Jeremiah 48 (MAAL)
1 ዒስራዔኤሌ ፆኦሲ ማዔ ቢያ ባኮ ዎይሣ ጎዳሢ ሂዚ ጋዓኔ፦«ኔቦ ካታማ ሻሂንቲ ዶዒ ባይቃንዳሢሮኔቦ ዴሮ ባዴዔ!ቂሪያታይሜ ካታማኣ ሞርኮ ኩጮ ጋሮ ጌላንዳኔ፤ዶዲ ማዒ ዓኣ ዒዞኮ ዋርዲዮ ኬኤላ ሻሂንታንዳኔ፤ዴራኣ ዒዞኮ ዻውሲንታንዳኔ። 2 ሞዓኣቤኮ ቦንቺንታ ጋፓንዳኔ፤ሃሴቦኦኔ ባይዛኒ ዓሳ ዞርቲ ዔቃንዳኔ፤ዔያታ፦ ‹ሃኒ ዬውዋቴ፥ ሃይካፓ ሴካ ሱንሢ ዒዞኮ ኬስኩዋጉዲኑኡኒ ዒዞ ባይዞም› ጋዓንዳኔ፤ዒንሢ ማድሚኔ ካታሞ ዓሳ! ጬንቼ ዓራፖ ዒንሢ ዳውሳንዳሢሮዔኤቢ ጎውዋዖ ዚቲ ዒንሢ ጋዓንዳኔ። 3 ሆሮናይሜ ካታሞይዳ ሄላንዳ ባይሲንቶናዔያታ ዒላታንዳ ዒላቶ ዋይዙዋቴ።» 4 «ሞዓኣቤ ካታሞ ዶይሲ ባይዞናኔ፤ዬያሮ ናኣታ ዒዞኮ ዒላታኔ። 5 ሌካ ዔያታ ሉሂቴ ካታሞ ዖዳኣና ዒናፓ ዬኤካንዳኔ፤ሆሮናይሜ ባንሢ ሊካ ዔያታ ኬዳኣናካታማ ዶዒ ባይቄሢሮ ዋኣዪሢ ዑኡሲ ዋይዚሳንዳኔ። 6 ዔያታ ዎሊ ኮይላ፦ ‹ዒንሢኮ ሼምፖ ዓውሳኒ ሩኡሪ ጳሽኩዋቴ!ዓሲ ናንጉዋ ዳውሎ ኪርሞሎጉዲ ባባራኑዋቴ!›» ጋዓንዳኔ። 7 «ሞዓኣቤ ዴሬዮቴ! ዒንሢ ዒንሢኮ ዎልቆናቆሎ ሚርጉሞናይዳ ጌኤቂንቴኔ፤ሃሢ ጋዓንቴ ዒንሢ ዲዒንቲ ዔውታንዳኔ፤ኬሞሼ ጌይንታ ፆኦዛ ዼኤፖ ሱኡጎና ቄኤሶና ዎላ ዲዒንቲ ዔውታንዳኔ። 8 ናንጊና ናንጋ ጎዳ ኬኤዜ ጎይፆባይዛሢ ካታሞ ቢያ ሙካንዳኔ፤ፔቴታዖ ቶላንዳ ዓሲ ባኣሴ።ዶኦጮንታ ቦኦሎንታ ኩርሲ፥ ባኣያ ማሃንዳኔ። 9 ሞዓኣቤ ሳዓ ጎሺ ጎሽኪንቱዋያ ጉሪ ሳዓ ማዒ ዓታንዳጉዲ ሶኦጌ ዒኢካ ላኣሉዋቴ፤ዬኖ ዓጫ ዓኣ ካታማኣ ዓሲ ናንጉዋያ ጉሪ ቤሲ ማዓንዳኔ።» 