Hebrews 1 (SBITS4)

1 པུརཱ ཡ ཨཱིཤྭརོ བྷཝིཥྱདྭཱདིབྷིཿ པིཏྲྀལོཀེབྷྱོ ནཱནཱསམཡེ ནཱནཱཔྲཀཱརཾ ཀཐིཏཝཱན྄ 2 ས ཨེཏསྨིན྄ ཤེཥཀཱལེ ནིཛཔུཏྲེཎཱསྨབྷྱཾ ཀཐིཏཝཱན྄། ས ཏཾ པུཏྲཾ སཪྻྭཱདྷིཀཱརིཎཾ ཀྲྀཏཝཱན྄ ཏེནཻཝ ཙ སཪྻྭཛགནྟི སྲྀཥྚཝཱན྄། 3 ས པུཏྲསྟསྱ པྲབྷཱཝསྱ པྲཏིབིམྦསྟསྱ ཏཏྟྭསྱ མཱུརྟྟིཤྩཱསྟི སྭཱིཡཤཀྟིཝཱཀྱེན སཪྻྭཾ དྷཏྟེ ཙ སྭཔྲཱཎཻརསྨཱཀཾ པཱཔམཱརྫྫནཾ ཀྲྀཏྭཱ ཨཱུརྡྡྷྭསྠཱནེ མཧཱམཧིམྣོ དཀྵིཎཔཱརྴྭེ སམུཔཝིཥྚཝཱན྄། 4 དིཝྱདཱུཏགཎཱད྄ ཡཐཱ ས ཝིཤིཥྚནཱམྣོ ྅དྷིཀཱརཱི ཛཱཏསྟཐཱ ཏེབྷྱོ྅པི ཤྲེཥྛོ ཛཱཏཿ། 5 ཡཏོ དཱུཏཱནཱཾ མདྷྱེ ཀདཱཙིདཱིཤྭརེཎེདཾ ཀ ཨུཀྟཿ? ཡཐཱ, "མདཱིཡཏནཡོ ྅སི ཏྭམ྄ ཨདྱཻཝ ཛནིཏོ མཡཱ། " པུནཤྩ "ཨཧཾ ཏསྱ པིཏཱ བྷཝིཥྱཱམི ས ཙ མམ པུཏྲོ བྷཝིཥྱཏི། " 6 ཨཔརཾ ཛགཏི སྭཀཱིཡཱདྭིཏཱིཡཔུཏྲསྱ པུནརཱནཡནཀཱལེ ཏེནོཀྟཾ, ཡཐཱ, "ཨཱིཤྭརསྱ སཀལཻ རྡཱུཏཻརེཥ ཨེཝ པྲཎམྱཏཱཾ། " 7 དཱུཏཱན྄ ཨདྷི ཏེནེདམ྄ ཨུཀྟཾ, ཡཐཱ, "ས ཀརོཏི ནིཛཱན྄ དཱུཏཱན྄ གནྡྷཝཱཧསྭརཱུཔཀཱན྄། ཝཧྣིཤིཁཱསྭརཱུཔཱཾཤྩ ཀརོཏི ནིཛསེཝཀཱན྄༎ " 8 ཀིནྟུ པུཏྲམུདྡིཤྱ ཏེནོཀྟཾ, ཡཐཱ, "ཧེ ཨཱིཤྭར སདཱ སྠཱཡི ཏཝ སིཾཧཱསནཾ བྷཝེཏ྄། ཡཱཐཱརྠྱསྱ བྷཝེདྡཎྜོ རཱཛདཎྜསྟྭདཱིཡཀཿ། 9 པུཎྱེ པྲེམ ཀརོཥི ཏྭཾ ཀིཉྩཱདྷརྨྨམ྄ ཨྲྀཏཱིཡསེ། ཏསྨཱད྄ ཡ ཨཱིཤ ཨཱིཤསྟེ ས ཏེ མིཏྲགཎཱདཔི། ཨདྷིཀཱཧླཱདཏཻལེན སེཙནཾ ཀྲྀཏཝཱན྄ ཏཝ༎ " 10 པུནཤྩ, ཡཐཱ, "ཧེ པྲབྷོ པྲྀཐིཝཱིམཱུལམ྄ ཨཱདཽ སཾསྠཱཔིཏཾ ཏྭཡཱ། ཏཐཱ ཏྭདཱིཡཧསྟེན ཀྲྀཏཾ གགནམཎྜལཾ། 11 ཨིམེ ཝིནཾཀྵྱཏསྟྭནྟུ ནིཏྱམེཝཱཝཏིཥྛསེ། ཨིདནྟུ སཀལཾ ཝིཤྭཾ སཾཛརིཥྱཏི ཝསྟྲཝཏ྄། 12 སངྐོཙིཏཾ ཏྭཡཱ ཏཏྟུ ཝསྟྲཝཏ྄ པརིཝརྟྶྱཏེ། ཏྭནྟུ ནིཏྱཾ ས ཨེཝཱསཱི རྣིརནྟཱསྟཝ ཝཏྶརཱཿ༎ " 13 ཨཔརཾ དཱུཏཱནཱཾ མདྷྱེ ཀཿ ཀདཱཙིདཱིཤྭརེཎེདམུཀྟཿ? ཡཐཱ, "ཏཝཱརཱིན྄ པཱདཔཱིཋཾ ཏེ ཡཱཝནྣཧི ཀརོམྱཧཾ། མམ དཀྵིཎདིགྦྷཱགེ ཏཱཝཏ྄ ཏྭཾ སམུཔཱཝིཤ༎ " 14 ཡེ པརིཏྲཱཎསྱཱདྷིཀཱརིཎོ བྷཝིཥྱནྟི ཏེཥཱཾ པརིཙཪྻྱཱརྠཾ པྲེཥྱམཱཎཱཿ སེཝནཀཱརིཎ ཨཱཏྨཱནཿ ཀིཾ ཏེ སཪྻྭེ དཱུཏཱ ནཧི?

Hebrews 1 (SBITS4)

In Other Versions