Joshua 15 (BONCB)
1 Isabelo sesizwe sikaJuda, usendo lunye ngalunye sasiqhele sehla sayafika elizweni le-Edomi, sisiyakhawula eNkangala yeZini eningizimu kude le. 2 Umngcele wabo weningizimu wawuqalisela ethekwini oluseningizimu emaphethelweni oLwandle lweTswayi, 3 uchaphela eningizimu yoMkhandlu weNkume, uqhubeka usiya eZini, usiyaphutsha eningizimu yeKhadeshi Bhaneya. Wasusedlula eHezironi usiyafika e-Adari wabhoda unquma wayaphutsha ususeKhakha. 4 Wasusedlula usiya e-Azimoni usiyaxhumana lesiHotsha saseGibhithe, uphelela olwandle. Lo yiwo umngcele wabo waseningizimu. 5 Umngcele wempumalanga luLwandle lweTswayi kuze kufike lapho okuthela khona iJodani.Umngcele weningizimu waqalela okhunjini lolwandle ekuqaleni kweJodani, 6 wakhwela usiya eBhethi-Hogla, wabuye waqhubeka usiya Bhethi-Arabha uqonda eLitsheni likaBhohani indodana kaRubheni. 7 Umngcele wasuqansa usiya eDebhiri usuka esigodini sika-Akhori, wasujika usiya enyakatho ukhangela eGiligali ekhangelane loMkhandlu ka-Adumimu eningizimu yodonga. Waqhubeka usiya emanzini ase-Eni Shemeshi wasufika e-Eni Rogeli. 8 Wasuqonda esigodini seBheni-Hinomu emthezukweni wangeningizimu yedolobho lamaJebusi (okutsho iJerusalema). Usuka lapho waqansa phezu koqaqa entshonalanga yesigodi seHinomu ekucineni kwangenyakatho yesigodi seRefayi. 9 Usuka engqongeni yoqaqa, umngcele waqonda emthonjeni wamanzi aseNefuthowa, wasuphutsha emadolobheni eNtabeni ye-Efroni wasusehla usiya eBhala (okutsho iKhiriyathi-Jeyarimi). 10 Wasujika usiya entshonalanga usuka eBhala usiya entabeni yeSeyiri, wedlula emthezukweni wangenyakatho yentaba iJeyarimi (okutsho iKhesaloni) waqhubeka usiya eBhethi-Shemeshi uchaphela eThimina. 11 Waqonda emthezukweni wenyakatho owe-Ekroni, wajika ukhangele eShikheroni, wedlule usiya eNtabeni yeBhala wafika eJabhiniyeli. Umngcele waphelela olwandle. 12 Umngcele wangentshonalanga likhumbi loLwandle oLukhulu. Le yiyo imingcele eyayigombolozele abantu bakoJuda usendo lunye ngalunye. 13 Njengokulaya KUKATHIXO kuye, uJoshuwa wanika uKhalebi indodana kaJefune ingxenye eseJuda, iKhiriyathi Aribha, okutsho iHebhroni (u-Abha wayengukhokho ka-Anakhi). 14 Esuka eHebhroni uKhalebi waxotsha ama-Anakhi amathathu abalisa uSheshayi, u-Ahimani loThalimayi abantwana baka-Anakhi. 15 Esuka lapho wahamba ehlasela abantu ababehlala eDebhiri (okwakuthiwa yiKhiriyathi-Sefa). 16 UKhalebi wathi, “Ngizakwendisela indodakazi yami u-Akhisa endodeni ezahlasela ithumbe iKhiriyathi-Sefa.” 17 U-Othiniyeli indodana kaKhenazi, umfowabo kaKhalebi, wayithumba; ngakho uKhalebi wendisela indodakazi yakhe u-Akhisa kuye. 18 Ngelinye ilanga u-Akhisa wafika ku-Othiniyeli wamkhuthaza ukuthi acele insimu kuyise. Lapho esehlile kubabhemi wakhe, uKhalebi wambuza wathi, “Kuyini engingakwenzela khona?” 