Deuteronomy 32 (MAAL)
1 «ጫሪንጮንታ ሳዖንታ ታ ጋዓ ባኮ ዋይዙዋቴ፤ታ ጋዓ ባኮ ኮሺ ዋይዙዋቴ! 2 ታ ዔርዛ ባካ ዒርዚጉዲ ዋርቆንጎ፤ሃይሳኣ ታኣኮ ዖልኬጉዲ ፆዾንጎ፤ማኣቲዳ ፁባ ዒርዚጉዲ፥ባቃሊ ዑጋ ባቃሊዳኣ ዋርቃያጉዲ ማዖንጎ። 3 ታኣኒ ናንጊና ናንጋ ጎዳኮ ሱንፆ ዼጊዲ ኬኤዛንዳኔ፤ኑ ፆኦዛሢኮ ዼኤፑሞ ሄርሹዋቴ!» ጌዔኔ። 4 «ዒዚ ኑኡኮ ዋርዲዮ ሹጫሢኬ፤ማዻ ዒዛኮ ጌኤሺ ጎይፃኣ ዒዛኮ ፒዜኬ፤ዒዚ ዻቢንቱዋያ ጉሙርቂንታ ፆኦሲ፥ናንጊና ናንጋ ጎዳ ፒዜ፤ ሃሣ ኮሺ ማዔ ባኣዚ ማዻያኬ። 5 ዒንሢ ጉሙርቂንቱዋያ፥ ማኣዳ ባኣዚያባኣጎሜ ማዻያና ጌሻ ዓሲና ማዔሢሮዒዛ ዓሲ ማዓኒ ዒንሢ ዳንዳዓያቱዋሴ። 6 ዒንሢ ሃይ ዔኤያ፥ ሃሣ ማሊ ጶቂሡዋ ዴራ!ናንጊና ናንጋ ጎዳም ዒ ማዼ ባኮ ዛሎ ዒንሢ ማሃሢ ዬያዳ?ዒዚ ዒንሢ ማዤያ፥ ዒንሢኮ ዓዳሢቱዋዓዳ?ዒንሢ ዶዲሺ ዺቢ ዴሬ ማሄሢ ዒዛቱዋዓዳ?» 7 «ሚና ሚርጌ ሌዔኮ ቤርታማዺንቴ ባኮ ማሊ ጶቂሡዋቴ፤ዬያ ዛሎ ዒንሢኮ ዓዶንሢ ዖኦጩዋቴ፥ ዒንሢም ኬኤዛንዳኔ፤ጋርቾ ዓሶዋ ዖኦጩዋቴ ዔያታ ዒንሢም ኬኤዛንዳኔ። 8 ዼኤፖ ፆኦዛሢ ሳዖ ዴሮ ቢያም ዓጮ ጊሽኬ ዎዶናዱማ ዱማ ዜርፃ ናንጋንዳ ቤዞ ዱማሴ ዎዶናዒስራዔኤሌ ዓሳ ሚርጌ ጎይፆጉዴያፔ ዴሮ ዓጮኮ ዛጶ ዱማሲ ቆኦሬኔ። 9 ያይቆኦቤ ዜርፆ ዒ ፔ ዓሲ ማሂ ዶኦሬያኬ።» 10 «ዼኤፖ ዢባራ ዢባርሻ ዳውሎ ቦኦሎይዳዔኤቢያባኣ ጉሮ ቦኦሎይዳ ዓኣንቴ ዒ ዴንቂዔያቶኮ ጊቲማ ማዔኔ፤ ፑርታፓኣ ካፔኔ፤ዓኣፖኮ ካርፆማጉዲ ማሂ ዔያቶ ዒ ዛጌኔ። 11 ኮኦኬ ናኣቶ ባራንሢ ዔርዛኒማኣራፓ ኬሲ ዢባራ ሃሻዖ ዴማ ባራኒፔኤኮ ጋኣዞና ዓርቂ ዔካሢጉዲናንጊና ናንጋ ጎዳ ዒስራዔኤሌ ዬያይዲ ባይሲንታፓ ካፔኔ። 12 ናንጊና ናንጋ ጎዳ ሜሌ ዓይጎ ፆኦሲኮዋማኣዶ ኮዑዋዖዴሮ ፔኤሮ ዔኪ ዴንዴኔ። 13 «ሳዖኮ ዼጌ ቤዞይዳ ዴዒ ዎይሣንዳጉዲጎዣ ካፄም ሃኣኮ ዒንሢ ዒ ሙኡዜኔ፤ዼኤፖ ዼኤፖ ሹጮይዳ ዔኤሴ ዑታሢ ዒንሢም ዒንጌኔ፤ቃንፆ ሌሊ ማዔ ሳዖይዳ ባቃሌ ሪሚቶዋ ዒ ዓኣፒሴኔ። 