1 Chronicles 24 (TOMA)

1 Aalɔn mavofodaiti gaaɠwɛɛni su ga Aalɔn ná-doun zunuiti tiegɔi: Nadaɓe, Aɓiyu, Eleazaal, ta Itamaal. 2 Nadaɓe ta Aɓiyu ti zaani ti-ɠɛɛ luɠɔ, ti la doun yɛni ga ʋoluʋelei. Eleazaal ta Itamaal ti zalaɠa ɠula wotii ɠɛɛni. 3 Suɠoozaai ma, Sadɔke nii é ɠɛni ga Eleazaal ná-dounloin ta, ta Ayimelɛke nii é ɠɛni ga Itamaal ná-dounloin ta, ti ɓɔni Davide ʋa, ti Aalɔn mavofodaiti gaaɠwɛsu kpɔgi gilagilagiti su, é zoloo botiiti ma niiti é veeni ti ya. 4 É ʋɛtɛni ga totuɠɔi mɔinni Eleazaal mavofodaiti saama, é leʋe Itamaal nɔnɔiti ba. Naa ɠa é kɛɛni Eleazaal mavofodaiti gaaɠwɛɛni su ga pɛlɛyeɠe lotuɠɔ puugɔ maazu lɔzita (16), Itamaal nɔnɔiti gaaɠwɛsu ga pɛlɛyeɠe lotuɠɔ lɔsaʋa. 5 Ti ɠaaɠwɛɛni su ga kpakutoomai, tɔɔzei seizu ɲadegai ma lotuɠɔi tanigaa ta GALA botii ma lotuɠɔi tanigaa ti ɠɛni Eleazaal mavofodaiti saama, ta ɠɛ Itamaal mavofodaiti saama. 6 Sɛʋɛ ɠɛ nui Semaya, Netaneyɛle ná-doun zunui, nii é ɠɛni ga Levi mavofodai ta, naa ti-laaseigiti sɛʋɛni masagi ɠaazu, ta totuɠɔiti, naa ʋɛɛ zalaɠa ɠula nui Sadɔke, ta Aɓiataal ná-doun zunui Ayimelɛke ʋa, ta zalaɠa ɠula nui naa ʋɛɛ Levi nuiti ta-ʋɛlɛyeɠe lotuɠɔiti ba. Ti ɠɛni kɛɛzu ga seɠezeɠedai, ta la pɛlɛyeɠe ɠila seɠena Eleazaal nɔnɔiti saama, ti gila seɠe Itamaal nɔnɔiti saama. 7 Pɛlɛyeɠe lotuɠɔiti kaa, niiti zeelobai woni ga tiye ga seɠezeɠedai ga kpakutoomai: Ma mɔungi, Yeɠoyaliɓe. Felesiɛi, Yedaya. 8 Saʋasiɛi, Ɠalime. Naanisiɛi, Seyolime. 9 Dɔɔlusiɛi, Malikiya. Dɔzitasiɛi, Miyamine. 10 Dɔfelasiɛi, Akɔse. Dɔsaʋasiɛi, Aɓiya. 11 Taaʋuusiɛi, Zozuwe. Puusiɛi, Sekania. 12 Puugɔ maazu ɠilasiɛi (11), Eliasiɓe. Puugɔ maazu velesiɛi (12), Yakime. 13 Puugɔ maazu zaʋasiɛi (13), Ɠupa. Puugɔ maazu naanisiɛi (14), Yeseɓeyaɓe. 14 Puugɔ maazu lɔɔlusiɛi (15), Ɓiliga. Puugɔ maazu lɔzitasiɛi (16), Imɛɛl. 15 Puugɔ maazu lɔfelasiɛi (17), Eziil. Puugɔ maazu lɔsaʋasiɛi (18), Apisɛse. 16 Puugɔ maazu taaʋuusiɛi (19), Petayia. Puufelesiɛi (20), Ezekiyɛle. 17 Puufele maazu ɠilasiɛi (21), Yakin. Puufele maazu velesiɛi (22), Gamule. 18 Puufele maazu zaʋasiɛi (23), Delaya. Puufele maazu naanisiɛi (24), Maaziya. 19 Ʋele ɠana ti ɠaaɠwɛɛni la su, ga ti ɗa lɛ Ɠɔoɠɔ GALAGI zei ʋɛlɛi wu, ti ɠɛni ta-wotiiti kɛɛzu, é zoloo devei naa ma nii Izilayɛle ná-GALAGI, Ɠɔoɠɔ GALAGI feeni ti-mɛmɛwola Aalɔn ya, é daazeeli ti ma. 20 Levi ʋɛlɛyeɠe ɠundiɠii zɔiti daaseigiti kaa: Suɓayɛle, Amalame mavofodaiti saama, Yedeya, Suɓayɛle nɔnɔiti saama, 21 Kundiɠii Yisiya, Leyaɓia mavofodaiti saama, 22 Selomɔte, Yiseɠaal mavofodaiti saama, Yaɠate, Selomɔte mavofodaiti saama. 23 Eɓelɔn ná-doun zunuiti kaa: Ma mɔungi ɠɛni ga Yeliya, felesiɛi ɠɛ ga Amalia, saʋasiɛi ɠɛ ga Yaɠaziyɛle, naanisiɛi ɠa ga Yekameyame. 24 Samiil, Uziyɛle ná-doun zunui Misé mavofodaiti saama. 25 Zakali, Misé kɛɛɠɛloin Yisiya mavofodaiti saama. 26 Melali ná-doun zunuiti kaa: Maali ta Musi, naa ʋɛɛ ná-doun zunui Yaziya nɔnɔ ma lointi ba. 27 Melali mavofodaiti kaa, ná-doun zunui Yaziya ma ʋele ma: Soɠame ta Zakuul naa ʋɛɛ Iɓili ʋa. 28 Maali mavofodaiti saama, Eleazaal, nii é la ɠɛni doun zɔlɔɔni. 29 Kise ná-doun zunui Yelameyɛle. 30 Musi ná-doun zunuiti ti ɠɛni ga: Maali, Edɛɛl ta Yelimɔte. Levi mavofodaiti kana, ʋelei ta-ʋɛlɛyeɠeiti ti zeini la su kpɛkpɛ. 31 Tiya ɓalaa ʋelei nɔ ti-ɠɛɛlointi ti kɛɛni la Aalɔn mavofodaiti, ti ta-wotii zeini su ga kpakutoomai, masagi Davide ɠaazu, ta Sadɔke, naa ʋɛɛ Ayimelɛke ʋa, ta zalaɠa ɠula nuiti ta-ʋɛlɛyeɠeiti, ta Levi ʋɛlɛyeɠe ɠundiɠiiti. Ʋelei nɔ ɓakologi ná-pɛlɛyeɠei zosu da, ʋele nɔ ɠana loungoi nɔnɔ ma ʋɛlɛyeɠei zosu la.

1 Chronicles 24 (TOMA)

In Other Versions