Galatians 5 (BHUM)

1 जउन आजादी के निता मसीह हमही आजाद करे हबै ओहमा मजबूत लग बने रइहा, हरवाह के जुंवा हे बंधे रहैके झइ स्वीकार करा। 2 सुनो, मै पोलुस तुम्हर लग कथो कि अगर खतना करइहा, ता मसीह लग तुमही कुछु फायदा नेहको होही। 3 फेर मै हर अक्ठी खतना करै बाले के गुठे देथो कि उके सगलू नियम के मानैके पडही। 4 अगर तै अपन धरमी के निता नियम हे निरभर रहै चाहथस, ता तै मसीह लग अपन रिस्ता टोर लय अउ भगवान के अनुगरह किरपा के खोय दय हबस। 5 काखे आतमा के दवारा हमर मुकति के सगलू फायदा आसा करे हर नियाइपन के ओरगथा जउन बिस्वास लग हबै। 6 न खतना बाले अउ न बिन खतना बाले मसीह यीसु हे कउनो मतलब नेहको हबै, ओहमा तो माया करै बाले बिस्वास के मतलब हबै। 7 तुम मसीह हे परगति करथा, तुमके कोहर आगू बढै लग रोकिस तुम सत्य के झइ माना? 8 असना सीख तुम्हर बुलामै बाले के पार लग नेहको हबै। 9 सुरता रखा चुटु हस खमीर सगलू गुडरेहर आटा के खमीर के डारथै। 10 परभु हे बिस्वास करथो, कि तुम कउनो दूसर सिक्छा के झइ अपनइहा, जउन तुमही परेसान करथै, चाहे ऊ कउ होय ऊ सजा पइहीं। 11 हे भाइयो अगर मै अब तक सुध्दिकरन खतना के परचार करत होतो, ता मोर उप्पर अब तक गलत बेउहार काखे करे जथै? अगर मै असना करतों, ता क्रूस के ठोकड जउन रुकावट होथै ऊ समापत हुइ जथै। 12 निक्खा इहै होथै कि जउन तोके परेसान करथै, ऊ खुद के नमरद बनाय लेथै। 13 हे भाई, तुम आजाद होमै के निता बुलाय गय हबा, पय असना झइ होय कि हइ आजाद देह के कामन के निता मउका मिलै, पय माया लग अक-दूसर के सेबा करे बाले बना। 14 काखे सगलू नियम हइ अकठिन आदेस हे पूर हुइ जथै, “तै अपन परोसी लग अपन जसना माया करा।” 15 पय अगर तुम अक दूसर के दांत लग काटथा अउ फाड खथा, ता चेतन्त रहा कि अक दूसर के नास झइ कर देया। 16 पय मै कथो, आतमा के जसना चला ता तुम देह के लालच कउनो मेर लग पूर नेहको कर पइहा। 17 काखे देह आतमा के बिरोध हे अउ आतमा देह के बिरोध हे इक्छा करथै, अउ हइ अक दूसर के बैरी हबै, इहैनिता कि जउन तुम चाहथा, उहै नेहको के पाथा। 18 अउ अगर तुम आतमा के चलाय चलत हबा ता नियम के बस हे नेहको हबा। 19 देह के काम हइ सगलू हबै, मतलब, गलत काम, असुध्द काम, 20 मूरती पूजा, जादू टोना, बैर, झगडा, जलन, गुस्सा, बिरोध, फूट, अलगाव, 21 दरुहा, नसा अउ इनखर जसना अउ काम हबै, इनखर बारे हे मै तुम्हर लग जसना पहिले कह चुके हव, कि असना काम करै बाले भगवान कर राज के वारिस नेहको होही। 22 पय आतमा के फडुहा माया, खुसी, सान्ति, धीरज, किरपा, दया, बिस्वास, 23 नरम, अउ संयम हबै, असना कामन के बिरोध हे कउ नियम नेहको। 24 अउ जउन मसीह यीसु के हबै, उन देह के ओखर लालसा अउ अभिलासा समेत क्रूस हे चढा देय हबै। 25 अगर हम आतमा के दवारा जिन्दा जीवन मिले हबै, ता आतमा के जसना जीवन बितइ। 26 अउ न हम घमंडी बनी, न अक दूसर के छांडै, अउ न अक दूसर लग इसाह।

Galatians 5 (BHUM)

In Other Versions