Joel 2 (TBIAOTANT)
1 Ikiavɨra Itir God Izamin Dughiar Ekiam,a bar roghɨra izi.Kamaghɨn amizɨ, Saionɨn nguibam, a Godɨn mɨghsɨamra, ia a gisɨn ikɨ,sɨghabagh iviva dɨbɨaribar tong.Eghtɨ Judan nguazimɨn itir gumazamiziba barnɨghɨva akong. 2 Ikiavɨra Itir Godɨn Dughiar Ekiar kam, a bar mɨtarmegham,eghtɨ ghuariar pɨzir avɨriba overiam apazagham.Odezir bɨzir ekiam, mati mɨdorozir gumazibar bɨzir bar ekiam,zuamɨra mɨghsɨabar otifi,mati amɨnim tiasava amua bar mɨtarmangi.Bizir kamaghɨn garitam fomɨram otozir puvatɨgha iza datɨrɨghɨn,egh bizir kamaghɨn garitam gɨn uam otivan kogham. 3 Da mati, avim dadabar isi moghɨndagheba ko, graziba, ko, bizir igharaziba sara bar ada agɨfa.Danganir da tɨghar mangamiba, da bar deragha,mati Idenɨn Azenim.Ezɨ danganir me ter afariba ko, graziba amegha gɨvaziba,da mati danganir mɨsɨngizim.Da bizitam ataghizɨ, a itir puvatɨ.Bar puvatɨ.Da biziba bar ada gɨfa. 4 Odezir kaba, mati mɨdorozir hoziabar mɨn,ivemara izi. 5 Da mɨghsɨar orazibar uari akura ghuavanadir dughiamɨn,dar nɨgɨnim mati, karisba dagɨabagh isɨn ghua tɨngazi,egha mati tuzim isia mɨzariaba dɨkava tɨngazi.Egha mati mɨdorozir gumazir bɨzir bar ekiam,mɨdorozim damuasava ami. 6 Da roghɨra izir dughiamɨn,gumazamiziba bar atiatigha, men guaba ighegha igharagha gari,egha me bar dukome. 7 Odezir kaba, mɨdorozir gumazibar mɨn ivemara izi.Egha nguibar ekiamɨn dɨvazir gavgavimɨn bɨra ghuavanadi.Egha mati mɨdorozir gumaziba bɨzimɨn voroghɨra zui.Egha me ragha tuavir igharazitamɨn zuir puvatɨ.Me vaghvagha uan bɨzim ataghɨrazir puvatɨ. 8 Me ghua gumazir igharazitabar tuaviba apɨrir puvatɨ.Me vaghvagha bigha ghuavɨra iti.Me ghua men afuziba ko barir pibar atiatir puvatɨ,eghtɨ bizitam men tɨvaghan kogham. 9 Me ivemara nguibar ekiabar zui.Me dɨvazir gavgavibar ghuavanaga ghuaghira nguibar ekiabar aven zui.Egha dɨpenibar bɨribar ghuavanagawinduabar aven ghuaghiri,mati okɨmakɨar gumaziba. 10 Me zuima nguazim mati mɨkɨmkɨzim a gɨnobazɨ a ivazvasi,ezɨ overiam mati God a gɨnobazɨ a nɨdi.Ezɨ aruem ko iakɨnim mɨtarmangizɨ,mɨkoveziba ua isir puvatɨ. 11 Ikiavɨra Itir God uan mɨdorozir gumaziba Akar Gavgavim me ganɨdi,ezɨ an mɨgɨrɨgɨaba mati ararim dagarvasi.An mɨdorozir gumaziba bar avɨraseme,eghtɨ gumazitam me dɨponɨva avegham.Ikiavɨra Itir God Izamin Dughiar Ekiam, gumazamizibar amutɨ,me bar atiatigham.Eghtɨ tinara dughiar kamɨn aven mangɨ ikuvighan kogh, deravɨra ikiam?Ti puvatɨgham. 