Joshua 19 (TOMA)
1 Zooi velesiɛi kpakui looni ma, naa ɠɛni ga Simiyɔn ná-bolodai nɔnɔi, eɠɛʋelei ta-ʋɛlɛyeɠeiti ti la. Ta-yooi ɠɛni Zuda nɔnɔi zaamaʋɛ. 2 Ta-yooi zu laaiti ti ɠɛni ga niiti: Ɓeel-Seɓa, Seɓa, Molada, 3 Ɠasaal-Suale, Ɓala, Asɛme, 4 Ɛlɛtolade, Ɓetule, Ɠɔɔlema, 5 Sikilage, Ɓɛte-Maalekaɓɔte, Ɠasaal-Susa, 6 Ɓɛte-Leɓayɔte, ta Saluɠɛn. Taa wolai liegɔi ɠɛni ga puugɔ maazu saʋagɔ (13), ta ma laa goiti. 7 Ayɛn, Limon, Etɛɛl, ta Asan. Taa wolai liegɔi ɠɛni ga naanigɔ, ta ma laa goiti, 8 ta taa goiti kpein ti naama laa wolaiti maaɠoolii zu, eyɛsu é zeeli Ɓaalate-Ɓeel, nii é ga Lamate, lɛkpɛmaʋɛ nu yeezazuʋɛ yooi zu.Simiyɔn mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la. 9 Simiyɔn mavofodai ná-zooi zeɠeni Zuda nuiti tɔnɔi ʋa, mazɔlɔɔ Zuda mavofodaiti ta-yooi ti sɔlɔɔni, gola ɓaɠoni ti ma. Naa ɠa é kɛɛni, Zuda ná-zooi Simiyɔn mavofodaiti maalatini. 10 Zooi zaʋasiɛi kpakui looni ma, naa ɠɛni ga Zaɓulɔn mavofodaiti ta-wolodai nɔnɔi, eɠɛʋelei ta-ʋɛlɛyeɠeiti ti la. Ta-yooi ma ɠwɛpelemaʋɛ zeelini Salide. 11 É lɛɛni folo liizu ʋelei, Maleyala ʋele, é zei Daɓesɛte ʋa, naa ʋolu kɔtuɗɛi nii é yeizu Yokeneyame ɠakalaʋɛ. 12 É zo Salide, é latini folo ɠulazu ʋelei, Kisilɔte-Taɓɔɔl ɠwɛpelemaʋɛ, é ʋilɛ Daɓelate ʋa, é lɛ Yafia. 13 É zeɠeni miná, é leʋe folo ɠulazu ʋelei ga Gita-Ɠefɛɛl ʋele ta Ita-Kasin, é lo Limon ʋa, é lati, é zeeli Neya. 14 Lɛkpɛmaʋɛ nu ɠɔʋɛzuʋɛ, kwɛpelemaʋɛ latini, é li Ɠanaton, é lo Yifeta-Ɛle ʋɛtugi ʋa. 15 É ɓɔ Katate ʋa, ta Naɠalale, ta Similon, ta Yideyala, ta Ɓɛteleyɛme. Taa wolai liegɔi ɠɛni ga puugɔ maazu felegɔ (12), ta ma laa goiti. 16 Zaɓulɔn mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la, taa wolaiti ta ma laa goiti. 17 Zooi naanisiɛi kpakui looni ma, naa ɠɛni ga Isakaal mavofodaiti ta-wolodai nɔnɔi, eɠɛʋelei ta-ʋɛlɛyeɠeiti ti la. 18 Ta-yooi zu laaiti ti ɠɛni ga niiti: Zizeleyɛle, Kesulɔte, Sunɛme, 19 Ɠafalayime, Siyon, Anaɠalate, 20 Laɓite, Kisiyon, Aɓɛse, 21 Lemɛte, En-Ganime, En-Ɠada, ta Ɓɛte-Pasɛse. 22 Ta-ɠwɛpelemaʋɛ loni Taɓɔɔl ʋa, Saɠasima, ta Ɓɛte-Semɛse, é lo Zuludɛn ʋa. Taa wolai liegɔi ɠɛni ga puugɔ maazu lɔzita (16), ta ma laa goiti. 23 Isakaal mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la, taa wolaiti ta ma laa goiti. 24 Zooi lɔɔlusiɛi kpakui looni ma, naa ɠɛni ga Asɛɛl mavofodaiti ta-wolodai nɔnɔi, eɠɛʋelei ta-ʋɛlɛyeɠeiti ti la. 25 Ta-yooi zu laaiti ti ɠɛni ga niiti: Ɠɛlɛkate, Ɠali, Ɓetɛn, Akasafe, 26 Alamelɛke, Ameyade, Miseyale. Folo liizu ʋelei ta-ɠwɛpelemaʋɛ zeini Kaalamɛle ʋa, ta Siɠɔɔl-Liɓenate. 