1 Corinthians 7 (SBISS)
1 අපරඤ්ච යුෂ්මාභි ර්මාං ප්‍රති යත් පත්‍රමලේඛි තස්‍යෝත්තරමේතත්, යෝෂිතෝ(අ)ස්පර්ශනං මනුජස්‍ය වරං; 2 කින්තු ව්‍යභිචාරභයාද් ඒකෛකස්‍ය පුංසඃ ස්වකීයභාර‍්‍ය්‍යා භවතු තද්වද් ඒකෛකස්‍යා යෝෂිතෝ (අ)පි ස්වකීයභර්ත්තා භවතු| 3 භාර‍්‍ය්‍යායෛ භර්ත්‍රා යද්‍යද් විතරණීයං තද් විතීර‍්‍ය්‍යතාං තද්වද් භර්ත්‍රේ(අ)පි භාර‍්‍ය්‍යයා විතරණීයං විතීර‍්‍ය්‍යතාං| 4 භාර‍්‍ය්‍යායාඃ ස්වදේහේ ස්වත්වං නාස්ති භර්ත්තුරේව, තද්වද් භර්ත්තුරපි ස්වදේහේ ස්වත්වං නාස්ති භාර‍්‍ය්‍යායා ඒව| 5 උපෝෂණප්‍රාර්ථනයෝඃ සේවනාර්ථම් ඒකමන්ත්‍රණානාං යුෂ්මාකං කියත්කාලං යාවද් යා පෘථක්ස්ථිති ර්භවති තදන්‍යෝ විච්ඡේදෝ යුෂ්මන්මධ්‍යේ න භවතු, තතඃ පරම් ඉන්ද්‍රියාණාම් අධෛර‍්‍ය්‍යාත් ශයතාන් යද් යුෂ්මාන් පරීක්‍ෂාං න නයේත් තදර්ථං පුනරේකත්‍ර මිලත| 6 ඒතද් ආදේශතෝ නහි කින්ත්වනුඥාත ඒව මයා කථ්‍යතේ, 7 යතෝ මමාවස්ථේව සර්ව්වමානවානාමවස්ථා භවත්විති මම වාඤ්ඡා කින්ත්වීශ්වරාද් ඒකේනෛකෝ වරෝ(අ)න්‍යේන චාන්‍යෝ වර ඉත්ථමේකෛකේන ස්වකීයවරෝ ලබ්ධඃ| 8 අපරම් අකෘතවිවාහාන් විධවාශ්ච ප්‍රති මමෛතන්නිවේදනං මමේව තේෂාමවස්ථිති ර්භද්‍රා; 9 කිඤ්ච යදි තෛරින්ද්‍රියාණි නියන්තුං න ශක්‍යන්තේ තර්හි විවාහඃ ක්‍රියතාං යතඃ කාමදහනාද් ව්‍යූඪත්වං භද්‍රං| 10 යේ ච කෘතවිවාහාස්තේ මයා නහි ප්‍රභුනෛවෛතද් ආඥාප්‍යන්තේ| 11 භාර‍්‍ය්‍යා භර්ත්තෘතඃ පෘථක් න භවතු| යදි වා පෘථග්භූතා ස්‍යාත් තර්හි නිර්විවාහා තිෂ්ඨතු ස්වීයපතිනා වා සන්දධාතු භර්ත්තාපි භාර‍්‍ය්‍යාං න ත්‍යජතු| 12 ඉතරාන් ජනාන් ප්‍රති ප්‍රභු ර්න බ්‍රවීති කින්ත්වහං බ්‍රවීමි; කස්‍යචිද් භ්‍රාතුර‍්‍යෝෂිද් අවිශ්වාසිනී සත්‍යපි යදි තේන සහවාසේ තුෂ්‍යති තර්හි සා තේන න ත්‍යජ්‍යතාං| 13 තද්වත් කස්‍යාශ්චිද් යෝෂිතඃ පතිරවිශ්වාසී සන්නපි යදි තයා සහවාසේ තුෂ්‍යති තර්හි ස තයා න ත්‍යජ්‍යතාං| 14 යතෝ(අ)විශ්වාසී භර්ත්තා භාර‍්‍ය්‍යයා පවිත්‍රීභූතඃ, තද්වදවිශ්වාසිනී භාර‍්‍ය්‍යා භර්ත්‍රා පවිත්‍රීභූතා; නෝචේද් යුෂ්මාකමපත්‍යාන්‍යශුචීන්‍යභවිෂ්‍යන් කින්ත්වධුනා