19 Waphendula wathi, “Ngicela ungenzele umusa obalulekileyo. Njengoba unginike umhlaba eNegebi, ngicela unginike lemithombo yamanzi.” Ngakho uKhalebi wamnika imithombo eyayingaphezulu leyayingaphansi. 20 Leli lilifa lesizwe sikaJuda ngezinsendo zaso: 21 Amadolobho aseningizimu kwesizwe sikaJuda eNegebi ekuyeni emngceleni we-Edomi ayeyila:IKhabhizeli, i-Ederi, iJaguri, 22 iKhina, iDimona, i-Adada, 23 iKhedeshi, iHazori, i-Ithinani, 24 iZifi, iThelemu, iBheyalothi, 25 iHazori-Hadatha, iKheriyothi Hezironi (okutsho iHazori), 26 i-Amamu, iShema, iMolada, 27 iHazari-Gada, iHeshimoni, iBhethi Phelethi, 28 iHazari-Shuwali, iBherishebha, iBhiziyothiya, 29 iBhala, i-Iyimu, i-Ezema, 30 i-Elitholadi, iKhesili, iHoma 31 iZikhilagi, iMadimana, iSansana, 32 iLebhayothi, iShilihimu, i-Ayini leRimoni, esewonke kwakungamadolobho angamatshumi amabili lesificamunwemunye lemizana yawo. 33 Emawatheni asentshonalanga kwakulamadolobho la:I-Eshithawoli, iZora, i-Ashina, 34 iZanowa, i-Eni-Ganimu, iThaphuwa, i-Enamu, 35 iJamuthi, i-Adulami, iSokho, i-Azekha, 36 iShaharayimu, i-Adithayimu leGedera (kumbe iGederothayimu) amadolobho alitshumi lane lemizi yawo. 37 IZenani, iHadasha, iMigidali-Gadi, 38 iDiliyeni, iMizipha, iJokhitheyeli, 39 iLakhishi, iBhozikhathi, i-Egiloni, 40 iKhabhoni, iLahimasi, iKhithilishi 41 iGederothi, iBhethi-Dagoni, iNahama leMakheda, amadolobho alitshumi lesithupha lemizi yawo. 42 ILibhina, i-Etheri, i-Ashani, 43 i-Ifitha, i-Ashina, iNezibhi, 44 iKheyila, i-Akhizibhi leMaresha, amadolobho ayisificamunwemunye lemizi yawo. 45 I-Ekroni, lemizana eyigqagqeleyo; 46 entshonalanga ye-Ekroni, wonke ayeseduzane le-Ashidodi, ndawonye lemizana yawo; 47 i-Ashidodi lemizana eyigqagqeleyo leGaza, imizana eyigqagqeleyo kusiyafika esiHotsheni saseGibhithe lekhunjini loLwandle oLukhulu. 48 Elizweni lamaqaqa kwakule:IShamiri, iJathiri, iSokho, 49 iDana, iKhiriyathi-Sana (okutsho iDebhiri), 50 i-Anabhi, i-Eshithemo, i-Animi, 51 iGosheni, iHoloni leGilo, amadolobho alitshumi lanye lemizana yawo. 52 I-Arabhu, iDuma, i-Eshani, 53 iJanimu, iBhethi-Thaphuwa, i-Afeka, 54 iHumtha, iKhiriyathi Aribha (okutsho iHebhroni) leZiwori, amadolobho ayisificamunwemunye lemizana yawo. 55 IMawoni, iKhameli, iZifi, iJutha, 56 iJezerili, iJokideyamu, iZanowa, 57 iKhayini, iGibhiya leThimina, amadolobho alitshumi lemizana yawo. 58 IHalihuli, iBhethi Zuri, iGedori, 59 iMaharathi, iBhethi-Anothi le-Elithekhoni, amadolobho ayisithupha lemizana yawo. 60 IKhiriyathi-Bhali (okutsho ukuthi iKhiriyathi-Jeyarimi) leRabha, amadolobho amabili lemizana yawo. 61 Enkangala:IBhethi-Arabha, iMidini, iSekhakha, 62 iNibhishani, iDolobho letswayi le-Eni-Gedi, amadolobho ayisithupha lemizana yawo. 63 UJuda wehluleka ukususa amaJebusi ayehlala eJerusalema; lanamuhla amaJebusi lokhu ehlala lapho labantu bakoJuda.