Jeremiah 32 (SUSU2)
1 عَلَتَلَ نَشَ مَسٍنيِ تِ عَننَبِ يٍرٍ مِ بّ يُدَيَ مَنفّ سٍدٍكِيَ شَ مَنفّيَ حّ قُ. نٍبُكَدَنسَرِ شَ مَنفّيَ نُ بَرَ حّ قُ نُن سٌلٌمَسَشَن لِ. 2 بَبِلْن مَنفّ شَ سْورِيٍ نُ بَرَ دَرِ سَلَمُ سُشُ. عَننَبِ يٍرٍ مِ نُ سَشِ فٍيلِ كُي يُدَيَ مَنفّ سٍدٍكِيَ شْنيِ 3 عَ شَ نَمِحْنمّ مَسٍنيِ شَ قٍ رَ. سٍدٍكِيَ نُ بَرَ عَ مَشْرِن، «مُنقٍ رَ عِ عَ مَسٍنمَ عَ عَلَتَلَ يِ تَا لُمَ نّ بَبِلْن مَنفّ سَفٌ؟ 4 عِ مَن عَ قَلَ عَ عَلَتَلَ نَشّ، ﭑ تَن يُدَيَ مَنفّ سٍدٍكِيَ مُ قَمَ قٌتِفٌلِدٍ كَلِدِكَيٍ يِ، ﭑ قَمَ لُدٍ بَبِلْن مَنفّ نَن سَفٌي، ﭑ شَ ﭑ دّنتّفّ عَ يَ شْرِ. 5 مُنقٍ رَ عِ عَ قَلَمَ عَ عَلَتَلَ عَ مَسٍنشِ، ‹بَبِلْن مَنفّ سٍدٍكِيَ شَنِنمَ نّ بَبِلْن بْشِ مَ. عَ لُمَ نّ نَا هَن ﭑ قَ تّمُي. شَ وٌ سٌ كَلِدِكَيٍ فٍرٍقٍ، نَ مُ قِندِ مَ وٌ بّ شُننَكٍلِ رَ.›» 6 عَننَبِ يٍرٍ مِ نَشَ عَ قَلَ، «عَلَتَلَ شَ مَسٍنيِ نَن يَ؛ 7 عِ سْشْ سَلُمُ شَ دِ شَنَمٍلِ قَمَ نّ عِ يِرٍ، عَ قَ عَ قَلَ عِ بّ، ‹ﭑ مَ شّ سَرَ نَشَن نَ عَنَتْتِ، بَرِ مَ عِ تَن نَن نْمَ عَ شُن سَرَدٍ كّ سّرِيّ كِ مَ.›» 8 ﭑ سْشْ شَ دِ شَنَمٍلِ نَشَ قَ ﭑ يِرٍ عَلْ عَلَتَلَ عَ مَسٍنشِ ﭑ بّ كِ نَشّ. عَ نَشَ ﭑ لِ فٍيلِ تّتّ كُي، عَ عَ قَلَ ﭑ بّ، «ﭑ مَ شّ سَرَ نَشَن نَ عَنَتْتِ، بُنيَمِن بْنسْي شَ بْشِ، بَرِ مَ عِ تَن نْمَ عَ شُن سَرَدٍ كّ سّرِيّ كِ مَ. عَ شُن سَرَ.» ﭑ نَشَ عَ كٌلٌن عَلَتَلَ شَ مَسٍنيِ كَمَلِشِ نَن نُ عَ رَ. 9 ﭑ نَشَ ﭑ سْشْ شَ دِ شَنَمٍلِ شَ شّ سَرَ، نَشَن نُ نَ عَنَتْتِ. ﭑ نَشَ فبٍتِ كِلٌ قِرِن مَنِيَ عَ بّ. 10 ﭑ نَشَ كّيدِ سّبّ، ﭑ نَن ﭑ مَ تْنشُمَ دْشْ عَ مَ، ﭑ قَ فبٍتِ مَنِيَ سِكٍيلِ رَ سٍيدٍ يَ شْرِ. 11 ﭑ نَشَ نَ كّيدِ مَتْنشُمَشِ تٌنفٌ، سّرِيّ سّبّشِ نَشَن كُي، عَ نُن كّيدِ فبّتّ نَشَن مَنِيَشِ نَ سِنفٍ رَ. 