Isaiah 19 (YALU)

1 Waliyiya falana Misiran yamanan xili ma:Alatala ni i ra, a fama kundani Misiran yi mafurɛn!Misiran kaane suxurene xuruxurunma nɛn a yɛɛ ra,Misiran kaane yi tunnaxɔlɔ e ma. 2 Ala naxa, “N Misiran kaane radinmae bode xili ma nɛn, e yi e bode yɛngɛ,birin yi keli a ngaxakedenmaan xili ma,birin yi keli a xɔyin xili ma,taane yi keli e bode xili ma,mangayane yi keli mangayane xili ma. 3 Misiran kaane tunnaxɔlɔma e ma nɛn,n yi mayifuun bira e feene yi.E suxurene maxɔdinma nɛn,e nun barinne nun yiimatone nun kɔɛramuxune. 4 N Misiran sama nɛn kininkinintarena nde sagoni,manga yɛɛ xɔdɛxɛn yi lu a xun na.”Marigina Alatala Sɛnbɛn Birin Kanna falan nan na ra. 5 Nila baan xɔrima nɛn,baan wunla yi xara fefe! 6 Baane xirin yi mini,xudene yi xurun Misiran yi,e birin yi xara.Gbalane lisima a ra nɛn, 7 sɛxɛne yi xara Nila baan xɔnhan a biradena fɔxɔ igen ma.Xɛɛn naxanye bixi Nila baan xɔn,ne xarama ayi nɛn,foyen yi siga e ra, sese mi fa luma. 8 Yɛxɛ suxune kutunma nɛn, e sunu,naxanye birin kɔnna birama Nila baani.Yala wonle fan sɛnbɛn yi ɲan. 9 Naxanye gɛsɛne wurundunma,ne yagima nɛn.Naxanye dugine rafalama e nun naxanye e sɔxɔnma,ne yigitɛgɛma nɛn. 10 Yamanan muxu kɛndɛne fangan ɲanma nɛn,walikɛne yi kɔntɔfili. 11 Xaxilitaren nan Soyan taan kuntigine ra,Misiran mangan kawandi muxunea kawandima xaxilitareyaan nine naxa, “Fekolonna nde nan ma dii n tan na,a singe ra mangane diina nde.”E nɔɛ susɛ na falɛ mangan xa di? 12 Nayi, Misiran mangana,i ya xaxilimane minɛn?Alatala Sɛnbɛn Birin Kanna naxan nagidixilan i ya yamanan ma,e xa i xaran na ma. 13 Xaxilitaren nan Soyan taan kuntigine ra.Nofi taan mangane tantanma.Misiran yamana kanne nan a ralɔma ayi. 14 Alatala bata niina nde raso e yinaxan e xun magima e raalogo Misiran kaane xa tantan e feen birin yialo dɔlɔ minna na dingenɲɛ ayi baxundeni. 15 Misiran muxu gbeen nun a muxudina,muxu yo mi fa sese ligama naxan fan,a na findi muxu binyen nahanma a binyetarena. 16 Na lɔxɔni, Misiran kaane luma nɛn alo ɲaxanle. E xuruxurunma nɛn gaxuni, Alatala Sɛnbɛn Birin Kanna na a yiini te e xili ma waxatin naxan yi. 17 Yuda yamanana fe findima fe magaxuxin nan na Misiran kaane xa. Muxune na a fe fala e yɛɛ xɔri, e gaxuma nɛn na feen yɛɛ ra Alatala Sɛnbɛn Birin Kanna bata naxan nagidi e ma. 18 Na lɔxɔni, Heburu xuiin fama nɛn faladeni Misiran taa suulunna ndee yi, e muxune yi e kɔlɔ a e bata findi Alatala Sɛnbɛn Birin Kanna gbeen na. Na taan keden xili bama nɛn a Taa Halagixina. 19 Na lɔxɔni, saraxa ganden fama nɛn ludeni Alatala xa Misiran yamanan tagini, gɛmɛ gbeena nde yi dɔxɔ yamanan danna ra naxan Alatalaa fe rabirama muxune ma. 20 Na nan findima taxamasenna nun seren na fa fala Alatala Sɛnbɛn Birin Kanna Misiran yi. Misiran kaane na e xui ramini Alatala ma e ɲaxankata muxune fe ra waxatin naxan yi, a Marakisi Tiin nafama nɛn e ma, naxan e xun mayɛngɛma a yi e xunba. 21 Alatala a yɛtɛ yitama nɛn Misiran kaane ra. Na lɔxɔni, Misiran kaane Alatala kolonma nɛn. E yi a batu, e saraxane nun bogise saraxane ba a xa. E yi dɛ xuine tongo Alatala xa, e yi e rakamali. 22 Alatala Misiran kaane ɲaxankatama nɛn fitina fena nde xɔn, koni a e yiyalanma nɛn, e yi xɛtɛ Alatala ma, a yi e maxandi xuiin namɛ, a yi e yiyalan. 23 Na lɔxɔni, kiraan kelima nɛn Misiran yi siga Asiriya yamanani. Asiriya kaane sigama nɛn Misiran yi, Misiran kaane yi siga Asiriya yi. E birin yi Ala batu e bode xɔn. 24 Na lɔxɔni, Isirayila findima nɛn Misiran nun Asiriya yamanane saxanden na dunuɲa duban sɔtɔma naxanye xɔn. 25 Alatala Sɛnbɛn Birin Kanna dubama nɛn e xa, a naxa, “N bata barakan sa n ma yamaan Misiran ma fe yi, e nun Asiriya yamanana, n yii fɔxɔna e nun Isirayila, n ma bɔxɔna.”

Isaiah 19 (YALU)

In Other Versions