Psalms 31 (TBIAOTANT)
undefined Devit onger akar kam osiri.An onger akar kabar faragha zuir gumazim gɨnɨghnɨgha onger akam osiri. 1 O Ikiavɨra Itir God, kɨ nɨn aven modoghtɨnɨ na geghuv deragh nan ganasa, kamaghɨn kɨ nɨ bagha ize.Nɨ na ateghtɨ nan apaniba na abɨntɨ,kɨ aghumsɨghan kogham.Nɨ zurara arazir aghuim gami.Egh nɨ uan arazir aghuir kamɨn gɨn mangɨ nan akuragh! 2 Nɨ nan dɨmdiam baregh zuamɨra nan akuragh!Nɨ dagɨar ekiamɨn mɨn na modogh.Nɨ dɨvazir gavgavimɨn mɨn ikɨ na ekɨarughtɨ,nan apaniba na abɨnan kogham. 3 Guizbangɨra, nɨ uabɨ nan dagɨar ekiamɨn mɨn iti.Nɨ nan dɨvazir bar gavgavimɨn mɨn ikia deragha na geghufi.Nɨ uan ziar ekiam bangɨn, nɨ fomɨra mɨkemezɨ moghɨn,kɨ zui naghɨn, nɨ nan faragh mangɨ nan akua na geghuv. 4 Nɨ nan danganir mogomemɨn mɨn iti.Nan apaniba modogha na bagha gurazir azuazir kam,nɨ nan akuraghtɨ a nan suighan kogham. 5 O Ikiavɨra Itir God, kɨ uan duam nɨn dafarim garɨsi.Nɨ guizɨn arazibagh amir God,nɨ nan akuragha ua na inigha gɨfa. 6 Marvir guar gavgaviba puvatɨzibar ziaba fer gumazamiziba,nɨ bar men aghua.Ezɨ ko,kɨ nɨghnɨzir gavgavim nɨn iti. 7 Nɨ zurara nan apangkufi,kamaghɨn kɨ nɨ bagha bar akonge.Guizbangɨra, bizir kurar na bativiba, nɨ bar dar gari.Egha nan navir averiamɨn aven itir osɨmtɨziba,nɨ bar dagh fo. 8 Nɨ nan akurazɨkɨ apanibar dafaribar itir puvatɨ.Nɨ nan akurazɨ kɨ deragha iti. 9 O Ikiavɨra Itir God, kɨ osɨmtɨzir ekiam ikia,egha azia ghua nan damazimning bezɨ,nan gavgaviba bar gɨfa.Kamaghɨn, nɨ nan apangkufigh. 10 Osɨmtɨzir kam, na gamua nan ikɨrɨmɨrim otefe.Kɨ aziavɨra iti, egh kamaghɨn kɨ dughiar ruarimɨn ikeghan kogham.Osɨmtɨzir ekiam nan itima, kɨ gavgaviba puvatɨ.Nan agharapaniba nan amiraghamɨrasi. 11 Nan apaniba na dɨpova na mɨgei.Ezɨ nan namakaba nan aghuagha akar kurabar na mɨgei.Ezɨ nan roroaba uaghan nan atiatia ghaze,God ivezir kuram a ganɨdi.Kɨ tuavimɨn zuir dughiabar,gumaziba nan gara nan ari. 12 Gumazim aremezɨ gumazamiziba bar a gɨn amadazɨ moghɨn,me na gɨn amada.Kɨ mati, nguazir mɨnem bɨghizɨ,me na makuni. 13 Kɨ orazi, apanir avɨriba uari akuva gɨrakɨrangɨn moghɨn aghumra uariv gei.Me atiatim na danɨngasa uari akuva na gasɨghasɨghasa akam mɨsosi.Egh na mɨsueghtɨ kɨ aremeghasa uariv gei. 14 O Ikiavɨra Itir God, nɨ nan God,kɨ nɨghnɨzir gavgavim nɨn iti. 15 Kɨ datɨrɨghɨn itir ikɨrɨmɨrir kam,kɨ a isa nɨn dafarim gatɨ.Nɨ nan akuraghnan apanir nan agɨntɨzibar dafaribar ua na inigh. 16 Kɨ nɨn ingangarir gumazim, nɨ uan guam na mɨtuazɨ an angazangarim na gisirazɨ moghɨn,kamaghɨra nɨ bar na gifuegh nan boroghɨra ikɨ.Nɨ zurara nan apangkuvighavɨra iti.Kamaghɨn, nɨ nan akurvagh! 17 O Ikiavɨra Itir God, kɨ nɨn azangsɨsi, nɨ nan akuragham.Nɨ apanibar amamangatɨghtɨ me na abɨraghtɨ kɨ aghumsɨzim inian markɨ.Gumazir kuraba mar ikuvighɨva aghumsɨgh.Me mar oveng mangɨ Gumazamizir Oveaghuezibar Nguibamɨn magɨrɨ,egh akabar kumigh ikɨ. 18 Gumazir kaba uari fa akaba batogha,gumazir aghuiba dɨpova akar kurabar me mɨgei.Egha ifavarir akabav gei.Nɨ me gasɨghasightɨ, me uam akaba akaran kogham. 19 Gumazir nɨn atiatia nɨn apengan itiba,nɨ men akurvaghasa bizir aghuir avɨriba me bagha dagh ami.Gumazir nɨghnɨzir gavgavim nɨn ikia nɨn aven modiba,nɨ deravɨra me gami.Egha gumazamizibar damazibar nɨ zurara men akurvasi. 20 Men apaniba me gasɨghasɨghasa akabar kɨri,eghtɨ dughiar kamɨn, nɨ me avaragh deraghvɨra me geghuvtɨme me gasɨghasɨghan kogham.Me nɨn dafarimɨn apengan ikɨtɨ,apanibar akar kuraba me gasɨghasighan kogham. 21 Ikiavɨra Itir God bar nan apangkufi,ezɨ kɨ ghaze, kɨ an ziam fam!Nan apaniba na ekɨarugha na gasɨghasɨghasava amima,God uan gavgavimɨn nan akurazɨ kɨ deravɨra iti. 22 Kɨ faragha bar atiatigha kamagh nɨghnɨsi,Ikiavɨra Itir God, nɨ na batoghezɨ kɨ ua nɨn boroghɨn itir puPuvatɨ, nɨ nan ararem baregha nan akura. 23 Ia gumazamizir God baghavɨra itiba,ia bar moghɨra a gifongegh!Gumazamizir zurara an gɨn zuiba,a bar deraghavɨra me geghuva men gari.Egha gumazir uari fa akaba batoziba,a ivezir kuram me ganɨdi. 24 Ia gumazamizir nɨghnɨzir gavgavim Ikiavɨra Itir Godɨn itiba,ia uan navibar aven atiatingan kogh,egh tugh gavgavigh mamaghɨra ikɨ.