Proverbs 29 (TOMA)

1 Zunui nii maanɛai ga zelii lo ma, é ɗa ɠɔgi ɓaa ga,toɠa ɠoloɠolo ga kulafilibai, sosu la ɠaa. 2 Telebo nuiti ta mɔinna, nuɓusɛiti koozu ɠa ɗa nɛ,kɛlɛ nu ɲɔiti ta zeina kundiɠilai zu, nuɓusɛiti ta ɗa kpalagi wo. 3 Zɔi é pɔ ga é ziɛ ga ɠimalai, naa ɠa ɗa kɛɛɠɛ ɠoozunɛ,kɛlɛ zɔi é ʋilɛsu koloɠolo anzanuiti polu, naa ɠa ɗa ná-naavoloiti koloɠolo. 4 Masagi ɠa ɗa ná-zooi ɓɛtɛ, siɛgi zu é ziɛzu la ga telebodai,kɛlɛ a lobɛanii maalolina, toɠa naa ɠoloɠolo. 5 Nui é bɔɔlaiti tɛɛzu su,toɠa balii laazu kɔɠɔi wu. 6 Faa ɲɔu ɠɛ nuiti ta ɗa ɠɛ ga kasoɠa nui, tiya ɓɔɠɔi ta-lɔ koloɠologiti faa zu,sɔle nuiti ta ɗa pilɛ sɔlɔɔ, ti ɠoozunɛ. 7 Telebo nui naa ɠwɛɛ, nii maanɛai é ɠɛ bala nuiti bɛ,kɛlɛ naama ɠi ge la faa ɲɔu ɠɛ nui ma. 8 Ɲɛɛɠulasu nuiti ta ɗa kpɔɛ abui ʋili taa wolai zu,kɛlɛ ɠima nuiti ta ɗa ziiɠaawanai ɠaayei. 9 Ni ɠima nui ta ɠimalala nui ta ɠɛna tukpɔi ma,ɠimalala nui yiiɠaawanaʋa, ɓaa é ɲɛɛi wo, é la ɓɔlɔa. 10 Ɲama ʋuu nuiti ta ɗa telebo nui wɔinzeɠe,kɛlɛ sɔle nuiti ta ɗa ɓaa zɛnvui maazu. 11 Ɠimalala nui ɠa ɗa ná-ziiɠaawana vaiti kpein kula kɛlɛma,kɛlɛ ɠima nui ɠa ɗa ɓɔɠɔ zo, é la nɔnɔiti kula kɛlɛma. 12 Siɛgi zu kundiɠii woilosu da zɛɛ ɓɔɛiti ma,niiti ti botii ɠɛɛzu zeewu, naati pɛ ta ɗa ɠɛ ga wooʋalada nuiti. 13 Bala nui ta maanɔɠɔ nui, ti ɓɔgɛ faa ɠila ma:Ɠɔoɠɔ GALAGI gaazuʋɛ veeʋɛ ti felegɔ pɛ bɛ, ga ti ɗa wɛlɛ la. 14 Masagi nii é zobobɛlala nuiti ta-lukpɔi ɠaaleʋezu ga gaamai,ná-masadai ɠa ɗa yɛ zea ɠɔ. 15 Kpakɔi ta zelilomai, ta ɗa ɠimalai ve,kɛlɛ zunu loungoi pilɛgai ɓɔɠɔ yeema, toɠa ɗa dee unfe. 16 Siɛgi zu nu ɲɔiti ti mɔinzu la, tɔ koloɠologi zu ɠa ɗa wɔɔlɔ,kɛlɛ telebo nuiti ta ɠɛ ga ta-loobui ma zeelei. 17 Ni ɗa è-loun zunui maaɠolona, é la è yiizoolɛ vaa ɠɛa,kɛlɛ toɠa è yiilɛi ga gola. 18 Siɛgi zu GALA ge la kulakɛlɛma wosu da, nuɓusɛiti ta ɗa eteai ziɛ faazupui zu.Undaanɛ nu ɠa ga naama nui, nii naazu, é ɠolozu GALA ná-tɔgi ʋɛ. 19 Nu la ɗa ga botiɠɛ nui maaɠolo ga kpɔɛzuɠulai,mazɔlɔɔ anɛɛ ni toɠa naa ɠaaɠaazu, nii é wosu ma, é la ɠoloa ɲɛgɛlɛin. 20 Ɗa nu ɠaana, é ɗa ɓɔɛ, é la ɠigaiziɛzu,nu ɠa ɠito ɠimalala nui ʋa, é leʋe tɔun ba. 21 Ni nu a botiɠɛ nui laanɛɛna ná-nu niinɛlai zu,toɠa gaaɓela ga kololalai. 22 Ziiɠula nui ɠa ɗa kpɔɛi leʋe,zɔi ziiɠulazu valafala, naa ɠa ɗa tɔ koloɠologiti kɛ. 23 Wasogi ɠa ɗa nui maayei,kɛlɛ ɓɔɠɔmaayeii ɠa ɗa nui wɔɔlɔ. 24 Zɔi é yeezeizu unma nui wu, naa ɠa ɗa ɓɔɠɔ nimiza,tɔɔzei é foovooi ɠwɛɛ, é naama nui laalɔɠɔma, nii é ɠɛlɛzu ga é mina ʋa, é ʋa zeele wooi wo. 25 Ɗa ɠɛna lua nuiti ba, toɠa ga balii,kɛlɛ zɔi é ɠalivaazu Ɠɔoɠɔ GALAGI ma, naa yiilɛiʋɛ. 26 Ma mɔinmɔin ka ná, ti ɗa kpɔbai ɠaiziɛ ta-ɠundiɠii ya,kɛlɛ ɛsɛ maalobo fai ɠa Ɠɔoɠɔ GALAGI ya. 27 Telebotala nuiti wɔin ɠa ɗa zeɠe telebo nuiti ma,sɔle nuiti maayoseɠeʋɛ faa ɲɔi ɠɛ nuiti bɛ.

Proverbs 29 (TOMA)

In Other Versions