1 Chronicles 28 (SUSU2)
1 دَوُدَ نَشَ عِسِرَيِلَ شُنيِيٍ بِرِن مَلَن دَرِ سَلَمُ، بْنسْي شُنيِيٍ، سْورِ شُندّيٍ شُنيِيٍ، مِشِ وُلُ نُن مِشِ كّمّ شُنيِيٍ، مَنفّ شَ نَاقُلِ مّينِمَيٍ، مَنفّ شَ شُرُ سٍيٍ مّينِمَيٍ، مَنفّ شَ دِيٍ مّينِمَيٍ، مَنفّ شَ دٍنبَيَ مّينِمَيٍ، شّمّ فبَنفبَلَنيِيٍ، نُن كُنتِفِ بِرِن. 2 مَنفّ دَوُدَ نَشَ تِ، عَ عَ مَسٍن عٍ بّ، «ﭑ نفَشَكٍرٍنيِيٍ نُن ﭑ مَ حَمَ، وٌ وٌ تُلِ مَتِ ﭑ نَ. نَتّ نُ نَ ﭑ بّ، ﭑ شَ بَنشِ تِ عَلَتَلَ شَ سَاتّ كَنكِرَ دْشْمَ دّننَشّ، نَشَن نْمَ قِندِدٍ وٌن مَرِفِ عَلَ لُدٍ رَ. نَ كُي، ﭑ بَرَ نَ وَلِ قْلْ.» 3 «كْنْ عَلَ نَشَ عَ مَسٍن ﭑ بّ ‹عِ مُ بَنشِ تِمَ ﭑ بّ ﭑ لُمَ دّننَشّ، بَرِ مَ يِهَدِلَ نَن عِ رَ. عِ بَرَ عَدَ مَدِيٍ قَشَ.› 4 عِسِرَيِلَ مَرِفِ عَلَتَلَ ﭑ تَن نَن سُفَندِشِ ﭑ بَبَ شَ مِشِ بِرِن تَفِ، ﭑ شَ قِندِ عِسِرَيِلَ مَنفّ رَ عَبَدَن، بَرِ مَ عَ يُدَ نَن سُفَندِشِ عَ شَ قِندِ شُنيِ رَ، عَ ﭑ بَبَ شَ دٍنبَيَ سُفَندِ يُدَ بْنسْي بِرِن تَفِ. ﭑ بَبَ شَ دِيٍ بِرِن يَ مَ، عَ ﭑ تَن نَن سُفَندِشِ، ﭑ شَ قِندِ عِسِرَيِلَ مَنفّ رَ. 5 ﭑ مَ دِ شّمّ وُيَشِيٍ تَفِ، عَلَ نَشٍيٍ قِشِ ﭑ مَ، عَ ﭑ مَ دِ سُلٍمَنِ نَن سُفَندِشِ عِسِرَيِلَ مَنفّ رَ، عَلَتَلَ شَ مَنفّيَ بُن مَ.» 6 «عَلَ نَشَ عَ مَسٍن ﭑ بّ ‹عِ شَ دِ سُلٍمَنِ نَن ﭑ مَ هْرْ مْبَنشِ نُن عَ تّتّ تِمَ، بَرِ مَ ﭑ بَرَ عَ سُفَندِ ﭑ مَ دِ رَ، ﭑ تَن يّتّ يَتِ نَن قِندِ مَ عَ بَبَ رَ. 7 ﭑ قَمَ عَ شَ مَنفّيَ رَ سَبَتِدٍ عَبَدَن، شَ عَ ﭑ مَ يَامَرِيٍ نُن ﭑ مَ سّرِيّيٍ رَبَتُمَ عَلْ عَ نَ رَبَقٍ كِ نَشّ تٌ.›» 8 «تٌ لْشْي، ﭑ بَرَ عَ قَلَ وٌن مَرِفِ عَلَ يَ شْرِ عِسِرَيِلَكَ بِرِن بّ، عَلَتَلَ شَ حَمَ، وٌ شَ وٌ مَرِفِ عَلَتَلَ شَ سّرِيّ بِرِن نَبَتُ. وٌ شَ نَ نَتّ تٌنفٌ عَلَ يَ شْرِ نَشَن وٌ شُي بِرِن نَمّمَ. وٌ شَ نَ رَبَ عَلَكٌ وٌ شَ يِ بْشِ قَنيِ مَسْتْ، عَ شَ قِندِ كّ رَ وٌ شَ دِيٍ بّ نَشٍيٍ قَمَ وٌ شَنبِ رَ عَبَدَن. 9 ﭑ مَ دِ سُلٍمَنِ، عِ شَ عِ بَبَ مَرِفِ عَلَتَلَ كٌلٌن، عَ نَشَن بَتُمَ. عِ قَن شَ عَ بَتُ عِ بْحّ نُن عِ حَنِفٍ بِرِن نَ، بَرِ مَ عَلَتَلَ عَ كٌلٌن نَشَن نَ سٌندٌنيِ بِرِن كُي. عَ عَدَ مَ حَنِفٍ بِرِن كٌلٌن. شَ عِ عَلَتَلَ قٍن، عَ تِنمَ نّ عِ شَ عَ تٌ. كْنْ شَ عِ عَ رَبّحِن، عَ قَن عِ رَبّحِنمَ نّ كٍرٍنيِ رَ. 