Nehemiah 9 (YALU)
1 Kiken xi mɔxɔɲɛde lɔxɔni, Isirayila kaane yi e malan, e sun, e kasa bɛnbɛli dugine ragodo e ma, e burunburunna sa e xunne yi sunu taxamasenne ra. 2 Naxanye yi findixi Isirayila kaane ra, ne yi e masiga xɔɲɛne ra, e yi e ti e yulubine ra e nun e benbane gbeene. 3 E to keli, e ti, e yi Alatala, e Alaa sariya kɛdin xaran waxati xunkuye. Yanyin na, e yi e xinbi sin Alatala yɛtagi, e Ala, e mɔn yi e ti e yulubine ra han waxati xunkuye. 4 Lewi bɔnsɔnna muxuna ndee yi keli, e te gbingbinna fari, Yosuwe nun Bani nun Kadamile nun Sɛbaniha nun Bunni nun Serebi nun Bani nun Kenani. Ne yi e xuini te Alatala ma, e Ala. 5 Lewi bɔnsɔnna muxune, Yosuwe nun Kadamile nun Bani nun Xasabaneya nun Serebi nun Hodiya nun Sɛbaniha nun Petaxi yi a fala, e naxa, “Ɛ keli, en Alatala, en ma Ala tantun habadan han habadan!”E yi Ala maxandi, e naxa,“Nxu i xili binyen tantunma,tantunna naxan dangu binyen nun tantunna birin na! 6 I tan nan keden pe Alatala ra,i tan naxan ariyanna nun kore xɔnna nun sarene birin daxi,i bɔxɔ xɔnna nun a yi seene birin da,e nun baane nun e yi seene birin.I yi niin bira niimaseene birin yi,malekane birin e xinbi sinma i tan nan bun. 7 I tan Marigina Alatala,i tan nan Iburama sugandi,i yi a ramini Yuru taani Babilɔn yamanani,i yi a xili sa, Iburahima. 8 I yi a to a dɛnkɛlɛyaxi i ma a bɔɲɛni,i yi layirin xidi ɛ tagia i xa Kanan kaane nun Xitine nun Amorinenun Perisine nun Yebusunenun Girigasane yamanan so a bɔnsɔnna yii.I dɛ xuiin nakamali nɛn bayo i tinxin.” 9 “I nxu benbane ɲaxankatan to nɛn Misiran yi,i yi e gbelegbele xuiin mɛ Gbala Baan dɛ. 10 I yi taxamasenne nun kabanako feene yita Firawonanun a walikɛne nun a yamanan muxune birin na.Amasɔtɔ i a kolone nxu benbane suxu kii naxan yi wasoni.I yi xinla sɔtɔ naxan gbo han to. 11 I yi baa igeni taxun e yɛɛ ra,e yi baani gidi a yixaren na,koni i tilin igen nadin nɛne sagatan muxune xun maalo gɛmɛna igen xɔnna ma. 12 I yi kundaan ti e yɛɛ ra yanyin na,i yi tɛ dɛgɛn ti e yɛɛ ra kɔɛɛn nanaxan yi kirani yalanma e yɛɛ ra. 13 I godo nɛn keli kore,i falan ti e xa Sinayi geyaan fari.I yi i gelene fala e xa naxanye tinxin,e nun ɲɔndin sariyan nun tɔnnenun yamarin naxanye fan. 14 Fata i ya walikɛɛn Musa ra,i yi i ya Matabu Lɔxɔ sariɲanxin nuni ya yamarine nun sariyane nun tɔnne yita e ra. 15 Kamɛn to e suxu,i yi donseen nagodo e ma keli kore.Min xɔnla to e suxu,i yi igen namini fanyeni,i yi a fala e xa a e xa so yamananii kɔlɔ naxan so fe ra e benbane yii. 16 Koni nxu benbane murutɛ nɛn wasoni,e mi i ya yamarine suxu. 17 E mi tin e suxɛ,e ɲinan i ya kabanako feene xɔni naxanye liga e xa,e yi e bɔɲɛni xɔdɔxɔ e murutɛni,e yi a nataa e xa yɛɛrati gbɛtɛ sugandi,e xɛtɛ e konyiyani Misiran yi.Koni i tan mi i mɛ e ra.Ala nan i tan nanaxan muxune mafeluma e yulubine ra.I diɲa, i kininkinin,i mi xɔlɔn xulɛn,i ya hinanna gbo. 18 E yi ɲinge di sawura wure daxin nafala e yɛtɛ xa,e naxa, ‘En ma Ala nan ito ra,naxan en naminixi Misiran yi.’E yi fala ɲaxine ti i ma. 19 Koni i ya kininkinin gbeeni,i mi e rabeɲin tonbonni.Kundaan lu nɛn e yɛɛ ra kiraan xɔn yanyin na,tɛ dɛgɛn yi lu e yɛɛ ra kɔɛɛn na. 20 I yi i ya Nii faɲin naso e yialogo a xa e xaran,i yi i ya Manna donseen so e yii,e nun igena,min xɔnla to e suxu. 21 I yi i yengi dɔxɔ e xɔn matonbonni ɲɛɛ tonge naanin,sese mi dasa e ma,e dugine mi kala,e sanne mi kusin. 