Jeremiah 36 (SUSU2)
1 يٌسِيَ شَ دِ يٍهٌيَكِمِ شَ مَنفّيَ حّ نَانِ ندٍ يُدَيَ بْشِ مَ، عَلَتَلَ نَشَ عَ مَسٍن عَننَبِ يٍرٍ مِ بّ، 2 «ﭑ نَشَن قَلَ عِسِرَيِلَ نُن يُدَيَ شَ قٍ رَ كَبِ يٌسِيَ شَ وَشَتِ هَن تٌ، عِ شَ نَ بِرِن سّبّ كّيدِ مَكُنتَنشِ كُي. 3 تّمُندٍ يُدَيَكَيٍ قَمَ نّ فَاشُدٍ ﭑ مَ مَسٍنيِ يَ رَ، عَ نُن ﭑ مَ قٍ حَاشِ ﭑ نَشَن نَبَمَ عٍ رَ، هَن عٍ فبِلٍنمَ عٍ شَ كِرَ كٌبِ قْشْ رَ تّمُي نَشّ. نَ نَن نْمَ عَ نِيَدٍ ﭑ شَ دِحّ عٍ شَ يُنُبِ مَ.» 4 عَننَبِ يٍرٍ مِ نَشَ نٍرِيَ شَ دِ بَرُكِ شِلِ، عَلَكٌ عَلَتَلَ نَشَن مَسٍن عَننَبِ يٍرٍ مِ بّ، بَرُكِ شَ نَ بِرِن سّبّ كّيدِ مَكُنتَنشِ مَ. 5 عٍ تٌ فّ نَ وَلِ رَ، عَننَبِ يٍرٍ مِ نَشَ يِ يَامَرِ قِ بَرُكِ مَ، «عٍ بَرَ ﭑ مَكَنكَن بٍ، ﭑ مُ نْمَ سِفَدٍ عَلَتَلَ شَ بَنشِ كُي. 6 عِ تَن شَ سِفَ عَلَتَلَ شَ بَنشِ كُي سُنيِ لْشْي، عِ شَ يِ سّبّلِ بِرِن شَرَن حَمَ بّ، عَ نُن يُدَيَكَيٍ نَشٍيٍ كٍلِشِ تَا فبّتّيٍ، عَلَكٌ عٍ شَ عَلَتَلَ شَ مَسٍنيِ كٌلٌن، ﭑ نَشَن قَلَ عِ بّ، عِ نَشَن سّبّ كّيدِ مَكُنتَنشِ كُي. 7 عَلَتَلَ بَرَ شْنْ عٍ مَ عَ حَاشِ رَ، كْنْ تّمُندٍ شَ عٍ فبِلٍن عٍ شَ كِرَ كٌبِ قْشْ رَ، عَلَتَلَ نْمَ نّ عٍ شَ مَشَندِ سُشُدٍ.» 8 نٍرِيَ شَ دِ بَرُكِ نَشَ عَلَتَلَ شَ مَسٍنيِ شَرَن عَلَتَلَ شَ بَنشِ كُي، عَلْ عَننَبِ يٍرٍ مِ عَ يَمَرِشِ كِ نَشّ. 9 يٌسِيَ شَ دِ يٍهٌيَكِمِ شَ مَنفّيَ حّ سُولِ، كِكٍ سٌلٌمَنَانِ ندٍ يُدَيَ بْشِ مَ، عَ نَشَ دَرِ سَلَمُكَيٍ نُن يُدَيَكَيٍ مَشِلِ عٍ شَ سُنيِ رَبَ عَلَتَلَ بّ دَرِ سَلَمُ. 10 نَ لْشْي بَرُكِ نَشَ عَننَبِ يٍرٍ مِ شَ وْيّنيِ بِرِن شَرَن عَلَتَلَ شَ بَنشِ كُي حَمَ يَ شْرِ. عَ نُ نَ مَنفّ شَ سّبّلِتِ فّمَرَيَ شَ كٌنكٌي نَن كُي، عَلَتَلَ شَ بَنشِ كٌورٍ رَ، سٌدٍ نّينّ دّ رَ. سَقَن شَ دِ فّمَرَيَ نَن نُ عَ رَ. 