10 ቄል ጌዒ ናንጊና ናንጋ ጎዳኮ ማዾ ዒናፓ ማዺ ኩንሡዋይ ጋዳንቂንቴያ ማዖም! ናንጊና ናንጋ ጎዳ ዓይሣ ዎዶና ጬንቾ ዓራፓ ዓሲ ዎዹዋጉዲ ላኣጋ ዓሲያኣ ጋዳንቂንቴያ ማዖም! 11 ናንጊና ናንጋ ጎዳ ሂዚ ጋዓኔ፦ «ፔቴ ዖቲፓ ሜሌ ዖቲዳ ዛኣሪንቱዋዖ ዓታሎና ዎላ ዓኣ ዎይኔ ዑሺ ዓኣፃ ጎይፆማ ዓኣፂ ዴዴዓኔ፤ ሜሌ ሜሌ ጎዑዋሴ፤ ዬያጉዲ ሞዓኣቤ ዴራ ዓጫ ዔያቶኮ ዔያቶሮ ማዒ ዔቄማፓ ዓርቃዖ ሜታዺ ሴካ ሃንጋ ዓጊፁዋዖ ዴዔኔ፤ ዲዒንቲ ሜሌ ዓጪያኣ ዔያታ ዔውቲ ቤቂባኣሴ። 12 ፔቴ ዓሲ ዎይኖ ዑዦ ዖታፓ ላኣሊ ዬኖ ጉሪ ማዔ ዖቶ ዎዻሢጉዲ፥ ታኣኒያ ሞዓኣቤ ካታሞ ዶይሲ ባይዛንዳያና ዴሮዋ ዔኪ ሜሌ ቤሲ ሺኢሻንዳ ዓሲ ዳካንዳ ዎዴ ዑኬኔ። 13 ዒስራዔኤሌ ዓሳ ጉሙርቃ፥ ቤኤቴሌይዳ ዻኣቢ ዔቂሶና ፆኦዞይዳ ማዺንቴ ባኮና ዔያታ ቦርሲንቴሢጉዲ ሞዓኣቤ ዓሳኣ ኬሞሼ ጌይንታ ፆኦዞይዳ ታ ማዻ ባኮና ቦርሲንታንዳኔ።» 14 «ሞዓኣቤ ዴሬዮቴ! ‹ኑኡኒ ዖልዚና ዔርቴያዖልዚ ዖሊያ ኑ ዛጊ ሚኒ ኬስኬያኬ› ጌይ ዎይቲ ዒንሢ ዖቶርቃይ? 15 ሞዓኣቤ ካታማ ሃይሾ ሻሂንቲ ዶዔኔ፤ሚዛጲ ሚዛጲ ማዔ ዼጌሢ ቲቂንታኒ ዒኢካ ዎቴኔ፤ታኣኒ፥ ካኣታሢ ዬያ ጌዔኔ፤ ሱንፃ ታኣኮ ‹ቢያ ባኮ ዎይሣ ጎዳ› ጌይንታኔ። 16 ሞዓኣቤኮ ባይቂፃ ዑኬኔ፤ሻሂንቲ ዶዓንዳ ዎዳኣ ሩኡሪ ዬዔኔ።» 17 «ዒዞኮ ዼኤፖ ሱንፆ ዔራያ ማዒ፥ ኮይላ ዑኬ ናንጋ ዴራ ቢያ፦‹ዒዞኮ ቢታንቶ ዔርዛ ዼኤፖ ዎልቃ ዎይቲ ጉሪ ማዔዖ፤ዶዶ ካኣቱሞ ኮኦላኣ ዎይቲ ሜቄዖ› ጌይ ቃዪ ዬኤኩዋቴ! 