Song of Songs 7 (MAAL)
1 ካኣቲ ናዔሌ!ዱርዞ ዓኣሢ ዓኣ ቶካ ኔኤኮ ዎዚ ሚዛጳይ!ጉባዛ ኔኤኮ ዓንጎ ሼኤሺ ኮሻ ዓሳ ሚዛጲሲ ኮሼ ፓልሞ ማላኔ። 2 ጉልዓ ኔኤኮ ዎይኔ ዑሺ ዓርሦና ቢሪሌ ማላኔ፤ኬርና ኔኤኮ ሚዛጲ ቡኒ ሺርሺ ቱኮናዛርጎ ናቲጉዲኬ። 3 ላምዖ ዻንፃ ኔኤኮ ሜንቴ ሾይንቴ ሞይሌ ናይ ማላኔ። 4 ባቃና ኔኤኮ ዳርሲ ዓቺና ሚዛጲሶና ዼጌ ቤዞጉዲኬ፤ዓኣፓ ኔኤኮ ዼኤፖ ካታሞ ሃሴቦኦኔ ጌሎ ካራ ዓኣቦቆሎ ዋኣፆ ማላኔ።ሲኢዻ ኔኤኮ ዒኢካ ዴዒ ዴማስቆ ዛጋኒኮሾና ሊባኖኦሴይዳ ዓኣ ዼጌ ቤዞጉዲኬ። 5 ኔኤኮ ቶኦካ ቄርሜሎሴ ዹኮጉዲኬ፤ኔኤኮ ማዢንቴ ቶኦኮ ጋማ ጉኡፂሲ ሱኮና ቃጪና ማላኔ።ካኣቲ ኔኤኮ ዬያ ማዢንቴ ቶኦኮ ሚዛጱሞና ዲዒንቴኔ። 6 ታ ሚሼሌ! ዎዚ ኔኤኒ ሚዛጳይ?ዎዚ ኔኤኒ ኮሽካይ?ኔ ናሽካ ናሹማ ዎዚ ዎዛሳይ? 7 ዔጳ ኔኤኮ ሜኤፄጉዲኬ፤ዻንፃ ኔኤኮ ሜኤፆ ዓሞ ማላኔ። 8 ሜኤፆ ሚፆ ታኣኒ ጊዒዓኣፖ ማንፂፆ ናሽካኔ፤ዻንፃ ኔኤኮ ዎይኖ ዓሞጉዲኬ፤ካሳ ኔኤኮ ጋሲ ካሢ ሳውቃያጉዲኬ። 9 ዻንጋ ኔኤኮ ቃራ ዎይኔ ዑሺጉዲኬ። ያዺ ማዔቴ ኮዦ ዎይኖ ዑዣታ ዒሾኮ ሙሱሮና ዓጮ ባኣኪናሻኣዺ ኬዳያ ማዖንጎ። 10 ታኣኒ ታ ዒሻሢሮኬ፤ዒዚያ ዓፃዺ ማላሢ ታናኬ። 11 ታ ዒሼ! ሃኒ ዬዔ፤ካታማፓ ዙሎ ኬስኪ ኑ ዎላ ዓኣዾም፤ዒባኖ ዒኢካ ኑ ዴንዲ ዎርቆም። 12 ሚኢሪ ዔቂ ዎይኖ ጎዦ ኑ ዓኣዾም፤ዎይኖ ቡና ዹኡቄያ ማዔቴሮኦማናኣ ቡኔቴ ኑ ዛጎም፤ዒኢካ ታና ታኣኒ ኔኤም ጉቤና ዓኣሢ ዒንጋንዳኔ። 13 ማንዳሪክሴ ጌይንታ ሚፆ ቡኖ ሳውሞንታሃሢ ዱኡዞናሢ ማዔቴያ ካፄ ሚፆ ዓኣፓኣኑ ካራ ኩሚ ዓኣኔ፤ታ ዒሼ! ዬያይዳፓ ታ ኔኤም ጌሤኔ።
In Other Versions
Song of Songs 7 in the ANTPNG2D
Song of Songs 7 in the BNTABOOT
Song of Songs 7 in the BOATCB2
Song of Songs 7 in the BOGWICC
Song of Songs 7 in the BOHNTLTAL
Song of Songs 7 in the BOILNTAP
Song of Songs 7 in the BOKHWOG
Song of Songs 7 in the KBT1ETNIK
Song of Songs 7 in the TBIAOTANT