11 فّمَرَيَ شَ دِ مِكٍ تٌ عَلَتَلَ شَ مَسٍنيِ مّ نَشَن سّبّشِ كِتَابُي كُي، 12 عَ نَشَ فٌرٌ، عَ سِفَ مَنفّ شَ سّبّلِتِ شَ كٌنكٌي مَنفّ شَ بَنشِ كُي، كُنتِفِ بِرِن نُ عٍ مَلَنمَ دّننَشّ. مَنفّ شَ سّبّلِتِ عٍلِسَمَ، سٍمَيَ شَ دِ دّلَيَ، عَكِبٌرِ شَ دِ عٍلِنَتَن، سَقَن شَ دِ فّمَرَيَ، شَنَنِيَ شَ دِ سٍدٍكِيَ، عَ نُن كُنتِفِ فبّتّيٍ نُ نَ نَ. 13 مِكٍ نَشَ بَرُكِ شَ مَسٍنيِ بِرِن تَفِ رَبَ عٍ بّ، عَ نَشَن شَرَنشِ كِتَابُي كُي حَمَ يَ شْرِ. 14 نَ تّمُي كُنتِفِيٍ نَشَ نٍتَنِيَ شَ دِ يٍهُدِ شّي، سٍلٍمِيَ شَ مَمَدِ، كُو سِ بْنسْي، عَ شَ سَ عَ قَلَ بَرُكِ بّ، «كِتَابُي تٌنفٌ عِ نَشَن شَرَنشِ حَمَ بِرِن تَفِ، عِ قَ عَ رَ.» نٍرِيَ شَ دِ بَرُكِ نَشَ كِتَابُي تٌنفٌ، عَ نَشَ سِفَ عٍ يِرٍ. 15 عٍ نَشَ عَ قَلَ عَ بّ، «دْشْ، عِ شَ يِ سّبّلِ شَرَن مُشُ بّ.» بَرُكِ نَشَ عَ شَرَن. 16 عٍ تٌ فّ نَ مَسٍنيِ رَ مّدٍ، عٍ نَشَ كْنتْقِلِ، عٍ قَ عَ قَلَ بَرُكِ بّ، «مُشُ شَ يِ بِرِن تَفِ رَبَ مَنفّ بّ.» 17 عٍ نَشَ بَرُكِ مَشْرِن، «عَ تَفِ رَبَ مُشُ بّ عِ يِ سّبّشِ كِ نَشّ؟ يٍرٍ مِ نَن نَ قَلَشِ عِ بّ؟» 18 بَرُكِ نَشَ عٍ يَابِ، «عَننَبِ يٍرٍ مِ نَن يِ وْيّنيِ بِرِن قَلَ ﭑ بّ عَ شُي عِتٍشِ رَ. ﭑ نَشَ عَ سّبّ كِتَابُي كُي دُبّ رَ.» 19 كُنتِفِيٍ نَشَ عَ قَلَ بَرُكِ بّ، «وٌ نُن يٍرٍ مِ، وٌ سَ وٌ نْشُن. مِشِ يٌ نَشَ عَ كٌلٌن وٌ نَ دّننَشّ.» 20 كُنتِفِيٍ نَشَ سِفَ مَنفّ يِرٍ عَ شَ تّتّ كُي، عٍ قَ يٍرٍ مِ شَ مَسٍنيِ بِرِن تَفِ رَبَ عَ بّ. عٍ نُ بَرَ كِتَابُي لُ مَنفّ شَ سّبّلِتِ عٍلِسَمَ شَ كٌنكٌي كُي. 21 مَنفّ نَشَ يٍهُدِ شّي عَ شَ سَ قَ كِتَابُي رَ. يٍهُدِ نَشَ عَ تٌنفٌ مَنفّ شَ سّبّلِتِ عٍلِسَمَ شَ كٌنكٌي كُي، عَ قَ عَ شَرَن مَنفّ نُن عَ شَ كُنتِفِيٍ بّ. 22 نَ وَشَتِ مَنفّ نُ نَ عَ شَ حّمّ بَنشِ كُي، عَ مَفٌرٌشِ كٌلٌثْوتِ قّ مَ تّ رَ عَ كُي. نَ تّمُي كِكٍ سٌلٌمَنَانِ ندٍ نَن نُ عَ رَ. 