Ecclesiastes 7 (BONCB)

1 Ibizo elihle lingcono kulamakha amnandi,lelanga lokufa lingcono kulelanga lokuzalwa. 2 Kungcono ukuya endlini yesililokulokuya endlini yamadili,ngoba ukufa kuyisiphetho somuntu wonke;abaphilayo kabakunanzelele lokho. 3 Usizi lungcono kulokuhleka,ngoba ubuso obudanileyo buyayisiza inhliziyo. 4 Inhliziyo yabahlakaniphileyo isendlini yokulila,kodwa inhliziyo yeziwula isendlini yokuzithokozisa. 5 Kungcono ukulalela izixwayiso zomuntu ohlakaniphileyokulokulalela ingoma yeziwula. 6 Njengokuchachamba kwameva ngaphansi kwembiza,lunjalo uhleko lweziwula.Lokhu lakho kuyize. 7 Ukuqilibezela kwenza ohlakaniphileyo abe yisiwula,lesivalamlomo siyayona inhliziyo. 8 Isiphetho sendaba singcono kulokuqala kwayo,lokubekezela kungcono kulokuqinisa intamo. 9 Ungaphangisi ukufuthelana ngaphakathi,ngoba ulaka luhlezi lugonwe yiziwula. 10 Ungaze wathi, “Kungani insuku zayizolo zazingcono kulalezi?”Ngoba kakukuhle ukubuza imibuzo enjalo. 11 Ukuhlakanipha, njengelifa, kuyinto enhlenjalo kuyabasiza bonke abaphilayo. 12 Ukuhlakanipha kuyisiphephelonjengoba imali iyisiphephelo,kodwa ubungcono bolwazi yilobu:ukuthi ukuhlakanipha kuyayilondoloza impilo yalowo olakho. 13 Nakana ngalokho uNkulunkulu akwenzayo:Ngubani ongakuqondisalokho akwenze kwagoba na? 14 Ngezikhathi konke kukuhle, thokoza;kodwa ngezikhathi zobubi, cabanga ukuthi:uNkulunkulu ukwenzile lokhukanye lalokhuyana njalo.Ngakho-ke umuntu ngeke akwaziukuthi ikusasa lakhe lizakuba yini. 15 Kuyonale impilo yami eyize sengizibonile izinto lezi zombili:umuntu olungileyo uyafa elungile enjalo,lomuntu omubi uba lempilo enhle emubi enjalo. 16 Ungalungi wedlulise,futhi ungabi lokuhlakanipha okweqileyokambe uzibulalelani na? 17 Ungaxhwali okudlulisileyo,njalo ungabi yisiwulakambe ufelani singakafiki isikhathi sakho? 18 Kuhle ukuthi uthi ubambe lokhuungayekeli uphunyukwe ngokunye.Umuntu owesaba uNkulunkulu kedlulisi amalawulo. 19 Ukuhlakanipha kwenza umuntu ohlakaniphileyo oyedwa abe lamandlakulababusi abalitshumi edolobheni. 20 Akulamuntu loyedwa olungileyo emhlabeniowenza okulungileyo ongazake enze isono. 21 Ungaphiki ngokulalela wonke amazwi akhulunywa ngabantu,funa uzwe inceku yakho ikuthuka 22 ngoba uyakwazi enhliziyweni yakhoukuthi wena ngokwakho uyawubathuke abanye. 23 Konke lokhu ngakuhlolisisa ngokuhlakanipha ngathi,“Ngizimisele ukuhlakanipha”kodwa lokhu kwakungaphezu kwami. 24 Ukuhlakanipha okungabe kukhona,kukhatshana kakhulu njalo kuzikile kakhulu:ngubani ongakufinyelela na? 25 Ngasengibeka ingqondo yami ukuthi ngizwisise,ngidingisise njalo ngichwayisise ukuhlakanipha kanye lesimo sezintolokuzwisisa ubuphukuphuku bokuxhwalalobuhlanya lobuwula. 26 Ngibona ukuthi uyingozi eyedlula ukufaumfazi ongumjibila,onhliziyo yakhe iyisithiyonjalo ozandla zakhe zingamaketane.Indoda eyesaba uNkulunkulu izaphepha kuye,kodwa isigangi uzasihilela. 27 Uthi uMtshumayeli, “Khangela, nanku esengikunanzelele:Ngihlanganisa lokhu lalokhu ngizama ukubona isimo sezinto 28 ngilokhu ngisachwayisisakodwa ngingatholingafumanisa indoda eyodwa elungileyo kwabayinkulungwane,kodwa ngitsho loyedwa umfazi oqondileyo kubo. 29 Yilokhu kuphela esengikufumene:UNkulunkulu wamenza umuntu wabaqotho,kodwa abantu basuka bazenzele okwabo.”

Ecclesiastes 7 (BONCB)

In Other Versions