Romans 8 (MNT)

1 ዓካሪ ሃሢ ዬሱስ ኪሪስቶሴና ፔቱሞ ዓኣዞንሢ ናንጊና ፑርታ ዎጌና ዎጊሳ ባኣዚ'' ባኣሴ። 2 ዓይጎሮ ጌዔቴ ዬሱስ ኪሪስቶሴ ዛሎ''ና ናንጊ ዒንጋ ዓያና ጌኤሺ ዎጌ፦ ጎሜና ሓይቢ ዎጌናኮ ዓይላቶይዳፓ ታና ኬሴ''ኔ። 3 ዓሲኮ ላቤ'' ማሊፆይዳፓ ዔቄያና ዎጋ'' ኑና ፂሊ''ሳኒ ዳንዳዒባኣታንቴ ፆኦሲ ማዼኔ፤ ፆኦሲ ፔ ናዖ ኑና ጎሞ ዓሶ ማሊሲ ኑ ጎሞ ዛሎ'' ዳኪ ኑኡኮ ጎሞ ማሊፆ ናንጊና ዎጊ ባይዜኔ። 4 ዬያ ዒ ማዼሢ ዓሲ ማሊሢናቱዋንቴ ዓያና ማሊሢና ሃንታ ዓሶ፥ ኑጊዳ ፒዜ ማዔ ዎጎ ዓይሢፃ ማዺንቲ ኩማንዳጉዲኬ። 5 ዓሲ ማሊሢና ናንጋዞንሢ፦ ዓሲ ባኣዚ''፤ ዓያና ማሊሢና ናንጋዞንሢ ጋዓንቴ ዓያና ባኣዚ'' ማላኔ። 6 ዓሲ ባኣዚ'' ማሊሢ ሓይቢ ዔኪ ሙካኔ፤ ዓያና ባኣዚ'' ማሊሢ ጋዓንቴ ሼምፖና ኮሹሞና ዒንጋኔ። 7 ዓይጎሮ ጌዔቴ ዓሲ ባኣዚ'' ዛላ ማላ ዓሲ ፆኦሲ ዎጌም ዓይሢንቱዋያ ሓሣ ዓይሢንታኒያ ዳንዳዑዋያ፥ ፆኦሲኮ ሞርኬ ማዓኔ። 8 ዓሲ ማሊሢ ማሊ ሃንታዞንሢ ፆኦሲ ዎዛሳኒ ዳንዳዑዋሴ። 9 ዒንሢ ጋዓንቴ ፆኦሲኮ ዓያና'' ዒንሢዳ ዓኣቶ ዓያናና ማዓንዳፓዓቴም ዓሲ ማሊሢና ዒንሢ ናንጋዓኬ፤ ኪሪስቶሴ ዓያና'' ባኣ ዓሲ ኪሪስቶሴ ዓሲቱዋሴ። 10 ኪሪስቶሴ ዒንሢ ጋራ ማዔቴ፥ ዎዚ ዒንሢኮ ዑፃ ጎሜ ዛላና ሓይቃያ ማዔቴያ ፆኦሲ ዒንሢ ፂሊ''ሴሢሮ ዓያና'' ዒንሢኮ ናንጊና ናንጋያኬ፤ 11 ዬሱሴ ሓይባ''ፓ ዔቂሴ፥ ፆኦሲ ዓያና'' ዒንሢዳ ዓኣቶ ዬሱስ ኪሪስቶሴ ሓይባ''ፓ ዔቂሴ፥ ፆኦዛሢ ዒንሢዳ ናንጋ ዓያኖ ዛሎ''ና ዒንሢኮ ሓይቃ ዑፆም ሼምፖ ዒንጋንዳኔ። 12 ዬያሮ ታ ዒሾንሦ! ታ ሚሾንሦ! ኑኡኒ ናንጋኒ ኮይሳ ጎይሢ ዓኣኔ፤ ዬና ኮይሳ ጎይፄላ ዓሲ ማሊሢና ኑ ናንጋንዳጉዲቱዋሴ። 13 ዓሲ ማሊሢ ማሊ ዒንሢ ናንጋያታቴ ሓይቃንዳኔ፤ ዓያና ጌኤሺ ዎልቄና ዓሲ ማሊሢ ማዾ ዒንሢ ባሼቴ ጋዓንቴ ሼምፖና ዒንሢ ናንጋንዳኔ። 14 ፆኦሲ ዓያና ዓይሣ ጎይፆ ዓኣዻዞንሢ ቢያ ፆኦሲ ናይኬ። 