12 Egha Ikiavɨra Itir God kamaghɨn mɨgei,“Guizbangɨra, bizir kurar kaba bar otivam,eghtɨ ia datɨrɨghɨra uan navibagh iragh ua na bagh izɨ.Egh dagheba ategh uan navir averiaba sara azi ua na bagh izɨ. 13 Ia pura uan korotiaba abɨghɨva azir arazim damuan markɨ.Ian navir averiaba aven bɨghiregh, ian ararem akagham.Ia fo, Ikiavɨra Itir God gumazamiziba bar me gifongegha bar men kuarkufi.Egha zuamɨrama atarir pu. Puvatɨ.An apangkuvim bar moghɨra men ekefe.Egha a zurara uan nɨghnɨzim gɨghasa ifongeghavɨra ikia,egha gumazamizibar arazir kuraba ikarvazir puvatɨ.Kamaghɨn amizɨ, ia ua Ikiavɨra Itir God, ian God bagh izɨ. 14 Ia ua Ikiavɨra Itir God, ian God, ia a bagh izɨtɨ,a ti uan nɨghnɨzim giragh, deraghvɨra ia damuam, egh dagher avɨriba ia danɨngam.Eghtɨ ia a bagh ofa damuamin dagheba ko wainba ikiam. 15 15-16 Ia Saionɨn Mɨghsɨamɨn ikɨ sɨgham givi.Egh uari akuvagh dagheba ateghamin dughiam ginabagham.Egh gumazamiziba bar me akuvagh, me mɨkɨmtɨ,me nan ziam fɨsɨ, uan bizir kuraba ko arazir kuraba ategh,nan damazimɨn bar zuegh.Men gumazamizir ghuriba ko, borir ekiaba ko otem apir borir iririviba, me bar moghɨra,nɨ me inigh izɨ.Poroghamir igiaba, me uan dɨpeniba ategh uaghan izɨ. 17 Nan ofa gamir gumaziba, me nan ingangarir gumaziba, nɨ me mɨkemeghtɨ,me Godɨn Dɨpenimɨn azuarim ko, ofa gamir dakozimɨn tongɨn tughaziva arang kamaghɨn mɨkɨm,‘O Ikiavɨra Itir God, e nɨn gumazamizibara.Nɨ uan gumazamizibar apangkufigh.Puvatɨghtɨ, kantriba bar, akɨrim ragh e gasaraghdɨbovir akabar e mɨkɨmam.E nɨn azai, nɨ Kantrin Igharazibar Gumazamiziba ateghan koghtɨ,me e dɨpova kamaghɨn mɨkɨman kogham, Ian God managh iti?’ ” 18 Ezɨ gɨn, Ikiavɨra Itir God, bar puvɨra uan nguazim gɨnɨghnɨgha,uan gumazamizibar apangkufi. 19 Egha Ikiavɨra Itir God uan gumazamiziba ikaragha kamaghɨn me mɨgei:“Ia gan! Datɨrɨghɨn kɨ dagheba ko wain dɨpaba, ko olivɨn borem ia danightɨ,ian dagheba avɨrasemegham.Eghtɨ Kantrin Igharazibar Gumazamiziba,dɨbovir akabar ia damuan kogham. 20 Eghtɨ kɨ notɨn amadaghan itir odeziba batueghtɨ, da ian saghon mangam.Da danganir mɨsɨngizir gumazamiziba itir puvatɨzimɨn mangam.Dar okoruar faragha zuim, kɨ da batueghtɨ,da Amangsɨzim Itir Dɨpar Akaremɨn magɨram.Eghtɨ dar okoruar igharazim, kɨ da batueghtɨ,da Mediterenianɨn Ongarir Ekiamɨn magɨram.Dar kuaba kurigh mughuriar bar anɨnganir kuram otivam.Bar guizbangɨra, kɨ arazir gavgavir bar ekiam damuam. 21 “Kɨ Ikiavɨra Itir God, kɨ arazir bar gavgavir ekiaba nɨ bagha dagh ami.Kamaghɨn amizɨ, O nan nguazim, nɨ atiatingan markɨ.Nɨ bar akongegh navim deragh. 