22 I yamanane nun siyane so nɛn e yii,i yi e rabilinna yamanane birin sa e sagoni.E yi Xɛsibɔn mangan Sixɔn ma yamanan tongo e gbeen na,e nun Ogo a yamanana, Basan mangana. 23 I yi e diine rawuya ayialo sarene kore xɔnna ma,i yi e raso yamanani, i kɔlɔe benbane xa dɛnaxan ma fe yi. 24 E yixɛtɛne yi so mɛnni,e dɔxɔ na yamanani,i yi na yamanan muxune rayagi e yɛtagi,Kanan kaane, i yi e sa e sagoni,e mangane nun e yamanane muxune,alogo e xa e raba e waxɔnna ra. 25 E yi taa makantanxine tongoe nun bɔxɔ faɲina,e yi banxine tongonaxanye yi rafexi se faɲin sifan birin na,e nun xɔɲinne nun manpa binlenun oliwi binle nun wudi bogila wuyaxine,e yi e don, e yi lugo, e yi gbo,e yi lu hɛri gbeeni.” 26 “Koni, e keli nɛne yi murutɛ i xili ma.E yi e xun xanbi so i ya sariyane yi,e yi nabine faxa,naxanye yi e mabandunma i ma,e yi Ala rayelefu gbeene ti. 27 Nayi, i yi e sa e yaxune sagoni,ne yi e tɔrɔ.Koni e ɲaxankatan waxatini,e xui ramini nɛn i ma,i yi e xuiin namɛ kore xɔnna ma,i yi e yabi i ya kininkinin gbeeni,i yi e xunba muxune fi e ma,naxanye e ba e yaxune yii. 28 Koni, e xɔrɔyaan sɔtɔ nɛn tun,e mɔn yi fe ɲaxine liga fɔlɔ i yɛɛ ra.Nayi, i yi e rabeɲin e yaxune yii,e yi e nɔ.Koni, e mɔn yi e xui ramini i ma,i yi e xuiin namɛ kore xɔnna mai ya kininkinin gbeeni,i mɔn yi e rakisi sanɲa ma wuyaxi. 29 I yi e mabandun i ya sariyan ma,koni e yi findi wasodene ra,e mi e tuli mati i ya yamarine ra.E yi yulubin ligae i ya kiti saxine kala,anu naxan na e suxu,na kanna nii rakisin sɔtɔma nɛn e xɔn.E yi murutɛ,e tondi e tuli matiyɛ i tan na. 30 I ti nɛn e bun ma ɲɛɛ wuyaxi,i yi e rakolon i ya Nii Sariɲanxin na nabine xɔn,koni e mi e tuli mati.Nayi, i yi e sa e yamana gbɛtɛye sagoni. 31 I ya kininkinin gbeeni,i mi e raxɔri, i mi e rabeɲin,bayo Ala diɲaxi kininkininxin nan i tan na.” 32 “Iki, nxɔ Ala, Ala gbeena,sɛnbɛmana, i tan naxan magaxu,i tan naxan i ya layirin nakamalimai ya hinanni,fe xɔlɛn naxanye nxu sɔtɔxi,e nun nxɔ mangane nun nxɔ nabinenun nxɔ saraxaraline nun nxu benbane nun yamaan birin,i nama ne yatɛ fe fuune ra,sa fɔlɔ Asiriya mangane waxatin ma han to. 33 Feen naxanye birin nxu sɔtɔxi,i tan tinxin ne birin yi,bayo i ya lannayaan yita nɛn,koni nxu tan fe ɲaxin nan liga. 34 Nxɔ mangane nun nxɔ kuntiginenun nxɔ saraxaralinenun nxu benbane mi i ya sariyane suxu,e mi i ya yamarine suxu,e nun i ya maxadi xuine,i yi naxanye falama e xa. 35 E yi e yamananiwaxatin naxan yi hɛri gbeenii naxan so e yii,yamana sabatixi gbeenii naxan sa e sagoni,e mi i batu,e mi xɛtɛ e kɛwali ɲaxine fɔxɔ ra. 36 To, nxu bata findi konyine ra yamananii naxan so nxu benbane yiialogo e xa balo na bogiseene nun a se faɲine ra. 37 A seene bata findi mangane gbeene rai nxu saxi naxanye sagonimasɔtɔ nxu yulubine xɔn.Nxu nun nxɔ xuruseene bata lu e sagoni,nxu lu ɲaxankata gbeeni.”