Judges 5 (BBPNG)
1 Amo esohaga, Debola amola Bela:ge (Abinoa:me egefe) da amo gesami hea:i. 2 “Hina Godema nodoma!Isala:ili dunu da gegemusa: dawa:iou,ilia da gegesu hahawane fidimu sia:i. 3 Dilia hina bagade nabima!Noga:le dawa:ma! Na da ninia Isala:ili Hina Godemagesami hea:mu amola gesami hea:su liligi dumu. 4 Hina Gode! Di da Sie goumi fisili, amola Idome soge amoga ahoanoba,osobo bagade da fofogolalu yaguguiamola gibu da muagadodili sa:i.Dafawane, hano da mu mobi amo ganodini dialu,osobo bagadega sa:i. 5 Sainai Hina Gode da manebeba:le,goumi huluane da fofogoi.Hina Gode! Isala:ili dunu ilia Gode! 6 Sia:maga (Anade egefe) amola Ya:iele da esalea,dunu amola ga:mele amola bidi lasu dunuda Isala:ili sogega hame misi.Ilia da logo fonobahadi la:ididili asi. 7 Debola! Isala:ili moilai gilisisu da dunu hame esalebe agoane ba:i.Amalalu, di da misi. Di da Isala:ili fi ilia ame defele misi dagoi. 8 Isala:ili dunu da gaheabolo ogogosu ‘gode’ liligi ilima fa:no bobogebeba:le,gegesu bagade ilia soge ganodini ba:i.Isala:ili dunu 40,000 agoane gilisi amo ganodini,lobo danoma:ne gala:su goge ageiamola da:igene gaga:su liligi hame ba:i. 9 Na da Isala:ili ouligisu dunu ilima bagade asigisa.Amola dunu da mae hihini hahawane fidimusa: misi,na da ilima bagade asigisa. Hina Godema nodoma! 10 Dilia! Dunu da ahea:iya:i dougi amoga fila heda:su dunu!Amo sia: olelema!Amola dili emoga fawane ahoasu dunu! Dilia sia:ma! 11 Nabima! Dunu bagohame da gu hano amogai gilisili wele sia:nana.Ilia da Hina Gode Ea hasalasu houamola Isala:ili dunu ilia hasalasu hou olelesa.Amalalu, Hina Gode Ea fi dunu da ilia moilai fisili,mogodigili gudu sa:i. 12 Debola! Bisima! Bisima!Gesami hea:ma! Bisima!Bela:ge, Abinoa:me egefe di!Ba:le gaidi godiwane masa!Dia ha lai dunu di afugili lai, amo oule masa! 13 Amalalu, fa:no noga:le bobogesu dunuda ilia ouligisu dunuma gagadomusa: gudu sa:i.Ilia da gegemusa: momagele, Hina Godema gilisi. 14 Ilia da Ifala:ime soge fisili, fagoa gudu misi.Ilia da Bediamini fi dunu ilima fa:no bobogei.Dadi gagui ouligisu dunu da Ma:igie soge fisili misi.Amola, ilia fidisu ouligisu dunu da Sebiula:ne sogega misi. 15 Isaga fi ouligisu dunu da Debola amo sigi misi.Dafawane! Isaga fi da misi dagoi.Bela:ge da misiba:le, ilia da ema fa:no bobogele, fagoa gudu doaga:i.Be Liubene fi dunu da afafai.Ilia da misunu o hame misunu, hame dawa:i galu. 16 Ilia da abuliba:le mae misini, sibi ouligima:ne ouesalula:?Ilia abuliba:le, sibi ouligisu dunusibima wele sia:su amo nabima:ne, ouesalula:?Ma! Liubene fi da afafai dagoi ba:i.Ilia da misunu o hame misunu, hame dawa:i galu. 17 Ga:de fi dunu da Yodane Hano eso mabe la:ididili esalebe ba:i.Da:ne fi dunu da ilia dusagai ouligima:ne esalebe ba:i.A:sie fi dunu da hano bagade bega: ouesalebe ba:i. 18 Be Sebiula:ne fi dunu amola Na:fadalai dunu da bogosa:besa:le mae dawa:le,gegesu amoga gilisi. 19 Hina bagade dunu da Da:ina:ge moilai bai bagade,Megido Hano bega: dialu, amoga gegemusa: misi.Ga:ina:ne hina bagade dunu da gegei, be hame hasalasiba:le,silifa noga:i liligi hame gaguli asi. 20 Fedege sia: agoane, gasumuni da muagado asili, amoga gegei.Ilia da hina bagade Sisela ema gegei. 21 Gaisione Hano da filigala:le neda:le,amo dunu huluane mini asili, gaguli asi.Na da gasawane mogodigili masunu! 22 Amalalu, hosi da hehenane misini,osoboga ha:giwane osa:i. 23 Hina Gode Ea a:igele dunu da amane sia:sa,“Milose soge amo aligima:ne gagabuma.Dunu huluane amogawi esala, amo aligima:ne gagabuma.Ilia da Hina Godemagale gegemusa: hame misi.” 24 Hibe (Ginaide dunu) amo ea uda da hahawane bagade.E da uda huluane abula diasu amo ganodini esalebe uda,amo ilia hahawane hou baligisa. 25 Sisela da ema hano edegei. Be e da dodo maga:me ema i.E da gebo sefe gugu, yaeya noga:iwane amo ganodini sali,gaguli misini ema i. 26 E da abula diasu goge agei, lobo afae amo ganodini gaguli,hawa: hamosu dunu ea ha:ma, lobo eno amo ganodini gagui.E da Sisela fane, ea dialuma goudai.E da ea dialuma amo abula goge agei amoga soi dagoi. 27 E da muguni bugili, diasa:ili,amo uda ea emo gadenene osoboga sa:ili, bogoi dagoi. 28 Sisela ea ame da fo misa:ne agenesi amoga ba:i.E da ifa gigiadomai hobea:ga gadili ba:lalu.E amane adole ba:i, “Ea sa:liode da abuliba:le hedolo hame maha?Ea hosi da abuliba:le hedolo hame buhagisala:?” 29 Ea bagade dawa:su fidisu uda ilia da ema amane adole i,amola e da hisu hima adole ialala, amane, 30 “Ilia da liligi lama:ne amola afafane ima:ne hogolala.Dadi gagui dunu da afae afae a:fini afae o aduna lamu.Sisela da abula ida:iwane lamu. Amola abula ida:iwane amuni liligi,ea uda galogoa gisa:gima:ne, amo lamusa: hogolala.” 31 Hina Gode! Dima ha lai dunu huluane daSisela ea bogoi defele bogomu da defea. Be Dima dogolegei dunuda eso mabe ea diga:i defele diga:mu da defea.”Amalalu, Isala:ili soge ganodini da ode 40 amoga olofosu fawane ba:i.