Psalms 106 (TBIAOTANT)
1 E Ikiavɨra Itir Godɨn ziam fam! An araziba bar dera,ezɨ a zurara en apangkuva ikia mamaghɨra iti.Kamaghɨn amizɨ, e bizir kam bagh a mɨnabagham. 2 Tina an ingangarir ekiar an amiziba bar, dagh eghanam?Tina an arazir aghuir an amiba bar da bagh an ziam fam?Gumazamiziba puvatɨgham. 3 Gumazamizir an Akar Gavgavimɨn gɨn ghua arazir aghuibagh amiba,me bar akongegh. 4 O Ikiavɨra Itir God, nɨ uan gumazamizibar akurvaghsɨ izɨegh na ginɨrɨgh.Nɨ men akurvaghegh uaghan nan akuragh. 5 Nɨ ua bagha mɨsevezir gumazamiziba kɨ men gantɨ,men dabirabim deraghtɨme bizir aghuiba iniam.Eghtɨ kɨ uaghan me ko bar akuegham.E nɨn gumazamizibara,kamaghɨn e bar akuegham. 6 E, en ovaviba fomɨra arazir kuram gamizɨ moghɨn,arazir kuram gamigha gɨfa.E arazir mɨzɨrɨzir guar avɨribagh ami. 7 Fomɨra, en ovaviba Isipɨn kantrin aven ikia,nɨ amizir bizir ekiar kaba deragha dagh nɨghnɨzir puvatɨ.Nɨ bar men apangkuvighadughiar avɨribar men akurvasi,ezɨ me nɨn apangkuvir ekiar kam bakɨnɨghnɨsi.Egha me ghua Ongarir Aghevimɨn otivigha,Godɨn Bar Pɨn Itimɨn akam batoke. 8 God uan ziar ekiam bangɨn,uan gavgavir ekiam akakaghasa ua men akura. 9 An Akar Gavgavim Ongarir Aghevim ganɨngi, ezɨ a dakegha mɨsɨngi.Ezɨ a gumazamiziba inigha ongarir torir kamɨn apengan itir nguazimɨn tuavir dakɨrtɨzimɨn zui. 10 A gumazamizir kabar apanibar dafaribar ua me ini.A men akuragha men apanibar gavgavim dɨkabɨra,ezɨ me me gasɨghasɨghizir puvatɨ. 11 Ongarim bar men apaniba avezɨ, me bar ariaghire.Men tav uam angamɨra iti puvatɨ. 12 Dughiar kamɨn Israelia an akam nɨghnɨzir gavgavim an ikia,an ziam fava ighiabagh ami. 13 Egha me bar zuamɨra an amizir bizir kam gɨn amada.Egha me uan nɨghnɨzibar gɨn ghua bizibar amuasa,egha faragha Godɨn akam bagha an azangsɨzir puvatɨ. 14 Me gumazamiziba puvatɨzir danganimɨn ikiadaghem bagha naviba puvɨra dɨkava,God ko itir arazim ategha an araziba tuisɨgh foghasaan gavgavim bagha azai. 15 God, me an azangsɨzir bizimɨn ganigha a ikara,egha uam arɨmariar bar ekiam gamizɨ,a me bato. 16 Gɨn me gumazamiziba puvatɨzir danganimɨn ikia,egha men marazi Moses ko Aron navim aningɨn ikufi,aning Ikiavɨra Itir Godɨn ingangarir gumazimning. 17 Ezɨ nguazim akam akarizɨ Datan ko Abiram uan adarazi kome torir kam giraghuezɨnguazim iza ua dukuagha me ave. 18 Ezɨ avim izaghira men gɨn zui darazir isia,egha gumazir kuraba bar men isi. 19 Me Horepɨn Mɨghsɨamɨn ikiagol isa bulmakaun mamɨn ingarighaan ziam fe. 20 Me Godɨn ziar ekiam akɨrim ragha agasaragha,dadaba apir bulmakaun nedazimɨn ingarighaGodɨn danganimɨn anetɨ,egha an ziam pɨrafi. 21 21-22 Godra, Isipɨn kantrin ingangarir ekiabagh amigha,Israelia ua me ini.Egha a Isipɨn kantrin ingangarir bar ekiar aghuibagh ami,egha Ongarir Aghevimɨn bizir igharagha garibagh ami, ezɨ gumazamiziba dɨgavir kuram gami.Ezɨ Israelia ua Godɨn men akurazir kam a bakɨnɨghnɨki. 23 Kamaghɨn, God ghaze, a uan gumazamizibagh asɨghasɨgham.Ezɨ God inabazir ingangarir gumazim Moses dɨkavigha abuir gumazimɨn mɨn Godɨn damazimɨn tu,egha Israelian akurazɨ Godɨn anɨngagharir kam iraghuzɨ,God me gasɨghasɨghizir puvatɨ. 24 God akar dɨkɨrɨzim me ganɨga ghaze,a nguazir aghuim me danɨngam.Ezɨ me akar kam nɨghnɨzir gavgavim an itir puvatɨgha,nguazir kam gifongezir puvatɨgha,an aven mangan aghua. 