Joshua 15 (TOMA)
1 Zooi nii kpakutoomai feeni Zuda ná-bolodai ma ʋɛlɛyeɠeiti zea, é zeelini Edɔme ɠwɛpelemaʋɛ Sin teʋebai zu, lɛkpɛmaʋɛ nu yeezazuʋɛ. 2 Pele ɠana, ta-ɠwɛpelemaʋɛ lɛkpɛmaʋɛ nu yeezazuʋɛ, naa liini la Kpoloɗɛ Wanai ɠaaɓelazuʋɛ, é zei lɛkpɛmaʋɛ nu yeezazuʋɛ yooi ʋa, 3 é li, é too ma lɛkpɛmaʋɛ nu yeezazuʋɛ, gize yɔɠɔzuʋɛ Akelaɓime, é leʋe ga Sin ʋele, é lɛ lɛkpɛmaʋɛ nu yeezazuʋɛ Kadɛse-Ɓaaleneya, é leʋe miná ga Ɠɛsɛlon ʋele, é lɛ Adaal, é lati Kaalekaa ʋele, 4 é leʋe naa ʋolu ga Asamon ʋele, é lo Ezipete ɠɔtuɗɛi ʋa, kwɛpelegi loni Kpoloɗɛ Wolai ʋa. Naa ɠa é ga wo-ɠwɛgi lɛkpɛmaʋɛ nu yeezazuʋɛ. 5 Folo ɠulazu ʋelei, kwɛpelemaʋɛ ɠɛni ga Kpoloɗɛ Wanai, eyɛsu é zei ti loolaʋɛ ʋa ta Zuludɛn.Lɛkpɛmaʋɛ nu ɠɔʋɛzuʋɛ, kwɛmaʋɛ zoni kpoloɗɛi zuzeizuʋɛ, nii é ti loolaʋɛ ta Zuludɛn. 6 É lɛɛni ga Ɓɛte-Ɠogela ʋele, é leʋe Ɓɛte-Alaɓa, lɛkpɛmaʋɛ nu ɠɔʋɛzuʋɛ, é lo kɔtui ʋa, ti ɠɛɛzu ma Ɓoɠan, Luɓɛn ná-doun zunui taɠila daasei kana, 7 kwɛpelemaʋɛ liini Deɓiil, é leʋe Akɔɔl nɛmɛi zu, é li lɛkpɛmaʋɛ nu ɠɔʋɛzu ʋelei Gilegale, é gize yɔɠɔzuʋɛ Adumime letemaʋɛ, kɔtuɗɛi ʋɔ bɛ, lɛkpɛmaʋɛ nu yeezazuʋɛ. Naa ʋolu é leʋe En-Semɛse ziɛungiti pɔ bɛ, é too ma En-Lɔgɛle. 8 Kwɛpelegi lɛɛni, é leʋe ga Ɓɛne-Ɠinɔme ʋɛtugi zu ʋele, Yeɓuse nuiti ta-ɠizei ɠɔɠɔaʋɛ, nii é ga Zeluzalɛme, lɛkpɛmaʋɛ nu yeezazuʋɛ. Kwɛpelegi untɛɛni gizei ma, nii é ʋuuni folo liizu ʋelei, Ɠinɔme ʋɛtugi zu, Lefayime ʋɛtugi ɠaaɓelazuʋɛ, lɛkpɛmaʋɛ nu ɠɔʋɛzuʋɛ. 9 É zo gize unmaʋɛ, é yei, é zeeli Nɛfetoa ɗɛungiti ma, é li Efelon gizei ma laaiti pɔ pelei, aisa é ʋa li ga Ɓaala ʋele, nii é ga Kiliyate-Yeyalime. 10 É zo Ɓaala, kwɛpelemaʋɛ, é lati folo liizu ʋelei, Seyiil ɠizeiti pɔ pelei, é leʋe Dɔɓɔ ɠizei ɠɔɠɔaʋɛ, lɛkpɛmaʋɛ nu ɠɔʋɛzuʋɛ, naa ɠa é ga Kesalon, é yei Ɓɛte-Semɛse, é leʋe Timina. 11 É zeɠe miná, é zeeli Ekelɔn ɠize ɠɔɠɔaʋɛ, lɛkpɛmaʋɛ nu ɠɔʋɛzuʋɛ, é ʋa Sikelon, é leʋe Ɓaala gizei ʋɔ bɛ, é li Yaɓeneyɛle, é lo Kpoloɗɛ Wolai ʋa. 12 Folo liizu ʋelei ma ɠwɛmaʋɛ ɠɛni ga Kpoloɗɛ Wolai laaʋɛ. Ʋele ɠana kwɛpelemaʋɛti ti ɠɛni la, é lo zooi ʋa, é veeni Zuda mavofodaiti zea, eɠɛʋelei ta-ʋɛlɛyeɠeiti ti la. 13 Ti Yefuné ná-doun zunui Kalɛɓe nɔnɔi veeni zea Zuda mavofodaiti saama, eɠɛʋelei Ɠɔoɠɔ GALAGI ma levei veeni la Zozuwe ya: Kiliyate-Aaleɓa, nii é ga Eɓelɔn. Aaleɓa ɠɛni ga Anake mɛmɛwolai. 14 Kalɛɓe Anake mavofodaiti kpɛɛni: Sesayi nuiti, Ayiman nuiti, ta Talamayi nuiti. 15 É zeɠeni miná, é li é Deɓiil nuiti sakpe. Mɔungi Deɓiil laaseigi ɠɛni ga Kiliyate-Seefɛɛl. 16 Kalɛɓe ɠɛni ma: «Nà dòun anzanui Akasa ve naama nui ʋɛ ga anza, nii a Kiliyate-Seefɛɛl zakpe, é so.» 17 Kalɛɓe kɛɛɠɛloin Kenaze ná-doun zunui Woteniyɛle ɠa é ná zoni. Kalɛɓe ná-doun anzanui Akasa veeni bɛ ga anza. 18 Seeliai ma sinigi ʋɔ bɛ, é dɛɛni ga naa, ga naa kpalagi ta vali kɛɛɠɛ Kalɛɓe ma. Naa ʋolu, Akesa ʋilini, é zeɠe ná-soovalegi ɠɔma. Kalɛɓe gaazaɠani, é ɠɛ ma: «Leeni ɠa wɔin è ma?» 19 É gooɠaaʋoteni, é ɠɛ ma: «Faanɛɛ ɠɛ bɛ̀! Ziɛungaa ve bɛ̀, mazɔlɔɔ zooi è sèiɗai su, lɛkpɛmaʋɛ nu yeezazuʋɛ, naa vɔɔʋɛ.» Kalɛɓe ziɛungiti feeni bɛ maazu ʋelei, ta buu ʋelei. 20 Zuda mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la. 21 Zuda mavofodaiti ta-laaiti ti ɠɛni lɛkpɛmaʋɛ nu yeezazuʋɛ, Edɔme ɠwɛpelemaʋɛ letegi, naati ti ɠɛni ga: Kaɓeseyɛle, Edɛɛl, Yaguul, 22 Kina, Dimona, Adada, 23 Kedɛse, Ɠasɔɔl, Yitinan, 24 Zife, Telɛme, Ɓealɔte, 25 Ɠasɔɔl-Ɠadata, Keliyɔte-Ɠɛselon, nii é ga Ɠasɔɔl, 26 Amame, Sema, Molada, 27 Ɠasaal-Gada, Ɠɛsɛmon, Ɓɛte-Palɛte, 28 Ɠasaal-Suale, Ɓeel-Seɓa, Ɓiziyotiya, 29 Ɓaala, Iyime, Asɛme, 30 Ɛlɛtolade, Kesile, Ɠɔɔlema, 31 Sikilage, Mademana, Sanesana, 32 Leɓayɔte, Siliɠime, Ayɛn, ta Limon. Taa wolai liegɔi ɠɛni ga taa ʋuufelegɔ maazu taaʋuugɔ (29), ta ma laa goiti. 