27 Naa ʋolu, folo ɠulazu ʋelei, é latini ga Ɓɛte-Dagon ʋele, é lo Zaɓulɔn yooi ʋa, ta Yifeta-Ɛle ʋɛtugi, é li lɛkpɛmaʋɛ nu ɠɔʋɛzu ʋelei, é zeeli Ɓɛte-Emɛke ta Neyiyɛle, é loni Kaɓule ʋa nu ɠɔʋɛzuʋɛ, 28 Eɓelon ʋele, ta Leɠɔɓe, ta Ɠamon, ta Kana, eyɛsu é zeeli Sidɔn wolai ma. 29 Kwɛpelemaʋɛ lati mɔnɔ Lama ʋele, é lo Tiil taa wolai ʋa siɠigi ma, Woza ʋele, é li, é lo Kpoloɗɛ Wolai ʋa, ga Akiziɓe yooi ʋɔ pelei, 30 é ɓɔ Uma ʋa, ta Afɛke, ta Leɠɔɓe. Taa wolai liegɔi ɠɛni ga puufelegɔ maazu felegɔ (22), ta ma laa goiti. 31 Asɛɛl mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la, taa wolaiti ta ma laa goiti. 32 Zooi lɔzitasiɛi kpakui looni ma, naa ɠɛni ga Nɛfɛtali mavofodaiti ta-wolodai nɔnɔi, eɠɛʋelei ta-ʋɛlɛyeɠeiti ti la. 33 Ta-ɠwɛpelemaʋɛ zeelini Ɠelɛfe zɔli, é zo Saananime sɛne gului, ta Adami-Neekɛɓe, ta Yaɓeneyɛle, é zeeli Lakume, é lo Zuludɛn ʋa. 34 É latini folo liizu ʋelei, ga Azenɔte-Taɓɔɔl ʋele, é zeɠe miná, é li, é lo Ɠukɔke ʋa, é zei Zaɓulɔn yooi ʋa ga nu yeezazu ʋelei, é lo Asɛɛl yooi ʋa folo liizu ʋelei, ta Yeɠuda, Zuludɛn ɠɛni ga folo ɠulazu ʋelei. 35 Taa wolaiti siɠigi ɠɛni ti ma, naati ti ɠɛni ga: Sidime, Sɛɛl, Ɠamate, Lakate, Kinelɛte, 36 Adama, Lama, Ɠasɔɔl, 37 Kedɛse, Edeleyi, En-Ɠasɔɔl, 38 Yileyon, Migedale-Ɛle, Ɠɔlɛme, Ɓɛte-Anate, ta Ɓɛte-Semɛse. Taa wolai liegɔi ɠɛni ga puugɔ maazu taaʋuugɔ (19), ta ma laa goiti. 39 Nɛfɛtali mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la, taa wolaiti ta ma laa goiti. 40 Zooi lɔfelasiɛi kpakui looni ma, naa ɠɛni ga Dan mavofodaiti ta-wolodai nɔnɔi, eɠɛʋelei ta-ʋɛlɛyeɠeiti ti la. 41 Ta-yooi zu laaiti ti ɠɛni ga niiti: Soleya, Esetawɔle, Iil-Semɛse, 42 Saalaɓin, Ayalon, Yitila, 43 Elon, Timinata, Ekelɔn, 44 Ɛlɛteké, Giɓeton, Ɓaalate, 45 Yeɠude, Ɓené-Ɓelake, Gate-Limon, 46 Yaalekon ɗɛi, ta Lakon, é ɓɔ zooi ʋa, é Zafa letemaʋɛ. 47 Dan mavofodaiti ti ʋalani ta-yooi ma. Dan mavofodaiti ti lɛɛni naazu, ti kɔɔi ʋɛɛ Lesɛme ʋa. Ti vɔnini taai naa ma, ti su nuɓusɛi pɛ pa ga boɠa zɔkpɔi, ti seɠe ga tɔnɔ, ti zei ná. Ti ti-mɛmɛwolai Dan laaseigi ʋɛɛni Lesɛme ʋa. 48 Dan mavofodaiti ta-wolodai nɔnɔi ɠana, eɠɛʋelei ta-ʋɛlɛyeɠeiti ti la, taa wolaiti ta ma laa goiti. 49 Siɛgi zu Izilayɛle nuiti ti ɓeni la ga zooi ɠaaɠwɛ ɓɔɠɔ ʋa, ti kwɛgiti da, ti zooi ta veeni Zozuwe ʋɛ, Nun ná-doun zunui, é ɠɛ ga nɔnɔi ti zaama. 50 Eɠɛʋelei Ɠɔoɠɔ GALAGI ná-devei ɠɛni la, taa wolai é yiimazeɠeni la, naa ɠa ti feeni zea, Timinate-Sela, nii é ɠɛni Efelayime ɠize yooi zu. É taai naa loni ʋolu, é zei ná. 51 Zooiti kana, niiti zalaɠa ɠula nui Eleazaal, ta Nun ná-doun zunui Zozuwe, ta pɛlɛyeɠe ɠundiɠiiti ti Izilayɛle wolodaiti su, ti gaaɠwɛɛni ga kpakutoomai, Ɠɔoɠɔ GALAGI ɠaazu, Silo, GALA daaɠomi seɠe ʋɛlɛi laaʋɛ. Pele ɠana ti zooi ɠaaɠwɛɛ vai ɠaaɓelani la.