Isaiah 43 (MAAL)
1 ዒንሢ ያይቆኦቤ ናኣታ ዒስራዔኤሌ ዓሳ!ዒንሢ ማዤ ናንጊና ናንጋ ጎዳ ሂዚ ጋዓኔ፤«ታኣኒ ዓውሴያ ማዔሢሮ ዒጊጪፖቴ፤ዒንሢ ታኣሮኬ፤ዒንሢኮ ሱንፆና ታኣኒ ዒንሢ ዔኤሌኔ። 2 ዼኤፖ ዋኣፆና ዒንሢ ፒንቃ ዎዶናታኣኒ ዒንሢና ዎላ ማዓንዳኔ፤ዬያ ዎሮና ዒንሢ ፒንቃ ዎዶናዬይ ዋኣፃ ዒንሢ ዔኤዻዓኬ፤ታሞ ጊዴና ዒንሢ ዓኣዻ ዎዶናዒንሢ ሚቻዓኬ፥ ሌኤባኣ ዒንሢ ሼኤላዓኬ። 3 ታኣኒ ናንጊና ናንጋ ጎዳ ማዔ ዒንሢኮ ፆኦዛሢኬ፤ዒስራዔኤሌኮ ዱማዼያ ማዔ፥ ዒንሢ ዼኤሻሢኬ፤ዒንሢ ዓውሳኒ ጊብፄንታ ዒቶጲያንታ ሳኣባ ዓጮዋ ታ ዒንሢም ዒንጌኔ። 4 ዒንሢ ታኣኮ ቦንቺንታያና ጴዹዋ ማዔ ሜሄኬ፤ታኣኒ ዒንሢ ናሽካሢሮ ዒንሢ ሼምፓሢ ዓውሳኒሜሌ ዴሮንታ ካኣቶንታ ሼምፓሢዖኦካ ማሂ ዒንሢ ቤዛ ታኣኒ ዎዼኔ። 5 ታኣኒ ዒንሢና ዎላታሢሮ ዒጊጪፖቴ፤ዓባ ኬስካ ባንፆና ጌላ ባንፆናፓ ዒንሢንታ ዒንሢኮ ናኣቶንታቡኩሲ ዔኪ ታ ሙካንዳኔ።» 6 «ታኣኮ ዓቲንቆ ናኣታ ሃኬ ዓጪፓ ሙካንዳጉዲዉዱሮ ናኣታኣ ዓጮኮ ጋፓፓ ዬዓንዳጉዲኬዶ ባንፆና ዓኣ ዓጮ፦ ‹ዒንሢ ዔያቶ ሃሹዋቴ›ዾኦሎ ባንፆ ዓጮዋ ‹ዒንሢ ዔያቶ ዓርቂፖቴ› ጌዒ ታ ዓይሣንዳኔ። 7 ዔያታ ታ ሱንፆና ዔኤሊንቴዞንሢና ታ ቦንቾም ታ ዔያቶ ማዤታ ኩጮና ታኣኒ ኮሼዞንሢና ማዤ ዴሮ ‹ታኣም ሃኒ ባዑዋቴ› » ጋዓንዳኔ። 8 ፆኦሲ ሂዚ ጋዓኔ፦«ዓኣፒ ዓኣንቴ ዛጉዋዋይዚ ዓኣንቴ ዋይዙዋታ ዴሮ ዔኪ ኬሱዋቴ። 9 ዴራ ቢያ ፔቴይዳ ቡኪንቶንጎ፤ዔያቶ ባኣካፓ ሃኖ ዎዶንታ ሚና ቤርታኣ ባኮቤርታዺ ኬኤዜያና ፔጋሲ ዔርዜያ ዖናዳይ?ፂላኒ ማርካ ዔያታ ዔኪ ሙኮንጎ፤ዓሳኣ ዬያ ዋይዚ ጎኔኬ ጎዖንጎ።» 10 «ታኣኒ ፆኦሲ ማዔሢ ዔሪታና ዒንሢ ጉሙርቃንዳጉዲታኣኒ ዶኦሬ፥ ማርኮ ማዔ ዓይላ ዒንሢኬ፤ጎኔና ታ ጊዳፓ ዓታዛ ሜሌ ፆኦሲ ባኣሴ፤ሃያኮ ቤርታኣ ባኣሴ፤ ሴካ ቤርቲማኣ ናንጋዓኬ።» 11 «ታኣኒ ናንጊና ናንጋ ጎዳኬ፤ታ ጊዳፓ ሜሌ ዒንሢ ዓውሳንዳይ ባኣሴ። 12 ታኣኒ ሴካ ቤርቲም ማዓንዳ ባኮ ቤርታሲ ኬኤዜኔ፤ዒንሢ ዓውሴሢ ታናኬ፤ሜሌ ፆኦዛፓ ፔቴይታዖ ዬያ ማዺባኣሴ፤ዬያ ቢያ ዛሎ ዒንሢ ታኣኮ ማርኮኬ። 13 ታኣኒ ሚናፓ ዓርቃዖ ታኣኒ ታናኬ፤ታ ኩጫፓ ቶላኒ ዳንዳዓይ ዖኦኒያ ባኣሴ፤ታኣኒ ማዻ ባኮ ዖኦኒ ታና ላኣጋኒ ዳንዳዓይ።» 