Romans 12 (SBITS)
1 ஹே ப்⁴ராதர ஈஸ்²வரஸ்ய க்ருʼபயாஹம்ʼ யுஷ்மாந் விநயே யூயம்ʼ ஸ்வம்ʼ ஸ்வம்ʼ ஸ²ரீரம்ʼ ஸஜீவம்ʼ பவித்ரம்ʼ க்³ராஹ்யம்ʼ ப³லிம் ஈஸ்²வரமுத்³தி³ஸ்²ய ஸமுத்ஸ்ருʼஜத, ஏஷா ஸேவா யுஷ்மாகம்ʼ யோக்³யா| 2 அபரம்ʼ யூயம்ʼ ஸாம்ʼஸாரிகா இவ மாசரத, கிந்து ஸ்வம்ʼ ஸ்வம்ʼ ஸ்வபா⁴வம்ʼ பராவர்த்ய நூதநாசாரிணோ ப⁴வத, தத ஈஸ்²வரஸ்ய நிதே³ஸ²: கீத்³ருʼக்³ உத்தமோ க்³ரஹணீய: ஸம்பூர்ணஸ்²சேதி யுஷ்மாபி⁴ரநுபா⁴விஷ்யதே| 3 கஸ்²சித³பி ஜநோ யோக்³யத்வாத³தி⁴கம்ʼ ஸ்வம்ʼ ந மந்யதாம்ʼ கிந்து ஈஸ்²வரோ யஸ்மை ப்ரத்யயஸ்ய யத்பரிமாணம் அத³தா³த் ஸ தத³நுஸாரதோ யோக்³யரூபம்ʼ ஸ்வம்ʼ மநுதாம், ஈஸ்²வராத்³ அநுக்³ரஹம்ʼ ப்ராப்த: ஸந் யுஷ்மாகம் ஏகைகம்ʼ ஜநம் இத்யாஜ்ஞாபயாமி| 4 யதோ யத்³வத³ஸ்மாகம் ஏகஸ்மிந் ஸ²ரீரே ப³ஹூந்யங்கா³நி ஸந்தி கிந்து ஸர்வ்வேஷாமங்கா³நாம்ʼ கார்ய்யம்ʼ ஸமாநம்ʼ நஹி; 5 தத்³வத³ஸ்மாகம்ʼ ப³ஹுத்வே(அ)பி ஸர்வ்வே வயம்ʼ க்²ரீஷ்டே ஏகஸ²ரீரா: பரஸ்பரம் அங்க³ப்ரத்யங்க³த்வேந ப⁴வாம:| 6 அஸ்மாத்³ ஈஸ்²வராநுக்³ரஹேண விஸே²ஷம்ʼ விஸே²ஷம்ʼ தா³நம் அஸ்மாஸு ப்ராப்தேஷு ஸத்ஸு கோபி யதி³ ப⁴விஷ்யத்³வாக்யம்ʼ வத³தி தர்ஹி ப்ரத்யயஸ்ய பரிமாணாநுஸாரத: ஸ தத்³ வத³து; 7 யத்³வா யதி³ கஸ்²சித் ஸேவநகாரீ ப⁴வதி தர்ஹி ஸ தத்ஸேவநம்ʼ கரோது; அத²வா யதி³ கஸ்²சித்³ அத்⁴யாபயிதா ப⁴வதி தர்ஹி ஸோ(அ)த்⁴யாபயது; 8 ததா² ய உபதே³ஷ்டா ப⁴வதி ஸ உபதி³ஸ²து யஸ்²ச தா³தா ஸ ஸரலதயா த³தா³து யஸ்த்வதி⁴பதி: ஸ யத்நேநாதி⁴பதித்வம்ʼ கரோது யஸ்²ச த³யாலு: ஸ ஹ்ருʼஷ்டமநஸா த³யதாம்| 9 அபரஞ்ச யுஷ்மாகம்ʼ ப்ரேம காபட்யவர்ஜிதம்ʼ ப⁴வது யத்³ அப⁴த்³ரம்ʼ தத்³ ருʼதீயத்⁴வம்ʼ யச்ச ப⁴த்³ரம்ʼ தஸ்மிந் அநுரஜ்யத்⁴வம்| 10 அபரம்ʼ ப்⁴ராத்ருʼத்வப்ரேம்நா பரஸ்பரம்ʼ ப்ரீயத்⁴வம்ʼ ஸமாத³ராத்³ ஏகோ(அ)பரஜநம்ʼ ஸ்²ரேஷ்ட²ம்ʼ ஜாநீத்⁴வம்| 11 ததா² கார்ய்யே நிராலஸ்யா மநஸி ச ஸோத்³யோகா³: ஸந்த: ப்ரபு⁴ம்ʼ ஸேவத்⁴வம்| 12 அபரம்ʼ ப்ரத்யாஸா²யாம் ஆநந்தி³தா து³:க²ஸமயே ச தை⁴ர்ய்யயுக்தா ப⁴வத; ப்ரார்த²நாயாம்ʼ ஸததம்ʼ ப்ரவர்த்தத்⁴வம்ʼ| 13 பவித்ராணாம்ʼ தீ³நதாம்ʼ தூ³ரீகுருத்⁴வம் அதிதி²ஸேவாயாம் அநுரஜ்யத்⁴வம்| 14 யே ஜநா யுஷ்மாந் தாட³யந்தி தாந் ஆஸி²ஷம்ʼ வத³த ஸா²பம் அத³த்த்வா த³த்³த்⁴வமாஸி²ஷம்| 15 யே ஜநா ஆநந்த³ந்தி தை: ஸார்த்³த⁴ம் ஆநந்த³த யே ச ருத³ந்தி தை: ஸஹ ருதி³த| 16 அபரஞ்ச யுஷ்மாகம்ʼ மநஸாம்ʼ பரஸ்பரம் ஏகோபா⁴வோ ப⁴வது; அபரம் உச்சபத³ம் அநாகாங்க்ஷ்ய நீசலோகை: ஸஹாபி மார்த³வம் ஆசரத; ஸ்வாந் ஜ்ஞாநிநோ ந மந்யத்⁴வம்ʼ| 17 பரஸ்மாத்³ அபகாரம்ʼ ப்ராப்யாபி பரம்ʼ நாபகுருத| ஸர்வ்வேஷாம்ʼ த்³ருʼஷ்டிதோ யத் கர்ம்மோத்தமம்ʼ ததே³வ குருத| 18 யதி³ ப⁴விதும்ʼ ஸ²க்யதே தர்ஹி யதா²ஸ²க்தி ஸர்வ்வலோகை: ஸஹ நிர்வ்விரோதே⁴ந காலம்ʼ யாபயத| 19 ஹே ப்ரியப³ந்த⁴வ:, கஸ்மைசித்³ அபகாரஸ்ய ஸமுசிதம்ʼ த³ண்ட³ம்ʼ ஸ்வயம்ʼ ந த³த்³த்⁴வம்ʼ, கிந்த்வீஸ்²வரீயக்ரோதா⁴ய ஸ்தா²நம்ʼ த³த்த யதோ லிகி²தமாஸ்தே பரமேஸ்²வர: கத²யதி, தா³நம்ʼ ப²லஸ்ய மத்கர்ம்ம ஸூசிதம்ʼ ப்ரத³தா³ம்யஹம்ʼ| 20 இதிகாரணாத்³ ரிபு ர்யதி³ க்ஷுதா⁴ர்த்தஸ்தே தர்ஹி தம்ʼ த்வம்ʼ ப்ரபோ⁴ஜய| ததா² யதி³ த்ருʼஷார்த்த: ஸ்யாத் தர்ஹி தம்ʼ பரிபாயய| தேந த்வம்ʼ மஸ்தகே தஸ்ய ஜ்வலத³க்³நிம்ʼ நிதா⁴ஸ்யஸி| 21 குக்ரியயா பராஜிதா ந ஸந்த உத்தமக்ரியயா குக்ரியாம்ʼ பராஜயத|