Isaiah 10 (SUSU2)
1 حَشَنكَتّ نَ يَرٍرَتِيٍ بّ،نَشٍيٍ يَامَرِ حَاشِيٍ سّبّمَ، نَشٍيٍ تْوحّفّ تِمَ، 2 عَلَكٌ عٍ شَ مِسِكِينّ تْورْ كِيتِ حَاشِ رَ،عٍ تِنشِنتَرٍيَ رَبَ سٍتَرٍيٍ رَ نَشَن بَلٌي بَمَ كَاحّ فِنّيٍ نُن كِرِدِيٍ يِ رَ. 3 وٌ مُنسٍ رَبَمَ دّنتّفّ سَ لْشْي عَلَتَلَ يَ عِ؟وٌ وٌ شَشِلِ تِمَ ندٍ رَ عَلَكٌ وٌ شَ رَتَنفَ؟ 4 وٌ بِرَ مَ نّ فٍيلِمَنِيٍ بُن مَ،وٌ بْنْ مِشِ قَشَشِيٍ يَ مَ.هَلِ نَ بِرِن تٌ رَبَمَ،عَلَتَلَ شَ شْنّ مُ فبِلٍنمَ وٌ قْشْ رَ،عَ بّلّشّ مَن عِتٍمَ نّ وٌ شِلِ مَ. 5 حَشَنكَتّ نَ عَسِرِيَ بّ،نَشَن قِندِشِ ﭑ مَ وُرِ بْنبْ تِ سٍ رَ ﭑ مَ شْنّ كُي.ﭑ مَ فبٍندٍفٍلَ نَ عَ رَ. 6 ﭑ عٍ تَن نَن شّيمَ حَمَنّ مُرُتَشِ شِلِ مَ،ﭑ عٍ تَن نَن نَسِفَمَ حَمَ شِلِ مَ، نَشَن ﭑ نَشْنْشِ،عَلَكٌ عٍ شَ نَاقُلِ بَ نَ حَمَ يِ رَ،عٍ قَ عٍ مَبٌرٌن تَا كُي عَلْ بٌورَ. 7 كْنْ عَسِرِيَكَيٍ شَ نَتّ تَن نُ نَ قٍ فبّتّ نَن مَ.عٍ نُ بَرَ نَتّ تٌنفٌ عٍ شَ عٍ شُن نَكَنَ كٍرٍنيِ رَ،عَلْ عٍ لُمَ عَ رَبَ رَ دُنِحَ مَ كِ نَشّ. 8 عٍ شَ مَنفّ نَشّ، «ﭑ مَ سْورِ يَرٍرَتِيٍ بِرِن مُ قِندِشِ مَنفّيٍ شَ رَ؟ 9 كَلَنٌ تَا مُ سْنتْ شّ عَلْ كَرَكٍمِسِ؟شَمَتَ قَن مُ قَشَ شّ عَلْ عَرَثَدِ؟سَمَرِ مُ كَنَ شّ عَلْ دَ مَسِ؟ 10 شَ ﭑ بَرَ نْ نَ بْشِيٍ رَ عَ نُن عٍ شَ كُيٍيٍ،كُيٍ نَشٍيٍ سّنبّ فبٌ دَرِ سَلَمُ نُن سَمَرِ فبٍيٍ بّ، 11 ﭑ مُ نَ مْولِ رَبَمَ شّ دَرِ سَلَمُ قَن نُن عَ شَ كُيٍيٍ رَ؟ﭑ نَشَن نَبَشِ سَمَرِ نُن عَ شَ كُيٍ رَ،ﭑ مُ نْمَ شّ نَ قَن نَبَدٍ دَرِ سَلَمُ رَ شّ؟» 12 «كْنْ ﭑ تَن عَلَتَلَ نَ فّ ﭑ مَ وَلِ بِرِن نَكَمَلِدٍ سِيٌنِ فٍيَ قَرِ نُن دَرِ سَلَمُ، ﭑ قَمَ نّ ﭑ يَ رَقِندِدٍ عَسِرِيَ مَنفّ مَ، ﭑ عَ شَ يّتّ عِفبٌيَ سَرٍ رَفبِلٍن عَ مَ، 13 بَرِ مَ عَ لُمَ عَ قَلَ رَ،‹ﭑ بَرَ يِ بِرِن نَبَ ﭑ يّتّ سّنبّ رَ،ﭑ مَ قَهَامُي نَن عَ نِيَ دُنِحَ بْشِ بِرِن شَ لُ ﭑ يِ رَ،ﭑ بَرَ سِيٍ شَ نَاقُلِ تٌنفٌ ﭑ يّتّ بّ،ﭑ بَرَ نْ مَنفّ بِرِن نَ، ﭑ قِندِشِ مَنفّ سّنبّمَ نَن نَ. 14 ﭑ بَرَ ﭑ بّلّشّ عِتَلَ سِيٍ شَ بَننَيَ تَفِ،ﭑ قَ نَاقُلِ تٌنفٌ عَلْ مِشِ شْنِ شّلّيٍ بَمَ عَ تّي كُي كِ نَشّ.مِشِ يٌ مُ نْ تْنيِ دْشْدٍ ﭑ مَ.›» 15 «بٍرَ كٌلٍ عَ يّتّ مَتْشْمَ عَ رَوَلِمَ بّ؟سّرَ عَ يّتّ مَتْشْمَ كَمُدّرِ بّ؟بْنبْ وُرِ نْمَ مِشِ بّلّشّ رَتٍدٍ؟لُشُسِنيِ نْمَ مِشِ بْنبْدٍ؟ 