14 ዒንሢኮ ባኣቶንታ ዋኣሮንታ ቢያሚርጌ ማኣፃያ ዒ ማሄኔ፤ኮሺ ኮሺ ማዔ ባይንታ ማራይንታዋኣሪንታ ቆላኒዬያጉዲ ሃሣ ቃራ ማዔ ዛርጎናሱጉሢጉዲ ዞቄ ማዔ ቃሮ ዎይኖ ዑዦዋዒንሢ ዑሽኬኔ» ጌዔኔ። 15 «ናንጊና ናንጋ ጎዳኮ ዴራ ሚርጌና ዖርጎጬኔ፤ዖርጎጬ ጎይፆጉዴያ ዋይዚ ዒፃያ ማዔኔ፤ዑፃ ዒንሢኮ ማሌኔ፤ሚርጌ ዒንሢ ሙዓሢሮዋ ዲጬኔ፤ዒንሢ ማዤ፥ ናንጊና ናንጋ ጎዳሢያ ዒንሢ ሃሼኔ፤ዋርዲዮ ሹጮ ማዒ ዒንሢ ማኣዳሢያ ዒንሢ ቦሄኔ። 16 ዒንሢ ሜሌ ፆኦዞ ካኣሽኪፆናናንጊና ናንጋ ጎዳ ዻጋሳኒ ጌኤሲ ማዤኔ፤ዒንሢ ማዻ ፑርቶ ማዾና ቢያ ዒዛ ዒንሢ ዻጋሴኔ። 17 ሃያኮ ቤርታ ዒንሢ ዔሩዋያ፥ሃሢ ዑኬ ሙኬያ፥ ፆኦሲቱዋያ ማዔፑርቶ ዓያኖምቤርታኣ ዓዶንሢ ዒንሢኮ ካኣሽኪባኣ ፆኦዞምሚቺ ዒንጎ ዒንጊሢ ዒንሢ ሺኢሼኔ። 18 ዒንሢኮ ዓዶ ማዔ ፆኦዛሢ‹ዔሩዋሴ› ዒንሢ ጌዔኔ፤ዒንሢ ማዤ፥ ፆኦዛሢ ዒንሢ ዋሌኔ።» 19 «ናንጊና ናንጋ ጎዳ ዬያ ዛጋዖ ዻጋዼኔ፤ዒዛኮ ዓቲንቆና ዉዱሮ ናኣቶ ማዔዞንሢዒዚ ዒፂ ሃሼኔ። 20 ናንጊና ናንጋ ጎዳ፦ ‹ሃካፓ ሴካ ታ ዒንሢ ማኣዳዓኬ፤ዒንሢ ጋፒንፆ ሄላንዳኣና ዎዎይታቴያ ታ ዛጋንዳኔ፤ዒንሢ ዎቦ ሾይንቲኬ፤ጉሙርቂንታ ዓሲያቱዋሴ።› 21 ሜሌ ፆኦዞ ዒንሢ ካኣሽኪታና ዻጋሳኒ ጌኤሲ ማዤኔ፤ማኣዱዋ ፆኦዞ ካኣሽኪ ታና ዒንሢ ዻጋሴኔ፤ታኣኒያ ዒንሢ ቦሂንቴ ዴሬ ዛላና‹ዎይቲ ዔያታ ያኣዼ ማዔይ?› ጌይሲሳንዳኔ፤ማሊሢባኣ ዴሬ ዛላናታ ዒንሢ ዻጋሳንዳኔ። 22 ታኣኮ ዻጋ ታሚጉዲ ዔኤቲሳዖንታ ሳዓ ካፂሳ ሃኣኮንታ ቢያ ሚቻንዳኔ፤ዬይ ሚቺፃ ሳዖኮ ዴሞ ኬዲ ሄላንዳኔ፤ዹኮኮዋ ፃጶ ሄላንዳኣና ሚቻንዳኔ።» 23 «ዒንሢዳ ዎዻ ዶርዖ ቃሲ ቃሲ ታ ዳካንዳኔ፤ታኣኮ ሂኢዦ ዒንሢ ዱኪ ታ ኩርሳንዳኔ። 24 ዎዺ ኩርሳንዳ ናይዚ ታ ዳካንዳኔ፤ዱማ ዱማ ዎዻ ዶርዖና ዒንሢ ኩዳንዳኔ፤ዱማ ዱማ ዻዓ ቦዖንታዻይ ዎዎዻ ሾኦሺያ ታ ዒንሢዳ ዳካንዳኔ። 25 ናኣታ ዒንሢኮ ኬስኬ ቤዞይዳ ቢያዖልዚ ዔያቶ ኩርሳንዳኔ፤ጋሮይዳ ዒንሢ ዓኣቴያዒጊቹሞ ዒንሢዳ ጌላንዳኔ፤ዼጌ ዓቲንቆንታ ዉዱራሢንታዻኮ ናኣቶታቴያ ጋርቻኣ ዓቱዋዖ ኩዳንዳኔ። 