Nehemiah 7 (MAAL)
1 ዬያይዲ ኬኤሎ ዲራ ኮሺንቲ ጋፔኔ፤ ዬያ ዲሮኮ ካራ ቢያ ቤዛ ቤዛ ጊኢጌኔ፤ ዬካፓ ጌኤዦ ማኣሮ ካፓ ዓሳ፥ ዓይኑሞ ዓይናዻ ዓሶንታ ሜሌ ሌዊ ዓሶንታም ማዾ ማዾ ቤዛ ዒንጊንቴኔ። 2 ታኣኒ ዬሩሳላሜ ካታሞ ዎይሣንዳጉዲ ላምዖ ዓሲ ዶኦሬኔ፤ ዬንሢያ፦ ታ ጌርሲ፥ ሃናኒና ዋርዲዮ ቤዞኮ ሱኡጋሢ ሃናኒያናኬ፤ ሃናኒያ ፆኦሲ ዒጊቹሞና ፒዙሞናኮ ዒዛና ቤቃ ዓሲ ባኣያኬ። 3 ዒማና ታ ዔያቶ ዓይሤሢ ዬሩሳላሜ ካታሞኮ ዲሮ ካሮ ጉቴ ዓባ ፆርቂ፥ ዋልዒ ሚቹዋንቴ ቡሉዋጉዲ ጌይኬ፤ ሃሣ ዒባኖ ዓባ ጌሌስካፓ ካሮ ካፓ ዓሳ ፔ ማኣሪ ዓኣዻንዳሢኮ ቤርታ ዲሮ ካሮ ጋጋርቂ፥ ሃሣ ቁልፒ ዎዻንዳጉዲ ታ ዓይሤኔ። ዬያጉዲ ሃሣ ዔያታ ፔኤሮ ዬሩሳላሜይዳ ናንጋ ዴሮ ባኣካፓ ካፓ ዓሲ ዶኦሪ፤ ሃሣ ዬያቶይዳፓ ፔቴ ፔቴ ዓሶ ዛላ ቤሲኮ ሱኡጌ ማሂ ጌሣንዳጉዲ፥ ዓቴ ዓሶ ሃሣ ፔኤኮ ማኣሮ ካራ ካራ ዔቂ ካፓንዳጉዲ ላቲ ታ ዔያቶም ኬኤዜኔ። 4 ዬሩሳላሜ ዼኤፒና ዳልጊ ካታማ ማዔኔ፤ ጋዓንቴ ዒዞይዳ ናንጋ ዴሮኮ ፓይዳ ዻካኬ፥ ሃጊ ሚርጌ ማኣሪ ማዢንቲባኣሴ፤ 5 ፆኦሲ ዴሮና ዔያቶኮ ሱኡጎ ማዔ ቢታንታ ዓኣ ዓሶ ታ ቡኩሳንዳጉዲና ዔያቶ ማኣሮ ዓሶኮ ሾይንቶ ዜርፆ ፃኣፖና ጎይፆ ታ ዛጋንዳጉዲ ታና ማሊሴኔ፤ ዒማና ቤርታዺ ዲዒንታፓ ማዔ ዓሶኮ ዜርፆ ዎሊ ሄሊሲ ፃኣፖናያ ታ ዴንቄኔ፤ ዬይ ታ ዴንቄሢ ሃካፓ ዴማ ዓኣ ጎይፆኬ፦ 6 ዲዒንቶይዳፓ ሚርጌ ዓሲ ባብሎኔ ዓጫፓ ዔቂ፥ ዬሩሳላሜና ዪሁዳ ዓጮና ባንሢ ማዒ ማዒ ፔቴ ፔቴሢ ፔኤኮ ካታሞ ካታሞ ጌሌኔ፤ ዬኖ ዎዶና ናብካዳናፆኦሬ ዲዒ ዔኪ ዓኣዼስካፓ ዓርቃዖ ዬኖ ዓሶኮ ማኣሮ ዓሳ ባብሎኔ ዓጮይዳ ናንጋኔ። 7 ዲዒንታፓ ዔያታ ማዔ ዎዶና ዔያቶኮ ሱኡጎ ማዔ ዓሳ፦ ዜሬባቡሌ፥ ዒያሱ፥ ኔሄሚያ፥ ዓዛሪያ፥ ሬዓሚያ፥ ናሃማኒ፥ ሜርዴኪዮሴ፥ ቤልሻኔ፥ ሚስፔሬቴ፥ ቢግዋዬ፥ ኔሁሜንታ ቤዓናንታኬ። 