12 ﭑ نَشَ نَ كّيدِ سٌ بَرُكِ يِ رَ، نٍرِيَ شَ دِ، مَشَسٍيَ شَ مَمَدِ. ﭑ بَرَ نَ رَبَ ﭑ سْشْ شَ دِ شَنَمٍلِ نُن سٍيدٍ يَ شْرِ، نَشٍيٍ نُ بَرَ عٍ بّلّشّ قْشِ سَ كّيدِ مَ نَشَن شّ سَرَقٍ، نَ شَ قٍ سّبّشِ كّيدِ نَشَن مَ. يُوِقِ نَشٍيٍ نُ نَ فٍيلِ تّتّ كُي، عٍ بِرِن نَ تٌشِ. 13 ﭑ نَشَ عَ قَلَ بَرُكِ بّ، 14 «عِسِرَيِلَ مَرِفِ مَنفّ عَلَتَلَ شَ مَسٍنيِ نَن يَ؛ يِ كّيدِ قِرِن تٌنفٌ، شّ سَرَ قٍ سّبّشِ نَشٍيٍ كُي، تْنشُمَ دْشْشِ نَشَن مَ، عَ نُن بٌورٍ تْنشُمَتَرٍ، عِ شَ عٍ سَ قّحّ دِ كُي عَلَكٌ عٍ نَشَ كَنَ، عٍ شَ بُ.» 15 عِسِرَيِلَ مَرِفِ عَلَتَلَ نَشَ عَ مَسٍن، «وَشَتِ قَمَ قَدٍ، بَنشِيٍ، شّيٍ، نُن وّنِ سَنسِيٍ مَن مَتِمَ نّ يِ بْشِ مَ.» 16 ﭑ تٌ نَ شّ سَرَ كّيدِ سٌ نٍرِيَ شَ دِ بَرُكِ يِ رَ، ﭑ نَشَ عَلَتَلَ مَشَندِ يِ كِ، 17 «ﭑ مَرِفِ عَلَتَلَ،نَشَن بَرَ كٌورٍ نُن بْشِ دَا عِ شَ سّنبّ مَفَاشُي رَ،عِ تَن نْمَ قٍ بِرِن نَ. 18 عِ هِننّمَ مِشِيٍ رَ هَن عٍ بْنسْي وُلُ ندٍ،كْنْ عِ مَن نْمَ دِيٍ حَشَنكَتَدٍ عٍ بَبَيٍ شَ يُنُبِيٍ مَ.عِ تَن نَن عَلَ كَلَنكٍ رَ نَشَن سّنبّ فبٌ،نَشَن شِلِ مَنفّ عَلَتَلَ. 19 عِ شَ لْننِ فبٌ، عِ قٍ رَبَمَ سّنبّ رَ.عِ يَيٍ تِشِ عِبُنَدَ مَ دِيٍ رَ كِرَ بِرِن شْن،عَلَكٌ عِ شَ عٍ بِرِن سَرٍ قِ عٍ شَ وَلِ رَ. 20 عِ بَرَ لَامَتُنيِيٍ رَ مِنِ،عِ بَرَ كَابَنَكٌي رَبَ مِسِرَ بْشِ مَ هَن تٌ.عِ مَن بَرَ نَ رَبَ عِسِرَيِلَ نُن دُنِحَ بِرِن مَ،هَن عِ بَرَ شِلِ شُنفبٍ سْتْ يِ وَشَتِ. 21 عِ بَرَ عِ شَ حَمَ عِسِرَيِلَ رَ مِنِ مِسِرَ لَامَتُنيِيٍ نُن كَابَنَكٌييٍ رَ.عِ سّنبّ مَفَاشُشِ بَرَ عٍ بِرِن نَسّرّن. 22 عِ بَرَ يِ بْشِ قِ عٍ مَ،عِ عِ كَلِشِ نَشَن نَ عٍ بٍنبَيٍ بّ،شِحّ نُن كُمِ فبٌشِ دّننَشّ. 