1 Timothy 3 (SBITS2)
1 యది కశ్చిద్ అధ్యక్షపదమ్ ఆకాఙ్క్షతే తర్హి స ఉత్తమం కర్మ్మ లిప్సత ఇతి సత్యం| 2 అతోఽధ్యక్షేణానిన్దితేనైకస్యా యోషితో భర్త్రా పరిమితభోగేన సంయతమనసా సభ్యేనాతిథిసేవకేన శిక్షణే నిపుణేన 3 న మద్యపేన న ప్రహారకేణ కిన్తు మృదుభావేన నిర్వ్వివాదేన నిర్లోభేన 4 స్వపరివారాణామ్ ఉత్తమశాసకేన పూర్ణవినీతత్వాద్ వశ్యానాం సన్తానానాం నియన్త్రా చ భవితవ్యం| 5 యత ఆత్మపరివారాన్ శాసితుం యో న శక్నోతి తేనేశ్వరస్య సమితేస్తత్త్వావధారణం కథం కారిష్యతే? 6 అపరం స గర్వ్వితో భూత్వా యత్ శయతాన ఇవ దణ్డయోగ్యో న భవేత్ తదర్థం తేన నవశిష్యేణ న భవితవ్యం| 7 యచ్చ నిన్దాయాం శయతానస్య జాలే చ న పతేత్ తదర్థం తేన బహిఃస్థలోకానామపి మధ్యే సుఖ్యాతియుక్తేన భవితవ్యం| 8 తద్వత్ పరిచారకైరపి వినీతై ర్ద్వివిధవాక్యరహితై ర్బహుమద్యపానే ఽనాసక్తై ర్నిర్లోభైశ్చ భవితవ్యం, 9 నిర్మ్మలసంవేదేన చ విశ్వాసస్య నిగూఢవాక్యం ధాతివ్యఞ్చ| 10 అగ్రే తేషాం పరీక్షా క్రియతాం తతః పరమ్ అనిన్దితా భూత్వా తే పరిచర్య్యాం కుర్వ్వన్తు| 11 అపరం యోషిద్భిరపి వినీతాభిరనపవాదికాభిః సతర్కాభిః సర్వ్వత్ర విశ్వాస్యాభిశ్చ భవితవ్యం| 12 పరిచారకా ఏకైకయోషితో భర్త్తారో భవేయుః, నిజసన్తానానాం పరిజనానాఞ్చ సుశాసనం కుర్య్యుశ్చ| 13 యతః సా పరిచర్య్యా యై ర్భద్రరూపేణ సాధ్యతే తే శ్రేష్ఠపదం ప్రాప్నువన్తి ఖ్రీష్టే యీశౌ విశ్వాసేన మహోత్సుకా భవన్తి చ| 14 త్వాం ప్రత్యేతత్పత్రలేఖనసమయే శీఘ్రం త్వత్సమీపగమనస్య ప్రత్యాశా మమ విద్యతే| 15 యది వా విలమ్బేయ తర్హీశ్వరస్య గృహే ఽర్థతః సత్యధర్మ్మస్య స్తమ్భభిత్తిమూలస్వరూపాయామ్ అమరేశ్వరస్య సమితౌ త్వయా కీదృశ ఆచారః కర్త్తవ్యస్తత్ జ్ఞాతుం శక్ష్యతే| 16 అపరం యస్య మహత్త్వం సర్వ్వస్వీకృతమ్ ఈశ్వరభక్తేస్తత్ నిగూఢవాక్యమిదమ్ ఈశ్వరో మానవదేహే ప్రకాశిత ఆత్మనా సపుణ్యీకృతో దూతైః సన్దృష్టః సర్వ్వజాతీయానాం నికటే ఘోషితో జగతో విశ్వాసపాత్రీభూతస్తేజఃప్రాప్తయే స్వర్గం నీతశ్చేతి|