Genesis 36 (TOMA)
1 Ezawu nii é ga Edɔme mavofodai ɠa. 2 Ezawu anzanu saʋagɔ zeɠeni, é sei, Kanaan anzanu loungoiti saama: Ada, Elon Ɠɛte nui ná-doun anzanui, Woɠoliɓama, Ana ná-doun anzanui, Siɓeyon Ɠeve nui ná-dounloin, 3 Ɓasemate, Isemayɛle ná-doun anzanui, Neɓayɔte baazeelai. 4 Ada Elifaze zɔlɔɔni Ezawu ʋɛ, Ɓasemate Leyuwɛle zɔlɔɔ bɛ. 5 Woɠoliɓama Yeyuse zɔlɔɔ, ta Yalame, ta Kola. Ezawu ná-doun zunuiti kana, é ti zɔlɔɔni Kanaan yooi zu. 6 Ezawu anzaiti seɠeni, ta ná-doun zunuiti, ta ná-doun anzanuiti, ta ná-pɛlɛ wu nuiti kpein, ta ná-togani ɓulugiti, ta ná-toganii kpein, naavoloi kpein é sɔlɔɔni Kanaan yooi zu, é li, é zei zou ɠili su, é maaɠooza deɠei Zakɔɓe ʋa. 7 Tɔɔzei naavoloi wola ɠaawɔɔlɔni, ti la ɓena zoo zeizu ʋɔɔma ada ɠila, ta zooi zu, ʋɛ ti seikɔɠɔmai ɠɛni ná, naa la mɔ ɓena kula ɠɛ ti ʋa, tɔɔzei ta-logani ɓulugiti faa ʋa. 8 Zekana Ezawu zeini la Seyiil ɠize yooi zu. Ezawu ɠa é ga Edɔme. 9 Ezawu mavofodai ná-fai ɠaa: Edɔme nuiti ti-mɛmɛwolai, é ɠɛni Seyiil ɠize yooi zu. 10 Ezawu ná-doun zunuiti ti ɠɛni ga: Elifaze, Ezawu anzai Ada ná-doun zunui, Leyuwɛle, Ezawu anzai Ɓasemate ná-doun zunui. 11 Elifaze ná-doun zunuiti ti ɠɛni ga: Teman, Womaal, Sefo, Gayetame, ta Kenaze. 12 Ezawu ná-doun zunui Elifaze anza ɠiligi ɠɛni ga Timina, nii é la ɠɛni vuluni ga zɔi ɠɛʋele, naa doun zunui zɔlɔɔni bɛ ga Amalɛke. Ezawu anzai Ada ná-dounlointi kana. 13 Leyuwɛle ná-doun zunuiti ti ɠɛni ga: Naɠate, Zela, Sama, ta Miza. Ezawu anzai Ɓasemate ná-dounlointi kana. 14 Ezawu anzai Woɠoliɓama, é ga Ana ná-doun anzanui, Siɓeyon ná-dounloin, naa ɠa é Yeyuse zɔlɔɔni bɛ, ta Yalame, ta Kola. 15 Bolodama ɠundiɠiiti kaa, ti ɠulani Ezawu ná-doun zunuiti saama. Ezawu ná-doun mɔungi Elifaze ná-doun zunuiti ti ɠɛni ga: kundiɠii Teman, kundiɠii Womaal, kundiɠii Sefo, kundiɠii Kenaze, 16 kundiɠii Kola, kundiɠii Gayetame, ta kundiɠii Amalɛke. Elifaze nɔnɔ ma wolodama ɠundiɠiiti kana Edɔme yooi zu. Ada ná-dounlointi kana. 17 Ezawu ná-doun zunui Leyuwɛle ná-doun zunuiti ti ɠɛni ga: kundiɠii Naɠate, kundiɠii Zela, kundiɠii Sama ta kundiɠii Miza. Leyuwɛle nɔnɔ ma wolodama ɠundiɠiiti kana Edɔme yooi zu. Ezawu anzai Ɓasemate ná-dounlointi kana. 18 Ezawu anzai Woɠoliɓama ná-doun zunuiti ti ɠɛni ga: kundiɠii Yeyuse, kundiɠii Yalame, ta kundiɠii Kola. Ana ná-doun anzanui Woɠoliɓama, Ezawu anzai nɔnɔ ma wolodama ɠundiɠiiti kana. 19 Ezawu nii é ga Edɔme ná-doun zunuiti kana, ta ma wolodama ɠundiɠiiti. 