Deuteronomy 27 (YAPE)

1 Me ga’ar Moses nge pi tayugang’ nu Israel ngak fapi girdi’, “Ngu’um folgad ko urngin e tin kugogned ngomed e daba’. 2 Re rran ni gimed ra th’ab fare lul ni Jordan ngam marod ngalan fare nam ni bayi pi’ SOMOL ni Got romed ngomed, e gimed ra n’uf u rom yu raba’ i malang nib ga’, mi gimed achey ko wech, 3 mi gimed yoloy nga daken e yugaf i malang ney urngin e pi motochiyel ney. Nap’an ni gimed ra thum’ ngalan fare nam ni bfel’ rogon ma ba yong’ol e but’ riy ni SOMOL ni fare Got rok e pi ga’ romed, e ke micheg ngomed. 4 Ma nap’an ni gimed ra thap nga ba’anem e Jordan, mi gimed n’uf e pi malang ney ngalang u daken fare Burey ni Ebal, ni bod ni gu be yog e daba’ ni ngam rin’ed, mi gimed plastarnag. 5 Mi gimed ubung ba altar u rom ko malang ni dab mu marweliyed nga ba talin e maruwel ni wasey, 6 ya gubin e altar ni gimed ra ubung ni fan ngak SOMOL ni Got romed e thingar ni fanay e malang ngay ndan puy. Arame gin ngam pi’ed riy fapi maligach ni mo’oruf, 7 ma ku aram e gin ngu’um ogniged mi gimed kay e pi maligach ney ni nge gapaseg thilmed Got, ma gimed be pining e magaer u p’eowchen SOMOL ni Got romed. 8 Mi gimed yoloy nib gagiyal gubin bug e thin u lane pi motochiyel rok Got nga daken fapi yu raba’ i malang ni kan plastarnag.” 9 Miki ga’ar Moses nge fapi Levi ni prist ngak urngin fapi girdi’ nu Israel, “Gimed e girdi’ nu Israel, mu th’abed gulungmed ngam motoyilgad ngomad. Daba’ e kam manged girdi’en SOMOL ni Got romed; 10 ere umfolgad rok mu um ayuweged urngin e motochiyel rok ni kug pi’ ngomed e daba’.” 11 Me ga’ar Moses ngak fapi girdi’ nu Israel, 12 “Nap’an ni gimed ra th’ab e Jordan nga ba’anem, ma ba’aray e pi ganong ni yad ra sak’iy nga daken e burey ni Gerizim u nap’an ni yibe yiblay e fel’wa’athan nga daken e girdi’ ni gubin: Simeon, Levi, Judah, Issakar, Josef, nge Benjamin. 13 Ma tin ba’aray e ganong e yad ra sak’iy nga daken e burey ni Ebal u nap’an ni yibe be’eg fapi buchwa’athan: Ruben, Gad, Asher, Zebulun, Dan, nge Naftali. 14 Ma girdi’ ko Levi e yad ra be’eg e pi thin ney nib ga’ lamrad: 15 “‘Nge bucheg Got wa’athan e en nra ngongliy ya’an ban’en ko malang, ara gek’iy, ara wasey ngi i tayfan nib mith; ba fanenikan SOMOL ni yima tayfan yug boch e got.’“Me fulweg e girdi’ ni gubin ni lungurad, ‘Amen!’ 16 “‘Nge bucheg Got wa’athan e en nra i dariyfannag e chitamngin ara chitinngin.’“Me fulweg e girdi’ ni gubin ni lungurad, ‘Amen!’ 17 “‘Nge bucheg Got wa’athan e en nra n’ag tagil’ e mathil rorow e en ni yow bbuguliyoror.’“Me fulweg e girdi’ ni gubin ni lungurad, ‘Amen!’ 18 “‘Nge bucheg Got wa’athan e en nra pow’iy be’ nib malmit u daken e kanawo’ nge sor ngabang.’“Me fulweg e girdi’ ni gubin ni lungurad, ‘Amen!’ 19 “‘Nge bucheg Got wa’athan e en nra sasalpiy mat’wun e pi milekag ni yad be par u fithik’med, nge pi’in kanim’ rorad, nge pi’in ke yim’ figirngirad.’“Me fulweg e girdi’ ni gubin ni lungurad, ‘Amen!’ 20 “‘Nge bucheg Got wa’athan e en ni yow ra par reb i le’engin e chitamngin ya be dariyfannag e chitamngin.’“Me fulweg e girdi’ ni gubin ni lungurad, ‘Amen!’ 21 “‘Nge bucheg Got wa’athan e en ni yow ra par ba gamanman.’“Me fulweg e girdi’ ni gubin ni lungurad, ‘Amen!’ 22 “‘Nge bucheg Got wa’athan e en ni yow ra par be’ ni bpin ni walagen, fa be’ ni bpin ni walagen nib thil e chitamangirow fa chitiningirow.’“Me fulweg e girdi’ ni gubin ni lungurad, ‘Amen!’ 23 “‘Nge bucheg Got wa’athan e en ni yow ra par e re bpin ni chitiningin e en nle’engin.’“Me fulweg e girdi’ ni gubin ni lungurad, ‘Amen!’ 24 “‘Nge bucheg Got wa’athan e en nra thang e fan rok be’ nib mith.’“Me fulweg e girdi’ ni gubin ni lungurad, ‘Amen!’ 25 “‘Nge bucheg Got wa’athan e en nra fek e salpiy ni fan e nge thang e pogofan rok be’ ndawori bucheg ban’en.’“Me fulweg e girdi’ ni gubin ni lungurad, ‘Amen!’ 26 “‘Nge bucheg Got wa’athan e en ndar fol u gubin e pi motochiyel rok Got nge urngin e tin i fil ngodad.’“Me fulweg e girdi’ ni gubin ni lungurad, ‘Amen!’

Deuteronomy 27 (YAPE)

In Other Versions