Habakkuk 3 (TOMA)

1 GALA goo wo nui Aɓakuke ná-GALA falii, é ga maawɔin wuyei. 2 Ɠɔoɠɔ GALAGI, gè naa mɛnini, nii è kɛɛni,gè luani ɗa-ɠɛɛwotii ʋa, ee, Ɠɔoɠɔ GALAGI.Ɗa-ɠɛɛwotiiti ti ʋilɛ su gi ɠaazu!Ti ɠula kɛlɛma konagiti daawu!Kɛlɛ ɗa-yiiɠaawanai zu, ɠizɛ ɗa-maawɔinɠai zu. 3 GALA paaʋɛ é zeɠe Teman,GALA Ɲadegai ʋaaʋɛ é zeɠe Palan ɠizeiti ma.Lo!Ná-maayikii ɠa ʋɛɛni geeɠɔlɔgi ma,ná-lɛbiyai eteai laavegɛ. 4 Kɛɛʋɛ eɠɛ wozakalagi ma voloi,ma zezeiti ti ɗa volo, é ɠula zeaʋɛ,ná-zobogi ma lɔɔɠuzu vai ɠana! 5 Ɗɔfɔ zeeɓɛi ɠa kakala ʋelei, é ɗa li,kɔlɔkpadima zeeɓɛ ɠa kɔɠɔ ʋogiti su. 6 Siɛgi zu a lona da, zooi ɠa ɲiikpi,siɛgi zu é wɛlɛzu la, zii ɠiligiti sasu ɠa ɓali,gize wɔlɔwɔlɔgiti ti ɓusɛ,kaite ɠize nɛmɛiti ti vuka,ʋɛti ti ɠɛni mɔungi ga peleiti, é ɗa ziɛ la. 7 Gè Kusan nuiti ta-zeɠe ɠotaiti kaa, ti ɠaaʋalagai ba,Madiyan yooi ma ʋɛlɛiti suɓezeɠelega. 8 Ee, Ɠɔoɠɔ GALAGI, è yiiɠaawanaʋɛ ziɛ wolaiti ma ɓaa?È yiiɠulaʋɛ ti laalɔɠɔma, è yiiɠaawana kpoloɗɛi ma ɓaa?È losu kɔɔɠɔ wotoloiti su,ma zooiti ti liizu ga ɗe pilɛ sɔlɔɔsuʋɛ? 9 È ɗa-ɠɔɔɠɔ mɛɛin ɓɛtɛa,ɗa-mɛɛn ɠaeiti ta ga minazeɠegiti, è ti woni.Lo!Ɗa zooi ʋalizu su ga ziɛ wolaiti. 10 Gizeiti ta è ɠaana, ta ɗa ɓali,sabalagi ɗa zooi yɛɓɛ,kpoloɗɛ wolai ɗa zikɔ,é ɗa ma lakpatakpagi lɛ geezuʋɛ. 11 Foloi ta alugi ti yɛ loni losuʋɛ,ɗa-mɛɛinti ti ziɛzu ta-wozakalagi ɠakala,ta ɗa-ɓɛɛin é volozu ma wozakalagi ɠakala. 12 Ɗa eteai zuɓizɛzu ga ziiɠulagi,è ziiti dɛɛvɛ ga ziiɠaawanai. 13 Ɗa ʋaazu ɗa-nuɓusɛiti ta-ɓɔba vai ma,è ɓɔ ɗa-masagi ʋa è seiɗai.Ɗa faa ɲɔu ɠɛ nui ná-pɛlɛi ungi leʋezu ga,è koloɠolo, è pɛɛ su mɛɛ.Lo! 14 Ɗa gi zili nuiti ta-ɠundiɠiiti tɔungiti kpotasu ga ti ɓɔɠɔ mɛɛinti.Ti ɠɛni eɠɛ fiilɛ wolai,ti yeizu gi ma ga ti gi zuvaza,ti ɗa ɓain ga koozunɛɛi,ti ɠɛʋele ɓɛtɛai ga zɔi maanɔɠɔai,ti koloɠolo dɔɔɠuzu. 15 È pelei laa ɗa-zooiti bɛ kpoloɗɛi wu,ziɛ wolai wu é zulusu. 16 Gè naama wooi mɛnini,gè ɠɛ unga wuulee.Dàkɔlɔgiti ti ɗa ɓali,mà ɠaeiti su ɗa ɠɛ yɔɔɠɛ,gè yɛ ná, gè ɗa ɓali.Kɛlɛ maanɛɛʋɛ ga gè zei kpɛ,gè kidaaʋili foloi maaɓɔun,foloi é ʋaazu gi zili nuiti daalɔɠɔma. 17 Kooleɠoole gului la mɔ waa pɛ,leezɛn ɓelei la mɔ gwaa woga pɛ,wolive wului waa vai ɠa ɗa nuiti kaka,nu tii ɠɛ ʋɛ, é la ani nɔpɛ sɔlɔɔga ná.Baalagiti ta boliiti gaa ɠa ʋala ba ta-zasaiti su,nikɛ zasa la mɔ ɠɛa ná. 18 Kɛlɛ nɔ̀un nà, nà ɠoozunɛɛzu Ɠɔoɠɔ GALAGI maaʋele ma,zìimaʋɛ laave ga koozunɛɛi, nà-GALAGI maaʋele ma, é kìzosu. 19 Maliɠii Ɠɔoɠɔ GALAGI ɠa é ga nà-zobogi,toɠa kɔ̀ɠɔiti feɠasu bu, ga dopai nɔnɔiti kɛʋele,é ziɛ ga ze gize wolaiti ma. Guye loo ɠundiɠii nɔnɔi ʋe. É loozu ga kɔnigiti.

Habakkuk 3 (TOMA)

In Other Versions