Hebrews 8 (SBISS)
1 කථ්‍යමානානාං වාක්‍යානාං සාරෝ(අ)යම් අස්මාකම් ඒතාදෘශ ඒකෝ මහායාජකෝ(අ)ස්ති යඃ ස්වර්ගේ මහාමහිම්නඃ සිංහාසනස්‍ය දක්‍ෂිණපාර්ශ්වෝ සමුපවිෂ්ටවාන් 2 යච්ච දූෂ්‍යං න මනුජෛඃ කින්ත්වීශ්වරේණ ස්ථාපිතං තස්‍ය සත්‍යදූෂ්‍යස්‍ය පවිත්‍රවස්තූනාඤ්ච සේවකඃ ස භවති| 3 යත ඒකෛකෝ මහායාජකෝ නෛවේද්‍යානාං බලීනාඤ්ච දානේ නියුජ්‍යතේ, අතෝ හේතෝරේතස්‍යාපි කිඤ්චිද් උත්සර්ජනීයං විද්‍යත ඉත්‍යාවශ්‍යකං| 4 කිඤ්ච ස යදි පෘථිව්‍යාම් අස්ථාස්‍යත් තර්හි යාජකෝ නාභවිෂ්‍යත්, යතෝ යේ ව්‍යවස්ථානුසාරාත් නෛවේද්‍යානි දදත්‍යේතාදෘශා යාජකා විද්‍යන්තේ| 5 තේ තු ස්වර්ගීයවස්තූනාං දෘෂ්ටාන්තේන ඡායයා ච සේවාමනුතිෂ්ඨන්ති යතෝ මූසසි දූෂ්‍යං සාධයිතුම් උද්‍යතේ සතීශ්වරස්තදේව තමාදිෂ්ටවාන් ඵලතඃ ස තමුක්තවාන්, යථා, "අවධේහි ගිරෞ ත්වාං යද්‍යන්නිදර්ශනං දර්ශිතං තද්වත් සර්ව්වාණි ත්වයා ක්‍රියන්තාං| " 6 කින්ත්විදානීම් අසෞ තස්මාත් ශ්‍රේෂ්ඨං සේවකපදං ප්‍රාප්තවාන් යතඃ ස ශ්‍රේෂ්ඨප්‍රතිඥාභිඃ ස්ථාපිතස්‍ය ශ්‍රේෂ්ඨනියමස්‍ය මධ්‍යස්ථෝ(අ)භවත්| 7 ස ප්‍රථමෝ නියමෝ යදි නිර්ද්දෝෂෝ(අ)භවිෂ්‍යත තර්හි ද්විතීයස්‍ය නියමස්‍ය කිමපි ප්‍රයෝජනං නාභවිෂ්‍යත්| 8 කින්තු ස දෝෂමාරෝපයන් තේභ්‍යඃ කථයති, යථා, "පරමේශ්වර ඉදං භාෂතේ පශ්‍ය යස්මින් සමයේ(අ)හම් ඉස්‍රායේලවංශේන යිහූදාවංශේන ච සාර්ද්ධම් ඒකං නවීනං නියමං ස්ථිරීකරිෂ්‍යාම්‍යේතාදෘශඃ සමය ආයාති| 9 පරමේශ්වරෝ(අ)පරමපි කථයති තේෂාං පූර්ව්වපුරුෂාණාං මිසරදේශාද් ආනයනාර්ථං යස්මින් දිනේ(අ)හං තේෂාං කරං ධෘත්වා තෛඃ සහ නියමං ස්ථිරීකෘතවාන් තද්දිනස්‍ය නියමානුසාරේණ නහි යතස්තෛ ර්මම නියමේ ලඞ්ඝිතේ(අ)හං තාන් ප්‍රති චින්තාං නාකරවං| 10 කින්තු පරමේශ්වරඃ කථයති තද්දිනාත් පරමහං ඉස්‍රායේලවංශීයෛඃ සාර්ද්ධම් ඉමං නියමං ස්ථිරීකරිෂ්‍යාමි, තේෂාං චිත්තේ මම විධීන් ස්ථාපයිෂ්‍යාමි තේෂාං හෘත්පත්‍රේ ච තාන් ලේඛිෂ්‍යාමි, අපරමහං තේෂාම් ඊශ්වරෝ භවිෂ්‍යාමි තේ ච මම ලෝකා භවිෂ්‍යන්ති| 11 අපරං ත්වං පරමේශ්වරං ජානීහීතිවාක්‍යේන තේෂාමේකෛකෝ ජනඃ ස්වං ස්වං සමීපවාසිනං භ්‍රාතරඤ්ච පුන ර්න ශික්‍ෂයිෂ්‍යති යත ආක්‍ෂුද්‍රාත් මහාන්තං යාවත් සර්ව්වේ මාං ඥාස්‍යන්ති| 12 යතෝ හේතෝරහං තේෂාම් අධර්ම්මාන් ක්‍ෂමිෂ්‍යේ තේෂාං පාපාන්‍යපරාධාංශ්ච පුනඃ කදාපි න ස්මරිෂ්‍යාමි| " 13 අනේන තං නියමං නූතනං ගදිත්වා ස ප්‍රථමං නියමං පුරාතනීකෘතවාන්; යච්ච පුරාතනං ජීර්ණාඤ්ච ජාතං තස්‍ය ලෝපෝ නිකටෝ (අ)භවත්|