33 Taai niiti ti ɠɛni ziɛlaʋɛ ma nɛmɛi zu, naati ti ɠɛni ga niiti: Esetawɔle, Soleya, Asena, 34 Zanoa, En-Ganime, Tapua, Ename, 35 Yaalemute, Adulame, Soko, Azeka, 36 Saalayime, Aditayime, Gedela, ta Gedelɔtayime. Taa wolai liegɔi ɠɛni ga puugɔ maazu naanigɔ (14), ta ma laa goiti. 37 Senan, Ɠadasa, Migedale-Gade. 38 Dileyan, Misepé, Yoketeyɛle, 39 Lakise, Ɓosekate, Egelon, 40 Kaɓon, Laamase, Kitelise, 41 Gedelɔte, Ɓɛte-Dagon, Naama, ta Makeda. Taa wolai liegɔi ɠɛni ga puugɔ maazu lɔzita (16), ta ma laa goiti. 42 Liɓina, Etɛɛl, Asan 43 Yifeta, Asena, Nesiɓe, 44 Keyila, Akiziɓe, ta Malesa. Taa wolai liegɔi ɠɛni ga taaʋuugɔ, ta ma laa goiti. 45 Ekelɔn ta ma laa goiti, ta ma ɓalaɠaiti, 46 taa wolai nii kpein é Asadɔde ɠobaʋɛ, ta ma laa goiti, Ekelɔn ta Kpoloɗɛ Wolai ti yɔɠɔzuʋɛ. 47 Asadɔde ta ma laa goiti, ta ma ɓalaɠaiti, ta Gaza ta ma laa goiti, ta ma ɓalaɠaiti, eyɛsu é zeeli Ezipete ɠɔtuɗɛi ma, é li Kpoloɗɛ Wolai laaʋɛ. 48 Gize yooi ma ʋele geleiti ti ɠɛni ga: Samiil, Yatiil, Soko, 49 Dana, Kiliyate-Sana, nii é ga Deɓiil, 50 Anaɓe, Esetemo, Anime, 51 Gosɛn, Wolon, ta Gilo. Taa wolai liegɔi ɠɛni ga puugɔ maazu ɠila (11), ta ma laa goiti. 52 Alaɓe, Luma, Esɛyan, 53 Yanume, Ɓɛte-Tapua, Afeka, 54 Ɠumeta, Kiliyate-Aaleɓa, nii é ga Eɓelɔn, ta Siyɔɔl. Taa wolai liegɔi ɠɛni ga taaʋuugɔ, ta ma laa goiti. 55 Maon, Kaalamɛle, Zife, Yuta, 56 Zizeleyɛle, Yokedeyame, Zanoa, 57 Kayɛn, Giɓea, ta Timina. Taa wolai liegɔi ɠɛni ga puugɔ, ta ma laa goiti. 58 Ɠalaɠule, Ɓɛte-Suul, Gedɔɔl, 59 Maalate, Ɓɛte-Anɔte, ta Ɛlɛtekon. Taa wolai liegɔi ɠɛni ga dɔzita, ta ma laa goiti. 60 Kiliyate-Ɓaale nii é ga Kiliyate-Yeyalime, ta Laɓa. Taa wolai liegɔi ɠɛni ga felegɔ, ta ma laa goiti. 61 Teʋebai zu geleiti ti ɠɛni ga: Ɓɛte-Alaɓa, Midin, Sekaka, 62 Niɓesan, Iil-Mela, ta En-Gedi. Taa wolai liegɔi ɠɛni ga dɔzita, ta ma laa goiti. 63 Zuda mavofodaiti ti la ɠɛni zooni ti ʋa Yeɓuse nuiti kpɛ, niiti ti ɠɛni zeini Zeluzalɛme, naati ta dɛ zeini ná zaaɠaza ta Zuda nuiti.