15 ዬያሮ «ዓዴ» ጌይ ዒንሢ ዔኤላ''ንዳ ፆኦሲ ናይ ማሃ ዓያና ዒንሢ ዔኬኔ፤ ጊንሣ ዒጊቹሞና ናንጋኒ ካራሙሞ ዓያና ዒንሢ ዔኪባኣሴ። 16 ፆኦሲ ዓያና'' ኑ ዓያኖና ዎላ'' ማዒ ፆኦሲ ናይ ኑኡኮ ማዒፆ ኑም ማርካዻኔ። 17 ዓካሪ ኑኡኒ ፆኦሲ ናይ ማዔያታቴ ኪሪስቶሴና ዎላ'' ዬያ ሃጊ ማዓንዳ ዎዞ'' ቢያ ኑ ዴንቃንዳኔ፤ ሓሢ ኑ ኪሪስቶሴ ሜታዼ ሜቶ'' ዔካያ ማዔቴ ሃጊ ዒዛና ዎላ'' ኑ ቦንቺንታንዳኔ። 18 ኑኡኮ ሓሣኣ ዎዶ'' ሜታሢ' ሃጊ ኑም ጴዻንዳ ቦንቾና ዎላ'' ቤቂሦዛ ኮሺ'' ዻካኬ ታ ጋዓኔ። 19 ማዢንታ ቢያ ፆኦሲኮ ናኣታ'' ፔጋዺ ጴዻንዳሢ ዼኤፒ ማሊሢ ጌሢ ካፓኔ። 20 ማዢንታ ቢያ ዔኤቢ ፓሡዋ ባኣዚ'' ማዓንዳጉዲ ናንጊና ዔያቶይዳ ዎጊንቴኔ፤ ዬይያ፦ ማዢንታ ፔ ማሊሢናቱዋንቴ ፆኦሲ ማሊሢና ማዔኔ፤ ማዔቴያ ዬይ ሓጊ ማዓንዳ ዎዛ'' ዔያቶም ዓኣኔ፤ 21 ዬይ ሃጊ ማዓንዳ ዎዛ'' ማዢንታ ፔ ቶኦኪና ባይሲንታ ካራሙሞይዳፓ ኬስኪ፥ ፆኦሲ ናኣቶ''ና ዎላ'' ካራሙሞ ባኣያ ቦንቾ ናንጊ ናንጋንዳጉዲኬ። 22 ማዢንታ ቢያ ሓኖ'' ሄላ''ንዳኣና ሾይቺ ባኒሢ ሜታሳ ሜቶጉዴያና ሜታዺሢዳ ዓኣሢ ኑ ዔራኔ። 23 ጋዓንቴ ሜታዺፆይዳ ዓኣሢ ማዢንቶ ሌሊቱዋንቴ ቤርታዺ ዓያኖ ጌኤዣ ዒንጊንቴም ዔኬ ዓሳ፥ ኑኡኒያ ፆኦሲ ናይ ማዔሢ ዒዚ ፔጋሳንዳ ኬሎ'' ሃጊ ማዓንዳ ዎዛና ካፒ ካፒ ኑኡኮ ጋሮ ማሊፆና ኑ ሜታዺሢዳ ዓኣኔ፤ ዬካፓ ኑኡኮ ዓይሌ'' ማዒፃ ዓታንዳኔ። 24 ዓይጎሮ ጌዔቴ ኑኡኒ ዻቄሢ ዬያ ሃጊ ማዓንዳ ዎዞ''ናኬ። ጋዓንቴ ዬይ ዎዛ ኑ ማሄ ባካ ጴዻ ባኣዚ'' ማዔቴ ሃጊ ማዓንዳ ዎዛ'' ዎዛ ማዒፃ ዓቴ''ኔ ጌይሢኬ፤ ጴዻ ባኣዚ'' ዖኦኒ «ሃጊ ማዓንዳ ዎዛኬ» ጋዓንዳይ? 25 ጴዹዋ ባኣዚ'' ሃጊ ማዓንዳ ዎዛ ኑ ማሃያ ማዔቶ ጊቢ'' ዳንዳዓሢና ኑ ካፓንዳኔ። 26 ዎያይዲ ሺኢቃኒ ኑም ኮይሳቴያ ኑ ዔሩዋኣሢሮ ዓያና ጌኤሺ ኑ ላቤ'' ዎዶ''ና ኑና ማኣዳ''ኔ፤ ጊንሣ ሓሣ ሓያኬ ጌይ ኬኤዚንቱዋ ጎይሢና ሜታዺ ማሊ ኑ ሺኢጲፆ ፆኦሲም ሺኢሻኔ። 