Philippians 3 (SUSU2)
1 يَكْسِ، ﭑ نفَشَكٍرٍنيِيٍ، وٌ شَ سّيوَ وٌ مَرِفِ رَ. ﭑ مُ تَفَنمَ فبِلٍندٍ قٍيٍ تَفِ رَبَدٍ وٌ بّ، ﭑ نَشٍيٍ سّبّشِ وٌ مَ تّمُي دَنفِشِ، عَلَكٌ نَ شَ وٌ رَتَنفَ. 2 وٌ شَ وٌ يّتّ رَتَنفَ مِشِ حَاشِيٍ مَ، وَلِ كٌبِ رَبَيٍ نَشٍيٍ وَ مَ قِنّ رَوَلِقٍ تُن مِشِ سُننَقٍ مَ. 3 وٌن تَن نَن نَ مِشِ سُننَشِيٍ رَ عَ نْندِ كِ مَ، وٌن تَن نَشٍيٍ عَلَ بَتُمَ عَ شَشِلِ سّنِيّنشِ سَابُي رَ، نَشٍيٍ سّيوَ مَ عِسَ عَلَ شَ مِشِ سُفَندِشِ شَ قٍ رَ، نَشٍيٍ مُ عٍ شَشِلِ تِمَ عٍ يّتّ رَ. 4 شَ ﭑ وَ، ﭑ قَن نْمَ ﭑ شَشِلِ تِدٍ ﭑ يّتّ رَ. شَ مِشِ ندٍ عَ مَحْشُنشِ نّ عَ عَ نْمَ عَ شَشِلِ تِدٍ عَ يّتّ رَ، ﭑ دَنفِ نَ كَنيِ رَ ثٌن! 5 ﭑ سُننَشِ عَ شِ سٌلٌمَسَشَن لْشْي نّ، عِسِرَيِلَكَ نَن ﭑ نَ، نَشَن كٍلِشِ بُنيَمِن بْنسْي، عٍبُرُ يَتِ يَتِ نَن لَنشِ ﭑ مَ ﭑ بَرِ كِ مَ. 6 ﭑ نُ بِرَشِ عَلَ شَ سّرِيّ قْشْ رَ عَ قَرِ سّنِ كِ نّ، ﭑ نُ قَ عِسَ شَ دَنشَنِيَتْييٍ حَشَنكَتَ. مَرَكْرْ سِ حَاشِ يٌ مُ نُ نَ ﭑ مَ. 7 كْنْ يَكْسِ، ﭑ تٌ بَرَ دَنشَنِيَ عَلَ شَ مِشِ سُفَندِشِ مَ، ﭑ نُ سٍ نَشَن بِرِن مَحْشُنشِ قٍ قَنيِيٍ رَ، عٍ تِدٍ يٌ مُ نَ ﭑ بّ سْنْن. 8 مَرِفِ عِسَ كٌلٌنقٍ نَن تِدٍ فبٌ نٍيٍ بِرِن بّ. عَلَ شَ مِشِ سُفَندِشِ سْتْقٍ دَنفِ نَ قٍ بِرِن نَ، ﭑ بَرَ نَشٍيٍ لُ عَ شَ قٍ رَ. نَ قٍيٍ بَرَ لُ ﭑ بّ عَلْ قٍيٍ قُقَقُ عَلَكٌ ﭑ شَ عِسَ شَ مُنَقَنيِ سْتْ. 9 ﭑ شَ لُ عَ تَن نَن مَ قٍ، بَرِ مَ ﭑ يّتّ سّنبّ مُ نْمَ ﭑ قِندِدٍ مِشِ تِنشِنشِ رَ. ﭑ مُ نْمَ عَلَ شَ سّرِيّ بِرِن نَبَتُدٍ. كْنْ شَ ﭑ بَرَ دَنشَنِيَ عَلَ شَ مِشِ سُفَندِشِ مَ، عَلَ تَن نْمَ نّ ﭑ مَتِنشِندٍ. عَلَ نَن مِشِ مَتِنشِنمَ دَنشَنِيَ سَابُي رَ. 