23 يٍهُدِ تٌ فّ يِرٍ ندٍيٍ شَرَندٍ، مَنفّ نَشَ مّننِ شَبَ عَ شَ سّبّلِتِ شَ قِنّ رَ، عَ عَ وْلّ تّ عِ. عَ لُ نَ نَن نَبَ رَ هَن كِتَابُي بِرِن نَشَ فّ فَندٍ. 24 نَ كُي مَنفّ نُن عَ شَ مِشِ نَشٍيٍ نَ مَسٍنيِ مّ، عٍ مُ فَاشُ، عٍ مُ عٍ شَ دٌنمَيٍ عِبْو سُننُنيِ كُي. 25 كْنْ عٍلِنَتَن، دّلَيَ، نُن فّمَرَيَ نُ بَرَ مَنفّ مَيَندِ عَلَكٌ عَ نَشَ نَ كِتَابُي فَن، كْنْ عَ مُ عٍ شُي رَ مّ. 26 مَنفّ نَشَ عَ قَلَ عَ شَ دِ يٍرَ مٍيلِ بّ، عَ نُن عَسِرِيّلِ شَ دِ سٍرَيَ نُن عَبٍدٍيلِ شَ دِ سٍلٍمِيَ بّ، عٍ شَ سّبّلِتِ بَرُكِ نُن عَننَبِ يٍرٍ مِ سُشُ، كْنْ عَلَتَلَ نُ بَرَ عٍ نْشُن عٍ مَ. 27 مَنفّ تٌ بَرَ فّ كِتَابُي فَندٍ، عَننَبِ يٍرٍ مِ نَشَن سّبّشِ بَرُكِ سَابُي رَ، عَلَتَلَ نَشَ عَ مَسٍن عَننَبِ يٍرٍ مِ بّ، 28 «عِ مَن شَ كّيدِ مَكُنتَنشِ تٌنفٌ، عِ شَ وْيّنيِ بِرِن سّبّ عَ مَ نَشَن نُ نَ بٌورٍ كِتَابُي كُي، يُدَيَ مَنفّ يٍهٌيَكِمِ نَشَن فَنشِ. 29 عِ شَ عَ قَلَ يُدَيَ مَنفّ يٍهٌيَكِمِ بّ، ‹عَلَتَلَ شَ مَسٍنيِ نَن يَ؛ عِ تَن نَن كِتَابُي فَنشِ، عِ نُ قَ عَ قَلَ مُنقٍ رَ عَ سّبّشِ بَبِلْن مَنفّ قَمَ نّ يِ بْشِ بِرِن كَنَدٍ، عَدَ مَدِيٍ نُن سُبٍيٍ بِرِن سْنتْ؟›» 30 نَ نَن عَ تٌشِ، عَلَتَلَ يِ مَسٍنشِ يُدَيَ مَنفّ يٍهٌيَكِمِ شَ قٍ رَ؛ «عَ شَ مِشِ يٌ مُ قَمَ دْشْدٍ دَوُدَ شَ مَنفّ كِبَنيِ كُي. عَ قُرٍ قَمَ رَبّحِندٍ سٌفٍ نَن مَ، عَ قَ لُ شِنبٍلِ كُي كْي رَ. 31 ﭑ قَمَ نّ عَ حَشَنكَتَدٍ، عٍ نُن عَ بْنسْي نُن عَ شَ وَلِكّيٍ، عٍ شَ وَلِ كٌبِ شَ قٍ رَ. ﭑ مَن قَمَ نّ حَشَنكَتّ دْشْدٍ دَرِ سَلَمُكَيٍ نُن يُدَيَكَيٍ مَ عَلْ ﭑ عَ مَسٍنشِ كِ نَشّ، بَرِ مَ عٍ مُ ﭑ شُي سُشُشِ.» 32 عَننَبِ يٍرٍ مِ نَشَ كّيدِ مَكُنتَنشِ فبّتّ تٌنفٌ، عَ عَ سٌ سّبّلِتِ نٍرِيَ شَ دِ بَرُكِ يِ رَ. عَننَبِ يٍرٍ مِ نَشَ فبِلٍن مَسٍنيِ تِ رَ بَرُكِ بّ، يُدَيَ مَنفّ يٍهٌيَكِمِ نَشَن فَنشِ. عَ مَن نَشَ وْيّن فبّتّ سَ نَ قَرِ.