18 ዙሎ ዲርቆና ኬኤሎ ዲፃ ሻሂንቲ ዶዔሢ ኩሊንቴ ቤሲ ማዓንዳጉዲሞዓኣቤ ሻሂ ባይዛንዳሢ ሃይሾ፥ ሃይካ ዓኣሢሮዲቦኔ ካታሞይዳ ናንጋ ዓሳ፥ ዒንሢ ቢያሢዒንሢኮ ቦንቾ ቤዛፓ ኬዲ ሳዖ ሲላሎይዳ ዴውዋቴ፤ 19 ዒንሢ ዓሮዔኤሬይዳ ናንጋ ዓሳ ቢያጎይፆ ዓጫ ዔቂ ካፑዋቴ፤ፑኒ ዴንዳ ዓቲንቆና ቶሊ ዴንዳ ላኣሎና ቢያ ዖኦጪዬይ ዓይጎ ባኣዚታቴያ ዔሩዋቴ። 20 ሞዓኣቤ ሻሂንቲ ዻውሲንቲ ሎኦሞ ሎኦሜሢሮዒላቲ ቃዪ ቃዪ ዬኤኩዋቴ፤ዒዛ ዓሲ ናንጉዋ ዓጪ ማዔሢ ዓርኖኦኔ ዎሮ ኮይላ ዓኣ ዓጮም ቢያ ኬኤዙዋቴ። 21 21-24 «ዓሌ ማዔ ቤዞይዳ ማዢንቴ ካታሞ ጌይፃ፦ ሆሎኔ፥ ያሂፃ፥ ሜፓዓቴ፥ ዲቦኔ፥ ኔቦ፥ ቤትዲብላታይሜ፥ ቂሪያታይሜ፥ ቤትጋሙሌ፥ ቤትሜዖኔ፥ ቄሪዮቴንታ ቦፂራ ጌይንታ ካታሞንታ፤ ዑኬያ ሃኬያ ዓኣያ ማዔ ሞዓኣቤ ካታሞ ቢያሢዳ ዼኤፒ ሜታ ዬዔኔ፤ 25 ሞዓኣቤኮ ዎልቆ ማዔ ባካ ሜቄኔ፤ ቢታንታኣ ዒዞኮ ዔውቴኔ፤ ዬያ ጌዔሢ ታና፥ ናንጊና ናንጋ ጎዳኬ።» 26 ናንጊና ናንጋ ጎዳ ሂዚ ጋዓኔ፦ «ታኣም ዒዛ ዋይዞ ዒፂ ዖቶርቄሢሮ ሞዓኣቤ ዑሺ ማሢሱዋቴ፤ ዒዛ ፔኤኮ ጮኦዦይዳ ኮላዾንጎ፤ ዓሲም ዒዛ ሚኢቺ ባኣዚ ማዖንጎ፤ 27 ሞዓኣቤ! ዒስራዔኤሌ ዉዞና ዎላ ዓዺንቲባኣቴያ ኔኤኒ ዒዞ ሚኢጪ፥ ዒዞ ዛሎ ኔኤኒ ኬኤዛዖ ቶኦኮ ኔኤኮ ኔኤኒ ዓጊሣኔ። 28 «ሞዓኣቤ ካታማ ናንጋ ዴሬዮ! ዒንሢኮ ካታሞ ሃሺ ማጊ ዓቺዳ ፔኤኮ ማኣሮ ማዣ ዶኦሌጉዲ ዼኤፒ ሹቺ ባኣካ ዴንዲ ናንጉዋቴ። 29 ሞዓኣቤ ሚርጌና ዖቶርቂ፥ ፔናኣ ዼግ ዼጊዲ ሆኦሊንታያ ማዒ ዒኖዋ ፔኤኮ ሹቺ ማሄሢ ታኣኒ ዋይዜኔ። 30 ታኣኒ ዒዞኮ ዖቶርሞ ዔራኔ፤ ሄርሺንቶንታ ዒዛ ማዻ ማዾንታ ጉሪኬ። 