Ecclesiastes 9 (SUSU2)
1 ﭑ تٌ ﭑ مَحْشُن نَ قٍ بِرِن مَ، ﭑ عَ تٌشِ نّ تِنشِنتْييٍ، شَشِلِمَيٍ، نُن عٍ شَ كَتّ بِرِن كٍلِمَ عَلَ نَن مَ. عَدَ مَدِ مُ عَ كٌلٌن عَ قَمَ نَشَن لِدٍ عَ يَرَ، شَنُنتٍيَ شَ نَ مُ عَ رَ شْننَنتٍيَ. نَ بِرِن نَ عَلَ نَن يِ. 2 عَدَ مَدِ بِرِن سِفَمَ نّ عَلِفِيَمَ. تِنشِنتْي بَ، تِنشِنتَرٍ بَ، سّنِيّنتْي بَ، سّنِيّنتَرٍ بَ، سّرّشّبَ بَ، سّرّشّبَتَرٍ بَ.مِشِ قَنيِ بَ، مِشِ حَاشِ بَعٍ بِرِن سِفَمَ نّ عَلِفِيَمَ.مِشِ نَشَن لَايِدِ تٌنفٌمَ بَ،مِشِ نَشَن مُ سُو سَمَ نَ تٌنفٌدٍ بَ،عٍ بِرِن سِفَمَ نّ عَلِفِيَمَ. 3 قٍ شْرْشْي نَن يِ كِ قٍ بِرِن يَ مَ دُنِحَ مَ؛ مَرَحْن كِ كٍرٍن نَن نَ نٍيٍ بِرِن بّ. عَدَ مَدِيٍ بْحّ رَقٍشِ قٍ حَاشِ نَن نَ، عٍ وَلِمَ شَشِلِتَرٍحَ نَن نَ عٍ شَ دُنِحّءِفِرِ كُي. نَ دَنفِ شَنبِ، عٍ قَشَمِشِيٍ لِمَ نّ عَلِفِيَمَ. 4 مِشِ بَلٌشِ فبَنسَن نْمَ عَ شَشِلِ تِدٍ قٍ ندٍ مَ. بَرٍ حِحّ قِسَ يّتّ قَشَشِ بّ. 5 نَشٍيٍ بَلٌشِ، نٍيٍ عَ كٌلٌن عَ عٍ قَشَمَ نّ،كْنْ مِشِ قَشَشِيٍ تَن مُ قٍقٍ كٌلٌن.سَرٍ قِ يٌ مُ نَ عٍ بّ سْنْن،عٍ شَ قٍ يَتِ بَرَ نّيمُ مِشِيٍ رَ. 6 عٍ شَ شَنُنتٍيَ، عٍ شَ شْننَنتٍيَ، عٍ وَشْنقٍ، نٍيٍ بِرِن بَرَ حْن.عٍ تَن فبٍ يٌ مُ نَ يِ دُنِحَ قٍيٍ تَن يَ مَ سْنْن. 7 سِفَ، عِ عِ دّفٍ سّيوّ كُي، عِ عِ شَ وّنِ مِن بْحّ قَنيِ كُي. عَلَ وَ مَ نَ نَن شْن عِ بّ. 8 عِ شَ سٌسٍ قِيشّ رَفٌرٌ عِ مَ، عِ شَ لَبُندّ قَنيِ سَ عِ قَتٍ مَ. 9 عِ شَ دُنِحَ عِفِرِ سّيوّ كُي وٌ نُن عِ شَنُنتٍنيِ فِنّ. عَلَ بَرَ يِ سِمَيَ نَن قِ عِ مَ. هَلِ عَ تٌ دَنفِمَ عَلْ قٌيٍ، هَلِ عَ شْرْشْ، عَلَ شَ مَرَفِرِ نَ عَ رَ عِ بّ. 