10 عِ شَ عَ مَتٌ، عَلَتَلَ بَرَ عِ سُفَندِ، عَلَكٌ عِ شَ عَ شَ هْرْ مْبَنشِ تِ. عِ شَ لِمَنِيَ، عِ شَ نَ وَلِ سُشُ.» 11 دَوُدَ نَشَ هْرْ مْبَنشِ تِ كِ تَفِ رَبَ سُلٍمَنِ بّ، عَ تّتّ، عَ رَبِلِنيِ بَنشِيٍ، نَاقُلِ يِرٍ، كٌنكٌي عِتٍشِيٍ، كٌنكٌي فبّتّيٍ، نُن سَاتّ كَنكِرَ دْشْدٍ. 12 دَوُدَ نَشَ قٍ بِرِن مَسٍن عَ شَ دِ بّ نَشَن نُ نَ عَ شَشِلِ مَ عَلَتَلَ شَ هْرْ مْبَنشِ تِقٍ رَ، عَلْ تّتّ، كٌنكٌي، نَاقُلِ يِرٍ، نُن سٍ سّنِيّنشِيٍ يِرٍ. 13 عَ مَن نَشَ عَ تَفِ رَبَ عَ بّ سّرّشّدُبّيٍ نُن لٍوِكَيٍ عِتَشُنمَ كِ نَشّ، عَ نُن عٍ وَلِمَ كِ نَشّ عَلَتَلَ شَ بَنشِ كُي. عَ نَشَ سٍ بِرِن مَسٍن عَ بّ نَشَن نَوَلِمَ عَلَتَلَ شَ بَنشِ كُي. 14 عَ نَشَ وَلِ سٍ شّيمَ دَاشِيٍ نُن فبٍتِ دَاشِيٍ شَ بِنيّ شَسَبِ مَسٍن عَ بّ. 15 عَ نَشَ لَنثُي دْشْسٍيٍ نُن لَنثُييٍ شَ بِنيّ شَسَبِ مَسٍن عَ بّ، نَشٍيٍ يَءِلَنمَ شّيمَ رَ عَ نُن نَشٍيٍ يَءِلَنمَ فبٍتِ رَ. 16 عَ نَشَ شّيمَ نُن فبٍتِ بِنيّ شَسَبِ مَسٍن عَ بّ نَشَن يَءِلَنمَ تٍيبِلِيٍ رَ سّرّشّ تَامِ سَمَ نَشٍيٍ قَرِ. 17 عَ نَشَ يِرَبَسٍ شّيمَ نُن فبٍتِ دَاشِ مْولِ بِرِن شَ بِنيّ شَسَبِ مَسٍن عَ بّ. 18 عَ نَشَ سُرَيِ سّرّشّبَدٍ شّيمَ دَاشِ شَ بِنيّ شَسَبِ مَسٍن عَ بّ، عَ نُن نَ يَءِلَن كِ. عَ نَشَ عَ مَسٍن عَ بّ نَ مَنفّ رَفِسٍ نُن نَ مَلٍكّ سَوُرّ شّيمَ دَاشِيٍ، نَشٍيٍ فَبُتٍنيِيٍ عِتَلَشِ عَلَتَلَ شَ سَاتّ كَنكِرَ شُن مَ، نٍيٍ يَءِلَنمَ كِ نَشّ. 19 دَوُدَ نَشَ عَ قَلَ عَ بّ، «عَلَتَلَ نَن يِ بِرِن سّبّشِ. ﭑ نَشَن مَسٍنشِ عِ بّ عَ قَتَنشِ عَ شَشِلِ نَن نَ.» 20 دَوُدَ نَشَ عَ قَلَ عَ شَ دِ سُلٍمَنِ بّ، «عِ سّنبّ سٌ، عِ شَ لِمَنِيَ. وَلِ سُشُ. عِ نَشَ فَاشُ قٍقٍ مَ، بَرِ مَ ﭑ مَرِفِ عَلَتَلَ نَ عِ سّيتِ مَ. عَ مُ عِ رَبّحِنمَ. عَ مُ عِ رَبٌلٌمَ هَن عِ فّ عَ شَ هْرْ مْبَنشِ وَلِ بِرِن نَ. 21 سّرّشّدُبّ نُن لٍوِكَ شُندّ بِرِن نَ عِ شَنبِ رَ عَلَ شَ بَنشِ شَ وَلِ شَ قٍ رَ. وَلِكّ مْولِ بِرِن نَ نَا نَشٍيٍ قَتَ وَلِ رَ. كُنتِفِيٍ نُن حَمَ قَن عٍ تُلِ مَتِمَ عِ شَ يَامَرِ بِرِن نَ.»
In Other Versions
1 Chronicles 28 in the ANTPNG2D
1 Chronicles 28 in the BNTABOOT
1 Chronicles 28 in the BOATCB2
1 Chronicles 28 in the BOGWICC
1 Chronicles 28 in the BOHNTLTAL
1 Chronicles 28 in the BOILNTAP
1 Chronicles 28 in the BOKHWOG
1 Chronicles 28 in the KBT1ETNIK
1 Chronicles 28 in the TBIAOTANT