25 Egha me uan purirpenibar aven ikiaatara mɨgɨrɨgɨar avɨribar God gimoba ghuavɨra ikiava,egha Ikiavɨra Itir Godɨn akamɨn gɨn zuir puvatɨ. 26 Kamaghɨn amizɨ, God akar dɨkɨrɨzim me danɨngasa,uan ziam dɨbora ghaze,bar guizbangɨra, a me damutɨ,me gumazamiziba puvatɨzir danganimɨn ikɨva arɨmɨghiram. 27 A men gɨn otivamin ovavir boribar amutɨ,me mangɨ gumazamizir igharazibar tongɨn ikiam,egh kantrin me itir kabar ikɨ oveng mangam. 28 Me gɨn aser mam, an ziam Bal,me Peorɨn nguibamɨn an gɨn ghua a ko poroghav ikia,egha ofan me aser angamɨra itir puvatɨzir kabagh anɨngiziba ame. 29 Ezɨ me amizir arazir kurar kam bangɨn,Ikiavɨra Itir God atara,arɨmariar ekiam me bagh anemadazɨma a ize. 30 Finias dɨkavighagumazamizibar arazir kurar kam ikara,ezɨ arɨmariar kam me ataki. 31 God bizir Finias amizir kam gɨnɨghnɨgha egha a dɨbora ghaze,a nan damazimɨn dera.A deragh ikɨ mangɨvɨra ikiam. 32 Israelia gɨn Meriban dɨpamɨn ikia amir araziba God gamizɨ an atari,ezɨ Moses me bangɨn osɨmtɨzir ekiam ini. 33 Guizbangɨra, men arazir kam Moses gamizɨ an atarava bar osemeghaderagha nɨghnɨzir puvatɨgha paza mɨkeme. 34 Ikiavɨra Itir God ghaze, ia Kenanɨn gumazamiziba bar me mɨsueghtɨ me arɨmɨghiregh.Ezɨ me me mɨsoghezɨ me ariaghirezir puvatɨ. 35 Israelia kantrin igharaziba ko ikiamen guiviba ko otariba uarir iti.Egha me amir arazir kuraba uaghan me ko dagh ami. 36 Me men asebar marvir guabar ziaba fe,ezɨ kamaghɨn men arazir kurar kam azuazimɨn mɨn men suiraghame gasɨghasɨki. 37 Me uari uan otariba ko guiviba isa aseba bagha me mɨsozi me ariaghɨrima,me men ofa gami. 38 Me uari uan otariba ko guivibav sozi me ariaghiri.Men boriba osɨmtɨzitaba puvatɨ,ezɨ me me isa pura me mɨsozi me ariaghiri,ezɨ me me isa Kenanian aseba bagha ofa gami.Men arazir kamɨn, men boribar ghuziba ira egha men nguazim gamizɨ,a Godɨn damazim mɨze. 39 Me arazir kam gamua uari uari gamime Godɨn damazimɨn mɨze.Arazir kam Godɨn damazimɨn mati, gumazamiziba uari isa uari ko tintinibar akuir arazim.Me arazir kam gamua egh Godɨn akam deragha an gɨn zuir puvatɨ. 40 Ikiavɨra Itir God uan gumazamizibar ataraegha ua me gifongezir puvatɨ. 41 Egha me isa Kantrin Igharazibar Gumazamizibar dafaribagh arɨki,ezɨ men apaniba me gativagha men gari. 42 Men apanir kaba me gativagha men garame dɨkabɨragha paza me gami,ezɨ me pura uan apanibar gavgavibar apengan iti. 43 Dughiar avɨribar God uan gumazamizibar akurvasi,ezɨ me akam batogha uari uan nɨghnɨzibar gɨn zui.Me kamagh amua arazir kuram bar an aven ghugha gɨfa. 44 Me Ikiavɨra Itir God ko mɨgeir dughiabar,a men arareba barasi,egha men osɨmtɨzimɨn garamen apangkufi. 45 A ua uan Akar Dɨkɨrɨzir Gavgavim ginɨrɨghaua bar men apangkufi.Egha ua uan nɨghnɨzim gɨra. 46 A ua men apanir men suirazibar nɨghnɨzibagh irazɨ,me Israelian apangkufi. 47 O Ikiavɨra Itir God, en God, nɨ datɨrɨghɨn en akuragh!E gumazamizir bar igharazibar torimɨn iti,nɨ uam e akuvagh uam e inigh en nguazimɨn izɨ.Eghtɨ e nɨn ziar ekiam gɨnɨghnɨgh nɨn ziar ekiam mɨnabagham.E nɨn ziam fɨsɨ bar akuegham. 48 E Ikiavɨra Itir Godɨn ziam feka,a Israelian God.E datɨrɨghɨn ko, gɨn izamin dughiabar zurara an ziam feka.Gumazamiziba bar mɨkɨm suam,“Bar guizbangɨra!” E Ikiavɨra Itir Godɨn ziam fam.Aleluia!