10 عِ نْمَ وَلِ نَشَن نَ، عِ شَ نَ رَبَ عِ سّنبّ بِرِن نَ، بَرِ مَ عِ نَشَن نَبَمَ دُنِحَ مَ، عَلْ وَلِقٍ، قٍ مَتٌقٍ، قٍ قَهَامُقٍ، نُن قٍ كٌلٌنقٍ، نَ سٍسٍ مُ نَ عَلِفِيَمَ عِ سِفَقٍ دّننَشّ. 11 ﭑ مَن بَرَ قٍ فبّتّ تٌ يِ دُنِحَ مَ؛نَشَن شُلُن دَنفِ عَ بٌورٍ رَ، عَ مُ فبَتَ فٍينِمَ تّمُي بِرِن شّ،نَشَن سّنبّ فبٌ دَنفِ عَ بٌورٍ رَ، عَ مُ فٍرٍ فٍينِمَ تّمُي بِرِن شّ،نَشَن شَشِلِ قَن عَ بٌورٍ بّ، عَ مُ دٌنسٍ سْتْمَ تّمُي بِرِن شّ،نَشَن مَ لْننِ دَنفِ عَ بٌورٍ رَ، عَ مُ نَاقُلِ سْتْمَ تّمُي بِرِن شّ،نَشَن شَ قَهَامُي فبٌ عَ بٌورٍ بّ، عَ مُ هِننّ سْتْمَ تّمُي بِرِن شّ.عَلَ شَ مَرَفِرِ تَن قٍ بِرِن نَبَمَ عَ وَشَتِ نّ. 12 مِشِ يٌ مُ عَ كٌلٌن قٍ قَمَ عَ لِدٍ تّمُي نَشّ؛يّشّ سُشُمَ نّ يّلّ شْرْشْي كُي،شْنِ سُشُمَ نّ فَنتَنيِ رَ.نَ كِ قٍ شْرْشْي عَدَ مَدِ تّرّننَمَ نّ كٍرٍنيِ رَ. 13 ﭑ مَن بَرَ يِ شَشِلِمَيَ مِسَالِ تٌ دُنِحَ مَ نَشَن تِدٍ فبٌ. 14 تَا شُرِ ندٍ نُ نَ، مِشِ مُ نُ فبٌ دّننَشّ. مَنفّ سّنبّمَ ندٍ نَشَ نَ تَا فٍرٍ، عَ قَ تٍدٍ يَءِلَن نَ تَا تّتّ بُنيِ. 15 نَ تَاكَ ندٍ نُ نَ، نَشَن قِندِشِ سٍتَرٍ شَشِلِمَ رَ. عَ نَشَ نَ تَا رَكِسِ عَ شَ شَشِلِمَيَ سَابُي رَ، كْنْ نَ دَنفِ شَنبِ مِشِ يٌ مُ رَتُ عَ شَ قٍ مَ. 16 نَ كُي ﭑ نَشّ،شَشِلِمَيَ قِسَ حَلَمَيَ بّ،كْنْ سٍتَرٍ شَ شَشِلِمَيَ مَبٍرٍ مَ نّ،مِشِ مُ عَ شَ مَسٍنيِ سُشُمَ. 17 شَشِلِمَ شَ مَسٍنيِ رَشَرَشِ رَ مّقٍ،نَ قِسَ مَنفّ شَ سْنشْي رَتٍ بّ شَشِلِتَرٍيٍ تَفِ. 18 شَشِلِمَيَ قِسَ فٍرٍ سٌسٍيٍ بّ،كْنْ يُنُبِتْي كٍرٍن فبَنسَن نْمَ قٍ قَنيِ فبٍفبٍ شُن نَكَنَدٍ.
In Other Versions
Ecclesiastes 9 in the ANTPNG2D
Ecclesiastes 9 in the BNTABOOT
Ecclesiastes 9 in the BOHNTLTAL
Ecclesiastes 9 in the BOILNTAP
Ecclesiastes 9 in the KBT1ETNIK
Ecclesiastes 9 in the TBIAOTANT