31 ሞዓኣቤ ዛሎ ታኣኒ ዎኦ! ዎኦ! ጋዓንዳኔ፤ ሞዓኣቤ ዓሶ ጉቤሢ ዛሎ ዑኡዞ ዼጊዲ ታኣኒ ዒላታንዳኔ፤ ቂሪሄሬሴ ዓሶ ዛሎዋ ዖዪ ታኣኒ ዬኤካንዳኔ። 32 ያዕዜሬ ዴሮ ዛሎ ታኣኒ ዬኤካስካፓ ባሼ ሲቢማ ዴሮ ዛሎ ዒላቲ ዒላቲ ዬኤካንዳኔ፤ ሲቢማ ካታሜሌ! ኔኤኒ ኔኤኮ ካኣፓ ባልጊ ዴንዲ ሶኦጌ ባዚና ጌይ ያዕዜሬ ሄሌ ዎይኔጉዲኬ፤ ጋዓንቴ ኔኤኮ ጎሮኪ ካፄ ዓኣፖ ባይዛሢ ሃይሾ ሙኬኔ። 33 ማሊ ማዔ ዓጬሎ፥ ሞዓኣቤይዳፓ ዎዛንታ ሚኢቺንታ ዔውቴኔ፤ ዎይኖ ጩኡጶ ቤዞ ቢያይዳ ዎይኔ ጩኡጲንታይ ባኣያ ማዓንዳጉዲ ታኣኒ ላኣጌኔ፤ ዎዛና ሶራይቲ ሶራይቲ ዒኢካ ዎይኖ ሄርቂ ጩኡጳንዳ ዓሲ ባኣሴ፤ ዔኤቢኮ ዑኡሲ ዋይዚንታያ ማዔቴያ ዎዛ ዑኡሲ ዓሲ ዋይዛዓኬ። 34 «ሃሴቦኦኔና ዔሊዔኤሌ ዴሮና ዑኡዞ ፔኤኮ ዼጊዲ ዒላታኔ፤ ዒላታ ዔያቶኮ ዴንዲ ያሃፄ ሄሊ ሱታኔ፤ ሃሣ ፆዓሬፓ ዴንዲ ሆሮናይሜና ዔግላትሺሊሺያ ጌይንታ ቤዛ ዋይዚንቴኔ፤ ኒሚሪሜ ዋኣፃኣ ሚጬኔ። 35 ሞዓኣቤ ዓሳ ፔ ፆኦዞም ዒንጋ ባኮንታ ዚጋ ዚጊፆንታ ዑንጆ ጩቢሻሢያ ታኣኒ ላኣጊ ሃሺሳንዳኔ፤ ዬያ ጌዔሢ ታና፥ ናንጊና ናንጋ ጎዳኬ። 36 «ሞዓኣቤና ቂሪሄሬሴናይዳ ናንጋ ዴራ ፔኤኮ ዓኣ ባኮ ቢያ ባይዚ ኩቺ ጉሪ ማዓንዳሢሮ ሹሉንጎ ዋርቂ ዋርቂ ቃያ ዓሲጉዲ ታኣኒ ዔያቶ ቃዪ ዬኤካንዳኔ። 37 ሞዓኣቤ ዴራ ፔኤኮ ማኣሮኮ ዑፆይዳ ዓኣ ዼጌ ቤዞና ጎይፆ ዓጮናይዳ ዴዒ ዬኤካንዳኔ፤ ዒማና ዓቲንቃ ፔኤኮ ቡኡጮ ሜኤዳንዳኔ፤ ዴራ ሃሣ ፔኤኮ ቶኦኮ ጉኡላንዳኔ፤ ኩጮ ዑፆዋ ቲሊንጊና ዔያታ ቲቃንዳኔ፤ ሃሣ ሲዬ ፓቲሌያኣ ዔያታ ማኣዓንዳኔ። 38 ሞዓኣቤ ታኣኒ ፑርቴ ሜሄጉዲ ዎዼሢሮ ማኣሮኮ ቶኦካ ዓኣ ዼጌ ቤዞና ዴራ ቡካ ቤዞናይዳ ቢያ ዬኤፒፓዓቴም ሜሌ ዋይዚንታንዳ ዑኡሲ ባኣሴ። 