Jeremiah 20 (MAAL)
1 ጌኤዦ ማኣሮኮ ሱኡጌ ማዒ ዎይሣ፥ ዒሜሬ ናኣዚ፥ ፓሽሁሬ ጌይንታ ቄኤሴስኬይ ዬያ ዋይዛዖ፥ 2 ታና ዓርቂ ዓሳ ጳርቃንዳጉዲ ዓይሤኔ፤ ጌኤዦ ማኣሮኮ ኬዶ ዛሎና ዓኣ፥ ቢኢኒያሜ ማርሾ ካሮይዳ ቶኮ ታኣኮ ዱፄና ቱኪሴኔ። 3 ዚሮ ጉቴሎ ዬያይዲ ታና ዒ ቱኪሴ ዱፃሢዳፓ ቡላዛ ታኣኒ ዒዛም፦ «ሃይካፓ ሴካ ናንጊና ናንጋ ጎዳ ኔኤኮ ሱንፆ ፓሽሁሬ ጌይ ዔኤላዓኬ፤ ኔኤም ናንጊና ናንጋ ጎዳ ጌሤ ሱንፃ ‹ቢያ ቤስካ ሜቶ ማዣ ሂርጊሻ› ጋዓያኬ። 4 ናንጊና ናንጋ ጎዳ ፔ ቶኦኪና ሂዚ ጌዔኔ፦ ‹ኔናንታ ኔ ላጎንታም ሂርጊሻ ሜቶ ማዣ ዓሲ ታ ኔና ማሃኒኬ፤ ዔያታ ቢያ ፔኤኮ ሞርኮኮ ዓራፖና ሃይቃንቴ ኔ ዛጋንዳኔ፤ ዪሁዳ ዴሮ ቢያ ባብሎኔ ካኣቲ ዴማ ታ ዎይሣንዳኔ፤ ዒዚ ዛሎ ዔያቶኮ ቱኡሲ ዓሲ ማሂ ዲዒ ዔኪ ባብሎኔ ዓኣዻንዳኔ፤ ዛሎ ዒዚ ሃይካ ዎዎዻንዳኔ። 5 ዬያጉዲ ዔያቶኮ ሞርካ ሃኖ ካታሞ ቆሎ ቢያ ቡራንዳጉዲ፥ ዒዛ ቆሊ ዴንቄ ባኮዋ ጋኣዚ ዔኪ፤ ዪሁዳ ካኣቶኮ ዱማ ቆልዓይዳ ቡኩሲ ጌሦና ኮዦ ባኮዋ ዓይሱዋዖ ፒፂ ዔኪ ባብሎኔ ዴንዳንዳጉዲ ታ ማሃንዳኔ። 6 ፓሽሁሬ! ኔናንታ ኔ ማኣሮ ዓሶንታ ቢያ ዲዒንቲ ባብሎኔ ዴንዳንዳኔ፤ ሉኡዙሞና ኔ ዔያቶም ዦኦቄ ዓሶንታ ዎላ ቢያ ዒኢካ ኔ ሃይቂ ዱኡታንዳኔ›» ጌዔኔ። 7 ናንጊና ናንጋ ጎዳሢዮ! ኔ ታና ጌሼኔ፤ታኣኒያ ጌሺንቴኔ፤ኔኤኒ ታጊዳፓ ዶዳያ ማዔኔ፤ዎልቃ ኔኤኮ ታጊዳፓ ዑሣ ዓኣዼ ማይ ባሼኔ፤ዓሲ ቢያ ኬሊ ታና ሚኢጪ ዓማላያ ማዔኔ። 8 ታኣኒ ኬኤዛ ዎዶና ቢያታኣኒ ኬኤዛሢ ፑርቱሞና ባይሲንታና ዛላኬ፤ናንጊና ናንጋ ጎዳሢዮ! ኔኤኒ ታና ዓይሤ፥ ኔ ማሊፆ ታ ኬኤዚፆናታኣኒ ቢያ ዎዴ ጫሽኪንታኔ፤ ዓሲኮ ዓማሊ ታ ማዔኔ። 