Amos 9 (YAPE)

1 Gguy Somol nib sak’iy u to’oben fare altar. Me non ni ga’ar, “Mu pirdi’iy p’ebugul e pi duga’ ko Tempel nge rur e def riy ni ga’ngin. Mbuthug nge mul nga daken lolugen e girdi’ ni bay u tanggin. Ma tin bayi magey e girdi’ e bay gu li’rad u fithik’ e mael ngarm’ad. Dariy be’ nra thay; ma dariy ta’abe’ nra mil. 2 Ni mus ni fa’an yad ra ker kanawo’rad nga’ar ko fayleng ko yam’, ma gu ra kolrad. Mus ni yad ra mil nga tharmiy, ma gu ra girngiyrad nga but’. 3 Ma yad ra mith u daken p’ebugul e burey ni Karmel, ma gu ra gayrad nggu kolrad. Ma yad ra mith rog nga t’ay e regur, ma gu ra yog ko kokow nu maday nge k’adrad. 4 Ma fa’anra kolrad e pi to’ogor rorad, ma bay gog ngan thang e pogofan rorad. Kug turguy u wunug ni nggu thang owcharad, ma dab kug ayuwegrad.” 5 I SOMOL ni Th’abi Tolang ma Gubin ma Rayag Rok e math ko fayleng,me durru’;ma urngin e girdi’ ni yad ma par u rom e yad ra yor.Ma fayleng ni polo’ e ra i puw ngalang me mul nga but’ ni bod e lul’ ni Nile. 6 I SOMOL e toy tafen u lan e pi tharmiy,me pulpuluy lane lang nga daken e fayleng.I pining e ran nifan ko regurme pu’og nga daken e fayleng.I SOMOL fithingan! 7 I SOMOL e be ga’ar, “Gimed piyu Israel e ta’reb rogomed piyu Ethiopia u wun’ug. I gag e gu fek e piyu Filistia u Crete ngaray, ma piyu Syria e gu fekrad u Kir ngaray, ni bod rogon ni gu fekmed u Egypt ngaray. 8 I gag SOMOL ni Th’abi Tolang e ku gup’ owcheg ngak girdi’en e nam nu Israel ni yad be denen, bay gu thirifrad u daken e fayleng. Machane dab gu thirif urngin e pi’in owchen Jakob. 9 “Bay gu non me rur e girdi’ nu Israel ni bod e grain ni yima rurug u lan ban’en ni bay mugut’fen. Bay gu rurugrad u fithik’ e pi nam nge chuw urngin e pi’in dariy ban’en ni yad bfel’ ngay. 10 Ma pi tadenen ni bay u fithik’ e tirog e girdi’ e bay nli’rad u fithik’ e mael ngarm’ad, ni urngin e pi’in ni be lungrad, ‘I Got e dabi pag e riya’ nge chugur nga to’obdad.’” 11 Be ga’ar SOMOL, “Girdi’en e tabinaw rok David ni yad be par ni bod ba naun nike puth e bay gu fulwegrad nga rogorad e rofen nem. Bay gu fal’eg rogon e rungrung riy, mu gu fulweg nga rogon. Bay gu toy bayay nge yan i par ni bod kakrom. 12 Ma aram e bayi fek piyu Israel e gini magey ko nam nu Edom nge urngin e pi nam ni immoy ba ngiyal’ ni gag e bmil suwon ngog.” Ara’ rogon ni be yog SOMOL, ni ir e bayi gagiyegnag nge yodorom. 13 Be ga’ar SOMOL, “Bay reb e rran ni bay taw ngayni bayi ilal e grain nib papey boch nga payngin ni yi be t’ar wom’ngin,ma grape e ra tugul nib papey boch nga payngin ni yibe ngongliy e wayin riy.Pi burey e bay i lul’ e wayin ni bfel’ lamen riy,me tharey e yochi burey. 14 Bay gu fulweg e girdi’ rog ko nam rorad.Ma bay ra ngongliyed rogon lan e pi binaw rorad ni kan kirebnag miyad par riy;bay ra yunged yungi milay’ ni grape ngu’ur unumed e wayin riy;bay ra yunged yung i woldug ngu’ur ked wom’ngin e tin yad be yung. 15 Bay gu yung e girdi’ rog nga daken e re nam ni kug pi’ ngorad,ma dab kun pugrad ngalang bayay.”I SOMOL ni Got romed e keyog e pi thin ney.

Amos 9 (YAPE)

In Other Versions