 24 Gubin yang ma bay reb e garog riy, reb ko lel’och, reb ko yimuch, reb ko ngek, nge reb ko ngal, ma ra reb ma bay riy reb e tolang ko matnag. 25 Pi matnag ney e i aywegrad pibe’ rorad, ni yad ma par u lan fapi binaw, medlip fen nra ayuw boch i yad ko matnag min thil nge yib reb e ulung ngay. 26 Pi’in tolang ko matnag e aningeg i Levite, ma yad e ba milfan urngin ban’en u rom ngorad. Ma ku yad e ba milfan e senggil u lan fare Tempel ngorad nge urngin e tin yima cha’riy u rom. 27 Yad ma par u to’oben fare Tempel, ni bochan e maruwel rorad ni ngar matnagiyed ma ngu’ur binged fapi garog ni gubin e kadbul. 28 Ku boch piyu Levi e ba milfan ngorad bangbengen e pin’en ni yima fanay ko gam’ing ko liyor. Yad ma the’eg e pin’em ko ngiyal’ ni kanfek nga waen nge ngiyal’ ni kan fulweg, ni gubin yay ni yad be maruwel ngay. 29 Ma ku boch i yad e be guy ni dabi buch ban’en ko tin ba’aram e talin e maruwel nib thothup, nge flowa, wayin, gapgep ni olive, incense, nge pi spice. 30 Machane fapi spice ni yima athkuy, e maruwel rok e pi prist. 31 Reb e pi Levite ni Mattithiah fithingan, ni bin nganni’ ko pagel ni fak Shallum ko fare ke girdi’ rok Korah, e ir e ba milfan ngak i ngongliy fapi maligach ni yima wumnag. Ni yima wumnag e ir e ba milfan i ngongliy ngak. 32 Chon fare ke girdi’ rok Kohath e ba milfan ngorad i bangbengnag fare flowa nib thothup ni fen fare Tempel ni gubin e Sabbath. 33 Ma boch e tabnaw pi Levite e ba milfan ngorad e musik ko fare Tempel. Pi’in lolgen e pi tabnaw ney e yad ma par u lan boch e senggil u Tempel mda ku nir yin’ daken e maruwel rorad, ni bochan e yad ma rin’ e maruwel rorad ni rran nge nep’. 34 Fapi pumo’on ni ka’anog fithingrad e yad lolgen e pi tabnaw ko Levite, nrogon e tha’ ko pi chitamngirad kakrom. Yad e pi tayugang’ ni ur pired u Jerusalem. 35 Jeyel e sunmiy fare binaw nu Gibeon nge par riy. Me Maakah fithingan le’engin. 36 Me Abdon e bin nganni’ e pagel ni fak, ma ku boch pagel ni fak e Zur, Kish, Baal, Ner, Nadab, 37 Gedor, Ahio, Zekariah, nge Mikloth, 38 ni chitamngin Shimeah. Pi’in owcherad e ur pired u Jerusalem u to’oben boch e tabnaw ko fare ke girdi’ rorad. 39 Ner e chitamngin Kish, me Kish e chitamngin Saul. Me Saul e aningeg e pagel ni fak: Jonathan, Malkishua, Abinadab, nge Eshbaal. 40 Jonathan e chitamngin Meribbaal ni ir e chitamngin Mikah. 41 Mikah e aningeg e pagel ni fak: Pithon, Melek, Tarea, nge Ahaz. 42 Ahaz e chitamngin Jarah, ni ir e chitamngin dalip i pagel: Alemeth, Azmaveth, nge Zimri. Me Zimri e chitamngin Moza, 43 Moza ni chitamngin Binea, Binea ni chitamngin Refayah, Refayah ni chitamngin Eleasah, nge Eleasah ni chitamngin Azel. 44 Me Azel e nel’ e pagel ni fak: Azrikam, Bocheru, Ishmael, Sheariah, Obadiah, nge Hanan.

1 Chronicles 9 (YAPE)

In Other Versions