8 8-25 ዲዒንታፓ ማዔ ዓሶኮ ፔቴ ፔቴ ቶኦካፓ ኬስኪ ኬስኪ ፃኣፒንቴ ዒስራዔኤሌ ዓሶ ቶኦኮና ሾይንቶ ዜርፆ ሚርጉሞ ፓይዳ ሃካፓ ዴማ ዓኣ ጎይፆኬ፦ፓርዖሼ ቶኦካፓ ፃኣፒንቴ ዓሳ ላምዖ ሺያና ፄኤታና ላንካይታሚ ላምዖ ዓሲሼፓፂያ ቶኦካፓ ሃይሦ ፄኤታና ላንካይታሚ ላምዖ ዓሲዓራሄ ቶኦካፓ ላሆ ፄኤታና ዶንጊታሚ ላምዖ ዓሲዒያሱና ዒዮዓቤና ቶኦካፓ ማዔ ፓሃትሞዓኣቤ ቶኦካፓ ላምዖ ሺያና ሳሊ ፄኤታና ታጶ ሳሊ ዓሲዔላኣሜ ቶኦካፓ ፔቴ ሺያና ላምዖ ፄኤታና ዶንጊታሚ ዖይዶ ዓሲዛቱ ቶኦካፓ ሳሊ ፄኤታና ዖይዲታሚ ዶንጎ ዓሲዛካዬ ቶኦካፓ ላንካይ ፄኤታና ላሂታሚ ዓሲቢኑዬ ቶኦካፓ ላሆ ፄኤታና ዖይዲታሚ ሳሊ ዓሲቤባዬ ቶኦካፓ ላሆ ፄኤታና ላማታሚ ሳሊ ዓሲዓዝጋኣዴ ቶኦካፓ ላምዖ ሺያና ሃይሦ ፄኤታና ላማታሚ ላምዖ ዓሲዓዶኒቃሜ ቶኦካፓ ላሆ ፄኤታና ላሂታሚ ላንካይ ዓሲቢግዋዬ ቶኦካፓ ላምዖ ሺያና ላሂታሚ ላንካይ ዓሲዓዲኔ ቶኦካፓ ላሆ ፄኤታና ዶጊንታሚ ዶንጎ ዓሲሂዚቂያሴ ጌይንታ ዓፄሬ ቶኦካፓ ታዞጲታሚ ሳሊ ዓሲሃሹሜ ቶኦካፓ ሃይሦ ፄኤታና ላማታሚ ሳሊ ዓሲቤፃዬ ቶኦካፓ ሃይሦ ፄኤታና ላማታሚ ዖይዶ ዓሲሃሪፔ ቶኦካፓ ፄኤታና ታጶ ላምዖ ዓሲጌባዖኦኔ ቶኦካፓ ታዞጲታሚ ዶንጎ ዓሲ ፃኣፒንቴኔ። 26 26-38 ሃካፓ ዴማ ዓኣ ካታሞንሢዳ ናንጋ ቤርታኣ ዓዶንሢ ዲዒንታፓ ማዔዞንሢኬ፦ቤቴልሄሜና ኔፆፓናይዳ ፄኤታና ሳሊታሚ ሳሊ ዓሲ ናንጌኔዓናቶቴይዳ ፄኤታና ላማታሚ ሳሊ ዓሲቤትዓዝማዌቴይዳ ዖይዲታሚ ላምዖ ዓሲቂርያትይዓሪሜይዳ፥ ኬፒራና ቤዔሮቴናይዳ ላንካይ ፄኤታና ዖይዲታሚ ሃይሦ ዓሲራማና ጌባዔናይዳ ላሆ ፄኤታና ላማታሚ ፔቴ ዓሲሚክማሴይዳ ፄኤታና ላማታሚ ላምዖ ዓሲቤትዔሌና ዓይናይዳ ፄኤታና ላማታሚ ሃይሦ ዓሲላምዓሳ ኔቦይዳ ዶንጊታሚ ላምዖ ዓሲላምዓሳ ዔላኣሜይዳ ፔቴ ሺያና ላምዖ ፄኤታና ዶንጊታሚ ዖይዶ ዓሲሃሪሜይዳ ሃይሦ ፄኤታና ላማታሚ ዓሲዒያርኮይዳ ሃይሦ ፄኤታና ዖይዲታሚ ዶንጎ ዓሲሎዴ፥ ሃዲዴና ዖኖናይዳ ላንካይ ፄኤታና ላማታሚ ፔቴ ዓሲሴናዓይዳ ሃይሦ ሺያና ታዞጳ ፄኤታና ሃይሢታሚ ዓሲ ናንጌኔ። 