Jeremiah 43 (SUSU2)
1 عَننَبِ يٍرٍ مِ تٌ فّ مَرِفِ عَلَتَلَ شَ مَسٍنيِ تِدٍ حَمَ بّ، عَلْ عَلَتَلَ عَ يَمَرِشِ كِ نَشّ، 2 هٌسَيَ شَ دِ عَسَرَيَ، كَرٍيَ شَ دِ يٌشَنَن، نُن يّتّ عِفبٌي فبّتّيٍ، عٍ نَشَ عَ قَلَ عَننَبِ يٍرٍ مِ بّ، «عِ وُلٍ! مُشُ مَرِفِ عَلَتَلَ مُ عِ شّيشِ عَ قَلَقٍ رَ وٌ نَشَ سَبَتِ مِسِرَ. 3 نٍرِيَ شَ دِ بَرُكِ تَن نَ عِ تُتُنقٍ عَلَكٌ عِ شَ مُشُ لُ كَلِدِكَيٍ سَفٌي، عٍ شَ مُشُ قَشَ، شَ نَ مُ عَ رَ عٍ شَ مُشُ شَنِن بَبِلْن.» 4 كَرٍيَ شَ دِ يٌشَنَن، سْورِ يَرٍرَتِيٍ، نُن حَمَ، عٍ نَشَ تٌندِ مَرِفِ شَ يَامَرِ رَ لُقٍ يُدَيَ بْشِ مَ. 5 كَرٍيَ شَ دِ يٌشَنَن نُن سْورِيٍ يَرٍرَتِيٍ نَشَ يُدَيَ حَمَ دْنشْي شَنِن مِسِرَ، نَشٍيٍ نُ بَرَ فبِلٍن يُدَيَ كٍلِقٍ حَمَنّيٍ مَ عٍ نُ يٍنسٍنشِ دّننَشّ. 6 عٍ نَشَ شّمّيٍ، فِنّيٍ، دِ مّدِيٍ، مَنفّ شَ دِ فِنّيٍ، نُن مِشِ بِرِن شَنِن، سْورِ مَنفّ نٍبُسَرَدَن نَشٍيٍ تَشُشِ عَشِكَمَ شَ دِ فّدَلَيَ رَ، سَقَن شَ مَمَدِ. عَننَبِ يٍرٍ مِ نُن نٍرِيَ شَ دِ بَرُكِ قَن نُ نَ عٍ يَ مَ. 7 عٍ تٌ تٌندِ عٍ تُلِ مَتِدٍ عَلَتَلَ رَ، عٍ نَشَ حَمَ بِرِن شَنِن مِسِرَ بْشِ مَ تَثَنشّسِ. 8 عَلَتَلَ نَشَ عَ مَسٍن عَننَبِ يٍرٍ مِ بّ تَثَنشّسِ، 9 «فّمّ شُنفبٍ ندٍيٍ سَ مِسِرَ مَنفّ شَ بُنتُنيِ تِمَ دّننَشّ تَثَنشّسِ. عِ شَ نَ رَبَ يُدَيَكَيٍ يَ شْرِ، 10 عِ قَ يِ مَسٍنيِ تِ عٍ بّ؛ ‹ﭑ تَن عِسِرَيِلَ مَرِفِ عَلَتَلَ عَ نِيَمَ نّ ﭑ مَ كٌنيِ بَبِلْن مَنفّ نٍبُكَدَنسَرِ شَ عَ شَ كِبَنيِ تِ بٍ يِ فّمّ نْشُنشِيٍ قَرِ، 11 عَ قَمَ مِسِرَ فٍرٍدٍ تّمُي نَشّ. نَ كُي نَشٍيٍ لَن عٍ شَ قَشَ، نٍيٍ قَشَمَ نّ. نَشٍيٍ لَن عٍ شَ سُشُ، نٍيٍ سُشُمَ نّ. نَشٍيٍ لَن عٍ شَ سْشْ سَنتِدّفّمَ رَ، نٍيٍ سْشْمَ نّ. 12 ﭑ تّ سَمَ نّ مِسِرَ شَ كُيٍيٍ شَ بَنشِيٍ. نٍبُكَدَنسَرِ عٍ فَنمَ نّ، عَ كُيٍيٍ شَنِنمَ نّ. عَ نْ مِسِرَ رَ عَلْ شُرُ سٍ دّ مَدٌنيِ نْمَ عَ شَ دُفِ رَ كِ نَشّ، عَ قَ كٍلِ بْحّسَ كُي. 13 عَ كُيٍ بَتُدٍيٍ كَنَمَ نّ بٍتِ سٍمٍسِ مِسِرَ بْشِ مَ، عَ مِسِرَ كُيٍيٍ شَ بَنشِيٍ فَنمَ نّ تّ رَ.›»