1 Samuel 30 (SUSU2)

1 عَ شِ سَشَن ندٍ، دَوُدَ نُن عَ شَ سْورِيٍ تٌ سٌ عٍ شْنيِ سِكِلَفَ، عٍ نَشَ عَ تٌ عَ عَمَلّكِكَيٍ نُ بَرَ سٌ نٍفٍوِ بْشِ مَ، عٍ سِكِلَفَ فَن. 2 عٍ نَشَ مِشِ بِرِن سُشُ، فِنّيٍ يٌ، شّمّيٍ يٌ، دِ مّيٍ يٌ، عٍ عٍ شَنِن عٍ حِحّ رَ عٍ شُن مَ. 3 دَوُدَ نُن عَ شَ سْورِيٍ تٌ عٍ شْنيِ لِ، عٍ نَشَ عَ تٌ عٍ شَ تَا نُ فَنشِ، عٍ شَ فِنّيٍ نُن عٍ شَ دِيٍ نُ شَنِنشِ. 4 نَ كُي، دَوُدَ نُن عَ شَ مِشِيٍ نَشَ وَ هَن عٍ تَفَن. 5 عَمَلّكِكَيٍ نُ بَرَ دَوُدَ شَ فِنّ قِرِنيِيٍ قَن شَنِن؛ عَشِنٌوَ مَ يِسِرٍيلِكَ، نُن عَبِفَيِلِ كَرٍ مٍلٍكَ، نَبَلِ شَ كَاحّ فِنّ. 6 دَوُدَ نَشَ تْورْ كِ قَنيِ، بَرِ مَ حَمَ نُ وَ مَ عَ مَفْنْقٍ. بِرِن بْحّ نُ رَحَاشُشِ عٍ مَ عٍ شَ دِيٍ شَ قٍ رَ، كْنْ دَوُدَ نَشَ لِمَنِيَ عَ شَشِلِ تِقٍ رَ عَ مَرِفِ عَلَتَلَ رَ. 7 عَ نَشَ عَ قَلَ عَشِمٍلٍكِ شَ دِ عَبِيَتَرِ بّ، عَ نَشّ، «قَ عَلَتَلَ مَشْرِن سٍيٍ رَ.» عَبِيَتَرِ نَشَ قَ عَ رَ دَوُدَ شْن. 8 دَوُدَ نَشَ عَلَتَلَ مَشْرِن، عَ نَشّ، «شَ ﭑ سِفَ يِ مِشِيٍ قْشْ رَ، ﭑ نْمَ عٍ مَسْتْدٍ؟» عَلَتَلَ نَشَ عَ يَابِ، «عِ شَ سِفَ عٍ قْشْ رَ. عِ قَمَ نّ عٍ مَسْتْدٍ، عِ مَن فبِلٍنمَ نّ عٍ بِرِن نَ.» 9 دَوُدَ نُن عَ شَ سْورِيٍ مِشِ كّمّ سٍننِ نَشَ سِفَ، عٍ قَ بٍسٌرِ شُرٍ لِ. 10 مِشِ كّمّ قِرِن نَشَ لُ مّننِ تَفَنيِ شَ قٍ رَ. دَوُدَ نُن مِشِ كّمّ نَانِيٍ نَشَ سِفَ يَرٍ. 11 عٍ تٌ مِسِرَكَ ندٍ لِ وُلَ عِ، عٍ نَشَ قَ عَ رَ دَوُدَ يِرٍ. عٍ نَشَ يٍ نُن دٌنسٍ ندٍ سٌ عَ يِ رَ، 12 عَلْ شْرّ نُن تَمَرٍ مْولِ ندٍ شَرَشِ. عَ تٌ فّ عَ دّفٍدٍ، عَ نَشَ عَ يّتّ كٌلٌن. عَ نُ بَرَ قّيحّن سَشَن نُن كْي سَشَن تِ، عَ مُ عَ دّفٍ، عَ مُ يٍ مِن. 13 دَوُدَ نَشَ عَ مَشْرِن، «ندٍ شَ مِشِ نَ عِ رَ؟ عِ كٍلِ مِندٍن؟» عَ نَشَ عَ يَابِ، «مِسِرَكَ نَن ﭑ نَ، عَمَلّكِكَ ندٍ شَ كٌنيِ. عَ شِ سَشَن نَن يِ كِ، ﭑ مَرِفِ ﭑ نَبٌلٌشِ، بَرِ مَ ﭑ تٌ مُ يَلَنشِ. 14 مُشُ كٍرٍتِ نُن كَلٍبِ شَ مِشِيٍ بْنبْ نّ فبٍنفبٍرٍنيِ مَ، يُدَيَ. مُشُ تّ سٌ نّ سِكِلَفَ قَن نَ.» 15 دَوُدَ نَشَ عَ مَشْرِن، «عِ نْمَ ﭑ شَنِندٍ يِ مِشِيٍ يِرٍ؟» عَ نَشَ عَ يَابِ، «شَ عِ كَلِ عَلَ رَ عَ عِ مُ ﭑ قَشَمَ، عَ عِ مُ ﭑ سَمَ ﭑ مَرِفِ بّلّشّ، ﭑ عِ شَنِنمَ نّ عٍ يِرٍ.» 