26 ታኣኒ ጋፒሲ ዒንሢ ባይዛንዳኔ፤ዬካፓ ዒንሢ ጶቂሣንዳ ዓሲያ ባኣሴ፤ 27 ጋዓንቴ ዒንሢኮ ሞርካ‹ኑ ባሼያፓዓቴም ናንጊና ናንጋ ጎዳቱዋሴ ባሼሢ› ጌዒዖቶርቂ ጌስታንዳኔ ጌዒ ታ ዓልታኔ።» 28 «ዒንሢ ዒስራዔኤሌ ዓሳ ዒናባኣ ዓሲኬ፤ዒንሢ ማሊ ጶቂሣ ዓሲቱዋሴ። 29 ማሊ ጶቂሣ ዓሲ ዒንሢ ዎንዴ ማዔቴዬያ ዒንሢ ጶቂሤያ ናንዳኔ፤ጋፒንፃ ዒንሢኮ ዓይጎ ማዓንዳቴያዒንሢ ዔራንዳያታንቴኬ፤ 30 ዒንሢ ማዤሢ ዓኣሢ ዒንጊባኣያታንቴዒንሢኮ ፆኦሲ ዒንሢ ሃሺባኣያታንቴዎይቲ ፔቴ ዓሲ ሺያ ዓሲ ዳውሳይ?ላምዓ ዎይቲ ታጶ ሺያ ዓሲ ዳውሳይ? 31 ኑ ሞርካኣ ‹ጎኔኬ› ጋዓሢጉዲዔያቶ ፆኦሲ ኑ ፆኦሲጉዲቱዋሴ። 32 ኑኡኮ ሞርካ ሶዶሜና ጋሞራ ዓሶናጉዲ ዒኢቴያኬ፤ዬያሮ ዔያታ ጫንቃያ ሃሣዓሲ ዎዎዻ ዎይኔ ዓኣፒጉዴያኬ። 33 ዔያቶኮ ዎይና ዻይ ዎዎዻ ሾኦሺፑርታ ዶርባ ጉዴያኬ።» 34 «ኑኡኮ ሞርካ ማዼ ዻቢንቶ፥ናንጊና ናንጋ ጎዳ ዔሪ ፃኣፒ ዓርቂ ዓኣኔ። 35 ናንጊና ናንጋ ጎዳ ዬያ ኮሞ ዔኪሮዔያቶይዳ ሜቶ ዓጋንዳኔ፤ዔያቶኮ ባይሲንቶ ኬላ ሄሌሢሮዹቂንቲ ኔጉዋዖ ዔያታ ባይቃንዳኔ። 36 ዒዛኮ ዓይላ ዎልቄ ባይቄሢ ዛጋዖናንጊና ናንጋ ጎዳ ዔያቶ ሚጪንታንዳኔ፤ካራሚቱዋኣሢንታ ካራማሢንታ ዱማሱዋዖናንጊና ናንጋ ጎዳ ፔ ዴሮም ዎጋንዳኔ። 37 ናንጊና ናንጋ ጎዳ ፔ ዴሮ‹ዒንሢ ጉሙርቃ ፆኦዛ ዒንሢኮ ዎካ ዓኣይ?ዒንሢኮ ዋርዲዮ ሹጮ ማሂዒንሢ ጉሙርቄ ፆኦዛ ዒንሢኮ ዓንካዳይ?› 38 ‹ዒንሢ ሚቺ ዒንጌ ባኮኮ ማሎ ሙዔዎይኖ ዑዦ ዒንሢኮ ዑሽኬ ፆኦዛሂንዳ ሙኪ ዒንሢ ዔያታ ማኣዶንጎ፤ዔያታ ዒንሢኮ ዋርዲዮ ሹጮ ማዖንጎ!› » 39 «ፆኦሲ ታና ሌሊታሢ ዔሩዋቴ፤ታ ጊዳፓዓቴም ሜሌ ፆኦሲ ባኣሴ፤ዎዻይያ፥ ሼምፖ ዒንጋያኣ ታናኬ፤ታ ሜንሢ ኪፃሳኔ፤ ጊንሣ ታ ፓሣኔ፤ዬያ ታና ላኣጋይ ዖኦኒያ ባኣሴ። 40 ኩጮ ታኣኮ ታ ሌካ ዔቂሲሂዚ ጌይ ታ ጫኣቃንዳኔ፦ ‹ታኣኒ ናንጊና ታናኬ፤ 41 ፖፖዓ ጬንቾ ዓፓሮ ታኣኮ ታ ዋርቃንዳኔ፤ፒዜ ዎጌ ዎጋኒ ዬያ ታ ዳካንዳኔ፤ታኣኮ ሞርኮ ኮሜ ታ ኮፃንዳኔ፤ታና ዒፃ ዓሶም ኮይሳ ባኮ ታ ዒንጋንዳኔ። 