2 Chronicles 8 (SUSU2)
1 حّ مْشْحّن بُن مَ، سُلٍمَنِ نَشَ عَلَتَلَ شَ بَنشِ نُن عَ يّتّ بَنشِ تِ. 2 عَ نَشَ تَايٍ يَءِلَن، شِرَ مِ نَشٍيٍ سٌ عَ يِ رَ، عَ قَ عِسِرَيِلَكَيٍ رَ سَبَتِ نَا. 3 سُلٍمَنِ نَشَ شَمَتَ سٌبَ فٍرٍ، عَ نْ عَ رَ. 4 عَ نَشَ تَدِ مٌرٌ تِ فبٍنفبٍرٍنيِ مَ، عَ نُن تَا فبّتّيٍ شَمَتَ بْشِ مَ مَنفّ هَرِفٍ رَفَتَمَ دّننَشّ. 5 عَ نَشَ بٍتِ شٌرٌن قُفٍ نُن بٍتِ شٌرٌن لَبٍ تِ، عَ نَ تَايٍ مَكَنتَ تّتّ قَنيِيٍ نُن نَادّ شُنفبٍيٍ رَ. 6 عَ نَشَ بَالَتِ تِ عَ نُن تَا فبّتّيٍ مَنفّ هَرِفٍ رَفَتَمَ دّننَشّ، عَلْ سْورِ رَفِسٍيٍ نُن سٌييٍ. سُلٍمَنِ نَشَ يِرٍ فبٍفبٍ تِ عَ يّتّ بّ دَرِ سَلَمُ، لِبَن، نُن عَ شَ بْشِ بِرِن عَ نَشَن يَمَرِ مَ. 7 شِتِكَيٍ، عَمٌرِكَيٍ، ثٍرٍ سِكَيٍ، هِوِكَيٍ، نُن يٍبُسُكَيٍ نَشٍيٍ لُ عِسِرَيِلَ بْشِ مَ، نَشٍيٍ مُ قِندِ عِسِرَيِلَكَيٍ رَ، 8 عِسِرَيِلَكَيٍ مُ نَشٍيٍ قَشَ، سُلٍمَنِ نَشَ عٍ قِندِ كٌنيِيٍ رَ. هَن تٌ عٍ نَ نَ كِ نّ. 9 سُلٍمَنِ مُ تِن عِسِرَيِلَكَ يٌ شَ قِندِ كٌنيِ رَ عَ شَ وَلِيٍ شَ قٍ رَ، بَرِ مَ فٍرٍ سٌي نُن سْورِ شُنيِيٍ نَن نُ لَنشِ عٍ تَن مَ، عٍ نُ مّينِمَ عَ شَ سْورِ رَفِسٍيٍ نُن عَ شَ سٌييٍ مَ. 10 مَنفّ سُلٍمَنِ نَشَ مِشِ كّمّ قِرِن مِشِ تٌنفٌ سُولِ تِ شُنيِيٍ رَ حَمَ شُن. 11 سُلٍمَنِ نَشَ قِرَوُنَ شَ دِ فِنّ تٌنفٌ دَوُدَ شَ تَا كُي، عَ عَ رَتُنُ بَنشِ فبّتّ كُي، عَ نَشَن تِشِ عَ بّ. عَ نَشَ عَ قَلَ، «ﭑ مَ فِنّ مُ لُمَ عِسِرَيِلَ مَنفّ دَوُدَ شَ بَنشِ كُي، عَلَتَلَ شَ سَاتّ كَنكِرَ نَ دّننَشّ. نَا قِندِشِ يِرٍ سّنِيّنشِ نَن نَ.» 12 سُلٍمَنِ نُ سّرّشّ فَن دَاشِيٍ بَمَ عَلَتَلَ بّ، عَ شَ سّرّشّبَدٍ قَرِ نَشَن نُ تِشِ هْرْ مْبَنشِ يَ رَ. 13 عَ سّرّشّيٍ بَ نّ عَلْ عَننَبِ مُنسَ عَ يَمَرِ كِ نَشّ لْشْ يٌ لْشْ، مَلَبُي لْشْييٍ رَ، كِكٍ نّينّ رَ، نُن سَلِ شُنفبٍ سَشَنيِيٍ رَ حّ يٌ حّ. نٍيٍ قِندِ تَامِ لّبِنِتَرٍ سَلِ، لْشُنيِيٍ سَلِ، نُن بَفٍ تِ سَلِ نَن نَ. 14 سُلٍمَنِ نَشَ عَ بَبَ دَوُدَ شَ نَتّيٍ رَكَمَلِ سّرّشّدُبّيٍ نُن لٍوِكَيٍ شَ قٍ رَ. كَنكَن نُ عَ فبٍ وَلِ رَبَمَ. لٍوِكَيٍ نُ عَلَ مَتْشْمَ، عٍ مَن نُ قَ سّرّشّدُبّيٍ مَلِ. نَادّ كَنتّيٍ قَن نَشَ عٍ فبٍ وَلِ رَبَ، كَنكَن نَشَ تِ عَ تِدٍ عَلْ عَلَ شَ مِشِ دَوُدَ عَ يَمَرِ كِ نَشّ. 15 سّرّشّدُبّيٍ نُن لٍوِكَيٍ مُ مَنفّ شَ يَامَرِ يٌ مَتَندِ، هَلِ عَ نَشَن قَلَ نَاقُلِ شَ قٍ رَ. 16 سُلٍمَنِ شَ وَلِ بِرِن كَمَلِ نَ كِ نّ، كٍلِقٍ عَلَتَلَ شَ بَنشِ كْورِن لْشْي مَ، عَ سَ دْشْ عَ رَحْنيِ رَ. عَلَتَلَ شَ بَنشِ وَلِ بِرِن رَبَ نّ، عَ كَمَلِ عَ قَنيِ رَ. 17 نَ تٌ دَنفِ سُلٍمَنِ نَشَ سِفَ عٍسِيٌن فٍبٍرِ نُن عٍلَتَ بَا دّ رَ عٍدٌن بْشِ مَ. 18 مَنفّ شِرَ مِ نَشَ كُنكُييٍ نُن عٍ رَحّرّ مَ قَنيِيٍ رَ سَنبَ سُلٍمَنِ مَ. نٍيٍ نَشَ سَ عَ فبٍيٍ شُن مَ عٌقِرِ بْشِ مَ، عَلَكٌ عٍ شَ شّيمَ كِلٌ وُلُ قُ نُن سُولِ كِلٌ كّمّ سَشَن تٌنفٌ مَنفّ سُلٍمَنِ بّ. عٍ نُن مَنفّ سُلٍمَنِ شَ وَلِكّيٍ نَشَ سِفَ نَ رَ سُلٍمَنِ شْن مَ.
In Other Versions
2 Chronicles 8 in the ANTPNG2D
2 Chronicles 8 in the BNTABOOT
2 Chronicles 8 in the BOHNTLTAL
2 Chronicles 8 in the BOILNTAP
2 Chronicles 8 in the KBT1ETNIK
2 Chronicles 8 in the TBIAOTANT