23 عٍ تٌ قَ، عٍ بَرَ بْشِ سْتْ،كْنْ عٍ مُ عِ شُي رَبَتُشِ،عٍ مُ بِرَشِ عِ شَ سّرِيّ قْشْ رَ،عٍ مُ عِ شَ يَامَرِيٍ سُشُشِ.نَ نَن عَ نِيَشِ عِ بَرَ عٍ لُ يِ فبَلٌي كُي. 24 كَلِدِكَيٍ بَرَ بّندّ مَلَن عَلَكٌ عٍ شَ تٍ تّتّ قَرِ.يِ تَا قَمَ نّ لُدٍ عٍ سَفٌي.عَ قَمَ نّ كَنَدٍ سَنتِدّفّمَ، كَامّ، نُن قُرٍ حَاشِ رَ.عِ نَشَن مَسٍنشِ عَ بَرَ كَمَلِ عِ يَ شْرِ. 25 هَلِ نَ بِرِن تٌ رَبَشِ،عِ تَن مَرِفِ عَلَتَلَ نَشَ عَ مَسٍن ﭑ بّ،ﭑ شَ شّ سَرَ فبٍتِ رَ سٍيدٍ يَ شْرِ.ﭑ نَ بِرِن نَبَشِ كَلِدِكَيٍ فٍرٍ تّمُي نّ.» 26 عَلَتَلَ مَن نَشَ يِ مَسٍنيِ قِ عَننَبِ يٍرٍ مِ مَ؛ 27 «ﭑ تَن نَن دَالِسٍ بِرِن مَرِفِ عَلَتَلَ رَ.قٍ ندٍ نَ نَ ﭑ مُ نْمَ نَشَن نَ؟ 28 نَ نَن عَ رَ عَلَتَلَ يِ مَسٍنيِ تِمَ؛ﭑ قَمَ نّ يِ تَا سٌدٍ كَلِدِكَيٍ يِ رَ.بَبِلْن مَنفّ نٍبُكَدَنسَرِ قَمَ نّ عَ سُشُدٍ. 29 كَلِدِكَيٍ نَشٍيٍ سٌمَ يِ تَا كُي،عٍ قَمَ نّ عَ بِرِن فَندٍ تّ رَ.وٌ سُرَيِ فَنشِ سّرّشّ رَ بَلِ كُيٍ بّ دّننَشّ،عٍ نَ كَنَمَ نّ.وٌ مِنسٍ سّرّشّ بَشِ عَلَ فبّتّيٍ بّ دّننَشّ،عٍ نَ قَن كَنَمَ نّ.وٌ شَ كُيٍ بَتُي بَرَ ﭑ نَشْنْ. 30 كَبِ عِسِرَيِلَكَيٍ نُن يُدَيَكَيٍ دِ مّدِ تّمُي،عٍ بَرَ قٍ رَبَ نَشَن مُ رَقَن ﭑ مَ.عٍ بَرَ ﭑ نَشْنْ عٍ شَ وَلِ كٌبِ رَ.»عَلَتَلَ شَ مَسٍنيِ نَن نَ كِ. 31 «كَبِ عٍ نَشَ يِ تَا تِ هَن تٌ،عٍ قٍ رَبَمَ نَشَن ﭑ نَشْنْمَ.نَ نَن نَ كِ ﭑ بَرَ ﭑ كٌبٍ رَ سٌ عٍ رَ، 32 عِسِرَيِلَكَيٍ، يُدَيَكَيٍ، دَرِ سَلَمُكَيٍ،عٍ شَ مَنفّيٍ، عٍ شَ كُنتِفِيٍ،عٍ شَ سّرّشّدُبّيٍ، نُن عٍ شَ نَمِحْنمّيٍ،عٍ بِرِن شَ كّوَلِ كٌبِيٍ شَ قٍ رَ. 33 عٍ بَرَ عٍ كٌبٍ رَ سٌ ﭑ نَ.ﭑ نُ بَرَ عٍ مَتِنكَن تّمُي بِرِن،كْنْ عٍ مُ ﭑ مَ سّرِيّ سُشُ. 34 عٍ بَرَ كُيٍيٍ دْشْ ﭑ مَ بَنشِ كُي،ﭑ شِلِ قَلَمَ دّننَشّ.عٍ بَرَ ﭑ مَ بَنشِ مَنْشْ نَ قٍ مْولِ رَ. 35 عٍ بَرَ سَلِدٍيٍ تِ بَلِ كُيٍيٍ بّ بٍن هِنٌمَ فُلُنبَ كُي.