20 Woli nui Seyiil mavofodaiti kaa, ti ɠɛni ga sei nu mɔungiti zooi zu: Lotan, Sɔɓale, Siɓeyon, Ana, 21 Dison, Esɛɛl, ta Disan. Naati ka ti ga Woli nuiti ta-wolodama ɠundiɠiiti, Seyiil ná-doun zunuiti, Edɔme yooi zu. 22 Lotan mavofodaiti ti ɠɛni ga: Woli ta Ɠemame. Lotan baazeelai laaseigi ɠɛni ga: Timina. 23 Sɔɓale mavofodaiti ti ɠɛni ga: Alavan, Manaɠate, Eɓale, Sefo ta Woname. 24 Siɓeyon ná-doun zunuiti ti ɠɛni ga: Aya ta Ana. Ana tɛi ka é ziɛungi ɠaani teʋebai zu, nii kpadiai, siɛgi zu é ɠɛni daamianigi veezu la kɛɛɠɛ ná-soovalegiti zea, é ɗa ti makɛ. 25 Ana ná-dointi ti ɠɛni ga: ná-doun zunui Dison ta ná-doun anzanui Woɠoliɓama. 26 Dison ná-doun zunuiti ti ɠɛni ga: Ɠɛmɛdan, Eseɓan, Yitilan ta Kelan. 27 Esɛɛl ná-doun zunuiti ti ɠɛni ga: Ɓiliɠan, Zaavan ta Akan. 28 Disan ná-doun zunuiti ti ɠɛni ga: Use ta Alan. 29 Woli nuiti ta-wolodama ɠundiɠiiti ti ɠɛni ga: kundiɠii Lotan, kundiɠii Sɔɓale, kundiɠii Siɓeyon, kundiɠii Ana, 30 kundiɠii Dison, kundiɠii Esɛɛl ta kundiɠii Disan. Tiya ɠa ti ɠɛni ga Woli nuiti ta-wolodama ɠundiɠiiti Seyiil yooi zu. 31 Masagiti daaseigiti kaa, niiti ti masadai ɠɛɛni Edɔme yooi unda, aisa masa ge ʋa zei Izilayɛle unda. 32 Ɓeyɔɔl ná-doun zunui Ɓela masadai ɠɛɛni Edɔme unda, ná-taai laaseigi ɠɛni ga Dinaɓa. 33 Ɓela zaai ma, Ɓosela nui Zela ná-doun zunui Yoɓaɓe masadai ɠɛɛni potogi zu. 34 Yoɓaɓe zaai ma, Teman nuiti ta-you zu nui Ɠusame masadai ɠɛɛni potogi zu. 35 Ɠusame zaai ma, Ɓedade ná-doun zunui Ɠadade masadai ɠɛɛni potogi zu. Tɔun ka é vɔnini Madiyan nuiti ma Moaɓe yooi zu. Ná-taai laaseigi ɠɛni ga Avite. 36 Ɠadade zaai ma, Maseleka nui Samala masadai ɠɛɛni potogi zu. 37 Samala zaai ma, Sayile masadai ɠɛɛni potogi zu. É ɠɛni ga Leɠoɓɔte taa wolai zunu, ziɛ wolai laaʋɛ. 38 Sayile zaai ma, Akaɓɔɔl ná-doun zunui Ɓaale-Ɠanan masadai ɠɛɛni potogi zu. 39 Akaɓɔɔl ná-doun zunui Ɓaale-Ɠanan zaai ma, Ɠadaal masadai ɠɛɛni potogi zu. Ná-taai laaseigi ɠɛni ga Pau. Anzai laaseigi ɠɛni ga Meɠetaɓeyɛle, Matelede ná-doun anzanui, é ga Mezaɠaɓe ná-dounloin. 40 Ezawu ná-bolodama ɠundiɠiiti daaseigiti kaa, eɠɛʋelei ti-zeizuʋɛti ti la, ta eɠɛʋelei ti-laaseigiti ti la: Timina, Alava, Yetete, 41 Woɠoliɓama, Ela, Pinon, 42 Kenaze, Teman, Miɓisaal, 43 Magadiyɛle, ta Iilame. Edɔme ɠundiɠiiti kana, eɠɛʋelei ti-zeizuʋɛti ti la, zooi zu nii ti sɔlɔɔni. Ezawu ɠa é ga Edɔme mɛmɛwolai.