Luke 3 (SBT1E)
1 Hanchu, Teberius Caesar Rêng chang a kum sômleirangana, Pontius Pilat Judea rama governor ania, Herod Galilee rama ânlal lâiin, A nâipa Philip, Iturea le Trachonitis rama ânlal lâiin, Abilene rama Lysanias ânlal lâia han, 2 Annas le Caiaphas ngei hah Ochai Inlal annia. Ma zora lâia han ramchâra Zakaria nâipasal John kôma Pathien chong a juong tunga. 3 Hanchu, John'n Jordan Tuidung pang revêl ramtina a se titira, “Nin sietnangei renga insîr ungla baptisma chang roi, hanchu Pathien'n nin sietnangei nangni ngâidam a tih” tiin chong a rila. 4 Dêipu Isaiah lekhabua miziek anghan: “Ramchâra mi inkhat iniek rôl han,Pumapa lampui sin ungla, a lôna rang,A lampuingei mintûn roi. 5 Vakuong tin minsip nîng ata,Muol, tang tin mincham nîng atih,Lampui akôi ngei mintûn nîng ata,Lampui anthir ngei minnâm nîng atih. 6 Hanchu mitinin Pathien sanmingringna mûng an tih.” 7 Hanchu, John kôm baptis chang rangin mipuingei an honga, an kôm, “Murûlngei o!, Pathien dûk juong mintung rang renga jôk rangin tumo nangni ril? 8 Nin sietnangei nin insîr tatak iti nin nunchana minlang roi, Ei richibul Abraham kêng aninga ti khâi no roi, Pathien'n hi lungngei khom hih Abraham richisuonpârngei a minchang thei. 9 Thingkung tin aruzung idêna phûr rangin reipui a om chit ani zoi. Thingkung tin mara sa ânra loi nâm chu phûrpaia meia pai nîng atih,” a tia. 10 Mipuingei han, “Hanchu, Imo kin tho rang ani zoi,” an tia. 11 Ama'n a thuona, “Kâncholi abop a dônngeiin a dônloingei sem ungla, sâkruo a dônngeiin a dônloingei sem ngei roi” a tia. 12 Sum rusuongpungei senkhat baptisma chang rangin an honga, a kôma, “Minchupu, imo kin tho rang?” an tia. 13 “Balam pêna chu rusuong no roi” a tia. 14 Râlmingei khom an honga a kôm, “Keinite imo kin tho rang?” an tia. An kôma, “Tute sum rangrâtin lâk no ungla, dikloiin mi nôn no ungla, nin loa han nin mulung minchuk roi”, a tia. 15 Mipuingeiin John chungroia sabeina neiin, Messiah ai ni duoi mini tiin an mindona. 16 Hanchu, John'n, “Keiman chu tuiin nangni ka baptis ngâia, keima nêka roiinpui uol mi a juong ani. Keima chu a kekok sût rang luon inhoi mu-ung. Ama han Ratha Inthieng le meiin nangni baptis a tih,” a tipe ngeia. 17 “A jâpna rang relei a chôia, jâp a ta, butak hah sapanga thun a ta, arishi kai chu mei thi ngâiloia hâl minmang a tih”, a tia. 18 An om lam thûlna rang mohôknân lam tamtakin thurchi Sa a ril ngeia. 19 Herod'n neinun tamtak saloi a tho pênah, a nâipa Philip lômnu Herodias lômnua a nei sikin John'n a ngoa. 20 Ma nêka saloi uol thôn, Herod'n, John hah intâng ina a khum zoi. 21 Hanchu mipui murdi baptisma an chang zoiin, Jisua khom baptisma a changa. Chubai a tho lâitakin, invân ân onga. 22 Pharvali angin, Ratha Inthieng a chunga a juongchuma, Invân renga chong ajuon ringa, “Ka nâipasal moroitak ni ni, na chunga ku mulung arâisân ok,” a tia. 23 Jisua'n a sin a phuta han kum sômthum a nia. Mi mindonin chu Joseph nâipasal ania. Ama hah Heli nâipasal ania, 24 Ama hah Mathat nâipasal ania,Ama hah Levi nâipasal ania,Ama hah Melchi nâipasal ania,Ama hah Janna nâipasal ania,Ama hah Joseph nâipasal ani. 25 Ama hah Mattathias nâipasal ania,Ama hah Amos nâipasal ania,Ama hah Nahum nâipasal ania,Ama hah Esli nâipasal ania,Ama hah Naggai nâipasal ania, 26 Ama hah Maath nâipasal ania,Ama hah Mattathias nâipasal ania,Ama hah Semein nâipasal ania,Ama hah Josech nâipasal ania,Ama hah Joda nâipasal ania, 27 Ama hah Joanan nâipasal ania,Ama hah Rhesa nâipasal ania,Ama hah Zerubbabel nâipasal ania,Ama hah Shealtiel nâipasal ania,Ama hah Neri nâipasal ani. 28 Ama hah Melchi nâipasal ania,Ama hah Addi nâipasal ania,Ama hah Cosam nâipasal ania,Ama hah Elmadam nâipasal ania,Ama hah Er nâipasal ani. 29 Ama hah Joshua nâipasal ania,Ama hah Eliezer nâipasal ania,Ama hah Jorim nâipasal ania,Ama hah Matthat nâipasal ania,Ama hah Levi nâipasal ania, 30 Ama hah Simeon nâipasal ania,Ama hah Judah nâipasal ania,Ama hah Joseph nâipasal ania,Ama hah Jonam nâipasal ania,Ama hah Eliakim nâipasal ani. 31 Ama hah Melea nâipasal ania,Ama hah Menna nâipasal ania,Ama hah Mattatha nâipasal ania,Ama hah Nathan nâipasal ania,Ama hah David nâipasal ani. 32 Ama hah Jesse nâipasal ania,Ama hah Obed nâipasal ania,Ama hah Boaz nâipasal ania,Ama hah Salmon nâipasal ania,Ama hah Nahshon nâipasal ania, 33 Ama hah Aminadab nâipasal,Ama hah Admin nâipasal ania,Amah hah Arni nâipasal ania,Ama hah Hezron nâipasal ania,Ama hah Perez nâipasal ania,Ama hah Judah nâipasal ania, 34 Ama hah Jokob nâipasal ania,Ama hah Isaac nâipasal ania,Ama hah Abraham nâipasal ania,Ama hah Terah nâipasal ania,Ama hah Nahor nâipasal ania, 35 Ama hah Serug nâipasal ania,Ama hah Reu nâipasal ania,Ama hah Peleg nâipasal ania,Ama hah Eber nâipasal ania,Ama hah Shelah nâipasal ania, 36 Ama hah Cainan nâipasal ania,Ama hah Arphaxad nâipasal ania,Ama Shem nâipasal ania,Ama hah Noah nâipasal ania,Ama hah Lamech nâipasal ania, 37 Ama hah Methusela nâipasal ania,Ama hah Enoch nâipasal ania,Ama hah Jared nâipasal ania,Ama hah Mahalaleel nâipasal ania,Ama hah Kenan nâipasal ania, 38 Ama hah Enosh nâipasal ania,Ama hah Seth nâipasal ania,Ama hah Adam nâipasal ania,Ama hah Pathien nâipasal ani.