مّننِ عٍ بَرَ عٍ شَ دِيٍ بَ سّرّشّ رَ مْلْكْ بّ.ﭑ مُ نَشَن قَلَ عٍ بّ،نَشَن مُ نْمَ قِندِدٍ ﭑ مَ مَحْشُنيِ رَ،عٍ بَرَ نَ قٍ شْنشِ مْولِ بِرِن نَبَ،عَ قَ قِندِ يُنُبِ رَ يُدَيَ بّ.» 36 «وٌ عَ قَلَمَ عَ يِ تَا قَمَ لُدٍ بَبِلْن مَنفّ نَن سَفٌي،سَنتِدّفّمَ، كَامّ، نُن قُرٍ حَاشِ سَابُي رَ.كْنْ عِسِرَيِلَ مَرِفِ عَلَتَلَ شَ مَسٍنيِ نَن يَ؛ 37 ‹ﭑ قَمَ نّ عِسِرَيِلَكَيٍ رَ مِنِدٍ حَمَنّيٍ مَ،ﭑ عٍ رَيٍنسٍنشِ دّننَشّ ﭑ مَ شْنّ شُنفبٍ كُي.ﭑ بْحّ نُ بَرَ تٍ عٍ مَ،كْنْ ﭑ مَن قَمَ نّ عٍ رَ سٌدٍ يِ تَا كُي بْحّسَ رَ. 38 عٍ مَن قِندِ مَ نّ ﭑ مَ حَمَ رَ،ﭑ مَن قِندِ عٍ مَرِفِ عَلَ رَ. 39 ﭑ قَمَ نّ عٍ لُدٍ شَشِلِ كٍرٍن نُن كِرَ كٍرٍن شْن،عَلَكٌ عٍ شَ فَاشُ ﭑ يَ رَ،عٍ تَن نُن عٍ بْنسْي شَ لُ هّيرِ كُي عَبَدَن. 40 ﭑ قَمَ نّ سَاتّ تٌنفٌدٍ عٍ بّ نَشَن مُ كَنَمَ عَبَدَن.ﭑ مُ فبِلٍنمَ عٍ قْشْ رَ.ﭑ قٍ قَنيِ رَبَمَ نّ عٍ بّ.ﭑ نَن ﭑ مَ يَرَفَاشُي لُمَ نّ عٍ بْحّ مَ،عَلَكٌ عٍ نَشَ عٍ مَكُيَ ﭑ نَ. 41 ﭑ سّيوَ مَ نّ قٍ قَنيِ رَبَقٍ رَ عٍ بّ.ﭑ عٍ رَ سَبَتِمَ نّ يِ بْشِ كُيﭑ بْحّ نُن ﭑ نِي بِرِن نَ.›» 42 عَلَتَلَ شَ مَسٍنيِ نَن يَ؛«ﭑ يِ قٍ قَنيِ بِرِن نَبَمَ نّ عٍ بّ،عَلْ ﭑ حَشَنكَتّ رَبَشِ عٍ رَ كِ نَشّ.نَ سٍسٍ مُ كَنَمَ. 43 مِشِ مَن قَمَ نّ شّ سَرَدٍ يِ بْشِ مَ،وٌ عَ قَلَمَ نَشَن نَ،بٍ بَرَ قِندِ فبَلٌي يِرٍ رَ عَدَ مَ نُن سُبٍ بّ.بِرِن بَرَ لُ كَلِدِكَيٍ سَفٌ.» 44 كْنْ عَلَتَلَ شَ مَسٍنيِ نَن يَ؛«وٌ مَن قَمَ نّ شّيٍ سَرَدٍ فبٍتِ رَ يِ بْشِ مَ.شّ سَرَ كّيدِ مَن يَءِلَنمَ،تْنشُمَ دْشْ عٍ مَ سٍيدٍ يَ شْرِبُنيَمِن بْنسْي شَ بْشِ مَ،دَرِ سَلَمُ رَبِلِنيِ، يُدَيَ شَ تَايٍ كُي،فٍيَ تَايٍ كُي، سٍقٍلَ بْشِ كُي، نُن نٍفٍوِ فبٍنفبٍرٍن يِرٍ.ﭑ عٍ شَ مِشِ رَفبِلٍنمَ نّ كٍلِقٍ كٌنيِيَ كُي.»