42 ዎዺንቴሢንታ ዲዒንቴ ሞርኮንታኮ ሱኡጎ ቶኦኮ ሱጉፆታ ዓኣዞ ታ ዑሺ ማሢሳንዳኔ፤ጬንቾ ዓፓራ ታኣኮ ሞርኮ ዓሽኮ ቲቃንዳኔ።›» 43 «ዓሲዮቴ! ናንጊና ናንጋ ጎዳ ዒዛም ማዻ ዓሶኮሱጉፆ ኮሞ ማሃንዳኔ፤ፔኤኮ ሞርኮ ኮማንዳኔ፤ዒዛ ዒፃ ዓሶይዳ ሜቶ ዓጊፔ ዴሮኮ ጎሞ ጌኤሻንዳኔ፤ሳዖኮ ዒኢቲፆዋ ሻቲንሣንዳኔ፤ዬያሮ ዒዛ ዴሮና ዎላ ዎዛዹዋቴ።» 44 ሙሴና ኔዊ ናኣዚ ዒያሱና ዴራ ዋይዛንዳጉዲ ዬያ ዓይኑሞ ናባቤኔ። 45 ሙሴ ዬያ ባኮ ቢያ ዴሮ ዋይዚሲ ጋፒሴስካፓ፦ 46 «ሃያ ዎጎይዳ ኬኤዚንቴ ባኮ ቢያ ዛጊ ካፓንዳጉዲ ናኣቶም ዒንሢኮ ዒንሢ ዔርዛኒ ሃኖ ታኣኒ ዒንሢም ኬኤዜ ባኮ ቢያ ዒና ዔኩዋቴ። 47 ሃይ ዎላ ካንሢ ጉሪ ጌጌስቶና ባኣዚቱዋሴ፤ ዬይ ዒንሢ ናንጎኮ ፃጲ ማዓ ባኣዚታሢሮ ዬያ ጌይንቴ ባኮ ዓይሢንቲ ማዻያ ማዑዋቴ፤ ዒንሢ ዬያይዴቴ ዮርዳኖሴ ዎሮና ፒንቂ ዒንሢ ዻካላንዳ ዓጬሎይዳ ሚርጌ ዎዴ ናንጋዳኔ» ጌዔኔ። 48 ዬኖ ዓቦ ናንጊና ናንጋ ጎዳ ሙሴም፦ 49 «ሞዓኣቤ ዓጮይዳ ዒያርኮ ካታሞኮ ቤርቶ ዛላ ዓኣ ዓባሪሜ ዹኮ ጌይንታዞንሢዳፓ ፔቴ ኔቦ ጌይንታ ዹካሢ ኬስኬ፤ ዒኢካ ዔቂ ዒስራዔኤሌ ዴሮም ታ ዻካልሳንዳ ካኣናኔ ዓጮ ሃኬና ዛጌ፤ 50 ኔ ጌርሲ ዓኣሮኔ ሆኦሬ ዹኮይዳ ሃይቂ ፔ ዒጊኖ ባንሢ ዴንዴሢጉዲ ኔኤኒ ዬኖ ኔቦ ዹኬሎይዳ ሃይቂ ኔ ዒጊኖ ባንሢ ዴንዳንዳኔ። 51 ዓይጎሮ ጌዔቴ ዒንሢ ላምዓሢ ዒስራዔኤሌ ዴሮ ቤርታ ታኣም ጉሙርቂንታያ ማዒባኣሢሮ፤ ሃሣ ዓሲ ናንጉዋ ፂኢኔ ዳውሎይዳ ቃዴሴ ካታሞ ኮይላ ዓኣ ሜሪባ ጌይንታ ዋኣፃ ዓልቃ ቤዞ ኮይላ ዒስራዔኤሌ ዴሮ ቤርታ ታና ዒንሢ ቦንቺሲባኣሢሮኬ። 52 ኔኤኒ ሃኬ ዔቂ ዓጬሎ ዛጋንዳኔ፤ ጋዓንቴ ዒስራዔኤሌ ናኣቶ ታኣኒ ዻካልሳ ዬኖ ዓጬሎ ኔ ጌላዓኬ» ጌዔኔ።
In Other Versions
Deuteronomy 32 in the ANTPNG2D
Deuteronomy 32 in the BNTABOOT
Deuteronomy 32 in the BOHNTLTAL
Deuteronomy 32 in the BOILNTAP
Deuteronomy 32 in the KBT1ETNIK
Deuteronomy 32 in the TBIAOTANT