Ezekiel 30 (BONCB)

1 Ilizwi LIKATHIXO lafika kimi lisithi: 2 “Ndodana yomuntu, phrofetha uthi: ‘Nanku okutshiwo NGUTHIXO Wobukhosi:Lilani lithi,“Maye ngalolosuku!” 3 Ngoba usuku seluseduze,usuku LUKATHIXO seluseduzeusuku lwamayezi,isikhathi sokutshabalala kwezizwe. 4 Inkemba izakumelana leGibhithe,losizi luzakwehlela phezu kukaKhushi.Lapho ababuleweyo besiwa eGibhitheinotho yalo izathunjwalezisekelo zalo zidilizelwe phansi. 5 IKhushi lePhuthi, iLudi le-Arabhiya yonke, iLibhiya kanye labantu belizwe lesivumelwano bazabulawa ngenkemba ndawonye leGibhithe. 6 Nanku okutshiwo NGUTHIXO Wobukhosi:Abasekeli beGibhithe bazakufa,lamandla alo aziqhenyayo azaphela.Kusukela eMigidoli kusiya e-Asiwanibazakuwa ngenkemba phakathi kwalo,kutsho UTHIXO Wobukhosi. 7 Bazachithekaphakathi kwamazwe achithekileyo,njalo amadolobho aboazakuba phakathi kwamadolobho adiliziweyo. 8 Lapho-ke bazakwazi ukuthi mina NGINGUTHIXO,lapho sengithungela iGibhithe ngomlilolabasizi balo bonke sebeqothulwe. 9 Ngalolosuku izithunywa zizaphuma zisuka kimi ngemikhumbi ziyetshayisa iKhushi ngovalo, kuphele ukungazikhathazi kwalo. Bazakwehlelwa lusizi ngosuku lokutshabalala kweGibhithe, ngoba ngempela kuzafika. 10 Nanku okutshiwo NGUTHIXO Wobukhosi:Ngizawaqeda amaxuku aseGibhithengesandla sikaNebhukhadineza inkosi yaseBhabhiloni. 11 Yena lebutho lakhe, abalolunya olukhulu phakathi kwezizwe,bazalethwa ukuba bachithe ilizwe.Bazahwatsha izinkemba zabo ukuba bamelane leGibhithebagcwalise ilizwe ngababuleweyo. 12 Ngizakomisa izifula zeNayililelizwe ngilithengisele abantu ababi;ngesandla sabezizweni,ngizalichitha ilizwe, lakho konke okukulo.Mina THIXO sengikhulumile. 13 Nanku okutshiwo NGUTHIXO Wobukhosi:Ngizachitha izithombengiqede izifanekiso eMemfisi.Akusayikuba khona inkosana eGibhithe,njalo ngizaletha ukwesaba kulolonke ilizwe. 14 Ngizachitha iPhathrosi,ngithungele iZowani ngomlilo,besengiletha isijeziso phezu kweThebesi. 15 Ngizakwehlisela ulaka lwami phezu kwePhelusiyami,inqaba yaseGibhithe,ngiqede lamaxuku aseThebesi. 16 Ngizathungela iGibhithe ngomlilo;iPhelusiyami izajanqula ngobuhlungu.IThebesi izathunjwa ngesidumo esikhulu;iMemfisi izakuba sosizini olumiyo. 17 Amajaha aseHeliyopholisi leBhubhastisiazabulawa ngenkemba,lamadolobho wona ngokwawo azathunjwa. 18 EThahiphanesi imini izakuba mnyama,lapho ngisephula ijogwe leGibhithe;khonale-ke amandla alo aziqhenyayo azaphela.Azakwembeswa ngamayezi,njalo imizi yalo izakuya ekuthunjweni. 19 Ngokunjalo ngizakwehlisela isijeziso phezu kweGibhithe,njalo bazakwazi ukuthi mina NGINGUTHIXO.’ ” 20 Ngomnyaka wetshumi lanye, ngenyanga yakuqala ngosuku lwesikhombisa, ilizwi LIKATHIXO lafika kimi lisithi: 21 “Ndodana yomuntu, sengiyephule ingalo kaFaro inkosi yaseGibhithe. Kayibotshwanga ukuba iphole kumbe ifakwe uhlaka ukuze iqine okwanele ukuthi iphathe inkemba. 22 Ngakho-ke nanku okutshiwo NGUTHIXO Wobukhosi: Ngimelana loFaro inkosi yaseGibhithe. Ngizazephula zombili izingalo zakhe, eqinileyo kanye leyephukileyo, ngenze inkemba iwe esandleni sakhe. 23 Ngizachithela amaGibhithe phakathi kwezizwe ngiwahlakazele emazweni. 24 Ngizaqinisa izingalo zenkosi yaseBhabhiloni ngifake inkemba yami ezandleni zayo, kodwa izingalo zikaFaro ngizazephula, njalo uzabubula phambi kwayo njengomuntu olimale okokufa. 25 Ngizaqinisa izingalo zenkosi yaseBhabhiloni, kodwa izingalo zikaFaro zizakuba buthakathaka. Lapho-ke bazakwazi ukuthi mina NGINGUTHIXO lapho sengifaka inkemba yami esandleni senkosi yaseBhabhiloni layo isiyizunguza imelane leGibhithe. 26 Ngizachithela amaGibhithe phakathi kwezizwe ngiwahlakazele emazweni futhi. Lapho-ke azakwazi ukuthi mina NGINGUTHIXO.”

Ezekiel 30 (BONCB)

In Other Versions