Isaiah 33 (TBIAOTANT)
1 Ia kantrin igharazibagh asɨghasɨzi darasi, iavzika!Ia bar ikuvigham.Bar guizbangɨra, ia datɨrɨghɨn ikuvizir puvatɨ.Ezɨ ia kantrin igharazibagh asɨghasɨghamin dughiam,a gɨfa, eghtɨ ia uari ikuvigham.Ia igharaz darazigh ifarava, uan akar dɨkɨrɨziba abighame isa apanibar agharim garɨsi.Bar guizbangɨra, tarazi datɨrɨghɨn ia gifarazir puvatɨ.Eghtɨ ia igharaz darazigh ifaramin dughiam, a gɨvagham.Eghtɨ igharaz darazi ia gifar,ia isɨ apanibar dafarim darɨgham. 2 O Ikiavɨra Itir God, en nɨghnɨzim nɨrara iti.Nɨ en apangkuvigh zurara dughiabar e ekɨarughuan gavgavimɨn deragh en gan.Egh osɨmtɨzibar dughiamɨn en akurvagh e damutɨ,e uan apaniba dɨkabɨraka. 3 Gumazamiziba nɨn dɨmdiam barasi,mati arariba dagarvazima me ari.Kantrin bar gavgaviba nɨn garima,nɨ dɨkavigha uan gavgavim men akazɨ,me atiatia tintinibar ari. 4 Ezɨ bizir me ara taghiziba,Israelian gumaziba izɨ zuamɨram da iniam.Mati odezir bɨzir avɨrim mɨghegha iza azenibagh apiagha,men dagheba apa bar ada gɨfa.Ezɨ kamaghɨra, gumaziba zuamɨra izɨ men biziba ater mangam. 5 Ikiavɨra Itir God, ziar ekiam ikiava,bar pɨn uan Nguibamɨn iti.Egh a uan guizɨn arazim ko arazir aghuim amadaghtɨ,a izɨ Jerusalemɨn mɨkebaba bar da avaragham. 6 Egh ia Ikiavɨra Itir Godɨn gumazamiziba, a zurara deragh ian ganɨva,ia damutɨ ian dabirabim deragh gavgavigh ikiam.Egh a bizir aghuiba ia danɨngtɨia deraghvɨra ikiam.A nɨghnɨzir aghuiba ko, fofozir avɨriba ko, arazir an atiatiava an apengan itiba,da bizir bar aghuibar mɨn,an ada isa ia ganɨdi. 7 Ia munagh ganigh!Mɨdorozir gumazir gavgaviba tintinibar tuavibar mɨtivighav ikiaakurvazim bagha diava arai.Ezɨ abuir gumaziba mɨdorozim agɨvasa ingangarir mɨtiam gami,ezɨ mɨdorozim gɨvazir puvatɨ.Kamaghɨn amizɨ, abuir gumaziba datɨrɨghɨn bar puvɨram azi. 8 Tuavir ekiaba pura itima,gumazamiziba ua dar mangɨ izegh gamir puvatɨ.Gumazamiziba akar dɨkɨrɨzir me amiziba, me da abɨki.Ezɨ gumazim uan damazimɨn bizimɨn ganigha, kotɨn aven guizbangɨram an gun mɨgeima,me nɨghnɨzir gavgavim an akamɨn ikian aghua.Egha me gumazir igharazibar gara ghaze,me mati pura biziba. 9 Ezɨ nguazim uabɨ bar osemegha azirakabagh amima, an gavgavim gɨfa.Lebanonɨn ruaribar temeba mɨdɨi, egha bar aghumsɨki.Ezɨ Saronɨn Danganir Zarim bar mɨsɨngigha dɨpaba puvatɨzir danganim gava.Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri. 10 Ikiavɨra Itir God kamaghɨn mɨgei,“Kɨ datɨrɨghɨn dɨkavigh ingangarim damuam,eghtɨ gumazamiziba ganigh nan ziar ekiam fam. 11 Ia nan apanim gami darasi,ia pura bizir dagheba puvatɨziba bagha nɨghnɨgha ingangarir mɨtɨabagh ami.Ia mati, gumazim uan azenimɨn ingangarir dafam gami,ezɨ puvatɨ, dadar mɨsɨngiziba ko oghevsever kɨniba puram an otifi.Ian ingangarir mɨtiar kam avimɨn mɨn otoghbar ia agɨvagham. 12 Egh ia mati me gumazibar aghariba tuezɨ,da arinimɨn otozɨ moghɨn, ia otivigham.Egha mati me benir ataghatarim tuazɨmaan averenimɨn otozɨ moghɨn, ia otivigham. 13 Ia gumazamizir roghɨra itiba, ko nguibar saghon itiba,ia ingangarir gavgavir kɨ amizibar mɨgɨrɨgɨaba baraghegh ia nan ziar ekiam ko gavgavimɨn gun mɨkɨm!” 