14 ዒንሢ ዓውሴ፥ ዒስራዔኤሌኮ ዱማዼ፥ ናንጊና ናንጋ ጎዳ ሂዚ ጋዓኔ፦«ዒንሢሮ ጌዒ ታኣኒ ባብሎኔ ዓሶ ዖላንዳ ዓሲ ዳካንዳኔ፤ዔያታ ሄርሺንታ ዋኣፆ ካኣሚሎ ታ ዔያቶኮ ሜንሣንዳኔ፤ሜሌ ዓጪ ዳውሲንቲ ዴንዴ ዓሲጉዲ ዔያታ ዻውሲንታንዳኔ። 15 ታኣኒ ናንጊና ናንጋ ጎዳ ዒንሢኮ ዱማዼ ፆኦዛሢኬ፤ዒስራዔኤሌ ዓሲዮቴ! ታኣኒ ዒንሢ ማዤኔ፤ዒንሢኮ ካኣታሢያ ታናኬ።» 16 ናንጊና ናንጋ ጎዳ ባዞ ሳዞይዳ ጎይሢ ኬሴኔ፤ዋኣፆ ጉዳሢዳ ሃንቶንዶ ጎይሢ ኮሼኔ። 17 ሳርጌሎ ዖይቶንታ ፓራሢንታዖሎ ዖላ ዓሶንታ ዖሎና ዔርቴ ዓሶንታባይሲንታ ባንሢ ዒ ዔኪ ዓኣዼኔ፤ዔያታ ሎኦሜኔ፥ ላሚ ዔቃዓኬ፤ዑኡዞዛ ሃሃይቃ ፆምፔጉዲ ዔያታ ማዔኔ። 18 ናንጊና ናንጋ ጎዳ ሂዚ ጋዓኔ፦«ማዺንቲ ዓኣዼ ባኮ ጶቂሢፖቴ፤ሃያኮ ቤርታ ማዔ ባኮዋ ማሊፖቴ። 19 ዬያ ሃሺጋፓ ታኣኒ ማዻ ዓኮ ባኮ ዛጉዋቴ፤ዬይ ሃሢ ማዺንቲ ኩማንዳያ ማዔሢሮ ዒንሢ ዛጋንዳኔ፤ዳውሎይዳ ጎይሢ ታ ኬሳንዳኔ፤ዓሲ ናንጉዋ ዳውላኣ ዋኣሢ ታ ዑራንዳኔ። 20 ታኣኮ ዶኦሪንቴ ዴሮም ዋኣሢ ዒንጋኒዳውሎይዳ ታኣኒ ዎርዚዓሲ ናንጉዋ ዳውሎይዳ ዋኣሢ ታ ዑራኣናካዮ ቦዓኣ ዓቱዋዖ ታና ቦንቻንዳኔ፤ዉኡካሢንታ ሙኡታላኣ ታና ጋላታንዳኔ። 21 ዔያቶ ታኣኒ ታኣም ማዤ ታ ዴሬ ማዔሢሮዔያታ ታና ጋላታንዳኔ።» 22 ናንጊና ናንጋ ጎዳ ሂዚ ጋዓኔ፦«ዒንሢ ያይቆኦቤ ናኣታ ዒስራዔኤሌ ዓሳ!ዒንሢ ታና ካኣሽኪፆ ሃሼኔ፤ታኣም ማዺፆዋ ዒንሢ ላቤኔ። 23 ሚቺ ዒንጎ ዒንጊፆ ማዓ ማራቶ ዒንሢ ታኣም ሺኢሺባኣሴ፤ዒንጎ ባኮ ሺኢሺፆና ታና ዒንሢ ቦንቺባኣሴ፤ዒንሢ ታኣም ዒንጎ ባኣዚ ሺኢሻንዳጉዲ ታ ዒንሢ ዖኦጪባሲ ታኣኒ ዒንሢኮ ማዒባኣሴ፤‹ዑንጆ ታኣም ጩቢሹዋቴ› ጌዒ ታ ዒንሢና ሜታሲባኣሴ። 24 ዒንሢኮ ሚኢሾና ሳውቃ ዑንጄ ዒንሢ ታኣም ሻንቂባኣሴ፤ሃኣቦ ማሎ ሚቺ ዒንጊፆና ዒንሢ ታና ዎዛሲባኣሴ፤ጋዓንቴ ዒንሢኮ ጎሞ ሚርጉሞና ታኣኮ ዒንሢ ባሲ ማዔኔ፤ዒንሢኮ ዻቢንቶ ሚርጉሞና ታና ዒንሢ ሼናሴኔ። 25 ዬይ ቢያ ማዔንቴያጎሞ ዒንሢኮ ዓቶም ጋዓ ፆኦሲ ታናኬ፤ዬያ ታኣኒ ማዻሢ ዒንሢሮቱዋንቴ ታኣኒ ታና ማዔሢሮኬ፤ጎሞ ታ ዒንሢኮ ዓርቃዓኬ።» 26 «ሂንዳ ቤርታ ማዺንቴ ባኮ ታኣም ጶቂሡዋቴ፤ጌኤዞ ዒንሢኮ ታና ዋይዚሲ ዒንሢ ፂሎ ማዒፆ ማርካሡዋቴ። 27 ዒንሢኮ ቤርታኣ ዓዳሢ ጎሜ ማዼኔ፤ዒንሢኮ ዔርዛዞንሢያ ዻቢንቲ ማዺ ታና ዖዪሴኔ። 28 ዬያሮ ዒንሢኮ ጌኤዦ ማኣሮ ሱኡጎ ታ ዻውሲሳንዳኔ፤ያይቆኦቤ ባይቃንዳጉዲ፥ ዒስራዔኤሌያ ጋዳንቂንታንዳጉዲ ታ ማሃንዳኔ።»