39 39-42 ዲዒንቶይዳፓ ማዔ ቄኤሶ ቶኦካ ሃይፓ ዴማ ፓይዲንታ ጎይፆኬ፦ዒያሱ ቶኦኮ ማዔ ዪዳዒያ ቶኦካፓ ታዞጳ ፄኤታና ላንካይታሚ ሃይሦ ዓሲዒሜሬ ቶኦካፓ ፔቴ ሺያና ዶንጊታሚ ላምዖ ዓሲፓሽሁሬ ቶኦካፓ ፔቴ ሺያና ላምዖ ፄኤታና ዖይዲታሚ ላንካይ ዓሲሃሪሜ ቶኦካፓ ፔቴ ሺያና ታጶ ላንካይ ዓሲ ማዔኔ። 43 43-45 ዲዒንታፓ ማዔ ሌዊ ዓሶ ቶኦካ፦ሆዳውያ ቶኦኮ ማዔ ዒያሱና ቃድሚዔሌና ቶኦካፓ ላንካይታሚ ዖይዶ ዓሲዓሳኣፔ ቶኦኮ ማዒ ጌኤዦ ማኣሮይዳ ዓይኑሞ ዓይናዻ ዓሶ ቶኦካፓ ፄኤታና ዖይዲታሚ ሳሊ ዓሲሻሉሜ፥ ዓፄሬ፥ ፃልሞኔ፥ ዓቁቤ፥ ሃፂፃና ሾባዬና ቶኦኮ ማዒ ጌኤዦ ማኣሮ ካፓ ዓሶ ቶኦካፓ ፄኤታና ሃይሢታሚ ሳሊ ዓሲ ማዔኔ። 46 46-56 ዲዒንታፓ ማዔ ጌኤዦ ማኣሮይዳ ማዻ ዓሶ ቶኦካ፦ፂሃ፥ ሃሱፓ፥ ፃባዖቴ፥ቄሮሴ፥ ሲዓ፥ ፓዶኔ፥ሌባና፥ ሃጋባ፥ ሻልማዬ፥ሃናኔ፥ ጊዴሌ፥ ጋሃሬ፥ሬዓያ፥ ሬፂኔ፥ ኔቆዳ፥ጋዛሜ፥ ዑዛ፥ ፓሴሃ፥ቤሳዬ፥ ሜዑኒሜ፥ ኔፓሼሲሜ፥ባቅቡቄ፥ ሃቁፓ፥ ሃርሁሬ፥ባፅሊቴ፥ ሜሂዳ፥ ሃርሻ፥ባርቆሴ፥ ሲሴራ፥ ቴማሄ፥ኔፅሃና ሃፂፓናኬ። 57 57-59 ዲዒንቶይዳፓ ማዔ ሴሎሞኔም ማዻ ዓሶኮ ቶኦካ፦ሶፃዬ፥ ሶፔሬቴ፥ ፔሪዳ፥ያዕላ፥ ዳርቆኔ፥ ጊዴሌ፥ሼፓፂያ፥ ሃፂሌ፥ ፖኬሬቴ፥ሃፄባይሜና ዓሞኦኔናኬ። 60 ዲዒንቶይዳፓ ማዔ ጌኤዦ ማኣሮይዳ ማዻ ዓሶና ሴሎሞኔም ማዻ ዓሶ ዜርፆኮ ሚርጉማ ሃይሦ ፄኤታና ታዞጲታሚ ላምዖ ዓሲኬ። 61 61-62 ቴልሜላሄ፥ ቴልሃሪሻ፥ ኬሩቤ፥ ዓዶኔና ዒሜሬ ጌይንታ ካታሞ ዙሎ ጉርዳፓ ማዔዞንሢ፦ ዴላያ፥ ፆቢያና ኔቆዳ ቶኦኮኮ ሚርጉማ ላሆ ፄኤታና ዖይዲታሚ ላምዖኬ፤ ያዺ ማዔቴያ ዬንሢ ቢያ ዒስራዔኤሌ ዓሶ ዜርፆ ማዔሢ ዔርዛኒ ዳንዳዒሳ ባኣዚ ዔያቶኮ ባኣሴ። 