Proverbs 9 (SUSU2)
1 لْننِ بَرَ عَ شَ بَنشِ تِ قَنيٍ سٌلٌقٍرٍ قَرِ. 2 عَ بَرَ شُرُ سٍ ندٍ قَشَ، عَ وّنِ يَءِلَن،عَ شَ دْشْ تٍيبِلِ رَ عَ دّفٍدٍ. 3 عَ بَرَ شّيرَيٍ شّي تَا كُي مِشِ شِلِقٍ رَ، 4 «وٌ تَن شَشِلِتَرٍيٍ نُن قَهَامُتَرٍ،وٌ قَ بٍ. 5 وٌ شَ قَ ﭑ مَ تَامِ دٌن،وٌ شَ قَ ﭑ مَ وّنِ قَنيِ مِن. 6 وٌ شَ فبِلٍن قٍ حَاشِيٍ قْشْ رَ،وٌ شَ بِرَ شَشِلِمَ شَ كِرَ قْشْ رَ.» 7 مِشِ يٌ نَشَن كَتَمَ يّتّ عِفبٌي مَتِنشِندٍ،عَ مَرَحَاشُي نَن سْتْمَ.مِشِ يٌ نَشَن كَتَمَ مِشِ حَاشِ رَ سِدٍ،عَ كٌنبِ نَن سْتْمَ. 8 شَ عِ شُرُتَرٍ رَ سِ، عَ عِ شْنمَ نّ.شَ عِ شَشِلِمَ رَ سِ، عَ عِ شَنُمَ نّ. 9 عِ نَشَن قَلَمَ لْننِلَ بّ،عَ ندٍ نَن سَمَ عَ شَ لْننِ شُن.عِ نَشَن مَسٍنمَ تِنشِنتْي بّ،عَ ندٍ نَن سَمَ عَ شَ تِنشِنيِ شُن. 10 لْننِ قْلْمَ عَلَتَلَ شَ يَرَفَاشُي نَن مَ.قَهَامُي سْتْمَ عَلَ سّنِيّنتْي كٌلٌنقٍ نَن مَ. 11 عِ شَ دُنِحّءِفِرِ شْن كُيَمَ نّ لْننِ رَ،عِ شَ سِمَيَ حّ كْنتِ شُن مَسَمَ نّ قَهَامُي رَ. 12 شَشِلِمَ لْننِ سَرٍ نَن سْتْمَ،كْنْ مِشِ نَشَن يٌمَ عَ بٌورٍ مَ، نَ تْورّ نَن تُن سْتْمَ. 13 شَشِلِتَرٍحَ لُشِ نّ عَلْ فِنّ نَشَن دّ وُيَ،عَ مُ شُرُ، عَ مُ قٍ كٌلٌن. 14 عَ دْشْمَ عَ شَ بَنشِ سٌدٍ دّ نَن نَدْشْسٍ مَ نَشَن نَ يِرٍ عِتٍشِ، 15 عَلَكٌ عَ شَ دَنفِ مِشِيٍ شِلِ عَ شُي عِتٍشِ رَ،نَشٍيٍ نَ عٍ حّرّقٍ كِرَ تِنشِنشِيٍ شْن مَ. 16 عَ عَ قَلَمَ مِشِيٍ بّ نَشٍيٍ مُ قَهَامُي سْتْشِ،«وٌ تَن شَشِلِتَرٍيٍ، وٌ قَ بٍ. 17 مِنسٍ مُحَشِ حْشُن،تَامِ دٌنشِ دُنشُي رَ، نَ قَن حْشُن.» 18 عٍ مُ عَ كٌلٌن قَشّ دِ مِ نَن مّننِ رَ.مِشِ نَشٍيٍ عَ شَ شِلِ رَتِنمَ،نٍيٍ شُن تِشِ عَلِفِيَمَ نَن نَ.