තානි පවිත්‍රාණි සන්ති| 15 අවිශ්වාසී ජනෝ යදි වා පෘථග් භවති තර්හි පෘථග් භවතු; ඒතේන භ්‍රාතා භගිනී වා න නිබධ්‍යතේ තථාපි වයමීශ්වරේණ ශාන්තයේ සමාහූතාඃ| 16 හේ නාරි තව භර්ත්තුඃ පරිත්‍රාණං ත්වත්තෝ භවිෂ්‍යති න වේති ත්වයා කිං ඥායතේ? හේ නර තව ජායායාඃ පරිත්‍රාණං ත්වත්තේा භවිෂ්‍යති න වේති ත්වයා කිං ඥායතේ? 17 ඒකෛකෝ ජනඃ පරමේශ්වරාල්ලබ්ධං යද් භජතේ යස්‍යාඤ්චාවස්ථායාම් ඊශ්වරේණාහ්වායි තදනුසාරේණෛවාචරතු තදහං සර්ව්වසමාජස්ථාන් ආදිශාමි| 18 ඡින්නත්වග් භෘත්වා ය ආහූතඃ ස ප්‍රකෘෂ්ටත්වක් න භවතු, තද්වද් අඡින්නත්වග් භූත්වා ය ආහූතඃ ස ඡින්නත්වක් න භවතු| 19 ත්වක්ඡේදඃ සාරෝ නහි තද්වදත්වක්ඡේදෝ(අ)පි සාරෝ නහි කින්ත්වීශ්වරස්‍යාඥානාං පාලනමේව| 20 යෝ ජනෝ යස්‍යාමවස්ථායාමාහ්වායි ස තස්‍යාමේවාවතිෂ්ඨතාං| 21 දාසඃ සන් ත්වං කිමාහූතෝ(අ)සි? තන්මා චින්තය, තථාච යදි ස්වතන්ත්‍රෝ භවිතුං ශක්නුයාස්තර්හි තදේව වෘණු| 22 යතඃ ප්‍රභුනාහූතෝ යෝ දාසඃ ස ප්‍රභෝ ර්මෝචිතජනඃ| තද්වද් තේනාහූතඃ ස්වතන්ත්‍රෝ ජනෝ(අ)පි ඛ්‍රීෂ්ටස්‍ය දාස ඒව| 23 යූයං මූල්‍යේන ක්‍රීතා අතෝ හේතෝ ර්මානවානාං දාසා මා භවත| 24 හේ භ්‍රාතරෝ යස්‍යාමවස්ථායාං යස්‍යාහ්වානමභවත් තයා ස ඊශ්වරස්‍ය සාක්‍ෂාත් තිෂ්ඨතු| 25 අපරම් අකෘතවිවාහාන් ජනාන් ප්‍රති ප්‍රභෝඃ කෝ(අ)ප්‍යාදේශෝ මයා න ලබ්ධඃ කින්තු ප්‍රභෝරනුකම්පයා විශ්වාස්‍යෝ භූතෝ(අ)හං යද් භද්‍රං මන්‍යේ තද් වදාමි| 26 වර්ත්තමානාත් ක්ලේශසමයාත් මනුෂ්‍යස්‍යානූඪත්වං භද්‍රමිති මයා බුධ්‍යතේ| 27 ත්වං කිං යෝෂිති නිබද්ධෝ(අ)සි තර්හි මෝචනං ප්‍රාප්තුං මා යතස්ව| කිං වා යෝෂිතෝ මුක්තෝ(අ)සි? තර්හි ජායාං මා ගවේෂය| 28 විවාහං කුර්ව්වතා ත්වයා කිමපි නාපාරාධ්‍යතේ තද්වද් ව්‍යූහ්‍යමානයා යුවත්‍යාපි කිමපි නාපරාධ්‍යතේ තථාච තාදෘශෞ ද්වෞ ජනෞ ශාරීරිකං ක්ලේශං ලප්ස්‍යේතේ කින්තු යුෂ්මාන් ප්‍රති මම කරුණා විද්‍යතේ| 29 හේ භ්‍රාතරෝ(අ)හමිදං බ්‍රවීමි, ඉතඃ පරං සමයෝ(අ)තීව සංක්‍ෂිප්තඃ, 30 අතඃ කෘතදාරෛරකෘතදාරෛරිව රුදද්භිශ්චාරුදද්භිරිව සානන්දෛශ්ච නිරානන්දෛරිව