Nehemiah 10 (TOMA)
1 Naa maaʋele ma, gi minazeɠe kɛɛni, gi maaɓakpa é zɛʋɛ, gá-ɠundiɠiiti, gá-Levi nuiti, ta gá-zalaɠa ɠula nuiti ti yeeʋo pilɛ su, nii poogi ʋilɛni su. 2 Nui niiti ti yeeʋo pilɛni sɛʋɛi zu, naati daaseigiti kaa: Ɠakalia ná-doun zunui Neɠemi, nii é ɠɛni ga kundiɠii, naa ʋoluma Sedesiyase, 3 Selaya, Azalia, Zelemi, 4 Pasuul, Amalia, Malikiya, 5 Ɠatuse, Saɓania, Maluke, 6 Ɠalime, Melemɔte, Aɓediyase, 7 Daniyɛle, Gineton, Ɓaluke, 8 Mesulame, Aɓiya, Miyamine, 9 Maaziya, Ɓiligayi, Semaya, naati pɛ ti ɠɛni ga zalaɠa ɠula nuiti. 10 Levi nuiti kaa: Azania ná-doun zunui Zozuwe, Ɠenadade mavofodai Ɓinuwi, Kadimiyɛle, 11 ta ti-ɠɛɛlointi niiti: Saɓania, Wodiya, Kelita, Pelaya, Ɠanan, 12 Misé, Leɠɔɓe, Ɠasaɓiya, 13 Zakuul, Seleɓia, Saɓania, 14 Wodiya, Ɓani, Ɓeninu. 15 Nuɓusɛiti ta-ɠundiɠiiti kaa: Paleyɔse, Paɠate-Moaɓe, Elame, Zatu, Ɓani, 16 Ɓuni, Azagade, Ɓeɓayi, 17 Adoniya, Ɓigivayi, Adin, 18 Atɛɛl, Ezekiase, Azuul, 19 Wodiya, Ɠasume, Ɓesayi, 20 Alife, Anatɔte, Nebai, 21 Magapiase, Mesulame, Eziil, 22 Mesezaɓɛɛle, Sadɔke, Yadua, 23 Pelatiya, Ɠanan, Anaya, 24 Wozé, Ɠanania, Ɠasuɓe, 25 Aloyese, Pila, Sobɛke, 26 Lowume, Ɠasabena, Maaseya, 27 Ayiya, Ɠanan, Anan, 28 Maluke, Ɠalime, Ɓaana. 29 Nuɓusɛi mɔtaiti kpein, ta zalaɠa ɠula nuiti, ta Levi nuiti, ta siɠida makɛ nuiti, naa ʋɛɛ guye loo nuiti ta GALA sei ʋɛlɛi wu wotiɠɛ nuiti ba, ta zɔiti kpein ti ɓeteʋeni zii ɠiligiti ba, nii a kɛ ti GALA ná-tɔgi ziɛ ga pagɔ, ti-anzaiti ta ti-lointi, niiti kpein ta la zoo faa ɠaaɠaazu, 30 ti pɛ ti ʋɔɔkpɔni ti-ɠɛɛlointi ba, niiti ti ga tosuba nuiti, ti pɛ ti minazeɠeni, ti ɠona ga ta ɠolo tɔgi ʋɛ, nii GALA ge feeni gi ya ga ná-botiɠɛ nui Moize maaʋele, naa ʋoluma gi gi-Maliɠii Ɠɔoɠɔ GALAGI ná-tɔgiti ta ná-deveiti so, naa ʋɛɛ ná-kalagiti ba, gi ɗa ti ɠɛ. 31 Gi minazeɠe ga gi la gi-loun anzanuiti fea zooi naa zu nuiti bɛ ga vulu, ta gi mina ti-loun anzanuiti fulu gi-loun zunuiti bɛ. 32 Gi mina ta-ʋɔdi ani nɔpɛ geya, nii ta ʋaa la dooɠo foloiti, ta fɛti voloiti. Kona dɔfela ɠilagila gi ɗa ɓe zooi ʋa, é looɠo, gi mina ɓɔi nu la ga é gá-ɠuyeiti kula. 33 Naa