Job 34 (YALU)

1 Nayi, Elihu mɔn yi falan ti, a naxa, 2 “Fekolonne, ɛ n ma falane ramɛ,ɛ tan xaxilimane, ɛ tuli mati n na! 3 Bayo, muxun tunla nɔɛ falane fɛsɛfɛsɛ nɛn,alo a dɛɛn to nɔɛ donse faɲin kolonɲɛ. 4 En birin xa kiti kɛndɛn fen,en na a kolon en bode tagi naxan fan.” 5 “Yuba bata yi a fala,a naxa, ‘N tinxin,koni Ala mi tinxi kiti kɛndɛn sɛ n xa. 6 Yoona n tan nan xa,koni n yatɛxi wuleden nan na.N ma furen mi yalanma,hali n to mi murutɛxi Ala ma.’ ” 7 “Muxun mundun nanaxan luxi alo Yuba?A magelen timaalo a igen minma kii naxan yi, 8 a birama fe ɲaxi rabane fɔxɔ ra,e nun ɲaxudene sigan tima, 9 bayo Yuba bata yi a fala,a naxa, ‘Muxun mi sese sɔtɔma,a na kata e nun Ala xa lan.’ ” 10 “Nayi, xaxilimane,ɛ tuli mati n na!Ala mi ɲaxu mumɛ!Tinxintare mi Ala Sɛnbɛ Kanna ra mumɛ! 11 Ala muxune saranma e kɛwanla nan na,a birin suxu a sigati kiin xɔn. 12 Ɲɔndin nan na ra,Ala mi fe ɲaxin ligama!Ala Sɛnbɛ Kanna mi kiti kɛndɛn kalama! 13 Nde Ala dɔxi bɔxɔn xun na?Nde dunuɲa birin taxuxi a ra? 14 Xa Ala yi mirixi a yɛtɛ nan tun ma,a yi a niin namara a yɛtɛ xa, 15 nayi, daliseene birin yi faxama nɛn sanɲa ma kedenni,adamadiine mɔn yi xɛtɛ bɛndɛni.” 16 “Yuba, xa i xaxinla na,ito ramɛ,i tuli mati n fala xuine ra. 17 Kiti kɛndɛn naɲaxu naxan ma,na nɔɛ mangayaan ligɛ ba?I susɛ tinxinden yalagɛ ba,a tan naxan sɛnbɛ kanna ra? 18 Ala nan keden pe nɔɛ susɛ a falɛ mangan xa,a naxa, ‘Fuyantenna!’Ala nan tun a falɛ kuntigine xa,a naxa, ‘Ɲaxudene!’ 19 Ala mi kuntigine rafisama e bode xa,a mi yiigelitɔɔn nun nafulu kanna tagi rasaxi,amasɔtɔ a tan nan e birin daxi. 20 E birin faxama nɛn.Kɔɛ tagini, Ala na e yigisan,e raxɔri, sɛnbɛmane fe yi godo.Na mi fatama muxu yo ra.” 21 “Ala yɛɛn tixi muxune sigati kiin birin na,a e san funfune birin yatɛma. 22 Dimi yo mi fa na,fe ɲaxi rabane nɔɛ e luxunɲɛ naxan yi. 23 Ala mako mi fa muxune kɛɲaan fɛsɛfɛsɛn ma,benun a xa e xali kiti sadeni. 24 A hayu mi fa sɛnbɛmane fenna ma,benun a xa e kala,a mɔn yi muxu gbɛtɛ dɔxɔ e funfuni. 25 Ɲɔndin nan na ra, a e kɛwanle kolon.Kɔɛ kedenna ra, a yi e ba, a yi e faxa. 26 A e ɲaxankatama nɛn yamaan yɛtagialo fe ɲaxi rabane, 27 bayo e bata xɛtɛ Ala fɔxɔ ra,e yi a sariyane birin beɲin. 28 E yi yiigelitɔne ɲaxankatahan e yi e xuini te Ala ma.Nayi, Ala yi tɔrɔ muxune wuga xuiin namɛ.” 29 “Koni, xa Ala lu dunduxi,nde a yalagɛ?Xa a a yɛtagin luxun,nde nɔɛ a toɛ?Anu, a mɔn luma muxune nun siyane birin xun na nɛn 30 alogo Ala kolontaren nama dɔxɔ mangayani,naxan findima kalan na yamaan xa.” 31 “A nɔɛ ligɛ nɛn,muxuna nde yi a fala Ala xa, a naxa,‘N bata kalan ti,koni n mi fa fe ɲaxin ligama sɔnɔn. 32 N mi naxan toma, na yita n na.Xa n bata tinxintareyaan liga,n mi fa a ligama sɔnɔn.’ 33 Ala lan a xa na kanna ratɔrɔnfata i miriyaan na ba?I tan naxan Ala rasɔtɔma,i tan naxan tondixi Ala ra.I tan nan lan i yi a yɛba,n tan mi a ra,i miriyaan fala.” 34 “Xaxilimane a falama nɛn n xa,e nun fekolonnanaxanye n xuiin namɛma, e naxa, 35 ‘Yuba falan tima fekolontareyaan nin,xaxilimaya mi a falane ra.’ 36 A lan Yuba yi lu kitin dɛhan a danna,bayo a falan tima alo fe ɲaxi rabana. 37 A mɔn murutɛn sama a yulubin fari,a Ala magelema en yɛtagi,a falane mi ɲanma Ala xili ma.”

Job 34 (YALU)

In Other Versions