ක්‍රේතෘභිශ්චාභාගිභිරිවාචරිතව්‍යං 31 යේ ච සංසාරේ චරන්ති තෛ ර්නාතිචරිතව්‍යං යත ඉහලේाකස්‍ය කෞතුකෝ විචලති| 32 කින්තු යූයං යන්නිශ්චින්තා භවේතේති මම වාඤ්ඡා| අකෘතවිවාහෝ ජනෝ යථා ප්‍රභුං පරිතෝෂයේත් තථා ප්‍රභුං චින්තයති, 33 කින්තු කෘතවිවාහෝ ජනෝ යථා භාර‍්‍ය්‍යාං පරිතෝෂයේත් තථා සංසාරං චින්තයති| 34 තද්වද් ඌඪයෝෂිතෝ (අ)නූඪා විශිෂ්‍යතේ| යානූඪා සා යථා කායමනසෝඃ පවිත්‍රා භවේත් තථා ප්‍රභුං චින්තයති යා චෝඪා සා යථා භර්ත්තාරං පරිතෝෂයේත් තථා සංසාරං චින්තයති| 35 අහං යද් යුෂ්මාන් මෘගබන්ධින්‍යා පරික්‍ෂිපේයං තදර්ථං නහි කින්තු යූයං යදනින්දිතා භූත්වා ප්‍රභෝඃ සේවනේ(අ)බාධම් ආසක්තා භවේත තදර්ථමේතානි සර්ව්වාණි යුෂ්මාකං හිතාය මයා කථ්‍යන්තේ| 36 කස්‍යචිත් කන්‍යායාං යෞවනප්‍රාප්තායාං යදි ස තස්‍යා අනූඪත්වං නින්දනීයං විවාහශ්ච සාධයිතව්‍ය ඉති මන්‍යතේ තර්හි යථාභිලාෂං කරෝතු, ඒතේන කිමපි නාපරාත්ස්‍යති විවාහඃ ක්‍රියතාං| 37 කින්තු දුඃඛේනාක්ලිෂ්ටඃ කශ්චිත් පිතා යදි ස්ථිරමනෝගතඃ ස්වමනෝ(අ)භිලාෂසාධනේ සමර්ථශ්ච ස්‍යාත් මම කන්‍යා මයා රක්‍ෂිතව්‍යේති මනසි නිශ්චිනෝති ච තර්හි ස භද්‍රං කර්ම්ම කරෝති| 38 අතෝ යෝ විවාහං කරෝති ස භද්‍රං කර්ම්ම කරෝති යශ්ච විවාහං න කරෝති ස භද්‍රතරං කර්ම්ම කරෝති| 39 යාවත්කාලං පති ර්ජීවති තාවද් භාර‍්‍ය්‍යා ව්‍යවස්ථයා නිබද්ධා තිෂ්ඨති කින්තු පත්‍යෞ මහානිද්‍රාං ගතේ සා මුක්තීභූය යමභිලෂති තේන සහ තස්‍යා විවාහෝ භවිතුං ශක්නෝති, කින්ත්වේතත් කේවලං ප්‍රභුභක්තානාං මධ්‍යේ| 40 තථාච සා යදි නිෂ්පතිකා තිෂ්ඨති තර්හි තස්‍යාඃ ක්‍ෂේමං භවිෂ්‍යතීති මම භාවඃ| අපරම් ඊශ්වරස්‍යාත්මා මමාප්‍යන්ත ර්විද්‍යත ඉති මයා බුධ්‍යතේ|
In Other Versions
1 Corinthians 7 in the ANTPNG2D
1 Corinthians 7 in the BNTABOOT
1 Corinthians 7 in the BOATCB2
1 Corinthians 7 in the BOGWICC
1 Corinthians 7 in the BOHNTLTAL
1 Corinthians 7 in the BOILNTAP
1 Corinthians 7 in the BOKHWOG
1 Corinthians 7 in the KBT1ETNIK
1 Corinthians 7 in the TBIAOTANT