22 Graziba uam gumazamiziba puvatɨzir danganibar otifi.Ezɨ temeba ua be.Ezɨ fikɨn temeba ko wainɨn ikarɨziba dagher avɨriba iti.Kamaghɨn amizɨ, ia asɨzir atiaba, ia atiatingan markɨ! 23 “Ia nan damazimɨn deraghasa,kɨ ian akurvagha amozir avɨriba ia ganɨdi.Amozir dughiabar iakɨnir faragha zuiba, kɨ amoziba ia ganɨga,egha uaghan amozir dughiabar gɨn izir iakɨniba, kɨ amoziba ia ganɨdi.Kamaghɨn amizɨ, ia Saionɨn gumazamiziba, ia bar akongegh.Kɨ Ikiavɨra Itir God, ian God,kɨ ian akurvaghasa amizir biziba, ia da bagh bar akongegh. 24 Witɨn iniba kua dar dagheba isir danganiba, bar izevegham.Eghtɨ wain dɨtir danganiba ko olivɨn ovɨziba mɨrmɨrir danganiba,wainɨn dɨpaba ko, olivɨn boreba bar dagh izɨvagh fasfagham. 25 Kɨ uabɨ, mɨdorozir gumazibar mɨn,odezir okoruar kaba ia bagha da amangi.Maba, odezir bɨzir avɨrir mɨghagharuiba,maba, odezir febaba,maba, odezir bar ekiar bizibagh asɨghasɨziba,maba, da kunodezir biziba aghoriba,da bar izegha ian dagheba ame.Kamaghɨn amizɨ, kɨ ua da ikaragh deraghvɨra ia damuam. 26 Ia dagher avɨribar amɨ, egh bar izevegham.Kɨ dɨgavir kuram gamir arazir aghuir avɨriba ia bagha dagh ami.Eghtɨ ikɨzir igharazibar gumazamiziba, me nan gumazamizibar amutɨ,me uam aghumsɨghan kogham.Eghtɨ kamaghɨn, ia Ikiavɨra Itir God, ian God, ia an ziam fam. 27 Kamaghɨn amizɨ, ia Israelia, ia fogh suam,Kɨ ian tongɨn iti.Kɨ Ikiavɨra Itir God, ian God, ezɨ godɨn igharazitam nan mɨn itir puvatɨ.Eghtɨ ikɨzir igharazibar gumazamiziba, me ia damutɨ,ia uam aghumsɨghan kogham.” 28 Ikiavɨra Itir God kamaghɨn mɨgɨa ghaze:“Dughiar gɨn izamimɨnkɨ uan Duam gumazamiziba bar me gingegham.Eghtɨ ian otariba ko guiviba Godɨn akam inigha izir gumazibar mɨn mɨkɨmtɨma,ian gumazir ghuriba irebabar gantɨma,ian gumazir igiaba irebabar mɨn amizir bizibar ganam. 29 Egh dughiar kabar kɨ uaghan uan Duam isɨ,uan ingangarir gumaziba ko ingangarir amizibagh ingegham.” 30 Egha Ikiavɨra Itir God, ua kamaghɨn mɨgei:“Kɨ pɨn overiamɨn dɨgavir kuram gamir araziba akakagh,uaghan nguazimɨn dɨgavir kuram gamir arazibar amuam.Eghtɨ ghuzim ko, avim ko, mɨgharir pɨzir ekiaba otivam. 31 Eghtɨ aruem mɨtarmeghtɨ,iakɨnim ghuzimɨn mɨn otogham.Bizir kaba faragh otivightɨ,gɨn Ikiavɨra Itir God Izamin Dughiar Ekiam otogham.Dughiar ekiar kam otoghtɨ, gumazamiziba bar atiatigham. 32 Eghtɨ dughiar kamɨn, Ikiavɨra Itir Godɨn ziamɨn diaghamin adarasi,a men akurvagham.Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba,men tarazi oveghan kogham.Gumazamizir Ikiavɨra Itir God ua bagha inabaziba,me men tongɨn ikɨ deraghvɨra ikiam.”