Deuteronomy 18 (SUSU2)
1 لٍوِكَ سّرّشّدُبّيٍ نُن لٍوِ شَبِلّ دْنشْييٍ مُ قَمَ بْشِ سْتْدٍ كّ رَ عَلْ عِسِرَيِلَ دِ بٌورٍيٍ. عٍ بَلٌي قِندِ مَ سّرّشّ فَن دَاشِيٍ نَن نَ نَشٍيٍ بَمَ عَلَتَلَ بّ. 2 عٍ مُ قَمَ كّ سْتْدٍ عٍ نفَشَكٍرٍنيِيٍ تَفِ. عَلَتَلَ نَن قِندِ مَ عٍ كّ رَ عَلْ عَ عَ مَسٍن عٍ بّ كِ نَشّ. 3 لٍوِكَ سّرّشّدُبّيٍ مَبِرِ قِندِ مَ سّرّشّيٍ نَن نَ عِسِرَيِلَكَيٍ قَمَ نَشٍيٍ بَدٍ عَلْ نِنفٍيٍ، شَ نَ مُ عَ رَ يّشّييٍ. عَ لَنمَ سُبٍ بّلّشّ، عَ بَنفَنيِ، نُن عَ قُرِ نَن شَ سٌ سّرّشّدُبّيٍ يِ رَ. 4 وٌ مَن قَ بْشِ دَشَمُي سِنفٍ سٌ عٍ يِ رَ؛ مّنفِ، وّنِ نّينّ، تُرٍ، عَ نُن وٌ يّشّي شَبٍ نَشَن سِنفٍ مَشَبَمَ. 5 وٌ مَرِفِ عَلَتَلَ لٍوِ بْنسْي نَن سُفَندِشِ بْنسْي بِرِن تَفِ، عَلَكٌ عٍ تَن نُن عٍ شَ دِيٍ شَ نْ عَلَتَلَ شِلِ بِنيَدٍ تّمُي بِرِن. 6 شَ لٍوِكَ ندٍ وَ كٍلِقٍ عِسِرَيِلَ تَا كُي عَ نَ دّننَشّ، سِفَقٍ رَ يِرٍ عَلَتَلَ دّننَشّ سُفَندِشِ، 7 مّننِ، عَ لَنمَ عَ شَ عَ مَرِفِ عَلَتَلَ شَ وَلِ رَبَ عَ نُن عَ نفَشَكٍرٍنيِ لٍوِكَيٍ رَ نَشٍيٍ نَ نَا. 8 عَ لَن نّ عَ شَ بَلٌي سْتْ عَلْ سّرّشّدُبّ بٌورٍيٍ، بَقٍ عَ هَرِفٍ رَ عَ قَشِ نَشَن نَ عَ شُن مَ، عَ بَرَ نَشَن سْتْ. 9 وٌ نَ سٌ تّمُي نَشّ بْشِ مَ، وٌ مَرِفِ عَلَتَلَ نَشَن قِمَ وٌ مَ، وٌ مُ لَن وٌ شَ سٌ وَلِ حَاشِيٍ يَ مَ مّننِكَيٍ نَ نَشٍيٍ كُي. 10 مِشِ نَشَ مِنِ وٌ يَ مَ دٍ نَشَن عَ شَ دِ فَنمَ سّرّشّ رَ، نَشَن قِندِ مَ سٍمَتٌي رَ، يَ كَنيِ رَ، دُورٍ رَ، كْرْ مِشِ رَ، 11 نَشَن كَرَ مْشْ وَلِ رَبَمَ، نَشَن وْيّنمَ بَرِيٍ، حِننّيٍ، نُن مِشِ قَشَشِيٍ رَ. 12 وٌ مَرِفِ عَلَتَلَ نَ مِشِ مْولِ شْنشِ. نَ قٍ كٌبِيٍ نَ عَ تٌشِ، وٌ مَرِفِ عَلَتَلَ يِ سِيٍ هَلَكِمَ وٌ يَ رَ. 13 وٌ شَ لُ وٌ مَرِفِ عَلَتَلَ وَشْنكِ. 14 وٌ قَمَ سِ نَشٍيٍ هَلَكِدٍ نَ كِ، عٍ بِرَشِ سٍمَتٌي شُي نَن قْشْ رَ، كْنْ وٌ مَرِفِ عَلَتَلَ مُ تِنمَ وٌ تَن شَ نَ رَبَ. 15 وٌ مَرِفِ عَلَتَلَ قَمَ نَمِحْنمّ ندٍ رَكٍلِدٍ وٌ يَ مَ، نَشَن لُمَ عَلْ ﭑ تَن. وٌ شَ وٌ تُلِ مَتِ عَ رَ. 16 وٌ نَ نَن يَتِ مَشْرِن وٌ مَرِفِ عَلَتَلَ مَ، وٌ نُ مَلَنشِ لْشْي نَشّ شٌرٍبٍ فٍيَ قَرِ. وٌ نَشَ عَ قَلَ، «مُشُ مُ وَ مَ مُشُ مَرِفِ عَلَتَلَ شُي مّقٍ قَ. مُشُ مُ وَ مَ يِ تّ بٍلٍبٍلٍ قَن تٌقٍ كْرّ، عَلَكٌ مُشُ نَشَ قَشَ.» 17 عَلَتَلَ نَشَ عَ مَسٍن ﭑ بّ، «عٍ قٍ قَنيِ نَن قَلَشِ ﭑ بّ. 18 ﭑ قَمَ نّ نَمِحْنمّ ندٍ رَكٍلِدٍ عٍ يَ مَ، نَشَن لُشِ عَلْ عِ تَن. ﭑ قَمَ ﭑ مَ مَسٍنيِ قِدٍ عَ مَ، عَ قَ نَ تَفِ رَبَ عٍ بّ. 19 مِشِ ندٍ نَ لُ، عَ مُ عَ تُلِ مَتِ نَ نَمِحْنمّ شَ مَسٍنيِ رَ عَ نَشَن تِمَ ﭑ شِلِ رَ، ﭑ تَن يّتّ يَتِ نَن نَ كَنيِ مَكِيتِمَ.» 20 «كْنْ شَ نَمِحْنمّ يّتّ عِفبٌي ندٍ قَ مَسٍنيِ تِ ﭑ شِلِ رَ، ﭑ مُ نَشَن قِشِ عَ مَ، شَ نَ مُ عَ مَسٍنيِ تِ عَلَ فبّتّ شِلِ رَ، عَ لَنمَ نّ نَ كَنيِ شَ قَشَ. 21 تّمُندٍ وٌ قَمَ نّ وٌ يّتّ مَشْرِندٍ، ‹وٌن نْمَ عَ كٌلٌندٍ دِ شَ يِ وْيّنيِ قَتَنشِ عَلَتَلَ نَن نَ؟› 22 شَ نَمِحْنمّ مَسٍنيِ تِ عَلَتَلَ شِلِ رَ، عَ قَ لُ عَ مُ كَمَلِ، نَ نَن نَ كِ عَ شَ مَسٍنيِ مُ قَتَنشِ عَلَتَلَ رَ. نَمِحْنمّ نَن نَ قَلَشِ عَ شَ يّتّ عِفبٌحَ كُي. هَلِ وٌ مُ فَاشُ عَ يَ رَ.»
In Other Versions
Deuteronomy 18 in the ANTPNG2D
Deuteronomy 18 in the BNTABOOT
Deuteronomy 18 in the BOHNTLTAL
Deuteronomy 18 in the BOILNTAP
Deuteronomy 18 in the KBT1ETNIK
Deuteronomy 18 in the TBIAOTANT