9 ጋዓንቴ ታኣኒ፦ «ሃካፓ ሴካ ናንጊና ናንጋ ጎዳ ማሊ ጶቂሣዓ፤ዒዛ ሱንፆና ዔኤቢ ኬኤዛዓ ጋዓኒ ማላዛ፥ዒዛይዳፓ ታኣም ዳኪንቴ ዒዛ ማሊፆ ቃኣላታኣኮ ዒኖይዳ ታሚጉዲ ዔኤታኔ፤ታኣኮ ሜጌፆ ጋራኣ ሙርቁንሢጉዲ ታና ሙዓኔ።ታ ዒና ታኣኒ ዓኣቺ ዓርቃኒ ኮዓዛዱኡኪ ታ ቃዛኒ ዳንዳዒባኣሴ።» 10 ሚርጌ ዓሲ ዒጊጪ ሂዚ ጌይ ካሽካሻንቴ ታ ዋይዜኔ፦«ሃሢ ዔርሚያሴ ዎጎና ዓይሢሳኒ ቃራ ካራ ጴዼኔ!»ታኣኮ ዒጊኖኬ ታኣኒ ጋዓ ዓሳታዖ ታኣኒ ዻቢንቲ ማዾ ማዻንዳጉዲ ካፒ ዓኣኔ፤«ዔርሚያሴ ኑ ጌሻኒ ዳንዳዓንዳኣ ናንዳኔ፤ ያዺ ማዔቴ ዒዛ ኑ ዓርቂ ኮሞ ኮፃንዳኔ» ጋዓኔ። 11 ናንጊና ናንጋ ጎዳ ጋዓንቴ ዔርቴ ፖኦሊሴ ማዒ ታ ኮይላ ዓኣኔ፤ዬያሮ ታና ዳውሳ ዓሳ ሜቶይዳ ኬዲ ዎልቄ ባይቂሢና ሎኦማንዳኔ።ዔያታ ሎኦማ ዎዶና ፑርታ ዻውሲንታንዳኔ፤ዔያቶኮ ዬይ ዻውሲንታ ሚርጌ ዎዴ ባይቁዋያ ማዒ ዴዓንዳኔ። 12 ቢያ ባኮ ማዤ ጎዳሢዮ!ፂላሢ ኔኤኒ ዛጊ ጎኔ ማዔሢ ዔራኔ፤ዒኖይዳ ዓኣሺንቲ ዓኣ ማሊፆዋ ኮጲሲ ኔ ዴንቃኔ፤ታኣኒ ኔኤም ዒላቶ ሺኢሻኔ፤ዬያሮ ታኣኮ ሞርኮ ኔኤኒ ኮሚ ማዻ ባኮ ታና ዛጊሴ። 13 ናንጊና ናንጋ ጎዳም ዓይናዹዋቴ!ዒዛ ጋላቱዋቴ!ዒዚ ሜታዼ ዓሶ ፑርቶ ዓሶ ኩጫፓ ቶሊሲ ዓውሳኔ። 14 ታኣኒ ሾይንቴ ኬሌላ ጋዳንቂንቴያ ማዖም!ታኣኮ ዒንዳ ታና ሾዔ ኬላ ዓንጂንቴያ ማዖፓ! 15 ታኣኮ ዓዶ ኮይላ፦ «ዓቲንቄ ናይ ኔኤም ሾይንቴኔ ዎዛዼ!»ጌዒ ሃይሶ ኬኤዜሢ ጋዳንቂንቴያ ማዖም! 16 ናንጊና ናንጋ ጎዳ ሚጪንቲሢባኣያና ዶይሲ ባይዚ ኩርሴ ካታሞጉዲ ዬይ ዓሢ ማዒ ዓቶንጎ፤ጉቶና ዒላቲ ዑኡሲ ዒ ዋይዞንጎ፤ዓባ ዹኡቃኣና ሃሣ ዖልዚ ሃይሴና ካራ ባይቂ ሜታዾንጎ። 17 ዬይ ታኣኮ ዱኡፒ ቤሲ ማዓንዳጉዲ ታ ዒንዶ ጎጳ ዓኣንቴ ታና ኔ ዎዎዼቴ ዓይጎ!ታ ዒንዶኮ ጎጳ ቢያ ዎዴ ያዺ ዼኤፔ ጎይሣ ዴዴዓንዳንቴኬ። 18 ዖዪሢና ላቢሢና ዛጋኒታኣኒ ናንጋ ዎዶ ቢያ ቦርሲንቲና ኩርሳኒታ ዒንዶ ጎጳፓ ታኣኒ ዓይጋ ሾይንቴይ?