10 نَ كُي، ﭑ وَ مَ نَشَن شْن، ﭑ شَ عِسَ كٌلٌن. ﭑ شَ عَ شَ مَرَكٍلِ سّنبّ كٌلٌن، ﭑ مَن شَ تْورْ عَلْ عَ تْورْشِ كِ نَشّ. ﭑ وَ مَ لُقٍ نّ عَلْ عِسَ نُ نَ كِ نَشّ عَ قَشَ تّمُي، 11 عَلَكٌ ﭑ قَن شَ كٍلِ قَشّ مَ. 12 ﭑ عَ كٌلٌن ﭑ مُ نُ فّ نَ بِرِن سْتْدٍ سِندٍن، ﭑ مَ قٍ مُ فّشِ كَمَلِدٍ. كْنْ ﭑ شَ سِفَ يَرٍ عَلَكٌ عِسَ ﭑ سُفَندِشِ قٍ نَشَن مَ، ﭑ قَن شَ عَ شَ قٍ سُشُ. 13 ﭑ نفَشَكٍرٍنيِيٍ، ﭑ عَ كٌلٌن ﭑ مُ فّشِ عَ سُشُدٍ سِندٍن، كْنْ ﭑ قٍ كٍرٍن نَن نَبَمَ؛ ﭑ مُ ﭑ كٌبٍ رَتٌمَ، ﭑ سِفَمَ يَرٍ نَن تُن مَ. 14 ﭑ بِرَ مَ نّ ﭑ مَ وَلِ قْشْ رَ، عَلَكٌ ﭑ شَ سَرٍ سْتْ كٌورٍ مَنفّ عَلَ وٌن شِلِشِ نَشَن مَ عَ شَ مِشِ سُفَندِشِ عِسَ سَابُي رَ. 15 وٌن تَن نَشٍيٍ شَ دَنشَنِيَ بَرَ تِلِن، عَ لَنمَ نَ مَحْشُنيِ نَن شَ لُ وٌن بِرِن يِ رَ. كْنْ شَ عَ سَ لِ مِشِ ندٍ مُ لَنشِ نَ قٍ مَ، عَلَ قَمَ نَ قَن قِيشّدٍ نَ كَنيِ بّ. 16 وٌن شَ سِفَ يَرٍ عَلْ وٌن دَرِشِ عَ رَ كِ نَشّ. 17 ﭑ نفَشَكٍرٍنيِيٍ، وٌ شَ ﭑ قْشِ رَبَ. مِشِ نَشٍيٍ حّرّ كِ لُشِ عَلْ مُشُ فبٍ، نٍيٍ نَن شَ قِندِ مِسَالِ رَ وٌ بّ. 18 عَلَ شَ مِشِ سُفَندِشِ يَشُييٍ بَرَ وُيَ، نَشٍيٍ مُ لَمَ عَ شَ سّرّشّ رَ وُرِ مَفَلَنبُشِ مَ. ﭑ حَن بَرَ نَ قَلَ وٌ بّ سَنيَ وُيَشِ، كْنْ يَكْسِ ﭑ عَ مَسٍنمَ نّ وٌ بّ ﭑ يَيٍ رَ. 19 عٍ بَرَ لْي. عٍ يّتّ وَشْنقٍ بَرَ قِندِ عٍ شَ عَلَ رَ. عٍ نَشَن عِتٍمَ، نَ نَن قَمَ عٍ رَفٌرٌدٍ. عٍ بِرَ مَ يِ دُنِحَ فبَنسَن نَن قْشْ رَ. 20 كْنْ وٌن تَن شْنيِ نَ عَرِيَننَ نَن نَ، وٌن نَكِسِمَ مَرِفِ عِسَ كٍلِمَ دّننَشّ قَقٍ رَ وٌن قْشْ رَ. وٌن نَ نَ نَن مَمّقٍ. 21 عَ قَمَ نّ وٌن قَتٍ مَكِنِكِنِشِيٍ مَسَرَدٍ، عٍ شَ لُ نْرّ كُي عَلْ عَ فبٍ. عَ نَ رَبَمَ عَ سّنبّ نَن نَ، نَشَن دَنفِ سّنبّ بِرِن نَلَنشِ رَ.
In Other Versions
Philippians 3 in the BOHNTLTAL
Philippians 3 in the KBT1ETNIK
Philippians 3 in the TBIAOTANT