63 63-64 ሃካፓ ሊካ ዴማ ዓኣ ቄኤሶ ቶኦካ ዔያቶኮ ቤርታኣ ዓዶንሢ ሾይንቶ ዜርፆ ጎናሲ ዔራኒ ዳንዳዒባኣሴ፤ ዬንሢያ፦ ሆባዬ፥ ሃቆፄና ባርዚላዬናኬ፤ ቄኤሶ ቶኦኮ ማዔ ባርዚላዬኮ ቤርታኣ ዓዳሢ ጌሌዓዴ ሾይንቲ ማዔ ባርዚላዬ ቶኦካፓ ፔቴ ላኣሊስኬኖ ዔኬኔ፤ ዬያይዳፓ ዔቄያና ባይሲ ቶኦኮ ዻካሊ ዒ ናንጌኔ፤ ዬይ ዓሳ ዔያቶኮ ቤርታኣ ዓዶንሢኮ ሾይንቶ ዜርፆ ጎናሲ ዔራኒ ዳንዳዒባኣሢሮ ቄኤሴ ማዒ ዔያታ ማዻንዳጉዲ ዓይሢንቲባኣሴ። 65 ዬያሮ ዪሁዳ ዓጮ ዎይሣሢ ፆኦሲ ማሊፆ ዱማሲ ዔርዛ ባኮና ማዻ ቄኤሴ ኬስካንዳያ ሄላንዳኣና ፆኦሲም ዒንጊሢ ማዒ ዒንጎ ባኮይዳፓ ዔያታ ሙዓኒ ዳንዳዑዋያ ማዔሢ ዔያቶም ኬኤዜኔ። 66 66-69 ዲዒንቶይዳፓ ማዔ ዴሮኮ ሚርጉማ ዎሊ ዑፃ ዖይዲታሚ ላምዖ ሺያና ሃይሦ ፄኤታና ላሂታሚናኬዓቲንቆና ላኣሎ ካራሞናኮ ፓይዳ ላንካይ ሺያና ሃይሦ ፄኤታና ሃይሢታሚ ላንካይኬ፤ፆኦሲ ቦንቾም ዓይኑሞ ዓይናዻ ዓቲንቆና ላኣሎናኮ ፓይዳ ላምዖ ፄኤታና ዖይዲታሚ ዶንጎዔያቶኮ ፓራሢ ሚርጉማ ላንካይ ፄኤታና ሃይሢታሚ ላሆባቁሎ ሚርጉማ ላምዖ ፄኤታና ዖይዲታሚ ዶንጎጋኣላሢ ሚርጉማ ዖይዶ ፄኤታና ሃይሢታሚ ዶንጎሃሮ ሚርጉማ ላሆ ሺያና ላንካይ ፄኤታና ላማታሚናኬ። 70 70-72 ፔቴ ፔቴ ማኣሮ ዓሶኮ ሱኡጋ ጌኤዦ ማኣሮ ጊንሣ ማዣኒ ማኣዳያ ዱማ ዱማ ባኣዚ ማዼኔ፤ ዔያቶይዳፓ ፔቴ ፔቴዞንሢ፦ዓጮ ዎይሣሢ ሳሊ ኪሎ ማዓ ዎርቄ፥ ዶንጊታሚ ዔቴ ሳኣኔ፥ ዶንጎ ፄኤታና ሃይሢታሚ ቄኤሳ ማኣዓ ማኣዖ ሜሆ ጌሦ ማኣራ ዒንጌኔ።ዱማ ዱማ ቶኦኮ ሱኡጋ፦ ፄኤታና ላሂታሚ ሳሊ ኪሎ ማዓ ዎርቄ፥ ፔቴ ሺያና ላምዖ ፄኤታና ዶንጊታሚ ማዓ ሹቺ ቢራ ዒንጌኔ።ሃንጎ ዓቴ ዴራ ፄኤታና ላሂታሚ ሳሊ ኪሎ ማዓ ዎርቄ፥ ፔቴ ሺያና ፔቴ ፄኤታና ኪሎ ማዓ ሹቺ ቢራና ላሂታሚ ላንካይ ቄኤሴ ማኣዖና ዒንጌኔ። 73 ዬያይዲ፦ ቄኤሳ፥ ሌዊ ዓሳ፥ ጌኤዦ ማኣሮ ካፓ ዓሳ፥ ዓይኑሞ ዓይናዻ ዓሳ፥ ጌኤዦ ማኣሮይዳ ማዾ ማዻ ዓሶንታ ጉቤ ዒስራዔኤሌ ዓሳ ፔ ካታማ ካታማ ዱንኪ ዴዔኔ።