ʋoluma gi daani ɓɔɠɔ ma ga tɔgi ga kona-o-kona, gi ɗa galamu naaninaani fe ga wali ɠaei gá-ƓALA sei ʋɛlɛi wu wotiɠɛ vai zu. 34 Zeemaaɓɔ walii naa ɠa niima aniiti ti ɠɛɛzu ɠeyazu la: ɓului nii é veezu Ɠɔoɠɔ GALAGI ʋɛ, vebɛ zalaɠaiti ta gala zalaɠaiti niiti ti maanɛai ti ɗa ve folo-o-folo, gala zalaɠaiti ti ɠulazu ɠɔ dooɠo foloiti, alu toga niinɛi ma vɛtiiti, ta fɛtii zɔiti ma voloiti, vebɛani zɔiti ti veai GALA bɛ, ta Izilayɛle nuiti ta-ɠoto gba zalaɠaiti, ta fai nii kpein é ɠɛɛzu gá-ƓALA sei ʋɛlɛi wu. 35 Gɛi gi ga zalaɠa ɠula nuiti, ta Levi nuiti, naa ʋɛɛ nuɓusɛi zɔiti ba, gi yeeɠɛɠalai ɠaaɠwɛɛni gá-ʋɛlɛyeɠeiti ba ga kpakutoomai, gi ɠɛ kwɛ siɛgi nii ɛsɛ maanɛai é ʋaa la ga koʋii ga vebɛanii gá-ƓALA sei ʋɛlɛi ma ɠoizuʋɛ, zalaɠaiti gala vai zu gá-ƓALAGI, Ɠɔoɠɔ GALAGI ná-zalaɠa ɠulazuʋɛ, eɠɛʋelei sɛʋɛai la tɔ sɛʋɛi zu. 36 Kona-o-kona gi ɗa ʋa ɓalaa ga gá-yooiti baalɔnɔ mɔungiti, ta gá-wuluiti gaa ɠwaa mɔungiti, Ɠɔoɠɔ GALAGI zei ʋɛlɛi ma ɠoizuʋɛ. 37 Gá ʋa ɓalaa ga gi-loun zunu mɔungiti, ta gá-loganiiti ma yiʋo zinɛ mɔungiti, eɠɛʋelei sɛʋɛai la tɔ sɛʋɛi zu. Gá ʋa ga gá-logani ɓulugiti ma yiʋo zinɛ mɔungiti, nikɛiti, baalagiti, ta boliiti, gá-ƓALAGI zei ʋɛlɛi ma ɠoizuʋɛ, gi ti ve zalaɠa ɠula nuiti zea, ti botii ɠɛɛzu ná. 38 Naa ʋoluma, gá ta zeɠe gá-ɓulu vukɔi ma ʋapagiti ba, ta gá-wulu waa ʋagɔiti, ta dɔɔ niinɛi, naa ʋɛɛ gulɔi ʋa, gá naama aniiti fe zalaɠa ɠula nuiti zea gá-ƓALAGI ná-pɛlɛi ma ʋɛɛbaiti bu. Gá-ɓalaga aniiti kpein ma ʋuusiɛi ɠa ve Levi nuiti zea, tiya ɓɔɠɔi ta leʋe taaiti su, ʋɛti gá-ɓalagiti ti náti, ti puusiɛiti seɠe. 39 Zalaɠa ɠula nui nii é ga Aalɔn mavofodai, naa ɓɔɠɔi ɠa ʋilɛsu Levi nuiti polu, siɛgi zu ti ɠɛɛzu puusiɛi ɠulazu la. Levi nuiti ɓalaa ta ʋa ga puusiɛi ma ʋuusiɛi gá-ƓALAGI zei ʋɛlɛi ma naavolo makɛsuʋɛ. 40 Izilayɛle nuiti ta Levi nuiti ta ʋaazu ga ta-vebɛaniiti: moloi é ga ɓeleegi, dɔɔ niinɛi, ta gulɔi, ti pu pɛɛbai naati bu, ʋɛ GALA sei ʋɛlɛi wu zɔɔlaiti ta ɗa ɠɛ ná, ta zalaɠa ɠula nuiti ti botii ɠɛɛzu GALA sei ʋɛlɛi wu, ta siɠida makɛ nuiti, naa ʋɛɛ guye loo nuiti ba. Naazu gi la yeeɓega gá-ƓALAGI zei ʋɛlɛi ʋa pɛ.