27 ዓሲኮ ዒና ዴንቃ ፆኦሲ፥ ዓያኖ ጌኤዦኮ ማሊፃ ዓይጎ ማዔቴያ ዔራኔ፤ ዎይቲ ጌዔቴ ዓያኖ ጌኤዣ ፆኦሲም ዱማዼ ዓሶኮ ሺኢጲፆ ፆኦሲም ሺኢሻሢ ፆኦሲ ማሊፆጉዴያታሢሮኬ። 28 ፆኦሲ ዒዛ ናሽካዞንሢና ዒዛኮ ማሊፆጉዴያ ዔኤሊ''ንቴ ዓሶም ፆኦሲ ቢያ ባኣዚ'' ኮይሳያ ማሂ ማዻሢ ኑ ዔራኔ። 29 ዓይጎሮ ጌዔቴ ፆኦሲ ናዓሢ ሚርጌ ጌርሲንሢኮ ባኣካ'' ቶይዲ ማዓንዳጉዲ ፆኦሲ ቤርታዺ ዶኦሬዞንሢ ዒዛኮ ናዓሢ ማላንዳጉዲ ጌዔሢሮኬ። 30 ቤርታዺ ዒዚ ማሌዞንሢ ዔኤሌ''ኔ፤ ዔኤሌ''ዞንሢ ሃሣ ፂሎ'' ማሂ ዛጌኔ፤ ፂሎ'' ማሂ ዒ ዛጌዞንሢ ቦንቺሴኔ። 31 ዓካሪ ሃያ ባኮ ዛሎ'' ኑ ዎዚ ጎዖንዶይ? ፆኦሲ ኑኡና ዎላ'' ማዔቴ ዖ ኑና ዒፂ ማካኒ ዳንዳዓይ? 32 ፔኤኮ ፔቴ'' ናዓሢ ሚጪንቱዋዖ ኑ ዛሎ''ሮ ዓኣሢ ዒንጌ ፆኦዛሢ ቢያ ባኣዚ'' ኑም ዒንጋንዳሢ ዔርቴያኬ። 33 ፆኦሲ ዶኦሬዞንሢ ዖኦኒያ «ዻቤያኬ» ጋዓኒ ዳንዳዓይ? ፂሎ'' ማሂ ዛጋሢ ዒዛኬ። 34 ዬያሮ ዔያቶይዳ «ዔያታ ዻቤያኬ» ጌይ ዎጋንዳሢ ዖናዳይ? ዬሱስ ኪሪስቶሴ ዔያቶይዳ ዎጋንዳ? ዒዚ ዔያቶይዳ ዎጊንዱዋሴ፤ ዓይጎሮ ጌዔቴ ዒዚ ኑ ጋይቴ ሓይቂ፥ ሓይቢፓ ዔቂ ፆኦሲኮ ሚዛቆ ዛላ'' ዴዒ ኑ ሺኢጲፆ ፆኦሲም ሺኢሻሢሮኬ። 35 ዓካሪ ኪሪስቶሴ ናሹሞይዳፓ ዓይጌ ኑና ዱማሳንዳይ? ሜቶታቴያ፥ ኮሺ'' ዑሣ ዓኣዼ ሜቶታቴያ፥ ዒፂ ዳውሲሢታቴያ፥ ናይዚታቴያ፥ ካሉሞታቴያ፥ ዎዻንዳ ባኣዚ''ታቴያ፥ ጬንቻ ዓፓሮና ዎዾያታቴያ ኑና ዱማሲንዱዋሴ። 36 ዬይያ፦«ኔ ጋይቴ ጌዒ ቢያ ኬሊ''ናሓይቢና ኑ ዖልታኔ፤ሹኪንታ ማራይጉዲ ኑ ማዔኔ»ጌይንቲ ፃኣፒንቴሢጉዲኬ። 37 ዓካሪ ኑና ናሽኬ፥ ኪሪስቶሴ ዛሎ''ና ዬንሢ ባኮንሢ ቢያ ባሺፆና ዎልቆሮንሢዳፓ ቢያ ኑ ባሻያኬ። 38 ዬያሮ ሓይቢ ማዔቴያ ናንጊ፥ ፆኦሲ ኪኢታንቾ ማዔቴያ ፑርታ ዓያና፥ ሓሢ ዓኣ ባኣዚ''ታቴያ ሓጊ ሙካንዳያ፥ ዓይጎ ዎልቄ ማዔቴያ፥ 39 ዼጉሞ ማዔቴ ሂርኩሞ፥ ዓይጎ ማዢንቲ ማዖም ኑ ጎዳሢ ዬሱስ ኪሪስቶሴ ዛሎ''ና ኑም ጴዼ ፆኦሲ ናሹሞይዳፓ ኑና ዱማሳኒ ዳንዳዓ ዓይጎ ባኣዚ''ያ ባኣሢ ጎኔና ኑ ዔራኔ።

Romans 8 (MNT)

In Other Versions