Job 37 (BBPNG)

1 Na da isu gibula bobodobe ba:sea, na dogo da gilugilusa. 2 Dilia huluane! Gode Ea sia: nabima!Gugelebe amo da Ea lafidili mabe, nabima! 3 Gode da ha:ha:na diga:be muagadodili iasisa.Ha:ha:na da osobo bagade na:iyado bega: bega: ahoa. 4 Amasea, Gode Ea gogonomosu naba.Amo da gugelebe ea gogonomobe bagade.Amola ha:ha:na da mae fisili nene gala:lala. 5 Gode da sia:sea, fofogadigisu liligi da doaga:sa.Ninia da agoai liligi hame dawa:digisa. 6 Ea sia:beba:le, mugene da osoboga daha.Gode da gibu bagadedafa osobo bagadega iasisa. 7 E da dunu ilia hawa: hamosu dagolesisa.E da Ea gasa bagade hamobe ilima olelesa. 8 Sigua ohe fi da ilia diasuga ahoa. 9 Gibula bobodoi isu da ga (north) amodili maha.Anegagidafa fo da ga (south) amodili maha. 10 Gode Ea mifo da hano anegagini, ga:nasi mugene hamosa. 11 Haha:na da mu mobiga nene gala:sa. 12 Mumobi da Gode Ea hanaiga ahoa.Osobo bagade huluane ganodini, mumobi da Gode Ea hamoma:ne sia:be defele hamosa. 13 Gode da osobo bagadega hano soga:ma:ne gibu iaha.Eso enoga E da osobo bagade dunu ilima se dabe ima:ne gibu iaha.Amola eso enoga E da ilia hahawane ba:ma:ne, gibu iaha. 14 Yoube! Di fonobahadi ouesalu, nabima!Gode Ea noga:idafa hamobe amo dadawa:ma! 15 Gode da ha:ha:na nene gala:ma:ne sia:sa!E da habodane agoai hamosala:? Di amo dawa:sala:?E da habodane ha:ha:na mumobiga nene gala:ma:ne hamosala:? 16 Gode da fofogadigiliwane hamobela:le, mumobi da muagado gila ahoa.Di da amo mumobi ilia gila ahoabe hou ea bai dawa:sala:? 17 Hame mabu! Ga (south) dogoloi fo da soge wadela:sea,di da dogolobeba:le, se naba. 18 Gode da mu fadegale gagasea, di da E fidimu dawa:sala:?E da mu ga:nasi gula enemei defele hamosea, di da E fidimu dawa:sala:?. 19 Gode! Ninia Dima sia:mu amo Dia ninima olelema!Ninia asigi dawa:su da hame gala.Ninia sia:mu gogolesa. 20 Na da Godema sia:musa: hame adole ba:mu.Bai na da abuliba:le, E na gugunufinisisima:ne logo doasima:bela:? 21 Wali, mu da:iya hadigi da si nenemeginana.Amaiba:le, ninia ba:mu si gasenei.Mu da foga fulaboiba:le, fofoloi gala. 22 Ninia da ga (north) la:idiga gouli agoai hadigi ba:sa.Amo da Gode E hadigi, amola amoga ninia da beda:sa. 23 Gode Ea gasa da bagadedafaba:le, ninia da E gadenena misunu da hamedei.Ea ninima hamobe liligi huluane da moloidafa amola defele hamosa. 24 Amaiba:le, dunu huluane ilia Ema beda:su hou da fofogadigisu liligi hame.E da nowa dunu da hidale, hifae da asigi dawa:su bagade lai dagoiyale sia:sea, E da amo dunu ea sia: hame naba.

Job 37 (BBPNG)

In Other Versions