Joel 3 (YAPE)
1 Be ga’ar SOMOL,“Re ngiyal’ i n’em e bay gu fulwege fla’ab rok yu Judah nge yu Israel nga rogon. 2 Ma bay gu kunuy urngin e nam,nggu fekrad ko Loway ko Pufthin.Nu rom e bay gu pufthin nagrad riyni bochan urngin e tin kar rin’ed ko girdi’ rog.Kar wereged piyu Israel u lan e pi nam i yanma kar th’eth’abed kar f’oethed yu Israel, ni gag e nam rog. 3 Ra girengiyed e pow riy ni ir e nge duwgiliyko mini’ rorad e nge fek e pi’in kan kolrad.Kar pi’ed nchuway’ e pagel nge rugod ni ngar manged sibni fan e ngar chuw’iyed e wayin nge ppin ni yad ma falchuway’ ngorad. 4 “Gimed yu Tyre, nge yu Sidon, nge yu Filistia ni ga’ngin, mang e gimed be guy rogon ni ngam rin’ed ngog? Mogned, gimed be guy rogon ni ngam fulweged taban ban’en ngog? Fa’anra er rogon ni gimed be leamnag, ma bay gu fulweg taban ngomed ni papey! 5 Kam feked e silber nge gol rog nge tirog ban’en nib tolang puluwon kam marod mu ted ngalan fapi tempel romed. 6 Kam feked e girdi’ nu Judah ngu Jerusalem nga orel ko nam rorad kam pi’ed yad nchuway’ ngak piyu Greece. 7 Bay gu chuwegrad e chiney ko yungi n’en ni kam pi’ed yad ngay nchuway’. Bay gu rin’ ngomed e tin ni kam rin’ed ngorad. 8 Bay gu pag pifakmed ni pagel nge ppin nga ni pi’rad nchuway’ ngak piyu Judah. Piyu Judah e bay ra pi’ed nchuway’ ngak fapi girdi’ ni kanog e Sabean ngorad, ni yad mmal’af nga orel. I gag SOMOL e kugog e pi thin ney. 9 “Mogned e pi thin ni ba’aray ngak e pi nam ni nge lungumed:‘Mfal’eged rogomed ko mael,mu pininged e pi’in ni falu’ ko mael,mu kunuyed urngin e salthaw ngam marod! 10 Mu pirdi’iyed e kuwa romed ngam ngongliyed ni saydon,nge yar ni gimed ma th’ab pa’ngin e gek’iy ngaynge mang sarey.Mus ko pi’in me’waer ma dabisiy ni nge un ko cham. 11 Mu gurgad ngambad,gimed urngin e pi nam ni gimed ba chugur,mu’ulung gad ngalan fare loway.’” SOMOL, mu fek i yib fare raba’ i salthaw rom nib gel! 12 “Pi nam e thingar ra fal’eged rogoradngarbad ngalan e Loway ko Pufthin.I Gag SOMOL e bay gu par u rom nggu pufthinnaggubin e pi nam nib liyeg yu Israel. 13 Ri yad ba kireb;mu th’abedrad nga but’ ni bod e grainko ngiyal’ nike el ni ngan th’ab;mu pirdi’iyed yad ni bod rogon e grapeni yima pirdi’iy ko gin yima udiy e graperiy kan uduy ke map’ e wayin riy nga but’.” 14 Bokum e biyu’ e biyu’e bay u lan fare Loway ko Pufthin.Ireram e re gin’en ndabki n’uw nap’anme taw fare rran rok SOMOL ngay. 15 Bayi lumor e yal’ nge pul,ma dabki mat ra’en e t’uf. 16 SOMOL e bayi tolul u daken e Burey ni Zion;bay yan lungun u Jerusalem ni bod lingan e dirra’;me rur e but’ nge lanelang.Machane bayi n’uf SOMOL e girdi’ rok. 17 “Gimed piyu Israel, e aram e bay mu nanged ni Gag e SOMOL ni Got romed.Gu be par u Zion, u daken e burey rog nib thothup.Jerusalem e bayi par nib binaw nib thothup;ma girdi’ nu bang e dabkiyag ni ngar koled yu Jerusalem bayay. 18 Yungi milay’ ni grapes e bayi peth u daken e pi burey e re ngiyal’ i n’em;ma gubin yang e flang ni bay ni pir’eg e garbaw riy;ma re ngiyal’ i n’em e bay e ran ni pire’ nra gaman yu Judah riy ni polo’.Ra yib ba lul’ u Tempel rok SOMOL,nge taren nag e Loway ni Akacia. 19 “Bayi par yu Egypt ni bod bangi ted ni desert,ma yu Edom e ke kireb ndakuriy ban’en ni bfel’ ngay,ni bochan e rchamgad ko nam nu Judahngar li’ed e girdi’ riy, ni dariy ban’en ni kar bucheged. 20 20-21 Bay gu falbeyen e pi’in kan thang e pogofan rorad;dabiyag ni gu pag e pi’in kireb e rok ndab gu gechig nagrad.Ma yu Judah nge yu Jerusalem e bay i par e girdi’ riy ndariy n’umngin nap’an,me Gag fare SOMOL e bay gu par u daken e Burey ni Zion.”