Amos 5 (BONLT)
1 Chikuru itu un dhood Israel mondo uwinjie wende ywak ma asechuogonu: 2 “Israel ma en nyako ngili koro osepodho,kendo ok nochak oa malo,nimar osepodho e pinye owuonmaonge ngʼama nyalo chunge.” 3 Jehova Nyasaye Manyalo Gik Moko Duto wacho niya,“Dala maduongʼ mane ooro joge mag lweny alufu achiel mondo oked ne jo-Israel,mia achiel kende ema biro duogo,to mano mooro joge mag lweny mia achiel,apar kende ema biro duogo.” 4 Jehova Nyasaye wacho ni dhood Israel niya,“Dwarauru eka unubed mangima, 5 kik udhi Bethel,kendo kik udhi Gilgal,to bende kik ukadhi nyaka Bersheba,nimar jo-Gilgal duto ibiro daro matergi e twech,kendo Bethel biro mana lal nono.” 6 Dwaruru Jehova Nyasaye eka unubed mangima,nono to obiro tieko joka Josef ka mach mawengʼo,en mach mabiro wangʼo jo-Bethelmaonge ngʼama nyalo nego. 7 Mano en wach manade ka uloko bura makare bedo lit,kendo utuono joga gik monego giyudi. 8 Jehova Nyasaye ema nochweyo Yugni gi Ratego,en ema omiyo piny ru,kendo yuso,en bende ema oluongo pi nammondo obi, kendo ologi e piny,nyinge iluongo ni Jehova Nyasaye. 9 En ema oketho mier mochiel motegnokendo omuko ohinga mag dala. 10 Un umon gi ngʼama odonjo ni jaketho,kendo usin gi ngʼat mawacho adiera. 11 Usethiro joma odhierma kata cham matin magin godo usechunogi ma gimiyou kaka asoya.Kuom mano, usegero udi mabeyo mag kidi,to ok unudagie,to bende ok unumadhi divaimag mzabibu mabeyo musepidho, 12 nikech aneno ka un kod ketho mangʼenykendo richou sani okadho akwana,nikech usando joma ungʼeyo ni onge gi ketho,kendo uchamo asoya,to kata mana joma odhier manie dierubende utamo mondo kik yud bura makare. 13 Emomiyo ngʼat mariek lingʼ alingʼa e kinde ma kamanikech gin kinde mag richo. 14 Dwaruru ber, to ok rach,mondo ubed mangima,eka Jehova Nyasaye, ma en Nyasaye Maratego nobed kodumana kaka uparono. 15 Beduru mamon gi timbe maricho, to heruru timbe mabeyo;ngʼaduru bura makare e ute buche.Ka utimo kamano, to dipo ka Jehova Nyasaye,ma Nyasaye Maratego nyalo timo ngʼwononi joka Josef mane otony oa e twech. 16 Kuom mano, Ruoth Nyasaye, ma en Jehova Nyasaye Maratego wacho niya,“Ywak biro winjore e yore duto mag dala,kendo ji magoyo nduru ibiro winjo kuonde mag chokruok;jopur bende noluong mondo oywagikaachiel gi joma olony e ywak. 17 E puothe duto mag mzabibu ywak nobedie,nikech abiro biro mondo amiu kum,”Jehova Nyasaye owacho. 18 Yaye unune malit un joma gombomondo odiechieng Jehova Nyasaye ochopi!En angʼo momiyo ugombo odiechiengno mar Jehova Nyasaye mondo ochopi?Enobed chiengʼ mudho to ok chiengʼ ler! 19 Chiengʼno nochal mana gi ngʼat ma sibuor lawo,to oromo gi ondiek,kata nochal gi ngʼat modonjo e ot,moyiengo lwete e kor ot, mi thuol okaye! 20 Donge odiechiengno mar Jehova Nyasaye nobed odiechieng mudho mandiwa,molil maonge chiengʼ ler, kendo ma chiengʼ ok norienyie? 21 “Asin kendo amon gi sewni mutimona,bende ok amor gi chokruok mau ma ulosona. 22 Kata obedo ni ukelona misengini miwangʼo pep kod misengini mag cham,to ok anayiego;bende kata obedo ni ukelona misengini mag lalruokto ok abi yiego. 23 Weuru baro wiya gi wendeu mag pak,nikech ok adwar winjo thumbe mugoyogo. 24 Weuru mondo bura makare ema mondo omol ka pi aora,kendo tim makare ema omol ka aora ma ok dwon. 25 “Yaye jo-Israel, bende ne ukelona misengini kata chiwo moro amorakuom higni piero angʼwen mane un e thim? 26 Ne utingʼo kuonde lemo mag ruodhu malo,ne utingʼo nyiseche manono,mag sulwe ma Sakuth gi Kaiwan,mane uloso ni un uwegi, 27 omiyo abiro darou mi ateru e piny twech mabor mayombo Damaski,”Jehova Nyasaye, ma nyinge en Nyasaye Maratego, ema owacho.