14 Saionɨn itir gumazamizir arazir kurabagh amua Godɨn damazimɨn mɨzeziba,me bar atiatighava agoi.Egha me kamaghɨn mɨgei,“Ikiavɨra Itir Godɨn anɨngagharim, an avir bar gavgavimɨn mɨn isiava, biziba bar da gefi.An ofa gamir dakozimɨn itir avim zurara isia mamaghɨra iti.Ezɨ en tongɨn tinara a ko ikiam?” 15 Gumazamizir kabanang Ikiavɨra Itir God ko ikiam:Gumazamizir arazir aghuibagh amiba, kogumazamizir guizbangɨra mɨgeiba, kogumazamizir ua baghavɨra biziba iniasa igharaz darazi dɨkabɨrir puvatɨziba, kogumazamizir gumaziba apezeperir dagɨaba isɨ me danɨngtɨ, me a bagh arazir kuram damuamin aghuaziba, kogumazamizir gumazir mam gumazir igharazitam mɨsueghtɨ an aremeghan me oraghan aghuaziba, kogumazamizir arazir kurabar ganan aghuaziba. 16 Gumazamizir kamaghɨn amiba, me bar deravɨra ikiam.Me mati gumazim mɨghsɨam gisɨn mogomer danganir bar gavgavimɨn modoghav iti moghɨn deravɨra ikiam.Eghtɨ bizitam me dɨkabɨraghan kogham.Eghtɨ me zurara damamin dagheba ko dɨpaba ikiam. 17 Ia uan atrivir dirim uam an gantɨ,a uan atrivir korotiar bar aghuibar aghuigh,kantri deravɨram an ganam.Egh ia uan kantrin gantɨ,a bar aruegh bar ekevegham. 18 Egh ia uamategh dughiar kurar ia batozir kam ginɨrɨgh, egh kamaghɨn azangsɨgham,“Apanibar gumazir dapanim izava en dagɨaba ko biziba inigha dar osɨmtɨzibagh foghasa da tuisɨgha, da mega atrivir kuram ganɨngiziba,me managh iti?Apanibar gumazir dapanim izava en tauan ruariba mengeziba,me managh iti?Ti puvatɨ.” 19 Akaba barazir puvatɨgha uarira uan ziaba fer gumazir kaba,ia ua men guatamɨn apighan kogham.Egh ia ua me uan akabar mɨgeir mɨgɨrɨgɨaba baraghan kogham,akar me mɨkɨmamim, gumazitam deragh an mɨngarim gɨfoghan kogham. 20 Ia Saionɨn gan, an ziar mam Jerusalem,a nguibar ekiar e zurara Ekiamɨn ziam fer dughiar ekiabar uari akuva itim.Danganir e avughsa deravɨra itim.A purirpenir gavgavimɨn mɨn mɨtɨgh gavgavigham,eghtɨ gumaziba an afughafuziba asigh, an beniba aghoregh, a inigh mangan kogham. 21 Ikiavɨra Itir God uan gavgavim ko ziar ekiam Jerusalemɨn aven e bagh anekagham.Egh a Jerusalem damightɨ, a bar kantrin dirimɨn mɨn ikiam,an aven faner ekiaba ko daghurir dɨpar muziarir avɨravɨriba ikiam.Eghtɨ mɨdorozimɨn kurir me pul gamua zuiba ko kurir ekiaba,dɨpar kabar izan kogham. 22 Bar guizbangɨra, Ikiavɨra Itir God uabɨ,jasɨn mɨn ikɨ,egh en atrivimɨn ikɨ,en gumazir deravɨra en ganamim mɨn ikɨ,egh en Akurvazir Gumazimɨn ikiam. 23 Apaniba Jerusalem inisɨ bar iburaghburegham.Me mati kurimɨn ingangarir gumaziba kurimɨn ikɨtɨ a ivemaran kogham.Mati kurimɨn mas mɨtɨgha gavgavizir puvatɨ.Ezɨ an beniba fɨriaghɨrezɨ, an sel kuiaghirɨzir puvatɨ.Kamaghɨn amizɨ, apaniba arɨ mangɨ bizir avɨriba ateghtɨ da ikɨtɨ,Jerusalemia ivemar izɨ bizir kaba iniam.Gumazir suer kuraba uaghan izɨ men gɨn otivigh, uaghan bizir avɨrir tabar gantɨ,da ikɨvɨra ikɨtɨ,me uari bagh da inigh mangam. 24 Eghtɨ dughiar kamɨn, Jerusalemɨn itir gumazitam kamaghɨn mɨkɨman kogham,“Kɨ arɨmariam iti.”Eghtɨ Ikiavɨra Itir GodJerusalemɨn itir gumazamizibar arazir kuraba gɨnamangam.