39 ሞዓኣቤይዳ ዓይጎ ዲቃሣ ባኣዚ ሄሌምዳዖ ዒዛ ዬኤካሢ? ዎይቲ ዒዛ ቦርሲንቲ ዓኣፖ ካሮ ሺርሼዖ? ዬያሮ ዒዛ ዒዞኮ ዓሺኖ ማዔ ዓጮም ቢያ ሚኢቺ ሚኢጮያና ዓሶ ዲዲቃሣያ ማዒ ዓቴኔ።» 40 ጋኣዞ ፔኤኮ ፒሺ ሊካ ባራኒ ኬዳ ኮኦኬጉዲ ሞዓኣቤ ባንሢ ሞርኬ ዡኡዢ ሙካሢ ናንጊና ናንጋ ጎዳ ኬኤዜኔ፤ 41 ካታሞና ዋርዲዮ ቤዞና ቢያ ዓርቂንታንዳኔ፤ ያዺ ማዓዛ ሞዓኣቤ ዓጮኮ ዖሎ ዓሳ ሾይቺ ዓርቄ ላኣሊጉዲ ዒጊቹሞና ሜታዻንዳኔ፤ 42 ሞዓኣቤ ታኣም ዋይዞ ዒፂ ዖቶርቄሢሮ ሻሂንቲ ዶዒ ባይቃንዳኔ፤ ሃይካፓ ሴካ ካኣቲ ዓኣ ዓጪ ማዒ ዔርታዓኬ። 43 ሞዓኣቤ ዴሬዮቴ! ናንጊና ናንጋ ጎዳ ሂዚ ጋዓኔ፦ «ዒንሢ ካፒ ዓኣሢ ዒጊጪ ካራ ባይቂሢ፥ ዹቂ ሎንሣ ባኣዚ፥ ዔቴንታ ፒሮንታኬ።» 44 «ዬያ ዒጊቺ ካራ ባይዛ ባኮፓ ቶላኒ ጳሽካሢ ዔቴይዳ ሎኦማንዳኔ፤ ዔታፓ ኮኦሚ ኬስካሢ ሃሣ ፒሮና ዓዺንታንዳኔ፤ ሞዓኣቤ ሜቶ ዛጋንዳ ኬሊ ታኣኒ ዔኪ ዬዓንዳኔ» ጋዓኔ። 45 ፑኒ ቶሎሮ ጳዦና ላቤ ዓሳ ሃሴቦኦኔ ዓጮኮ ሺቦ ዴማ ዴዔኔ፤ ዔያታ ዬያይዴሢ ታሚ ሃሴቦኦኔይዳ፥ ታሚኮ ሎስታ ሲሆኔይዳፓ ዔቂ ሞዓኣቤ ዖሎ ዓሶኮ ቤርታ ኬስኪ ዖላ ጫርዦ ዓሶንታ ኮይላ ካኣላ ዓሶዋ ሙዔሢሮኬ። 46 ሞዓኣቤ ዓሶ ዒንሢ ባዴዔቴ! ካሞሼ ጌይንታ ፆኦዞ ዚጊ ካኣሽካ ዴሮ ዎዺ ኩርሶናኔ፤ ዓቲንቆንታ ዉዱሮ ናኣቶንታ ዔያቶኮ ዲዒንቲ ዔውቴኔ። 47 «ያዺ ማዔቴያ ሞዓኣቤ ዓጮኮ ዓኣ ቆሎ ታኣኒ ጊንሣ ማሃንዳ ኬሊ ዬዓንዳኔ» ጋዓኔ፥ ናንጊና ናንጋ ጎዳ፤ ሞዓኣቤይዳ ዓጎና ፑርቶ ባካ ያዺና ጋፔኔ።