16 نَ كُي، عَ نَشَ عٍ شَنِن عَمَلّكِكَيٍ يِرٍ. عٍ نَشَ عٍ لِ عٍ نُ نَ عٍ دّفٍقٍ، عٍ سِيسِقٍ سٍيٍ رَ عٍ نَشٍيٍ سْتْ فٍرٍ كُي قِلِسِتَ نُن يُدَيَ بْشِ مَ. 17 دَوُدَ نَشَ عٍ فٍرٍ، كٍلِ فّيسّفّ هَن نُنمَرٍ. مِشِ يٌ مُ نْ عَ فِدٍ، قٌ سّفّتَلَ مِشِ كّمّ نَانِ نَشٍيٍ سِفَ حْشْمّيٍ قَرِ. 18 عَمَلّكِكَيٍ سٍ نَشٍيٍ سُشُ، دَوُدَ نَشَ عَ بِرِن مَسْتْ، عَ نُن عَ شَ فِنّ قِرِنيِيٍ. 19 دَوُدَ نَشَ عَ شَ مِشِ بِرِن مَسْتْ، دِ مّيٍ بَ، قٌرِيٍ بَ، عَ نُن عٍ شَ سٍيٍ بِرِن. 20 دَوُدَ نَشَ عٍ شَ شُرُ سٍ شُنفبٍيٍ نُن عَ لَنمَيٍ تٌنفٌ، مِشِيٍ قَ عَ قَلَ، «سٍيٍ نَن يَ دَوُدَ نَشٍيٍ سْتْ فٍرٍ كُي!» 21 دَوُدَ نَشَ فبِلٍن نَ مِشِ كّمّ قِرِنيِيٍ يِرٍ، نَشٍيٍ نُ بَرَ لُ بٍسٌرِ شُرٍ تَفَنيِ شَ قٍ رَ. عٍ نَشَ مِنِ دَوُدَ نُن عَ قْشِرَبِرّيٍ مَ. دَوُدَ نَشَ عَ مَسٌ عٍ رَ، عَ عٍ شّيبُ. 22 مِشِ كٌبِ ندٍيٍ نَشٍيٍ نُ نَ دَوُدَ شَ سْورِ كّمّ نَانِ يَ مَ، نٍيٍ نَشَ عَ قَلَ، «يِ شّمّ نَشٍيٍ مُ بِرَ وٌن قْشْ رَ فٍرٍ كُي، عَ مُ لَنمَ عٍ شَ سٍسٍ سْتْ، قٌ عٍ شَ دِيٍ نُن عٍ شَ فِنّيٍ. عٍ شَ نٍيٍ تٌنفٌ، عٍ شَ سِفَ.» 23 دَوُدَ نَشَ عَ قَلَ عٍ بّ، «ﭑ نفَشَكٍرٍنيِيٍ، وٌ نَشَ يِ مْولِ رَبَ سٍيٍ رَ عَلَتَلَ نَشٍيٍ قِشِ وٌن مَ، بَرِ مَ عَ بَرَ وٌن نَتَنفَ، عَ وٌن يَشُييٍ سَ وٌن بّلّشّ. 24 ندٍ وٌ شُي رَ مّمَ يِ قٍ كُي؟ عَ لَنمَ وٌن شَ سٍ بِرِن عِتَشُن وٌن مَ مِشِيٍ بِرِن نَ، نَشٍيٍ سِفَ فٍرٍ سٌدٍ نُن نَشٍيٍ لُ كٌتٍ سَن نَ.» 25 نَ لْشْي دَوُدَ نَشَ نَ قِندِ سّرِيّ رَ عِسِرَيِلَ بْشِ بِرِن مَ. هَن تٌ عَ نَ نَ كِ نّ. 26 عٍ تٌ سٌ سِكِلَفَ، دَوُدَ نَشَ عٍ سْتْسٍ سّيتِ رَ سَنبَ عَ شَنُنتٍنيِ يُدَ قٌرِيٍ مَ عَ قَلَقٍ رَ، «وٌ مَبِرِ نَن يِ كِ، مُشُ نَشٍيٍ سْتْشِ عَلَتَلَ يَشُييٍ يِ رَ!» 27 عَ نَشَ نَ سٍيٍ رَ سَنبَ يِ مِشِيٍ مَ نَشٍيٍ نَ فٍرٍ كُي؛ بٍتٍلِكَيٍ، رَ مٌتِكَ نَشٍيٍ نُ نَ فبٍنفبٍرٍنيِ مَ، يَتِرِكَيٍ، 28 عَرٌوٍرِكَيٍ، سِقِمٌتِكَيٍ، عٍسِتٍمٌوَكَيٍ، 29 رَكَلِكَيٍ، يٍرَ مٍيلِ مِشِيٍ، كٍنِ مِشِيٍ، 30 هٌرٌ مَكَيٍ، بٌرِ عَسَنكَيٍ، عَتَكِكَ، 31 هٍبِرٌنكَيٍ، نُن مِشِ نَشٍيٍ نُ نَ يِرٍ بِرِن دَوُدَ نُن عَ شَ سْورِيٍ سِفَ دّننَشّ.

1 Samuel 30 (SUSU2)

In Other Versions