16 نَ كُي عَلَتَلَ سّنبّمَ قَمَ نّ عَ شَ سْورِ شُنفبٍيٍ شْسِدٍ،عَ قَ عٍ فَن تّ شْرْشْي رَ. 17 عِسِرَيِلَ مَرِفِ عَلَتَلَ لُمَ نّ عَلْ تّ سّنِيّنشِ،نَشَن عٍ شَ تُنبٍ نُن بَافِ بِرِن فَنمَ لْشْ كٍرٍن. 18 عِسِرَيِلَ شَ قْتْنيِ نُن عَ شَ شّيٍ شُن قَمَ نّ كَنَدٍ عَلْ قُرٍ مَ نَشَن نَ شْسِقٍ. 19 دِ مّدِ يَتِ نْمَ عَ شَ وُرِ بِلِ دْنشْييٍ كْنتِدٍ نَشٍيٍ لُمَ عَ شَ قْتْنيِيٍ كُي.» 20 نَ لْشْي عِسِرَيِلَ مِشِ دْنشْييٍ مُ عٍ شَشِلِ تِمَ مِشِيٍ رَ سْنْن،نَشٍيٍ نُ بَرَ نْ عٍ رَ.يَشُبَ بْنسْي عٍ شَشِلِ تِمَ عَلَتَلَ نَن نَ،نَشَن قِندِشِ عِسِرَيِلَ شَ سّنِيّنتْي رَ. 21 يَشُبَ بْنسْي مِشِ دْنشْييٍ قَمَ نّ فبِلٍندٍ عَلَ سّنبّمَ مَ. 22 عِسِرَيِلَ، هَلِ عِ شَ حَمَ سَ فبٌ نّعَلْ مّيّنيِ نَشَن نَ بَا دّ رَ،دٌندٌرٌنتِ نَن تُن فبِلٍنمَ عٍ شْنيِ.عَلَتَلَ بَرَ نَتّ تٌنفٌ تِنشِنيِ كُي عِسِرَيِلَكَيٍ سْنتْقٍ رَ. 23 عَلَتَلَ سّنبّمَ قَمَ نّ نَ نَتّ رَكَمَلِدٍ بْشِ بِرِن كَنَقٍ رَ. 24 نَ كُي عَلَتَلَ سّنبّمَ بَرَ يِ مَسٍنيِ تِ، عَ نَشّ،«وٌ تَن، ﭑ مَ حَمَ نَشَن سَبَتِشِ سِيٌنِ،هَلِ وٌ مُ فَاشُ عَسِرِيَكَيٍ يَ رَ،نَشٍيٍ نَ وٌ بْنبْقٍ لُشُسِنيِ نُن وُرِ رَ،عَلْ مِسِرَكَيٍ نُ عَ رَبَمَ كِ نَشّ. 25 عَ فبٍ مُ لُشِ ﭑ مَ شْنّ شَ فبِلٍن وٌ قْشْ رَ،عَ قَ عٍ تَن شُن نَكَنَ.» 26 عَلَتَلَ سّنبّمَ قَمَ نّ عَ شَ لُشُسِنيِ عِتٍدٍ عٍ شِلِ مَ،عَلْ عَ نَشَن نَبَ مَدِيَنكَيٍ شَ مَنفّ عٌرٍبِ رَ.عَ قَمَ نّ عَ شَ يِسُشُوُرِ عِتٍدٍ بَا شُن مَ،عَلْ عَ رَبَ مِسِرَ بْشِ مَ كِ نَشّ. 27 نَ لْشْي عَلَ وٌ شَ كٌتٍ بِنيٍ بَمَ نّ وٌ تُنكِ مَ عٍ نَشَن سَشِ وٌ شُن مَ.وٌ شُن نَكٍلِمَ نّ هَن نَ كٌتٍ بِرِن بَ وٌ شُن مَ. 28 وٌ يَشُييٍ سٌمَ نّ عَيَتَ، عٍ دَنفِ مِفِرٌن رَ، عٍ كٌتٍ ندٍ لُ مِكِمَسِ. 29 عٍ دَنفِمَ مّننِ نّ، عٍ يٌنكِن فٍبَلِ.فَاشُي رَ مَكَيٍ سُشُمَ نّ،مِشِيٍ عٍ فِمَ نّ سْلُ شَ بْشِ مَ فِبٍيَ. 30 بَتِ فَلِمُكَيٍ نَ وَقٍ.«لَيِسَكَيٍ، وٌ شَ وٌ تُلِ مَتِ.عَنَتْتِكَيٍ، وٌ مَكِنِكِنِ.» 31 مَدَ مٍنَكَيٍ نَ يٍسٍنقٍ،فٍبِمِكَيٍ نَ عٍ نْشُنقٍ. 32 نَ لْشْي نَ يَشُييٍ دَنمَ نٌبٌ نّ،عٍ عٍ بّلّشّ رَ مَشَ سِيٌنِ فٍيَ شِلِ مَ دَرِ سَلَمُ. 33 مَرِفِ عَلَتَلَ سّنبّمَ مَتٌ،عَ نَ وُرِ بِلِ سَلٌنيِ بٌلٌنقٍ سّنبّ رَ.عَ نَ وُرِ بِلِ عِتٍشِ رَبِرَقٍ بْشِ مَ. 34 عَ قَمَ نّ لِبَن قْتْنيِ بٍلٍبٍلٍ قْندٍ عَ شَ بٍرَ رَ.